ابغى رايكم يابنات ضرووري !!

حبيبتي انتي للحين صغيرررة ! قدامك العمر كله خلي لنفسكـ فترة أكبر عشان يجونك العرسان و بجذي تشوفين اللي يناسبك ...

اولاا شنو يضمن لك انه زوجته موافقه ؟؟ وان زوجته فعلاا مثل ماقال لك ما تهتم فيه والخ ؟؟! طبعا انا اشوف ان عذر الرجال اللي يقدمونه دايما ان زوجته ماتلبي احتياجاته اولا ولاتهتم فيه ثانيا !! ...

بعمرك انتي الحين تفكرين بالقلب لا بالعقل ,, انا شخصيا كنت جذي بهالعمر وكنت مصرة على فكرة ان البنت لازم تتزوج من رجل أكبر منها ب7 او حتى 10 سنين حتى يكون بينهم توافق بس اكتشفت انه لا مو شرط ان الرجل يكون فاهم وعاقل بعمر متأخر ! لأن شوي شوي ينضج الشخص مع تجارب الحياة ويفهم اللي يناسبه واللي ما يناسبه!...

بالنسبة لكـ حبيبتي اسألي نفسكــ ,, هل انت مستعدة تتزوجين شخص متزوج ؟؟ قادرة تتحملين تبعات هالشي من غيره ومشاكل ؟؟ ...

بس انتي شلون عرفتي انه كريم ؟؟ طبيعي الرجال وخصوصي المتزوج عااد اذا حصلت له لقطة ( مثل شابة صغيره وجميلة وكربوجة ) طبيعي انه بالبداية دلاااال وحب وعشق وغرررام ووئااام وكأنه الس في بلاد العجائب ! لكن بعدين مع الزواج والمسؤوولية يطلع الوجه الأصلي ! ...

بعطيك مثال ,, وحده من معارفي كانت تحب شخص وكانت تقووولي قصص خيالية عن الحب والخ ودايم تقوولي مدلعني ومو مقصر معاي بشي و حتى فلووس يعطيني وهدايا !! انا قلت لها الله يستر دامه جذي !,, بالنهاية ماصار لهم سنه مع بعض رماها بولدها ببيت اهلها وغاب عنهم وسكر التلفون لمشكلة تافه ! حاولوا معاه اهلها وبعد شهرين قدروا يراضوونه و يرجعها والحين كل ماصارت مشكلة اتفه من التافهه يرميها !!!! ,, فسالته سؤال ( وين حبك ؟؟ ) قالها ( كــان زمااان انا كنت بس ابغي اظفر بك واتزوجك ! ) ...

حبيبتي ,, فكـــــري ألف مرة بعقلك لا بقلبك وشوفي هل مناسب لك ؟؟ ,, ولا تزعلي من اهلك اذا ماوافقوا لانهم يشوفوون شي انتي ماتشوفينه ولما يكون عندك عيااال بتتفهمييين موقفهم ...

والله يوفقك لما يحب ويرضى ....

لاتستعجلين شهرين وبتوافقين ع الاقل بعد سنة لحد متكشفينة زين ..

الي يجي بسرعة يروح بسرعة ..

واتفق مع كلام التفاحة الجناوية ..

أنصحك لاتستعجلين وهو مو طاير ..

السلام عليكم ورحمة الله وبركاته
سأذكر لكي يااختي كل عيوبه ولااملك غير ذلك
1.متزوج ولو تزوجتيه فستتسببين بتعاسة امرأة لم ترك ولم تؤذيك وستجعلينها تكره نفسها وزوجها وكل الرجال وقد تفتن بدينها بسببك فهل تقبلين ان تكوني سببا لحزن انسان وسمعت ان امرأة عندماتزوج عليها زوجها ماتت من الحزن
2.ليس له امان وخاين العشرة
مثلما اضاع عمر زوجته الاولى برعايته وانجاب الاطفال بعد ان تكبري بالعمر سيستبدلك بأخرى اصغر منك لاتستغربي فهذا عذره ليغدر بزوجته
3.كل كلمة قالها لكي ليتقرب منك ويكسب ودك قالها قبل كم سنة ليكسب ود زوجته الاولى والان اصبح خبيرا بجذب الجنس الاخر
4.استعدي لدعاء زوجته عليك ولاتنسي دعاء المظلوم مستجاب
5.الدنيا دوارة غاليتي والقطار لم يفتك فأنتي وردة في عز شبابك لاتتعسي امرأة مسكينة لو كان مخلصا ووفيا لنصحها وساعدها فالمرأة تظهر عليها علامات الكبر بينما الرجل يظل نفسه لأنه لايحمل ولا ينجب
6.قد تكونين قليلة خبرة بالرجال وعرف هذا الرجل كيف يضيع عليك الزواج من شاب بمثل سنك يكون لكي وحدك واخذ حق غيرك بالالتفاف حولك ليضيع عليك هذه الفرصة
7.فرق العمر ليس قليلا 19 سنة
8.مثلمارأك فسيرى الالف النساء كل حياته بسبب طبيعة شغله ولن يترك شغله لأجلك
9.لن يكون لكي وحدك وستعيشين نصف عمرك وحيدة عندمايحين دور زوجته
10.انصحك بالانقطاع فورا عن رؤيته فبعض الرجال عندماترفضهم فتاة يحاولون النيل من سمعتها لترضخ لهم
11.عندما يقترب عمر الرجل من الاربعين تقل رغبته الجنسية الى ان تصبح غير ممكنة بدون منشطات فأستعدي
انتي في اوج نشاطك وهو يعد العد التنازلي
12.قد يحرمك من الاطفال فهو يريد امرأة ليستمتع بجمالها لايريد عليها اثار الحمل ولا التعب
13.لن يخبرك بأمراضه ولكنك ستعرفينها بعد التورط بالزواج منه
14.قولي اللهم اجرني في مصيبتي واخلف لي خيرا منها وسيرزقك الله بشاب يكون لكي وحدك
سلامي

شوفي ياقلبي! كل رجال يبي يعرس على زوجته يسوي نفس الحركات ويتكلم بنفس الكلام (هذي خذيها قاعدة وربي كل موضوع يتكلم عن حاله تشبه حالتك يكون الرجال قايل نفس الكلام)
انا زوجتي مقصرة معي وانا ماتحبني! وتلاقينها مسكينة فارشة له الارض ورد وتدور راحته بكل زاوية! وبالاخير يجي يغتابها عندك بكل وقاحه! ولا يحترم خصوصيتها ولا يحترم مشاعرها! باع كل سنين العشرة الي بينهم...ليه مابيتنكر لك بالمستقبل ويتزوج غيرك بنفس الطريقة؟ تقبلين يتزوج الثالثة عليك؟
شلون بيحترم مشاعرك؟ لا تقولين انا بعامله غير, انت ماتعرفين المسكينة شلون تعامله
لو فرضنا انها فعلا سيئة ليه يتكلم عنها بسوء؟ ليه مايقول ابي اعرس وبس واحترم زوجتي ولا ابي اتكلم عنها بسوء عند احد, الي بيننا اسرار خاصة ماتطلع برا البيت (هذا الرجل الي فعلا تثقين فيه, مو الي يكذب على زوجته ويدور علاقات من وراها)

ثانيا: يقولون لك كلمت زوجتي وهي تعرف! وفجاه لما تتزوجين يقول لك والله ماحد من اهلي راضي يجي احتراما لزوجتي
وبعد العرس تكتشفين ان هالي مايستحي اصلا ما علم احد لا زوجته ولا اهله يعني زواج بالسر وتحت الطاولة
لا يطلع معك ولا يمشيك ولا يسوي اي شيء خوفا من ان الناس تشوف!

ثالثا: انت باقي صغيرة يبي لك رجل شاب صغير بعمرك تعيشين معه احلى سنين عمرك, تمزحون سوى وتلعبون سوى وتتمشون سوى بروحكم انتم فقط, كل ليلة عندك, مو شخص بعمر ابوك خلاص شبع من الحريم ومن الوناسة... سوالفكم بتكون مختلفه لما تصيرين زوجته, اذا اشتكيتي له بيحسسك انك صغيرة وماعندك خبره بالحياة وهمومك سخيفة! ولا راح يجي يستشيرك في المستقبل لانك بزره بالنسبة له وهو افهم منك! يعني بيستصغرك! خذي رجل من جيلك يفهم عليك وتفهمين عليه.... تراه يحاول يستعطفك بسوالفه الغبية حتى توافقين عليه وبعد العرس بتشوفين اخلاقه الثانية الي يعامل فيها زوجته بالبيت

رابعا: انت شلون تبنين علاقه مع رجل متزوج؟ تقبلين زوجك يسوي علاقه مع نساء ثانيات؟ واذا اخذتيه حطي في بالك انه راح يعاملك مثل ماسوى مع زوجته وبيسوي علاقات مع غيرك!

خامسا: انت بتدخلين على نصف رجل! يعني ماراح يكون متفرغ لك! وعنده اطفال من الثانية! واذا كان زواجه بالسر (وهذا الارجح حتى لو كذب عليك) راح تتعذبين عذاب مو طبيعي من الوحدة لانه بيقضي اغلب الوقت معها لاجل ماتحس انه متزوج! وياكثر الي ينصدمون ان ازواجهم صار لهم سنين متزوجين!

اهلا بيكي اختي بيننا وشكرا لثقتك بنا انا راح اجيبلك من الاخر لا تتزوجيه اقطعي علاقتك به نهااااائيا وادعي ربي ينسيك به والله راح ينيسيك انا عندي صديقة عمري صار معاها موقف مشابه لموقفك حبت واحد متزوج وتعلقت به وتعلق به وكانت رايحة تتزوجوا طبعا هذا شئ غلط ارجوكي اختي شيلي فكرة من بالك بعد مدة قليلة لما تفتكري علاقتك معه راح تندمي وتعرفي نفسك ان لما قطعتي العلاقة عملتي صواب وربي راح يعوضك بخير منه فقط اوصيك بشئ مهم جدااا اتركيه من اجل الله وقول ربي تركت فلان من اجل رضاك فعوضني بخيرا منه وتقربي لله اكثر ....تعرفي صديقتي هذي في فترة تعرفها مع هذا الرجل كانت حياتها كلها مصايب ....
الجاي الى الله
بتوفيق

مو لازم تروحين عنده ياقلبي
روحي عند شخص ثاني! بعدين الليزر حق الشعر ممكن يكشف مناطق مايحل للرجال يشوفها, المفروض تدورين على مراة تسوي لك الليزر! انت فعليا مو بحاجته
ورقمك غيريه!

انت لازم يكون عندك اراده جاده في التخلص من هالادمي... اولها في انك تتوقفين عن الروحه عنده وتغيرين رقمك. وبكذا مابيوصل لك...

تذكري انك تشاركين في خيانته لزوجته, وبيجي اليوم الي تلاقي الحريم يلاحقون زوجك حتى يخونك, لان الجزاء من جنس العمل

ابعدي عن المشاكل ازين الرجال كبير ومتزوج وعنده حرمه وش تبغين في غثاء الحريم

تراك صغيره وش لك بألهم


ولا بعد كبير وزوجه ثانيه .. ترى انا انققققهر من اللي يفكرون مثلك مع احترامي لك
إذا كثير متزوجات مو مرتاحات و رجالهم مو اكبر منهم بهالعمر و فوق هذا الاولى مو الثانيه

وش رايك ياخذك واحد كبر امك يمكن .. و فوق هذا زوجه ثانيه

ترضين زوجك يتزوج عليك ؟؟؟
حطيها براسك وتراك صغيره و لاحقه ع الهم
لو انك كبيره وفاتك القطار معليش

مدري شلون ترضون ع انفسكم و انتو صغار تتزوجون ع شريكه
انا تزوجت و الحمد لله الأولى


لكن ما ادري ليش ندمانه ومتأكده راح انننننندم ننننننندم لو كنت الثانيه


وعلى فكره ترى الأولى ماراح تسكت لك
تخيلي خلت زوجها يطلقك ؟؟؟؟؟
ترى تصيييييير ... اللي اقوله لمصلحتك ... توك صغيره وبياخذك واحد وبيعيشك معززه مكرمه ولا قبلك او بعدك وحده


فكري زين ...

الحب بروحه مو كافي للزواج لازم فيه تكافؤ و اقتناع
متزوج و عنده عيال و اكبر منج ب19 سنه .. تقدرين تتأقلمين مع هالشغلات بالمستقبل ؟


حطي ببالج كل الاحتمالات .. ممكن تسكنين معاها بنفس البيت و تضايقج
ممكن يكون كاذب و زوجته مو مقصره معاه بشي .. و تكونين مجرد نزوه بالنسبه له
ممكن تطلب الطلاق و يطلب منج انتي اللي تربين عياله
ممكن تجبره انه يطلقج !
ممكن يطلب منج ما تجيبين له عيال لانه عنده عيال !
ممكن تكون راعية مشاكل وما تخاف ربها

و الاحتمال الاكبر انه ما يعدل بينكم .. و تكونين انتي الطرف المتضرر

الله يكتب لج اللي فيه الخير .. ادعي ربج وايد و استغفري

فكري بعقلج و خلي قلبج على جانب
هذا قرار مصيري بعدج صغيره و عندج فرص ثانيه بالمستقبل