سـلـسـلـة شهور الحمل التسعة: الشهـــر الأول...شاركينا بتجربتك...

مرحبا خواتي
ان حسيت في الشهر الالام تحت البطن و الظهر والصدر
احيانا الغثيان
الحمدلله على كل حال اللهم ارزقنا بالذرية الصالحة فتبارك الله احسن الخالقين

الحمـــدلله والشــــكر مر عليه هالشهــر خفيف ومثل نسمة الهوى لاني اكتشفت حملي في آآآآخر اسبـــــوع ,,,,والله يستر من باقي الشهووور

بنات شنو الجهاز الي تستخدمونه عشان الفحص بالبيت


شنو اسمه ؟؟؟؟؟؟ظ


الله يخليكم ردو علي

السلام عليكم و رحمة الله و بركاته

أختي أريج الشوق...

روحي الصيدلية و قولي للصيدلي أريد جهاز كشف الحمل...

في أنواع كثيرة منه...و إعملي بحث على الركن...إن شاء الله راح تلاقي مواضيع كثير تفيدك...

بالتوفيق إن شاء الله...

بما اني انشالله يدخل باجر الشهر الثاني...على حسابات مريوم يزاها الله خييير...

الشهر الأول الحمدلله ما حسيت فيه...اللهم من ألام تشبه آلام الدورة...بس مادري ليش كان عندي احساس غريب اني حامل قبل موعد الدورة....

كنت قاريه فالمنتدى انه وحدة من اعراض الحمل هي وقوف حلمات الصدر....وهالشي لاحظته بوضوح فيني....

الشهر الاول مر علي واني ما ادري اني حامل فما حسيت بشي ولا باي تغيير غير انقطاع الدورة ولاني كان عندي اضطراب في مواعيد الدورة فكنت اعتقد انه تأخير موعد عادي زي كل مرة

السلام عليكم
انا عرفت اني حامل بعد تأخر الدورة ب9 أيام
وحسيت بالتهاب شوي قبل موعدها باسبوع بس للحين اعراض الوحام ما بينت عندي

بالاول اشكرج يالغاليه على مواضيعج الفنانه
ويزاج الله الف الف خيييييييير

انا بالاول حسيت بالتعب ونزل مني دم خفيف واتحرا انها الدوره
فسرت اغتسلت ورقدت ويوم نشيت ثاني يوم كان ريلي مسافر وزاد علي التعب
ويوم نشيت عسب اغسل واتنشط واغير *_^
اتفاجات ان الدم متوقف سرت اتيددت وصليت
والتعب يزذاذ فيني وبعد اربع ايام سرت المستشفى وسوت لي فحص دم الدكتوره وباركت لي
وعطتني فيتامينات
وحسيت بالخوف وتميت اصييييييييح بالليل لن ريلي محد :(
بس يوم خبرته استاااانس وقالي برد للبلاد اسبوع بشوفج

واستانست

بس للحينه تعبانه بس ماحس بالاغماء ولا بالتقيؤ
بس احس ان ودي اتمي راقده طول اليوم

وللحينه والله مب مصدقه والحمد لله على كل حال

والله يتمم علينا على خير ان شاء الله

بس خوفوني بعض الاهل يوم قالولي اذا نزل منج دم معناتها حملج مب ثابت

هيه صج الدكتوره قالت لي راجعينا على الاسبوع الياي

لن فيج صديد بالبول وحرقه قلت لها غريبه انا ماحس بشي

قالت لي اشربي ماي وااايد

^_^

وبالاخير يزاج الله خير غناتي على الموضوع الطيب

الله يستر موعدي بعد كم يوم ... وانشالله اكون حامل .....


اعراضي:

تعب لاي مجهود ...
صدري بيذبحني ما اقدر امسكه ولا احركه ولا اتحمل اذا لامسه شي .... غير جي الحلمات وايد تقرصني ...
لوعه فضيعه الصبح ..
الم في الظهر .و الكتف ..
مغص والم عند السره ...
مزاج زفت و نفسيه الله لا يوريكم ....


طبعا انا ماخذه علاج تنشيط ابر جونال وووو ابره تفجيريه ... وخايفه انه الالام تكون من الابر.....مب من حمل ...

الله يستر مب قادره اتحمل لين تاريخ تحليلي ..... وفي نفس الوقت مابي افحص بالفحص المنزلي عشان لا يسوي حركاته المعتاده ويحبطني نفسيا واجتماعيا هههههههه

امممم انا احس بــ

لووووعه ومااحب حد يمسك صدري امووت منها

والم اسفل البطن والظهر.. وحاااارق..

ومااحب ريحه الدسم والا العطووور..

امووت في البرتقاال مع انه يسبب لي حاق بس شاسووي وحام فيه ^ـــ^

وبس انا امشي فالسهر الثاني ادعووولي الله يوفقكم ان شاء الله

وترى انا معرسه من 3 شهور بس وخااااااااااااااااايفه حدي يمه

انا حامل...وهذا حملي الثاني
والأن في الشهر الأول ...بس أول مرة قدم (قاع القدم) تؤلمني وااااااااااايد...( قدمي اليسار)
واحس انها متنفخة...وراجعت العيادة ...وعطوني مرهم...بس ما في فايده ...
يوم عن يوم يزيد الألم ..
شو السبب؟؟

بخاااااااااطري اعيش هاليوم :)

يوم اللي اعرف فيه اني حاااااااامل

ما اعتقد ان الدنيا بتوسعني حزتها

<< بدت تخربط :)

اذا حملت بخبركـــــــم

ان شاء الله

{رب لا تذرني فرداً وأنت خير الوارثين}

[move=down]:shy: :shy: السلام عليكم عزيزتي :shy: :shy: الف شكر لكي على هذة نصيحة[/move]

كان عادي بس كنت احس مثل الام الدوره

مرحبا بنات انا بقوولكم سالفتيه وانا من تاخرت ع الحمل سنه و3 شهور وطبعا ها الفتره تخللتها علاجات والحمدلله حملت


تعرفوون من كمن يوم اتصلت للدكتوره وقلت لها الدوره مانزلت ليين اللحيين وانتي قلتي لي بعد الدفستون بخمس ايام بتنزل بس اللحيين مر 12 يوم تقريبا او اكثر ومانزلت

قالت لي حللتي حمل؟ قلت لها طبعا لا انتظر الدوره تنزل قالت طب اتاكدي وحللي ورحت العياده وحللت

والحمدلله النتييجه ايجابيه بس ماصدقت من الفرحه وفحصت بروحي ف البيت وطلع موجب وبعد ماصدقت سبحان الله

تعرفوون لييش لاني بعد ماخلصت عني الدوره وتاخرت شهر و12 يوم سرت فحصت وسويت سونار بعد طلع ماشيء حمل وخذت دفستون عشان تنزل الدوره

بس مانزلت

والحمدلله واليوم الثاني رحت للدكتوره اللي اتعالج عندها وسوت لي سونار وقالت لي صدق انتي حامل ليش مب مصدقه واستانست والله وايد والحمدلله









الحمدلله الدوره مانزلت

وطلعت حااااااااااااااااااامل

بنات انا فرحانه

واقوولكم من كل قلبي يارب يارب الله يرزقكم عاجلا غير اّجل وتفرحوون مثل فرحتيه واكثر

ويارب ان الله يرزقنا بالذريه الصالحه والمعافاه كلنا يارب


والله يثبت لكل حامل حملها ويسهل عليها ف الولاده يارب


______________-----

ومن الاعراض اللي احس بها طبعا مزاج زفت وما اتحمل شيء موول وويع راس وايد وصداع فضيع واّلام الدوره ومرات احس بلوعه واحس بكسل وخمول وايد وكله ابغي ارقد ووايد اسير الحمام اتبول وما اقدر امشي وايد احس بالم ف ريولي وتعب

___________

وان شاء الله الله يثبت حملي ويثبت حمل كل اخواتي المسلمات ويسهل علينا ولادتنا

ومشكووره اختي ع ها الموضوع الرووعه

بسم الله الرحمن الرحيم

كيفكم يا أمهات المستقبل ؟

:shy:

أنا في الأسبوع الرابع من حملي

عملت تحليل الحمل المنزلي قبل يومين من موعد الدورة وطلع لي خط خفيف جداً فشكيت في الأمر وانتظرت الدورة

قبل الدورة بيوم حسيت بألم رهيب مثل ألم الدورة وقلت أكيد نتيجة الاختبار غلط واليوم بتنزل الدورة خصوصاً أني لاحظت نزول قطرات دم:qaq:

انتظرت يوم .. يومين .. ثلاثة .. والدورة ما نزلت

فتأكدت أني حامل بس لحد الحين مو مستوعبة الموضوع

أحس بالآلام الدورة على فترات .. تروح وترجع

بالإضافة إلى آلالام الظهر خصوصاً إذا قمت بمجهود

صدري أحسه أنه ازداد في الحجم وصار يألمني حتى أن حمالات الصدر بدأت تضايقني

كثرة التبول وهذا الشيء لاحظته من قبل ما أعرف أني حامل

الله يثبت حملي ويثبت حمل كل اخواتي المسلمات ويسهل علينا ولادتنا

تحياتي لصاحبة الموضوع وللمشاركات :clap:
فاطمية

ربي يرزقني الذرية الصالحة عاجل غير اجل ويسخر ريلي لي
وعقبالي وعقبالكم؟؟؟

السلام عليكم خواتي الغاليات
انا بعد مثلكم ماحسيت اني حامل الا من تاخر الدوره
وسويت اختبار حمل منزلي وتاكدت
وشكرا

اهي اهي ابا احمل


لين الحين ماحملت وكل الاعراض الي قريتها صارتلي اهي اهي بس فالنهايه تنزل الدوره:confused:

فيه شهر حسيت بالخمول واللوعه سويت الفحص ماطلع شي قلت بتريا الدوره ونزلت:sad:

وفيه شهر حسيت بالام ونزلتلي قطرات دم وانقطعت وفي موعد الدوره نزلت:sad:

فيه شهر حسيت بمعدتيه تعبانه وايد ولوعه سويت فحص ماطلع شي ونزلت الدوره في موعدها:sad:

الصراحه نفسياً تعبت

ادعولي ياامهات الله يسهل عليكم

غياب الدوره وفحص الحمل طلع خط خفيف ورحت حللت دم طلع حمل الحمد لله كان شعور غريب

خليط من الفرح والقلق والخوف يعني كنت مرتبكه والدكتوره تقولي حامل من قبل لا تطلع النتيجه

على قولتها باين من وجهي اصفر وعيوني (( خبره الدكتوره ))

ألم بالظهر وتعب وارهاق بشكل عام وصدري صار حساس جدا وخصوصا الحلما تقرصني وما استحمل ولا

لمسه من قبل حتى ما أعرف بالحمل

مبرووووووووك لنا بالحمل والله يتمم بالخير والسهاله