الحل مع زوجي؟؟؟!!

الله يكون بعونك ويفرج همك يـــــارب
إن شاء الله البنات يفيدوكي

اول خطوة تسوينها لازم اترجعين تنامين في غرفتكم
هاذي اول خطوة للتصالح

سويلة عشا رومانسي جيبيلة هدية

ولبس ومكياج وهكذا وكوليلة خلينا نفتح صفحه جديدة لخاطر بناتنا وذكرية بأيام الخطوبة او اول ايام الزواج

الله يهدية عيج ان شاءالله

ارجعي لغرفتك لاتتعودين تنامين برا الغرفه بعدين بيتعود يكون بدونج
ولاتتكلمين معاه عطيه وقته خليه بروحه فتره يفكر بعدين من نفسه بيرجع

خليه كم يوم لاتكلمينه الا لما هو يتكلم، بس لاتقصرين في خدمته.

الله يسخره لك،

داومي ع الاذكار.

هلا اختي
اول شئ لازم تسوينة انك تجلسي معة واذا قدرتي يكون خارج البيت
وتحلون مشكلتكم
واذا مارضى يطلع معك مو مشكلة ادخلي غرفتك ونامي هناك وبعدين اختاري الوقت المناسب
الله يصلح بينكم اميييييييييييييييييييييييييييييييييييييييييييييييييييييييييييييييييييييييييين

سويله اي شيء اللي هو يطلبه

و لازم تنامين في غرفتج

و حاولي اتبينين انج زعلانه و اتصيحين بس دموع بدون صريخ

الله يسعدكم و يسعدنا جميعااا قولوا امين

مثل ماقالوا البنات
اول شي تسوينه ارجعي نامي بغرفتك


لا تتعودين ع الهجر .. ترى يزييييد الجفاء
و بعدين خليك زعلانه بس النوم معاه في غرفتكم يكون احسن



الله يصلح مابينكم و يهدي سركم

السلام عليكم كتير من النساء بتعمل غلطه كبيره لما تزعل من جوزها وبتنام بره غرفتها وبكون سهل كتير الطلعه لكن الرجعه بتكون صعبه خصوصا اذا الزوج عنيد وما بحس انه غلطان نصيحه للجميع لاتخرجي من غرفتك مهما صار . اختي بدك تتحملي شوي لانه اكيد الوضع مش عاجب زوجك بس بكابر اسال الله ان يفرج همك وهمومنا جميعا.

ممكن اسال سؤال خارج الموضوع

اختي اش نوع المشكلة
يعني هل تستوجب الطرد ؟؟!!
اذا كانت الاجابة بنعم فراجعي نفسك وافعالك وانتبهي انتبهي كثيرا ..
واعرفي غلطك وخليك ببيتك والزميه
اذا ماتستوجب الطرد ...
يمكن وقتها كان متضايق او منفعل .!!
بس اهم شئ لاتكلميه ولاترسلي له اي مسج او تتصلين فيه
اتركيه ابعدي عنه اعطيه وقت
وانت اشغلي نفسك بالاستغفار والدعاء ربي يوفقك

جزاكم الله خيرا ما تقصرووون اي سوال انا حاضر
وان شاء الله برجع انا ف غرفتي
لان هو واهله وااايد يجذبووون علي ما يقولوون الصدق
يوم واجهته وقلت انكم جذابين وما تقووولوون الصدق وفيهم المكر استغفر الله
عصب وصرخ وقال اول شي اطلعي من الغرفه ما ابيج ف الغرفة عندي وعقب طردني وقال احسن شي اطلعي من البيت
ماابيج ليش كل هاا انا صراحة تعبت نفسيا من الجذب ما قدر اتحمل

انتي تبغي المياه ترجع لمجاريها من غير ماتحسي نفسك متنازله نامي بغرفتك والبسي اكثر الملابس إغراء وغيري من اللوك
واذا طلب منك طلب من غسيل ولبس ابتسمي بوجهه
واغريه بحركات الدلع والأنوثة وحس سيه انك مسامحته بس تبغي
فرصه جديده لحياه جديده
بقولك على شيء
أنا مره زوجي طردني بمعنى قال مالك مكان ببيتي
ولم ملابسي كلها ونزلها للسياره
أنا سويت نفسي مغمى علي
جد كنت دايخه شوي بس ثقلت العيار حبتين
لان وقتها كنت احبه وما أشوف غيره هذا زمان قبل كم سنه
المهم طحت قداموا جرى علي ومسكني وما خلاني اطلع من بيته
وبس مشكلتنا ينقصنا الذكاء الزوجي بعيد عن العناد والمشاكل
اما بالنسبة لي اللحين صايره اكثر حكمه في التعامل مع مشاكلي مع زوجي

السلام عليكم ورحمة الله وبركاته
اختي الغالية اليوم وليس غدانامي مع زوجك في نفس الغرفة ونفس السرير
وادخلي الغرفة وانتي مغيرة ومجددة في مظهرك وشعرك ومرتدية مايفضل من ملابس وواضعة مايحب من عطور
ولاتقولي له لنتصالح فتضعين حواجز بينكم وانما ادخلي بالكلام مباشرة معه مثلماهو يطلب منك مباشرة وبلا وسيط
وجمعت لك من النت مجموعة ادعية للألفة بين الزوجين
اتمنى ان تفيدك وتبشرينا بتحسن علاقتك مع زوجك

اللهم اجعله ابا في الحنان

أول شي لما تبي تواجهي زوجك بشي
كوني هادية و استخدمي الألفاظ اللي ما فيها تجاوزات

بيني له مساوىء الكذب في علاقتكم و عدم الإستقرار و الإحساس بالأمان
و إنه الكذب يجلب الفقر


بأي مواجهة معه لا تنفعلي كوني هادية

صاحب الحق ما يخاف
بس يضيع أحياناً

بسبب الإنفعال
ترجح كفة الطرف الآخر


ارجعي لغرفتك و كوني كوول و ريلاكس
و ما في داعي للزينة و البهرجة بنفسك كأنه اعتذار مبطن منك له !!!!!!!!!!!!!!!!

كوني أنيقة و كشخة عادي
و بيت مبخر و نظيف


إنتي ما غلطتي
علشان تعتذري

خليكي هادية و خذي موقف بهدوء

و عادي شؤون البيت و البنات الروتينية سوييها برواقة و فرحانة بعد
و اشغلي نفسك بوجوده
و كلميه لا كلمك و انتي ريلاكس مو ملامحك منفعلة





و الله يهديه و يسخره لك


بالتوفيق

الكـذب يخلي الرجال
تروح منه الرجوله
من جدي لين واجهتيه بعيب منه يعصب وينفر

ححاولي ماتبينين له انه جذاب


و ردي الغرفه و ماعليج شوي شوي بتتصالحون عطي نفسج وقت راحه

الله يوفقج

الله يعينك اختي
اولا و قبل كل شيء صلي ركعتين و ادعي الله يهديك لشيء الصح

استغفري الف مره بنيه تنحل مشكلتك مثل (إستغفر الله العلي العظيم و اتوب اليه) <والله مجربه

ثانيا مهما كانت المشكله لا تنامي برا غرفتك و اعطيه حقوقه كامله و كمان زيدي عليها راح يحس بتانيب الضمير

البسي لبس معقول و زبطي نفسك بس مو بشيء الزياده و اذا اتكلم معاك ...ردي عليه بس مو مرا يعني سولفي خفيف

وانصحك نصيحه انوو تغيري الالفاظك معاه ..استخدمي الالفاظ حلوه وتوصل فكرتك له بدون ماتجرحيه ...والله مهما كانت الفكره اذا كان اسسلوبك حلوو راح يتقبلها ويمشي معاك

اما اذا استخدمتي معاه الالفاظ جارحه صدقيني راح تندمي ....و حاولي تكوني ريلاكس و ادعي الله كثييييير <كلامي عن تجربتي البسيطه جدا

اتمنى اني افدتك و الله يساعدك و يسخر زوجك لك

لاتغلطين بحق زوجك مهما كان الموقف الاحترام هو اساس العلاقة الزوجية ولاتتهميه بشيء لا هو ولا اهله
وحتى لو كنتي في قمة غضبك اياك يكون لسانك سليط او ينطق بكلام سب وشتم
اذا غضبت التزمي الصمت حتى تهدئي ، اللسان يجرح ويكسر اشياء كثيرة
والبنات ماقصروا معك في النصائح ارجعي لغرفتك وان شاء الله الامور ترجع مثلما كانت واحسن
واهم شيء تحاولين بالمستقبل اي شيء يسبب لك المشاكل تتفادينه
والله يوفقكم