بنتي والروضه....

لمعة عطر..
حبيبتي شنو الشي اللي خايفه منه؟؟؟
كم عمرها بنتج؟؟

جاوبيني و انا احاول اجاوبجج على كل تساؤلاتج لان بنتي قبل سنه بديت اوديها الروضة و كلشي تمام الحمدلله
هو اول شهر صعب.. لان رحت تبجي وراج هذه شي عادي طبيعي و لازم تتحملين. والله كنت اخليها و اروح ابجي بالسيارة..
بس هذه الشي زين الها.. تتعلم تعتمد على نفسها و تتعرف على الاطفال و تتعلم كثييير اشياء مثل الاحرف و الارقام و الاشكال و كل شي
و تصير اجتماعية اكثر

اساليني و انا اجاوبج

هو اول اسبوع راح يكون صعب عليها بما انها راح تجلس بعيد عنك وهالشي مو قاعدة لان في اطفال ماشالله تدخل بالجو على طووول وما تسئل عن اهلها
انتي باول يوم راح يبين معاكي .... المهم لا تظهري مخاوفك وافكارك لها بالعكس حببيها بالمدرسة من الان
والله يوفقها ويوفق الجميع يارب

الله يعينك

وانا بعد نفس الشي الله يعين

أول اسبوع صعب عليج .. بتصيح وجي .. بس عادي بعدين تتعود
وهذا بيسهل عليج روحتها للمدرسه ..

اذا كانت متحمسة لذهابها للروضة راح يكون الامر عادي بس قلب الام مايطاوعها تخلي طفلها بعيد عنها وخصوصا انها بتبتعد عنج فتره ماكنتي متعودة على غيابهاقبل عن نفسي اول يوم راح ولدي الروضة كان هو مستانس ويقول لي يالله ماما باي روحي البيت ونطريني لين ارجع طلع من الروضة ورحتالسيارة وتميت اصيح وماطاوعني قلبي ارجع البيت وهو مايكون موجود والساعة 10اتصلت الروضة اسال عنه قالو لي تمام وقاعد يلعب اطمنت وبعدين صار الامر عادي فلا توسوسين حبيبتي انشاء الله يصير عكس الي انت تفكرين فيه وخايفة منه والله يهديهايارب

مشكورين خواتي عالردود العطره .....اختي نون..نون...بنتي باقي شهرين بتكمل 5سنوات يعني سنها مناسب للروووضه وربي يسهل الاموووور وبنتي اجتماعيه وهيك بس دايم تحت نظري احس للحييين مومتقبله روحتها لحالها والمخاوف اللي تخطر ببالي مع الاطفال ....

حبيبتي بنتك كبيرة ماشاءالله و هاي مخاوفك كلها رح تتلاشى مع الايام لما تشوفيها تروح و كلشي يكون تمام
ادعيلها بصلاتك و الله يسهل عليكي و طمنينا

كل شيء أوله صعب وكونها متعلقه فيك ودايم معها روحي اول أسبوع معها وياحبذا مو كل يوم عشان ماتتعود انو تتروحين معها

وحبيبيها بالروضة واشتري لها الشنطة واغراضها كامله عشان تتحمس وتروح لنفسها

والله يسهلك >>>خبرة لانو تخصصي رياض اطفال:adore::thumbs_up:

الله يعيينك حاسة فييك ,, دايما نقوول ان الطفل هو اللي يعاني بس العكس هو الصحيح !! الحين حسيت بهالموضووع ... ومثل ماقالوا البنات اول اسبوع بيكون صعب شووي بس شوي شوي انتي بتتعودين وهي بتتعود وهالشي افضل لها عشان تطور شخصيتها اولاا وعشان تزيد ثقتها بنفسها وتتشجع للعالم الخارجي ...

عن تجربة انا اذييت امي مابغي ارووح وكله لاصقه بجبدها المسكينه لما شفت اختي اللي اكبر مني تروح تشجعت شوي بس ارد اخاف واتراجع وماتشوف امي الا وحده راجعه البيت بصياحها هههههههه وترد المسكينه توديني بيدها وتقعد معااي وهكذا ليييما كبرت !! يعني هالحالة تواصلت معاي لبعد الابتدائي تخيلي !! ليش ؟؟ لانه تعودت اكوون جنب الوالدة واتنيحس فما ودتني روضه ولما جا وقت المدرسة قمت اسوي لها كل يووم فيلم اذا وصل الباص ,, من جذي قوي قلبك عشان هي بعد تتعود ... وربي يحميها ويخليها لك ...

ماقصرتو خواتي بنصائحكم ....وربي يسهل ....وان شاء الله هاليومين بقضي لها للرووضه

استغفر الله

نفس الاحساس ولدي بيدخل الحضانه و أنا إلي خايفه عليه .. دايما جدام عيني لكن ما أحاول أحسسه بخوفي أشجعه بيروح و بيلعب و بيتعلم .. و يا رب يصبرني و يهديه

مشكوره ماما عالمرور العطر ....هذا اكتب ردي ودموووعي تصب لاني خليت بنتي تروح للروضه لحالها ابيها تتعووود وربي يحرسها يارب وامس رحت معها اول يوووم انبسطت بس لبعدت عنها تبيني. يارب تشرح صدرها وتحفظها

الله يعينك اختي ويشلرح صدرها للروضه
انا كمان نفس الشي ويمكن عمر بنتك بنفس عمر ولدي في الحج يكمل 5 سنوات
واول مره اوديه الاسبوع هذا وبصراحه طفشني بس يبكي ومايبغاني اخرج من الفصل نهاااااائي واذا خرجت يبكي بشكل فضييييع واليوم عور راسه في الباب لانه كان يبي يهرب
وكنت بوديه لحاله بكره بس بصراحه بعد اليوم حزنت عليه وقلت لازم اطول بالي عليه
والله يصبرنا عليهم ويصلحهم

توته ايه لازم نطووول بالنا عليهم وحاولي تشجعيه انه لسكت بتوديه الالعاب او اي شي يحبه وربي يفتحها عليهم