عرسي بداية السنة الجديدة :(

مـشتاقة لـيك;16251298:
أهلين بنوتات

عرسي بداية السنة

وأحس أني محتارة حدي :-#

و أحس مهما تكلمت تبقى سوالف حريم خطيبي ما يفهمها

أنا عندي وايد تساؤلات ياريت تفيدووني فيها وتعتبروني اختكم الصغيرة:o

أول سؤال أنا ابي ألبس ذهب وشريت لي طقم وكل شي بعدها الماما قالت لي

ما تلبس العروس ذهب بالعرس تلبس فضة جاني أكتئاب مزمن خصوصا ان مو رخيص

غالي:'( فأحين محتارة شـلون لازم يكون الفستان لونه حق يتناسب مع الطقم

شوفي حبيبتي دام انج شريتي طقم ذهب وغالي حرام تخلينه وما تلبسينه اذا فستانج اوف وايت عادي يناسب
ثاني سؤال لبنوتات البحرين مين تعرف اللي تسوي كب كيك صغار ويكتبون عليهم أسماء

المعرس و العروس و بجـم؟!

في وايد محلات وفي ناس تشتغل في بيوتها وكل اشغالهم حلوة وكلوة ماقصرت بترسل لج الملف تفرفري في اعمالهم وشوفي اللي يناسبج
ثالث سـؤال أبي اسوي حفلة عرس صغيرة لاني خاطري يجلوووني فيها بس ابي اقلل التكاليف
قد ما اقدر فمحتارة شلون العرس يكون و أحس أفكار ما عندي :| واللي مجربين مسوين
حفلة عرس صغيرة يفيدوني بالأفكار اللي هم سوها ومنكم نستفيد
شوفي حبيبتي من وجهه نظري ما احب اللي يلبسون ابيض ويجلونهم في نفس اليوم سوي يا عرس يا جلوة او انج تلبسين شئ للجلوة وبعدين تلبسين الابيض ولو اني ما ايد هالشئ تعب عالعروس بس احلى من تتجلين بالابيض وانت تبين تكاليف اقل سوي بس جلوة ولبسي شعبي حلو وحطي مسرح شعبي والاكل بعد يكون شعبي طبعا وايد التكاليف بتقل

و أحس صايدني رعب شوي من فكرة اني بروح في مكان بروحي مع زوجي وانا اللي بهتم فيه
رغم ان ديرته مو بعيدة عن ديرتي يعني حتى كل يوم أقدر اجي بيت ابوي وهو ما بيمنعني بس ما ادري مجرد التفكير فيها تلخطبني

هالشئ كلنا مرينا فيه بس صدقيني بتتعودين وبعدين ما بترتاحين الا في مكانج مع ريلج واي استفسار دشي تجهيزات بنات البحرين راح نساعدج فيه وايد وان شاء الله ساعدتج

بأنتظار ردودكم بنوتات

abeek o ma2behum;16251608:
شنو العروس ما تلبس ذهب
اصلا العروس حلاتها بالذهب
بالنسبه للجلوة صالات وايد خيريه وحتى فالبيت تقدرين اتسوينها
بمجرد انج تغطين جزء بسيط باللون الاخضر او اي لون ثاني
تقدرين تجوفين مسارح الجلوة وتسوين مثلهم باقل الاسعار
يعني منظره وطاوله وكرسي من مافي في بيتهم عالاشياء

والعرس تقدرين تسوينه في وحده من صالات مرمريز المرجان او حتى الصالات الي في الشاخورة وربعها
ماعرف اسامي المناطق اهم شي تكون شامله كلشي واذا تبين اقل التكاليف عندج مرمريز شامله الكيك والتصوير والديجي والاكل

بالنسبه لبيتكم و السكن مع زوجج مردج بتسكنين وبتتعودين على بيت ريلج
اصلا انا الحين لمن ابات في بيت امي بسرعه ابي ارد بيت ريلي

بخصوص الكبكيك في ١٠٠ الف محل في البحرين وغيره البنات الي يسوون في البيت
عندج
جست كبكيك
سو سويت
بسكوتو
وواااااااااااايد محلات