عيدي كله مشاكل, ساعدوني يا بنات في قراري

بنات بليز أبي رايكم..
أنا ساكنه مع أهل زوجي
البيت دور فوق وفيه ثلاث شقق..
شقه لي وشقه لأمه وشقه لأخو زوجي وزوجته..
أنا في شقة ( مطبخ ودورة مياة ومجلس وغرفة نوم وصاله)
وأمه ( مطبخ وغرفة وصاله ودورة مياه)
وشقة أخوه ( مطبخ وصاله صغيرة وغرفة نوم ودورة مياه)
والدور اللي تحت دور كامل لحرمة ابوه, وابوه فاتح مجالسه الثلاثه لاي ضيف..
المشكلة انو اذا جاهم ضيوف دخّلوا ضيوفهم في مجلسي بدون رضاي وبدون اذني..
سواء اكون موجودة او لا
واذا دخلوا عفسوا البيت واستخدموا مواعيني والمطبخ بغير علمي..
ويرجعونها لي وصخه أو خربانه..
ولا يعتذرون..
واذا كنت موجودة مضطره اقعد بغرفتي واذا بغيت شي من المطبخ لبست عبايتي ورحت..
استمروا علىى وضعهم هذا وانا مو راضيه لأن هذا البيت ملكي ولي كلمة فيه..
المهم العيد هذا قرروا اهلي يعايدون عندي..
واخت زوجي جايه تعايد امها..
وبدال ما تستقبلها أمها في بيتها تستقبلها في بيتي وفي مجلسي..
مع ان شقة ولدها الثالثه فاضية وزوجته عند أهلها..
ويوم جو أهلي استقبلهم زوجي في غرفة نومي وبرضوه مو راضيه على هالوضع..
لان الضيوف اللي في مجلسي مو ضيوفي ولا تعنوا لي..
واهلي متعنين علشاني اخر شي اقلطهم في غرفتي, علشان ضيوف مو ضيوفي..
وأنا اعتبرها اهانه, اكرم اهلي في غرفة غير مهيأة لاستقبال الضيوف..
قلت له قول لخواتك ينامون في شقة اخوك بما انها فاضيه قال شقة اخوي صغيرة..
واساسا اخوي عيا يدخلهم شقته..
أنا أللحين زعلانه..
ولامه كل اغراضي وبأريح عند أهلي لين يشوفون حل لهالمهزله..
وإلا وش رايكم بنات؟!
وعلى فكرة أنا كلمت زوجي وتفاهمت معه ان هذا الوضع يضايقني..
وللأسف مو مقتنع ولا عنده اي استعداد انه يقدر وضعي..
وظروف زوجي صعبه ولا يقدر يفتح بيت لذلك انا قدرت وضعه وتحملت لاجل عيونه وتقديرا واحترام له..
لكن للاسف هو لا اشوف لا تقدير ولا احترام ولا حتى كلمة حلوة..
يوم شافني لامه اغراضي قال لي اذا رحتي لا ترجعين..

ملحوظة عندي منه ولد..


بنات ساعدوني وربي القولون متهيج..