التجمع الاول لحوامل مايو 2013

انزين انا بسولف لكم عن نفسي لين ما انتوا تدشون وتسولفون


انا الله يسلمكم متزوجة من سنتين وما كنت ابي احمل من البداية واول سنة كنت استخدم مانع

قبل جم شهر كنت أحاول بس مو مركزة >>> حلوة ذي :lol:

وسبحان الله ، ما يسوي الشي الا فيه خير لنا يعني في هالفترة وايد تعدلت أمور وتحسنت وكل مااتذكر اقول احسن وقت حملت فيه الحين

وعن شلون عرفت كنت رايحة المستشفى لانه بطني يألمني الم ماله علاقة بالحمل الظاهر من القولون شي جذي ، وكان الدكتور بيعطيني إبرة وسألني انتي حامل ، قلت لا إراديا ما اعرف قالي متى موعد دورتج قلتله امس بس عادي تأخر يوم او يومين

قال الافضل نسوي فحص دم لانه الإبرة ما تصلح لحوامل

وسووا لي تست وطلعت النتيجة عقب ساعة ، ويات الممرضة تقولي وين زوجج قلت لها راح السيارة وبيرد

عاد انا قلبي في بطني وهي ساكتة سألتها شنو النتيجة ، تقول اول خله ايي زوجج حزتها انا استخفييييييت قلت جان مو طلع فيني شي غير وما تبي تقول :|:confused:


يه زوجي والدكتور والممرضة مرة وحدة وقالت الممرضة حق زوجي









كونغراجولايشن يور وايف إز بريغنانت >> كانت فلبيبنية :lol:


وجان اتدوده انا وريلي وحضني بقوة وقالي مبرووووك :o:o 


وبس يالله الحين دوركم كل وحدة تقول

صاحبه الظل
انا اقول ولد

هلووووو بنااااات
حبيت اسلم عليكم و اقول لكم مبروووك الحمل.. و انا احب تجمعكم لان انا ولادتي في بنتي كانت في مااايووو و انا بعد مواليد مايووو ..
يعني هذا شهري المميز .. و كنت مخططه احمل و اولد في مايوو بس الحمدلله الله كتب لي و حملت قبلها و بتكون ولادتي ان شاءالله في 20 ابريل
و اذا تاخرت الولادة مثل ولادتي الاولى بولد في مايو ههههه بس ماريد اتاخر اوووف

ترى انا داشه عرض و اسولف .. بس حبيت ابارك لكم و ان شاءالله حمال سهل و و لاده سهله و اطفال سالمين معافين

نونو عاد سلمي علي والله بس تدخلين عرض ههههههه


صاحبة بنت


مخمليات باجر اقول قصص حملي وولاداتي ليش بس احين مالي خلق اكتب واجد ههههههههههههههه

ثلووج عشان جذي اختصرتها وقلت قصتي اليوم :lol:

لانه ما يندرى باجر اقعد على طول ترجيع او دورة او لوعة ، الله يعينا ويخفف علينا يارب

ههههههههه صدق اللـَّـہ يساعدش

يالله جينا نحكي قصص ماقبل النوم بس اول شي عيدكم مبارك مقدما

احين كان سا ماكان في قديم الزمان في سالف العصر والاوان

أنَـــƠ̴̴̴͡ـ̮Ơ̴̴͡ـــي م̷ـــِْט اول ماتزوجت تمنيت احمل بس اللـَّـہ ما اراد الا بعد سنه كامله كنت مسافرة وطول ما انا بالسفر اقول بروح اشتري تحليل وارجع مكاني لين رجعنا واحنا راجعين الكل كان يقول لي لا تعصي عبطنش مو زين للحامل اقول لهم مو حامل وكان الم بالظهر وزكام وصخونه

يوم ثاني عرفنا أنَـــƠ̴̴̴͡ـ̮Ơ̴̴͡ـــي حامل وكان فرحه يومين كنت رادة م̷ـــِْט بيت العودة اجوف ينزل علي اوصاخ رحت قالوا عادي وكان م̷ـــِْט عرفنا حامل اسهال حاد عندي يوم ثاني نزل دم ورحت مع تحت زوجي واتصلت له قلت له انا بهالمكان واختي وامي جوني والالم يزيد

لين ما دخلت قالت لازم تشربين كمية ماي عشان يبين الجنين لانش للحين ٥ اسابيع وشربت وفي الاخير تقولي مايبين لازم تحت وكشفت م̷ـــِْט طريق المهبل الت الجنين والكيس موجودين بس ارتاحي

رحت ببيت ابوي ونمت طول ما انا ناييمة احس ماي ينزل ماقعدت الا الم فضيع وداني ابوي قالوا طاح وراح الحلم


م̷ـــِْט عرفت لين راح ٤ ايام قالوا لي لو عاش معاق الله اخد ونموه متوقف
وعقب ٥ ايام
هاي كان اول رمضان راح بعد ٤ اشهر تقريبا بدايه محرم خملت بعلاوي باجر اقوب قصة حملي بعلاوي

عيدكم مبارك بنات


ويا الله واصلوا قصصكم��

صحوبة يا الله خبرينا شنو طلع جنس البيبي صادني فضول

كل عام وانتو بخير


اما يا ثلوج قصصنا كانها مسلسلات كل واحد عنده قصة غريبة

الحمدلله على كل حال ، ننتظر تكملة القصة :D

كل عام وانتو بخير وعيدكم مبارك

جنس البيبي طلع " صبي "

الف مبروووك صحوبة الله يتمم لج حبيبتي وان شاء الله يصير صديق يوسف ويربون مع بعض آميييين

صاحبة الظل الخفي;16310779:
جنس البيبي طلع " صبي "

الف مبروك خيووو

وعقبال ما تشوفينه بحظنش


خلي لينا صورة التست نشوفها

صحوبه مبروك يارب يطلع اول شي صدق ويتمم حملش ويصيرون ربع


وين وصلت في القصة مادكر ههههه

اي يوم احمل بعلاوي وصلنا

كان يا مكان في قديم الزمان في سالف العصر والاوان

عقب 4 اشهر تقريبا حملت بعلاوي ودريت أنَـــƠ̴̴̴͡ـ̮Ơ̴̴͡ـــي حامل في نص شهر صفر فكان اول يوم يعتبرون الحمل باول يوم الدورة 7/12/2010 وكان يوم الا توفت جيرانه وصديقة امي واعتبرها خالتي الا كانت تتمنئ تجوف ولدي او بنتي وراحت عند ربها عقب معاناة تقريبا 3 سنوات وي المرض اللـَّـہ لا يبليكم سرطان الثدي اللـَّـہ يرحمها


فيوم عرفت أنَـــƠ̴̴̴͡ـ̮Ơ̴̴͡ـــي حامل كنت شاكة وكان الم اسنان قوي عندي ماقدر اسوي ولا شي رحت مستشفئ الشفاء وقالت الدكتورة لازم اشعه فكنت اطالع الباب مكتوب لين حامل او تشكين ما يصير يسون اشعه فقمنا سوينا تحليل وادكر ايد الا سحبت الدم خفيفه عدل عقب نص ساعه طلعت النتيجه حامل والحمد لله ورحنا للدكتورة وقالت لي مبروك مستانسه كان هي الحامل ههههه المصرية وقاالت ماقدر اسوي لش اي شي بس عطتني حبوب وقالت في الشهور الوسطيه اقدر اعالجش الرابع والامس والسادس وكنت اتالم عدل وزوجي سافر العراق وداومنا بالجامعه عقب فترة وضليت نص كورس انسحبت وضليت في البيت وبتاريخ 1/6/2011 رحت المركز لان كنت تقريبا اسبوع ما احس لحركة الجنين يسون لي التراساوند طبيعي وحركته طبيعيه قالوا لي طبيعي بس لين انتين ماتجسين روحي طوارئ السلمانيه بس هو طبيعي رحت بس مادخلت والعصر تجود زوجي وضل شهر ونص وبتاريخ 14/7 طلع بالسلامة والمفروض كان اترقد بس قلت يحولوني علئ مستشفئ جدحفص ومستشفئ جدحفص قالوا ماتحتاجين ترقيد ومشيت واخر موعد كان بالاسبوع 37 في رمضان قبل العيد بجم يوم طلعت والدكتور تقول لي لين ماخفت الالتهابات بتولدين قبل موعدش قلت لها يارب وطلعت وهي تضحك علي وقلت ليها مابي اولد بجدحفص ماحبه

وليلة العيد حسيت الم خفيف نغزات مرة الصبح ةمرة في الليل وحدة م̷ـــِْט صديقاتي تقول شكلش بتغلبينا وبتولدين كنا تجمع سبتمبر 2011 الا اقول لها وينش وين كلكم بتولدون واني بعدي
ويوم ثاني م̷ـــِْט الصبح كنت اتالم وسبحان اللـَّـہ كان احد يقول لي جوفي بين كل الم والثاني جم دقيقه وطبعا هدا كان يوم عيد الفطر

وكانت كل خمس دقايق اتالم لوقت ادان الظهر اقول لي زوجي بتصل لاختش. مو راضيه اقول ليه بيطنزون علي بقولون اتدلع ويوم وصلت اختي كان ماعدنا لان سيارة
رحنا المستشفئ الا تفحصني وتدبحني الم واصرخ صرخه تهز المستشفئ وكنت طبعا في جدحفص رحت لان اقرب مكان لي فقالت توش نص سانتي روحي تمشي وقالت كلمة استحي اقولها هههه المهم مشيت واني اسبها علئ. الالم وزوجي راح بيتهم واني وي اختي وزوجها بيت ابوي وكان الالم يزيد اضعاف فكان يوم حافل مرت اخوي تعطيني ادعيه اقولهم واختي خايفه وامي مني ومني واخواني مايحتاج عير القران ويورة مريم مشغلين تحت راسي واني مو فادرة اقعد ولا انسدح ولا امشي بس رايحه م̷ـــِْט حجرة لحجرة و ولد اخوي صغير كان ما يتكلم لان مايسمع قبل لا يسونه العملية يطالع رسوم وياشر علي قعدي صوبي طالعي وانسدحي وعلئ كثر الالم اضحك م̷ـــِْט حنانته حبيب عمته فامي سوت لي اشياء واجد وانا اتالم واصرخ اتالم واصرخ للساعه لوقت ادان المغرب كان ناس مافذروا المص عندهم عيد ونص لا فبيتما يصومون بس أنَـــƠ̴̴̴͡ـ̮Ơ̴̴͡ـــي افطار وعيد فامي تسوي الفطور لو تقابلني فمرت اخوي تقول ليهم ودوها اكيد توسعت ويوم وداني اخوي يتصلون لزوجي جدحفص لو السلمانيه وهم يبون يودوني جدحفص وكثر الالم الا فيني اقول في خاطري ما ابي جدحفص ههههه ورحنا جدحفص مباشرة دخلوني الولادة فكنت 6 سانتي واصارخ م̷ـــِْט الالم شلت المستشفئ فوق راسي وكان بنفس الوقت هناك وحدة م̷ـــِْט تجمعنا تولد فكنت بالدقيقه لان الحجرة الا أنَـــƠ̴̴̴͡ـ̮Ơ̴̴͡ـــي فيها قبال الكونتر اسمع يقولون فلانة ولدت ودي ولدت ةاني اتالم عطوني ابر تخدرني لا اصارخ قطعت ليهم ورقة التخطيط ههههه ودخت اقول ليها ماقدر أنَـــƠ̴̴̴͡ـ̮Ơ̴̴͡ـــي دايخه بموت لحقي علي ونمت دقايق الا احس شي بيطلع اقولليهم بولد الت كان جيس الماي ينبط او ينفجر وكنت 8 سانتي تقريبا ويوم وصلت 10 سانتي خلاص بولد كنت اعصر بس بسبب الحمل صادني بواسير فكان الكل هنود الا يولدوني بس جت بحرينيه تضربني عفخدي عصري اقول ليها اعصر تقول عصري قهرتني والساعه 9:23 دقيقه طلع اميري الصغير ونور حياتي سيده اقول لهم بيبي اوك وقامت تخيطني واقول لها يالم كنت احس بشده الخيط واني اكلمها تخدرت ونمت واوتعيت يوم يطلعوني لاهلي بس ماقدر اركز عدل ادكر قلت ابي ماي وشربت ونمت وبعدين اوتعيت تقول لي قومي الحمام حق يروح جناح
ويس وقفت كنت شكله صادني تزيف وتعبت ودمي نقص واجد بس بعدين دخلت وياي وركبوني عقب الجناح علئ الساعه 1 تقريبا وكنت ميته جوع وابي اغراضي وتلفوني واكل واول ما جهزوني للجناح خلو صوبي علاوي طالعته حسيت بشعور غريب واجوفه وجهه وجه ابوه استانست كنت اتمنئ يشبه ابوه والحمد لله
وتوتة توتة توته خلصت الحدوته


الحلقه القادمة معاناتي في التربيه والمستشفئ لو تمللوون ههههه

اهات انتين بعد قولي قصص

ثلوج شكله ولدج يستانس على سردج للقصص ، يبين انج ام :D


الله يحفظه لج وتيبين احلى اخو او اخت

واصلي قصصج على الاقل نستمتع ونونس بعض

على طاري جنس الجنين ، اخت ريلي تقولي انه عيادة حسن حاجي اللي في محرق عندهم تحليل دم للي اكثر من ٦ اسابيع ، يبين جنس البيبي

صار خاطري اجرب بس مترددة

ههههههههه


الله يعينش خيوووو



وتكون ولادتش هذي المرة اسهل يارب وتجيبين احلى بنوتة أو كتكوت لعلاوي


وراح اقول لكم قصتي بعلاوي ان شاء الله



مخمليات ما باقي شي عليكم ان شاء الله وراح يبين الجنس عن طريق السونار احس يكون أحلى وأضمن

بالنسبة حق قصة حملي وولادتي


اني تزوجت في شهر شعبان وكان باقي على شهر رمضان 12 يوم تقريبا


نزلت اول دورة علي بعد الزواج باسبوع يعني ابتدى شهر رمضان والدورة فيني واول ما نزلت عليي الدورة وعرفت امي تقول نزلت عليش؟؟؟ :lol:كانت تبيني احمل بسرعة لأني وحيدتها وخايفة


وردت نزلت علي الدورة الثانية نهاية شهر رمضان ونفس ردة الفعل عند امي لما نزلت علي الدورة حتى زوجي يقول اذا عمتي بتحن جدي ما راح اوديش حقها الا لما تحملين:|



ونزلت الدورة الثالثة ونفس ردة الفعل طبعا من الوالدة:-#


اني دورتي من النوع اللي ما تتأخر علي وتقدمني تقريبا 3 الى 4 ايام


في موعد الدورة الرابعة لما اقترب موعد الدورة يعني بكرة يكون نفس الموعد اللي نزلت فيه ذاك الشهر كنت قاعدة في بيت عمي تحت اني وزوجي وزوجة عمي لما قامت زوجة عمي قلت حق زوجي ليش ما اخذ جهاز تحليل الحمل لان دورتي ما تتاخر وبكرة نفس التاريخ اللي نزلت فيه ذاك الشهر بدل ما احاتي اذا طلعت حامل الحمد لله واذا لا اعرف روحي مو حامل قال لي على كيفش تبين ناخذ بناخذ


وبرزت روحي حق نطلع وكان الوقت متاخر تقريبا 11 في الليل او اكثر في السيارة قال لي زوجي اتصلي في اختش ( اختي فرداني ) ساليها عن اجهزة التحليل باعتبار انها مجربة من قبلي واني جربت من قبل في فترة الخطوبة ولا عرفت استخدم الجهاز


فسالتني اختي يعني انتين متأخرة عليش؟ قلت ليها بكرة نفس التاريخ للي نزلت فيه ذاك الشهر وهي ما تاخرني

الا تقول اختي بس عادي تتاخر كم يوم يعني حتى لو خذيتين جهاز لا تعطين روحش امل واجد لانه عادي تكون متاخرة وتكونين مو حامل فلا تنصدمين قلت ليها لا عادي اني مو حاطة الشي في بالي بس ابي اتاكد


وقالت لي عن جهاز على شكل قلم اخذي ما فهمت قصدها عدل بس زوجي راح رويان ما حصل عقب راح صيدلية ثانية نفس الشي قلت ليه اخذ جهاز وبس اي شي


لما رجعت البيت دخلت تكرمون الحمام اسوي التحليل وطلع لي بس خط واحد الا يقول زوجي ( لو فيها حليب حلبت)^o) عقب قام يبين خط ثاني بس لونه باهت كلش قلت ليه جوف جنه هذا الخط ما كان موجود يقول ما ادري سالي زوجة اخويي احسن يمكن تعرف



اتصلت في زوجة حميي وكانت قاعدة كان وقتها الساعة 1 تقريبا


شافته تقول لي ما ادري اللي يبين من الجهاز شكله حامل بس روحي المستشفى احسن وهي كانت حامل فعطتني غرشة ابوال وقالت لي حاولي تسوين من الصبح لان افضل


ورحت الصبح المركز وعطيتهم العينة وقالوا النتيجة تطلع 12 الظهر


رحت حقها الصيدلية وعطوني الورقة مكتوب بوزيتف بس ما ادري ويش يسوون عقب فرديت دخلت على الدكتور وراويته النتيجة الا يقول لي حامل وخلاص روحي الرعاية فتحي ليش فايل ولا عطاني حبوب


وفي العصر كنت قاعدة في بيت جدي الا تقول بت خالتي ما عطوش فولك اسد؟؟ قلت ليها لا تقول لزما يعطونش ورحت من جديد حق الحبوب ومن هاليوم الكل درى اني حامل:lol:



وهذي قصة حملي ادري طولت عليكم واجد ومللتكم



الجزء الثاني بخلي لكم قصة الولادة:cool: