ساعدوني مهري جاء وانا مدري وش الطبخه؟؟؟

غلا بنت سارا;16245543:
>>السلام عليكم
اول شي خلوني اقولكم معاناتي

أنا بآخر مستوى بالجامعه>>يعنى تحديد مصير ياناجحه يافاشله:worn_out:
ثاني شي...عندي تبلللللللللللللللللللللد مو طبيعي :(
صارلي مخطوبه اكثر من سنه...وباقي على زواجي أقل من اربع شهور
ومو مستوعبه ومتقبله فكرة الزواج هاذي:o

ثالث شي...مااحب الحوسه وكثرة الفرفره بالأسواق:confused:
رابع شي وهو الأهم.....إختي اللي راح تجهزلي بديره أنا بديره..وانتم تعرفون عاد المملكه قاره مايحتاج!
وصعب عليها تجي ...فما بالكم إذا زوجها يرفض أو يتذمر
وأنا صعب أروح والدراسه قد بدت:badly:

بالله عليكم,,,,كيف أرتب وضعي مع التجهيز والغثا:'(؟؟؟

السلام عليكم ورحمة الله وبركاته
الف مبروك الخطوبة وعقبال الزواج
نأتي للمشاكل وحلولها بأذن الله
1.شدي حيلك واقرأي يوم بيوم وبعد كل مادة تقرأيها ادعي (اللهم اني استودعك ماقرأت وماحفظت وماتعلمت فرده الي عند حاجتي اليه ولاتنسينيه ياارحم الراحمين انك على كل شيء قدير)
2.لزيادة الذكاء عملت بحث لكي اتمنى ان يفيدك
تزيد حدّة الذكاء

بإمكان بعض الأطعمة أن يُعزّز الأداء الفكري لدى الإنسان. لذا، عليك أن تكتشف دماغك بنفسك وتتّبع حمية غذائية خاصة لتفوز بجائزة نوبل التالية.

تُشكّل نسبة وزن دماغ الإنسان 2 في المئة من مجموع وزن الجسم، ويحتاج إلى أن يتغذى 10 مرات مقارنة مع بقية أعضاء الجسم، ويستهلك أكثر من 20 في المئة من السعرات الحرارية يومياً ليعمل بشكل جيّد. لذا، إحرص على أن تحصل خلايا دماغك العصبية على جميع أنواع الأطعمة المغذيّة والمتوازية في آنٍ لتؤمّن له كلّ ما يحتاجه من غذاءٍ. إليك بعض الأطعمة التي عليك إضافتها إلى حميتك.

1. الأسماك التي تحتوي على نسبة عالية من الزّيوت (الماكريل والسّردين والسّلمون)

دهون الأوميغا 3 ضرورية لنموّ خلايا الدّماغ وتساعد في الحفاظ على سيولة غشاء الخلايا الدّماغية، لذا يعود ضعف عمل الدماغ واضطرابات الذاكرة إلى نقص في هذه الدهون.

يُعدّ زيت السمك أحد أفضل الأطعمة التي تحتوي على الأوميغا 3. في حال كنتم لا تحبون طعم السمك، استبدلوه بزيت الجوز واللّفت.

2. القطاني (العدس والحمص…)

ليعمل بشكل جيّد، يحتاج الدّماغ إلى الغلوكوز فهو يستهلك أكثر من 5 ملغ من هذه المادة في الساعة، والتي حتى يومنا هذا لم يُعرف بعد كيف يخزِّنها الدّماغ. فقد أظهرت الأبحاث أنّ أداء الدماغ الفكري مرتبط بقدرته على حفظ المعلومات، التي يعود تخزينها إلى مستوى الغلوكوز في الدم. لكن، احذروا الإفراط في أكل الحلويات والأطعمة التي تحتوي على السكر فقد تؤدي إلى اضطرابات قوية تنعكس سلباً على الإنسان، ومن شأنها أيضاً أن تقلّص من مستوى السكر في الدّم إلى أدنى مستواه الطبيعي. وفي هذه الحالة، لن يتمكّن الدماغ من تحمّل هذا النقص لأنّ هبوط مستوى السكر في الدّم يسبّب الإرهاق وفقدان التّركيز. فمن جهة، القطاني غنية بالسكر المعقّد الذي يشكّل مؤشر نسبة السكر في الدّم الأدنى. ومن جهة أخرى، تساهم في ضبط كمية الغلوكوز في الدّم ووصوله إلى الدّماغ من دون أن يسبّب ارتفاع السكر في الدّم. في حال كنتم لا تحبون القطاني، فاستبدلوها بالحبوب الكاملة ونصف المطهوّة.

3. الموز

يتميّز باحتوائه على كمية عالية من المغنيسيوم، عنصر ضروري لعمل الجهاز العصبي بشكل طبيعي. وهو مصدر للفيتامين b6 (تحتوي الموزة على ربع النسبة التي يحتاج إليها الجسم يومياً من هذا الفيتامين). ولا يقتصر عمل هذا الفيتامين على امتصاص الخلايا الدّماغية المغنيسيوم إنّما يساهم أيضاً في تبدّل الأحماض الأمينية وعمل الجهاز العصبي من خلال إنتاج بعض الخلايا العصبية، لا سيما السيروتونين وحمض غاما أمينوبتيريك اللذين يساهمان في تحفيز الحالة الذهنية كالحذر والهدوء وقياس السلوك. إذا كنتم لا تحبون أكل الموز فاستبدلوه بالخوخ والفواكه الجافة.

4. الكبد (كبد العجل والبقر والدجاج)

الكبد مصدر مهم لفيتامين b. ومنذ منتصف عام 1980 أظهرت الدراسات التي تمّت حول الذكاء أنّ الفيتاميناتb9,b12,b1,b6 تعزّز عمل الدماغ الإدراكي. إذا كنتم لا تحبون الكبد فاستبدلوه باللحوم أو الخميرة الغذائية.

5. التوت الأحمر

أنواع التوت كافة مصدر غني جداً بفيتامين c. كذلك، يحتوي التوت على المغذيات الدقيقة المضادة للأكسدة (الأنثوسيانين والبوليفينول والفلافونويدس) والتي لا يقتصر عملها على محاربة العناصر الدّخيلة التي تُؤذي خلايا الدّماغ بل تساهم أيضاً في تعزيز الدورة الدموية وتقوية شعيراتها التي توفّر الأوكسيجين الكافي للدّماغ. إذا كنتم لا تحبون التوت، استبدلوه






بالكيوي والثوم.

6. المحار

غني بالفيتامين b12 والبروتين، لا سيما الليسين والدوبامين: العنصران الموجودان في المأكولات البحرية والقشريات (المحار والروبيان…)، ويُنصح بتناول هذه الأطعمة لعلاج القلق والإرهاق الفكري والتوتّر.. في حال كنتم لا تحبون الأطعمة البحرية، استبدلوها بالخبز المصنوع من الدقيق الكامل والطحالب التي تحتوي على يود الملح المكرّر، ورشيم القمح.

7. البيض

يحتوي على الليسين والفوسفور اللذين يساعدان غشاء الخلايا الدّماغية على التجدّد، كذلك هما ضروريان للتغذية الفكرية. بحسب منظمة الأمم المتحدة للأغذية والزراعة، فإنّ البيض غني بالحمض الأميني الذي يعود إليه الفضل في تكوين خلايا عصب الدماغ المركزي. كذلك، يحتوي البيض على مادة النورادرينالين (التي تحفّز على التعلّم) والتيروزين والفينيلالاناين. إذا كنتم لا تحبون البيض، استبدلوه بالسمك الأبيض.

8. السبانخ

تحتوي جميع الخضار الورقية على نسبة كبيرة من الفيتامين b9 (أو حمض الفوليك) المعروف بدوره الفاعل في تطوّر النسيج العصبي الجنيني وتجدّد خلايا الدّم. ويسبّب النقص في هذا الفيتامين بانخفاض الوعي وتدهور الذاكرة. إذا كنتم لا تحبون السبانخ فاستبدلوها بنبات البقلة أو الخس أو البروكلي أو جميع أنواع الأعشاب كإكليل الجبل.

9. الكاكاو

منذ عهد حضارة الأزتيك، اعتُبر الكاكاو بمثابة دواء. وقد أظهرت الدراسات أنّه إضافةً إلى احتوائه على السعرات الحرارية، فهو يتكوّن من جزيئات شبيهة بالكافيين (البروم والأفيلين) والأمفيتامينات (الثيامين والفينيليثيامين) المنشّطة. ويحتوي أيضاً على نسبة عالية من المغنيزيوم أي ما يعادل 330 ملغ في 100 غرام من الشوكولا. يعمل المغنيزيوم كمضاد للإرهاق والاكتئاب، ويساعد على تمدّد أفضل للأوعية الدموية، هكذا يحافظ الدماغ على نشاطه. في حال كنتم لا تحبون الشوكولا فاستبدلوه باحتساء الشاي والقهوة الخفيفة.

10.الأفوكادو

فاكهة غنية بالفيتامين e. يشكّل الأفوكادو أقوى مضاد للأكسدة، ويحمي غشاء الدماغ من الشيخوخة. إذا كنتم لا تحبونه فاستبدلوه بالجوز والبندق
3.الله يوفق اختك ويجزاها عنك كل خير
لأنها تساعدك وعندي لكي مقترح
بعد ان توضحي لها ذوقك وماتحبين ومالاتحبين والالوان المستبعدة
كل يوم ساعة 8 مثلا تفتحون شات وكامرا مع اختك تريك المشتريات وتكون هذه الساعة للتنفيه عن نفسك
حل المشكلة 3 و4 وجدتيه عندما تبرعت اختك ان تشتري لكي احتياجاتك بنفسها رغم مسؤلياتها
سلامي لكي مع تمنياتي لكي بالموفقية
اختك لارسا بغداد

الف الف مبروووووك.
انا اقولك ....

قسمي وقتك .. يعني خلي ايام الاسبوع للدراسه
و ايام الاجازات الويكند .. للسوق

قبل ماتروحين السوق .. رتبي في ورقه اللي محتاجته
وخلصيه بنفس اليوم

انتي وش راح تحتاجين ياقلبي ؟؟؟؟
كم قطعة قماش .. و كم تنوره وكم بلوزه وكم بيجامه وملابس نوم
والعطورات والميك أب و العنايه بالجسم كريمات و زيوت


والله ترى لو رتبتي اللي تبغينه في ورقه راح تترتبين
صديقتي كانت مثلك ايام دراسه زواجها

ولكنها قبل كل طلعه تكتب اللي تحتاجه و تاخذه وتققققفل
يعني اخذت عطورات خلاص قفلت
اخذت كم قطعة نوم وقفلت

و بكذا ماراح تتعبين الأشياء البسيطه خلي اختك تخلص لك
انتي لا تكثرين خلي نص عليك ونص عليها

وربي بيوفقك وبيسهل لك

فكرة أقواس توفي رائعة

المسألة مسألة ترتيب وجدولة

الدراسة خليها أهممممممم شي...لأنج مطالبة بانهاء الهوموورك بتواريخ محددة بالتأكيد ناهيج عن المراجعة...فكل يوم بعد الجامعة وبعد فترة راحة قصيرة...جيبي مدونتج (اقترح تشترين دفتر صغير او مدونة صغيرة) وشوفي شنو مطلوب منج *دراسيا*...وخلصيه...لا تأجلين شي..خلي كل يوم بيومه

مهرج دام صار عندج...راجعي...عاداتكم شنو من ناحية التجهيز؟؟؟...هل مطلوب منج جهاز كامل من الأبرة للفرش؟..ولا عادي عندكم العروس تجهز على حسب اللي تبيه؟...لما تفهمين وضعج...

راجعي مراجعة ثانية..تخص..*شنو* اللي راح *تحتاجين* تشتريه *بالضبط*...وهنا اكرر *تحتاجين*...مو *تبين* لأن في فرق...يعني لو عندج عطور كثيرة خلاص..خذي عطر او عطرين جداد بسسسس...دوري فملابسج و اكسسواراتج..أي شي لساته جديد ما انلبس (او ما انلبس قدام زوجج وأهله وكذا) افرزيه وخليه للزواج...وأحسبيه كأنه شي اشتريتيه من المهر...جذي راح توفرين لج شي من المهر وتخصرين على نفسج مشاوير الشوبينغ!...وانا اشوف مهم جدددددا يبقى لج من المهر مبلغ زين حتى تخليه فحساب لج للطوارئ او حتى تدلعين نفسج فيه على المدى البعيد..

في حكمة تقول "كل قليلا لتأكل طويلا"...اللبس والكماليات هذي ككككككلها راح تظل بالسوق..لأن السوق نفسه بككككبره ما راح يطير..هذا اول نفع..ثاني نفع..ما راح تشترين ملابس تدبسين فيها بعدين...لو جسمج تغير..صار عندج حمل..او نزلتي السوق وشوفتي موضات جديدة وتتحسرين ماتاخذين شي اما لأنج مفلسة او لأنج مليتي خزانتج ملابس وتتحسفين ما تلبسين منهم شي..ادري الفكرة تبين كأنها بخل...لكنها ذكاء صدقيني...هالشي صديقة لي سوته...فلوس مهرها للحين تصرف منها وهي متزوجة من اربع سنين (بس هي مهرها كان بال100 الف يعني مبلغ كبير شوي ما شاء الله لاقوة الا بالله)...وما في أحد من زوجها لي ابعد الناس عنها ما يحمد بكشختها وشياكتها!..وهي ما تلبس الا ماركات وهالسوالف..بس هي مدبرة وذكيييية..خططت صرفها بالهللة

المهم..بعد ما تفهمين كل الأمور المبدئية هذي...خلي يوم بالويك أند حق الشوبينغ...كل ويك أند انزلي وفيدج قائمة *محددة* مع مبلغ *محدد* (لو كلش ما في تحددين بالضبط زيدي على المبلغ 50 او 100 ريال بسسسسس تحسبا لأي زيادة غير متوقعة بسعر شي بالقائمة)...وبالقائمة..حتى لو قدرتي تحددين المحلات اللي بتدخليها..حددي..يعني تكتبين أسم المحل..شنو الحاجات اللي تبيها..والسعر (بالضبط او بالتقريب)...وكل ما خذيتي شي اشطبيه من القائمة وهكذا...

يعني كل شي من الحين لييييييين الزواج جدوليه..ووقتيه..ونظميه تنظيم دقيق...صح الفكرة راح تحسسج بالبداية كأنج ماشية على نظام عساكر...لكن انت اللي راح ترتاحين..لا ويمكن بعد خلاص تتعودين على التنظيم وتظلين ملتزمة فيه

سوري على الاطالة...بس ما حبيت اطلع بدون ما افيدج بخطوات فعلية ان شا الله انها تفيدج...الله يتمم لج على خير ويسعدج مع زوجج دنيا وآخرة..آمين

الاخوات ماقصروا،

الله يتمم لك على خير.

اهم شيء لا تنسي تصدقي بجزء عشان ربنا يطرح لك ألبركه في حياتك

مبروك حبيبتي
والله يتمم لك على خير
اولا لازم تفكري بخطيبك وبيت المتقبل وتدخلي تتثقفي بها المنتديات
وثانيا اسهل حل بالنسبه لاغراضك ي عروس
ارسلي بالفلوس لاختك عشان تاخذلك من ديرتها وترسلك لديرتك
وش رايك
بس ها
لاتخليها تاخذلك كل شي
لازم تخلي مبلغ تاخذين اشياء على ذوق
لانو يمكن يكون هناك كم غرض مايعجبك
والله يوفقك

الله يعينك

الف الف الف مبروك والله يتمم على خير
انا مع الاخت
Sephoraholic
كلامها 100/100 صحيح
لانه كل فتره قصيره بتحصلي موضه تتغير
يعني اشتري الى ضروووري كم من عطر مع مكياج مع لبس نوم مع كم بلوزه وعبايه
ولاتكثري منهم
علشان تقدري تجدديهم وتجابي احلا مع تغير موضه مو تكدسين الاغراض
ومبروك الزواج

يـــــــــــــــاحبني لكم شوكرن شوكرن شوكرن اتعب وان اقولكم شوكرن على ردودكم:087:
اسأل الله لكم بخير ماسأل به النبي صلى الله عليه وسلم وأن يكفيكم شر مااستعاذ به عليه الصلاة والسلام
والله كتبت حكي كثير لكل وحده فيكم....كنت اعلق على كلامها...والله ثلاث مراااااااااااات وكل مره اكتب يممسح >يطفي الكهرب فجأه أو ينفصل اللاب السخيف:mad:
لذلك اعفوني حبيباتي بختصر ...تعبت وانا اعيد:o
اختي لارسا>>شوكرن على البحث وكأنك عارفه بمعاناتي مع ذاكرتي المعطوبه خخخ....انبسطت عليه مرررررررررره أشكرك على مجهودكم اللي أعجز أن اوافيك حقكك بالشكر
اختي توفي>>مرررررررره اعجبني رأيك لما قلتي اقول لاختي تتكفل ببعض الأغراض تجيبها لي ....اريح راسي شوي من مشاويير السوق:D
ومن اليوم ان شاءالله راح اتفق مع اختي على ذا الشي...ونعم الرأي رأيك
وياحبذا والله لو مااروح الا بوقت الويكند بس ماادري عن الظروف.........شوكرن عسولتي تسلم صوابيعك اللي كتبت كل حرف
اختي
Sephoraholic
ليش تعتذرين عن الإطاله!؟ ....والله استفدت من كلامك اللي كله درر
فعلا نصيحة اخت من قللللب >
أنا من مؤيدي الاقتصاد بككككككككككل شي(الاقتصاد مو البخل:))
بس كان ف بالي بما إني عروس ..لازم اجيب كل شي جديد!!:D
بس تبغين الصراحه.....اقنعتيني:thumbs_up:
خلاص فرزت الصالح من أغراضي أمس وخلصت>اخذت برأيك طال عمرك
حتى إني لقيت فستان مناسب للصباحيه خخخخ

أعجبتني نصيحتك بإنو مااكثر من اللبس..وخصوصا إن الزواج بالشتاء ان شاءالله..راح تجدد الموضه
>أتذكر ندم خالاتي ي حرام بذا الشي:01:
حبيبتي ماأوافيك حقك بالشكر...ربي يعافيك

اختي دنيا مالها صاحب>>ياحبني لك والله ذكرني كلامك بإختي اللي اقولكم عنها زي اسلوبها ورأيها بالضضضضبط:ok:
كانت توصيني بأبو الشباب إني أفكر فيه:lol:
والمنتديات اللي غثتني فيها خخخخ
عموما عسولتي......مثل ماقلت ان شاءالله من اليوم راح أتفق مع إختي وبعدها أحول عليها الفلوس ان شاءالله
...........من كل قلبي شووووووووكرن على كلمه وحرف ورأي إجتهدتي فيه

وإختي اللي إسمها مكتوب بالإنقليش المعرب>>ماعرفت انطقه:037:
كانت ف بالي الفكره بس شوكرن على رأيك ولك ان شاءالله مثل إجري على تذكيرك لي
حبيت فيك مرورك اللي وضعتي فيه بصمه مختلفه

.............أجدد شكري لكم حبيباتي على فزعاتكم ..يعجز لساني أن يوفيكم حقكم بالثناء

تحياتي لكم




عزيزاتي مغتربه والجوهره ونورا والأمبراطوره ياحبني لكم مشكووووووووووورات على مروركم اللي انبسطت عليه مرررره :065:

شلون اختج بتجهز لج حق أغراض خاصة فيج بينج وبين زوجج!!!!!!!!!!!!!!

كلللش لا !!!!!!!!!!!

مادري ليش إنتي معقدة الموضوع

الدراسة توها بادية مثل ما قلتي ومو معقولة بتكونين مزحومة كل يوم

طلعي المغرب عقب الجامعة وخلصي أمورج ... اربع شهور فترة جدا قصيرة غمضي فتحي والا المدة كلها طارت

كللش كللش ما قدرتي روحي في إجازة نهاية الأسبوع اشتري اغراضج

واهم شي تسوين لستة وموجود هني في قسم العروس مواضيع وايد وقوائم وايد تفيدج

باجر عقب الزاوج بعد بتخلين اختج تشتري لج اغراضج .. هالكلام ما يصير

تجهزي بنفسج واستمتعي بالتجهيز

صادقه بعد أنا كنت أفكر كذا>>إن اختي ماراح تشتري عني أغراضي بكره:o
بسسسس والله مثل ماقلت لكم...أنامو معقده الموضوع
أحاول أعصر على روحي ليمونه علشان أتقبل فكرة الزواج هاذي>>>كنت أبغاه بعد سنتين بس رفضوا أهلي:'(
يعني بالله عليك كيف راح تكون نفسيتي!!
لا وكملت مع جامعه وحوسه ودبلة تسبد:worn_out:
وبعدين ياحبني لك....هذا بيت القصيد اللي يقولون عنه
أنا لما قلت ابغى اختي تجيب بعض الأغراض...كنت اقصد الخاصه منها...
مرررررررررررا مستحيه أجيبها مع أمي اللي مالي غنى عنها بكل مره اروح فيها السوق...فما بالك إذا كنت عديمة خبره
وماأدري وش السالفه بعالم المتزوجات:01:

عموما....شووووووكرن عسولتي على ابدائك لرأيك اللي تأثرت فيه مررررره ويمكن يغير من قناعاتي قريب
>>حبيت فيك جديتك ياحبني لك
ومثل ماقلتي راح احاول استمتع بالتجهيز:(

انت ِتحسبين الرياييل يعرفون شيء في اغراض الحريم؟

اشتري الرخيص لكنه ناعم ومريح خخخخ

اسأل مجرب.

الغالي كله طلعناه والله .

الجوهرة;16249228:
انت ِتحسبين الرياييل يعرفون شيء في اغراض الحريم؟

اشتري الرخيص لكنه ناعم ومريح خخخخ

اسأل مجرب.

الغالي كله طلعناه والله .

بارك الله فيج...توي قريت رد الأخت وجيت اقول لها نفس الكلام تقريبا

تراهم ما يعرفون غير الحرير والساتان والألوان..وحتى مو كلها بعد..يعني لو قلتي لرجال ابي فلان شي موف مثلا..والله بيدووووووخ يفكر ياربي هذا وين الاقيه في الطبيعة هههههههه..وفيهم اللي يعرف يوصف ستايل ولا ستايلين يتمنه يشوفه على زوجته وبسسسس..قلييييييييييل جدا اللي يجي فاهم كل شي ويعرف الفرق بين الماركات ويسمي موديلات وغيره

خذي الشي اللي يبرز جمال جسمج..الاشياء الجذابة فيه...ويليق فيج وتحسين بثقة وانت لابسته..مو مهم غلائه او رخصه..اهمممم شي الثقة..ولا ممكن تلبسين اغغغغغغلى شي وانت حاسة نفسج غلط فيبان عليج غلط والكل يحسه مو لايق فيج وممكن حتى يعلق على ذوقج بسلبية...لكن البسي شي انت واثقة انه يبرز جمالج وشوفي شلون النظرات تكون عليج..والله لو انه ب10 ريال الكل بيشوفه شي عجيييييب

حاولي تدورين ستايلات وتطقيمات بالنت والمجلات والشي اللي يعجبج احفظي صورته واشتري اشياء مقاربة او مطابقة تعطيج التغيير والستايل اللي حابته لنفسج

والحمدلله ردي السابق نفعج...الله يسعدج يارب!

وفيك يارب

والله شريت أطقم كشخه أيام التجهيز لزواجي ولا لبست الطقم الا مرة أو مرتين .

والرخيص عشان مثل ماقلتِ لبسته لحد مامليت منه .

وعموما الغالي دايما متكلف وحتى الملابس الداخلية والرخيص أطرى وأريح ماادري ليش!!

اقواس توفي;16245814:
الف الف مبروووووك.
انا اقولك ....

قسمي وقتك .. يعني خلي ايام الاسبوع للدراسه
و ايام الاجازات الويكند .. للسوق

قبل ماتروحين السوق .. رتبي في ورقه اللي محتاجته
وخلصيه بنفس اليوم

انتي وش راح تحتاجين ياقلبي ؟؟؟؟
كم قطعة قماش .. و كم تنوره وكم بلوزه وكم بيجامه وملابس نوم
والعطورات والميك أب و العنايه بالجسم كريمات و زيوت


والله ترى لو رتبتي اللي تبغينه في ورقه راح تترتبين
صديقتي كانت مثلك ايام دراسه زواجها

ولكنها قبل كل طلعه تكتب اللي تحتاجه و تاخذه وتققققفل
يعني اخذت عطورات خلاص قفلت
اخذت كم قطعة نوم وقفلت

و بكذا ماراح تتعبين الأشياء البسيطه خلي اختك تخلص لك
انتي لا تكثرين خلي نص عليك ونص عليها

وربي بيوفقك وبيسهل لك

مازيد على كلام تووفي والاخوات.....
الله يوفقك ويسعدك وعقباال العزاابيات:o

ترى من جد يا بنات انتو يمكن منفتحات وكذا
احنا اهلنا معقدين


انا ندمت لأني اخذت امي
كانت كل ماتشوفني آخذ شي ترجعه من السله

بالأخير اضطريت اعطي صديقتي فلوس تاخذ لي ملابس نوم و اللانجري
وربي ماتعرفون المعاناة مع امهات اوووول

اختي زواجها بشهر 7 إن شاءالله
وقالت لأمي ما أبيك تتعبين نفسك وتفترين معاي اخواتي وصديقاتي بياخذون لي

و من جد ترى انا بعد اخذت رخيص
وش ددراه هذا وش ماركته

اهم شي ترتاحين في اللبس .. و تحللينه لببببس و توفرين ع نفسك فلوس
و بعد الزواج غيري من جيب زوجك هع

موووفقه

حبيبتي كل الامهات مثل امك الله يحفظها.

ومحد من بنلت القبايل متفتحات الا ولله الحمد مستورات وصاكين علينا البيبان.

وانا والدتي متوفيه واحنا صغار ولا حد منا تزوج الا بعد سنييين من وفاتها الله يرحمها ويوسع منازلها وابوي .

الله يستر على جميع البنات والحريم ويوفقهم .

موفقه يا رب
أتفق مع الخوات