ابي نصيحة كل وحده تدخل الموضوع

الأفضل انج تسألين شيخ عن موضوع الكفارة والى آخره من زوايا الموضوع هذا

لكن من ناحية النصيحة...اذا عاهدتي الله وضعفتي...فراجعي نيتج..*فانما الأعمال بالنيات وانما لكل امريء *ما نوى*"...اسألي نفسج..انا *ليش* عاهدت الله على هالشي؟...لما تلاقين الجواب اسألي نفسج...انا *ليش* ضعف عهدي مع الله؟...يمكن الاقتراح تستهينين فيه...لكن لما تتعمقين بالتفكير راح تلاقين نتيجة فعااااالة من داخل نفسج...نجي للخطوة الثانية...اللي هي *البيئة* اللي انت فيها...*شنو* الأشياء اللي تخليج تضعفين..أو تخليج تترددين في عهدج...لما *تمحين* هذي الأمور او تتحاشيها...راح تلاقين نتائج أكثر فاعلية واقوى باذن الله

اما من ناحية كلمة قلتيها..تخص الزواج...فأعرفي يا أختي انه لما الناس يقولون ان الزواج *قسمة ونصيب*...فهم ممكن يرددون هالشي بدون توضيح أكبر لهالكلمتين...الزواج قسمة ونصيب من *الرزق* اللي من عند الله بارك الله فيج...لما ينفخ الملك الروح في كل جنين في بطن أمه..مع الروح...يكتب الملك..4 أشياء لهالجنين بأمر وتقدير من الله سبحانه وتعالى (أبحثي عن الحديث هذا في الأربعين النووية...لأنه حديث جميل وفيه من الحكم ما لا يمكن حصره)...من ضمن هالأربع أشياء...*الرزق*...يعني من وانت جنين عمرج 120 يوم في الرحم..رزقج مكتووووووب...فزواجج او عدمه (لا قدر الله..عسى ربي يرزقج بالزوج الصالح)...مقدر ومكتوب لج...فريحي نفسج من الهموم والتعب...اللي ربج كاتبه لج بيصير...لو انت مكتوب لج زواج بعد عشر سنين (مثلا)...ولااااااااااا شي تسويه راح يعجل هالزواج *بيوم* واحد...خليج واثقة بالله وأهتمي بحياتج من النواحي الثانية...رزقج جاي جاي...ماحد يقدر عليه..لكن ان حبيتي...فيج تدعين الله انه يعفج بالزوج التقي النقي مخموم القلب (فهذا وصف أفضل الناس كما وصف رسول الله)..أي انج تدعين الله ان يجعل زوجج من الصالحين *أيا* كان من الرجال...في *أي* وقت ممكن يتقدم لج...وهالشي طيب لج من ناحية الأجر (لأن الدعاء مخ العبادة) ومن ناحية انج تطمأنين بسأل الله من خيره وبركته سبحانه

الله يهدينا واياج ويثبتنا أجمعين على ما يحبه ويرضاه..آمييييييييين

الله يعينك يارب

السلام عليكم ورحمة الله وبركاته
اختي الغالية اقترح ان تضعي سؤالك بركن قضايا دينية
او ان تسألي شيخا
ويوجد في ركن القضايا دينية صفحات المشايخ على فيس بوك وتويتر وتستطيعين ان تتواصلي معهم مباشرة
سلامي لكي
اختك لارسابغداد

بصراحة لا علم لي الله يوفقك واسأل شيخ