عائله

[SIك
هذه العائله تقريبا متشكلون الى احزاب الاول والاقوى يتكون من 3الاخوات الكبري(نوره حصه نوير) وتنظم اليهم الام فى غالب الاحيان وحزب الاخ الاكبر (بندر) وحزب الذى يتزعم الصمت وفى اغلب احيانه صامت حتى الضحك لم اذكر انى سمعته يضحك ابتسامه فقط فوزى. الاخرين تقريبا متقاربين فى اغلب الاحيان (فاطمه تفاؤل خوله وريم فيصل احمد محمد) احمد ومحمد توؤم هذه العائله لايمكن ان يساعدك احد كان يضعو على احد البنات ان يطبخوا لايمكن ان احد يطبخ حتى ولو ماتوا جوعا، لا وسوف تحصل على كلمات جارحه من الاخوات الثلاث ويحملونها الذنب حتى لو المسكينه مريضه ربما تنزل الرحمه (رحمه العائله لبعض) فى بعض الاوقات لاكن عليك ان تعلم ان هذا نادر
والاشيا التىلاتطلب والا يمكن ان احد يتدخل يتدخلون وبدون اذن كان تتخذ قرار شخصى فهنا على الجميع ان يشاركوك الراى ان لم يتخذوه عنك وبدون علمك كان تخطب واحده من البنات المسالمات فهنا الام تشاور الاخوات الثلاثه وتاخذ الموافقه منهن وترد على اهل العريس دون ان تدري العروس
اما الام فانها تكن للاخوات الثلاث الاحترام والتقدير فى كل شئ والخوف بعض الاحيان السبب انهن متزوجات اما بندر فهذا لايجب ان ترد له كلمه حتى ولو على غلط ،عليك ان توافق وبس.
اما علامه الصمت فوزى فاذا سافر للدوام لاتنتظره الا بعد ثلاث اشهر او اكثر فهو لايحرك ساكنا فى المنزل الا اذا طلب احد منه فهو مطيع
اما البقيه فهم لاناقه ولا جمل لهم فالام تسمعهم يوميا انواع الشتائم وانواع الدعوات ك(الله لايكثر جنسكم )واى شى تراه معك الدعوه الشهيره(جعله للخراب)وبعد كم يوم بعض الاشياء تجدها قد تلفت وحينها تقول لك انتو يصلح عندكم شئ انتم مالكم صيفه الناس (مثل الناس) ويرد عليها محمد انتى يمه دعيتى عليه وترد تقول بلاكم رفعتوا ضغطى .
وحينما تطبخ تفاؤل العشاء تأتى وتقول :كان عندك بلعه اعطيناها بنرقد، طبعا تفاؤل لاتحب هذه الجمله لانها ترفع ضغطها لااعرف بالضبط كيف تشعر لاكن اضن كل من يقراها يجدها جمله منرفزه .
نأتى الان عند الاخوات الثلاثه كل مابينهن اسرار اذا رايتهن يتكلمن مع بعض حتى لو فى مكان عام لاتحاول ان تاتى لتشاركهن الحديث لان بمجرد اقبالك عليهن سوف يخيم الصمت سريعا عليهن . اما نوره فهى تسكن فى منزل مستقل تأتى لمنزل الوالده فترات وكل ماتأتى تجد انواع الفلسفه ترا هذا مضر لا هذا يحذرون منه والمره الجايه اللى حذرتنا منه فى المره السابقه تنصح فيه اليوم، ترا هذا زين ترد عليها الام تقول: اجل مايحذرون منه ترد من يقوله خرطى وزيارتها تذهب كلها نصايح والام حتما سستأمر بتطبيقها والضحيه المسالمون ثم تاتى حصه ،حصه من يرها طيوبه حبوبه بس شغلها بالخش تأتى للام حينما لايوجد احد عندها وتبدا ليش ماتهاوشين خوله وريم ينظفون البيت وتفأول امس عشاها الله يديم النعمه وفاطمه طول وقتا على الكمبيوتر والبيت وسخ (البيت كان نظيف بس اول ماشرفت هى اطفالها انقلب لحوسه)' واول مايمر احد تقلب الموضوع والاكن شي صار .
نجي الان لنوير نوير الله يسلمكم انسانه كل شئ تقوله تعرفه اى شئ تسألها عنه تجد الاجابه وتلقط الشئ وهو طاير وتفسره على مزاجها بعد نفس حصه تحرض امها على خواتها .
اذا جيت تمنعهن من شئ بالمنزل كان تغير مكان شئ وووو.... تقولك بيت امى اسوى الابغا اذا اطفالهن عفسوا البيت فوق تحت تجى تقول البيت وسخ تقول نظفيه تقول وش دخلنى انظفه خفى علينا قبل شوى تقولين بيت امى .
المجموعه المسالمه فاطمه طول الوقت على النت مع الاشغال البسيطه بعض الاحيان اشك ان عندها انفصام بالشخصيه تجى وتهاوش وتسب ومرتفع ضغطها من الاخوات الثلاث فجأه تلقاها معهن ولا اروع.
تفاؤل طول الوقت تخلط خلطات للبشره ولايفيد شئ فيها .
اما التوؤم خوله وريم طول الوقت اليوتوب والتلفزيون .
اما الاولاد فكل واحد فى حاله يدرسون الله يعينهم .
تجي حصه تقول لها تفاؤل ترى الحليب مع ما الورد حلو للبشره يخلى بشرتك مثل الفنانات وتترك كل شئ وتركز على الفنانات من زين بشراتهم .
نوير من متابعين كره القدم تنادى فيصل اليوم مبارات النصر والحزم بدت تعال تابعها .
وعندما تجتمع العائله تجد المجلس سكون الا من بعض الاصوات اذا سمح لها تجد محمد واحمد يتكلمون ترتفع اصواتهم شوي الكل عيونه يمهم وطبعا ترميهم الام ببعض الكلمات ماتحترمون الاكبر منكم (من قل لكم ان الكلام بحضره الكبار قلت احترام) المسموح له بالكلام بندر نوره حصه نوير البقيه حتى لوتكلمت تتمنى انك لم تتكلم لان مافيه احد بيسمعك بترفع نوير صوتاها والا بتقطع كلامك يمه اصبلك قهوه ولا الجميع يكذب الذى قلت .
اما كل مايحصل فى البيت انكسرت زجاجه خرب شئ مهم فى البيت فالتهم موجهه بلا تردد لفاطمه تفاؤل خوله ريم السبب الوحيد لانهن ماهن متزوجات.

هذه حال بعض العوائل فقد سمعت من صديقاتى ماهو اكثر من ذالك اتمنى ان تعجبكم
قولولى رايكم فهو يهمنى
E="7"][SIZE="6"][/SIZE][/SIZE]