روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 22

الموضوع: للمخطوبات و المتزوجات ..ساعدوني ولكم دعوه فظهر الغيب

  1. #1
    عروس جديدة الصورة الرمزية مشاعر إنثى
    تاريخ التسجيل
    16/08/2012
    الدولة
    المدينه المنوره
    المشاركات
    29

    للمخطوبات و المتزوجات ..ساعدوني ولكم دعوه فظهر الغيب

    السلام عليكم

    كل عام و انتم بخير

    انا ملكت قبل شهرين و تقريبا ليا شهر ونص اكلم خطيبي
    المهم انا خطيبي طيب وحبوب بس مشكلته مستفز

    يعني لما اكلمه بموضوع ومايعجبه يقول اها او شكرا
    ويفقل الموضوع او يقول بروب البيت ..الخ
    كلمته عن الموضوع وقلت له انو هذا الشيء يستفزني ف قال مو قصدي..الخ وبعدين قال
    لا تقولي ل احد نقاط ضعفك عشان مايستفزك فيها بس انا زوجك و اكيد ابغى راحتك
    قلت له انت غير وهذا الشيء جاء فبالي بس انا مره متعبني قلت مع الوقت اتعود بس تعبت وقلت اقولك

    طبعا المواضيع الي ماتعجبه هي انوو عن المقابلات و الطلعات و المكالمات
    لاني ارفض احنا نتكلم على الواتس اب و مكالمات الجوال جدا قليله لانوو انا مابغى مكالمات كثير
    وهو الي يتصل دائما انا ولا مره اتصلت الا مره كنت اكلمه وقلت انا مستعده اسوي اي شيء عشانك قال اجل اتصلي عليا و اتصلت عليه

    انا مره احبه وهو كمان يحبني هو مافي مشكله معينه بس دائما اتضايق
    بعض الاحيان يطول مايكلمني يعني بعد يوم يكلمني و انا اطبعا ماكلمه ولا اسئل الا قليل جدا شيء لا يذكر لانو ابغى اكون ثقيله ..

    بقول انتي حساسه وتزعلي ..وهو بعض كلامه شوي ثقيل علي ف ازعل منه
    يعني لما يقول لا احد يضحك عليك ....الخ فاقوله انا اعرف الصح والغلط...باختصار كلامه شوي جلف و انا عارفه انو ع نيته يعني ماقصده شيء بس اخاف مارد عليه يعني اخليه ياخذ راحته ويسيرمايحترمني واخاف ارد عليه ويطفش من كثر ماعصب وازعل عليه
    زمع دالك ابغى اثبت له شخصيتي

    وهو يبغى يستمتع ف ايام الخطبه يقول الخطوبه احلى من الزواج و انتي مو مخليتني اعيشها زي مابغى..

    النهايه
    كيف اتعامل مع خطيبي واخليه يحترمني ويحبني ويكلمني كل يوم و اكون ثقيله و حيويه معاه
    وايش اسوي عشان اكبر ف عينه

    مع العلم اني مره حيويه معاه

    مالي غيركم ساعدوني ولكم دعوه ف هذه الايام الفضيله

  2. #2
    عروس برونزية
    تاريخ التسجيل
    08/11/2010
    الدولة
    jeddah
    المشاركات
    1,859
    ايش اللي ثقليه ؟؟!!' ترا هوا زوجكككككككككككككككك دلعيييييييه مكالمات الملكه جدددددد احلى شي لاتفوتيها ونفذي طلباته بحدود المعقول راح ينبسط

  3. #3
    عروس جديدة الصورة الرمزية مشاعر إنثى
    تاريخ التسجيل
    16/08/2012
    الدولة
    المدينه المنوره
    المشاركات
    29
    تسلمي حياتي الله يسعدك دنيا و اخره

    بس الرجال يحبو الثقيله .. وانا ثقيله معاه بس مو للحد الي يطفشوو مني

  4. #4
    عروس جديدة الصورة الرمزية مشاعر إنثى
    تاريخ التسجيل
    16/08/2012
    الدولة
    المدينه المنوره
    المشاركات
    29
    ردوو عليا

  5. #5
    عروس متألقة
    تاريخ التسجيل
    16/07/2008
    الدولة
    في قلب من احب
    المشاركات
    297
    حبيبتي عن اي ثقل تتكلمين

    عن لما الوحدة تتصل تسال عن خطيبها اتصلي على الاقل في اليوم مرة خليها بالليل على تسالين عن حالة وش كان يومة هدا اسمة الاطمئنان والسوال علية وانك تبينة وشاريتة وع الاقل يحفظ هيبتك ويبين اهتمامك قية وانك ثقيلة



    اما الاتصال في اليوم اكثر من مرة في بنات اكثر من 7 او 8 مرات في اليوم تتصل هاي اللي الاتصالات تزعج بعض الرجال بينما البعض الاخر يحبة لانة يعتبرة نوع من الاهتمام



    اما بخصوص المناقشات شي طيب ينتهي النقاش على هدوء او بكلمة شكرا او بسكوتة
    افضل من ان تنتهي بعض النقاشات بصراخ وسد الخط في وجهج وانت عاد ادبحي عمرك لين يرضى
    انت لاتكونين من الاشخاص اللي يحبون يدورن نقاشات عقيمة مالها فايدة ومب لازم كل اتصال يكون في موضوع معين تتكلمون فية


    الثقل حلو وبعد الوحدة تخف شوي حلو الرجل مايحب الجمود الزواج مشاعر واحساسيس
    حلوو يحس باهتمامج وحلو يحس انج انسانة لج راي وتحبين التفاهم بس مب لازم الطرف الاخر يقتنع برايج يكفي مجرد انة يستمع لج

    وخلج انسانة راكدة واتركي عنج شعور الاستفزاز

    هدا راي والله يسعدج

  6. #6
    مشرفة سابقة الصورة الرمزية Sephoraholic
    تاريخ التسجيل
    05/03/2008
    الدولة
    بلاد اوباما
    المشاركات
    604
    اللي قاعدة تسويه كللللله غلط...وبثبت لج...

    ابغى اثبت له شخصيتي
    انت بتتزوجين...ما راح تتولين ولاية على شعب..ولا تقودين جيش حتى تثبتين شخصيتج...اللي لازم تدوريه هو *الاحترام* وهالشي تحصليه من احترامج لزوجج ومن حسن التعامل معاه!...الغي الفكرة هذي من بالج..والحرمة اللي تعطيج هذي النصيحة لا تسمعين منها اي نصايح!...بتخرب لج بيتج!

    ابغى اكون ثقيله
    الثقل انج ما تنجرفين بقوة بعواطفج..انج تعرفين تعطيها بوقتها الصحيح..بمكانها الصحيح..بالطريقة الصحيحة..بحيث ما تخنقين الرجال فيها..ولا تحسسيه انج وحدة متبلدة عاطفيا!..يعني المسألة مسألة *خلق توازن*..مو انج تحطمين الرجال..او تمنعيه من شي ربنا احله له...هو الحين بالله متزوج ليش؟؟؟...مو عشان يعف نفسه؟؟؟..ولا الزواج يعني مشوار تسلية؟؟؟...اساس كل زواج العفففففففة...فأنت *واجبج* تعفيه...فأعطيه اللي يسعد قلبه ويمليه حتى ما يزله الشيطان (لا قدر الله)..المقابلات والطلعات...اذا كانت تجري بطريقة سليمة (مثلا بالصالة بالبيت او يجي معكم احد) فهذا شي طيب لج وله..والمكالمات والواتس..يا أختي كلميه...على الاقل بيني له انج مهتمة فيه...نفسج تعرفين احواله..سبحان الله...على الاقل واجب الأصول سوي معاه!

    باختصار كلامه شوي جلف
    كلامه مو جلف!...لو قايلج "لا تخلين احد يستغبيج"..او "لا تكوني غبية"..كان ممكن اشاركج الرأي واقول لج..كلامه جلف فعلا...لكن كلمة "لا تخلين احد يضحك عليك"...كثير ناس قريبين من بعض بالسن يستخدموها...لا تدققين على كل كلمة..ولا تصيرين حساسة بزيادة...والأهم..*أحسني الظن* بالشخص اللي يكلمج...ولو هو انسان استفزازي بعد...كان سوى اشياء تخليج تطلعين من طورج فععععععلا وبقوة بعد..الشباب يجيدون اساليب الأستفزاز بجداااارة...لكن تخيلي انج تطلبين من احد تعزيه شي..وتحسيه كأنه يذلج الا ان يحصله...بيصير لج نفس تتكلمين معاه اصلا؟؟؟ فكري بكلامي وشوفي شنو الرد اللي يطلع معاج!

    اخاف ارد عليه ويطفش من كثر ماعصب وازعل عليه
    اذا على الطفش...فوالله بيطفش...لا تقولين يحبني...كل انسان له طاقة تحمل وصبر...ثم ماذا يعني بتقولين؟؟؟..اقول لج...لا تختبرين طاقة الصبر او التحمل لأي شخص بحياتج..ولا تستغلين حلم الشخص او حبه لج او تأمنين نقمتهم...لأنها لو حلت عليج..خلاص...صعب ترجعين الصفاء لحياتج...فخلي بالج وانتبهي زييييييييين...خلي زعلج لوقت الزعل *الحقيقي*...*ومرات* (اشدد واكرر..مراااااااات بسسسسسس) للدلع عليه حتى يحس برجولته معاج

    وهو يبغى يستمتع ف ايام الخطبه يقول الخطوبه احلى من الزواج و انتي مو مخليتني اعيشها زي مابغى..
    لما زوجج يقول لج..ابغى احقق كذا او ابغى اسوي كذا *لج*..او *معاج*...احفري اللي يقوله في بالج حففففففر...لما الرجال يتواصل معاج ويعبر عن اللي بداخله هذي فرصة تدرسييييييه..تعرفين شنو مفاتيحه بالضببببط...هذا اول جزء من النصيحة..الجزء الثاني...كلام خطيبج صحييييييييييييييح وهو تحذير لج...شلون صحيح؟؟؟...كل اللي متزوجات حوالية يقولون لي عيشي فترة الخطوبة بجوها الوردي الرومانسي الجميل...لما تتزوجين حياتج بيدخل فيها مسؤوليات وارتباطات ممكن ما تسمح لج تعيشين هذا الجو على طول...طبعا هذا مو معناها ان الحب راح يختفي او المودة راح تزول...لكن الحياة راح تكون *جادة* اكثر شوي...فأوقات الحب والقرب راح تجي على *الفرص*...فترة الخطوبة هي احلى فترة...ذكرياتها راح تذكريها لآخر يوم بحياتج!...اما من ناحية شلون كلامه تحذير..فدامه قال لج بالحرررررف مو مخليتني كذا كذا...فمعناها انه *شكى* لج عن شي يحز في قلبه...فأنتبهي زيييييييين...صلحي الوضع بأسسسسسرع وقت

    المهم...لو مسكت كلامج...راح احلله جملة جملة...بس اللي ركزت عليج ان شا الله انه يوصل لج الفكرة اللي ابيها توصل لج!...من ناحية الحيا معاه...لا تغيرين شي منه...حتى الرجل الجريء او اللي يحب الجريئة...يحب زوجته حيوية في *بعض* الأحيان لعدة أسباب...لكن خلي في بالج انه كل شي يزيد عن حده ينقلب ضده...فوازني بين هذا وذاك...بين الحيا وبين الجرأة

    ركزي في كلامي زين بارك الله فيج..وان شا الله الأخوات يساعدوج زيادة...الله يوفقج ويسعدج ويرزقج الذرية الصالحة...لا تنسينا من صالح الدعاء :-)

  7. #7
    عروس نشيطة الصورة الرمزية دبدوبه كيوت
    تاريخ التسجيل
    03/10/2011
    الدولة
    بالبيت
    المشاركات
    170
    ما خرب العلاقات الا هالثقل الزايد اللي على غير سنع .. حبيبتي انتي اسئلي بادري مو لازم كل شي اهو يسئل وتحترينه لين يسئل لاعيوني انتي كيذا سلبيه الثقل له وقته ووجوه ومواقفه والحيا له دوره لكن مو خلاص انا مابا اسئل ولا اتصل ولاشي وبثبت له اني ثقيله وماعرف شو ترا الرجال زوجك ماهو اجنبي ذااا زوجك سترك وغطاك ومعنات كلامي مو انه تروحين تفصخين الحيا لا بس خليك على طبيعتك ولاتقعدين تتصنعين الثقل وهالخراييط كوني على طبيعتك على اسلوبك على فطرتك نصيحه مني ومايمنع ذلك من وجود الثقل المخفف او الحياء عادي جدا لانه زوجك كلمو بعض مسجات دلعيه اسئلي عنهانتي احيان بادري خليه يحس بوجودك مو بس اهو اللي يسئل واهو اللي يدق ترا بيحس انك ماتهمتين حتا لو قلتي له انا احبك وانا وانا الرجال اذا ماشاف ردة فعل منك واهتمامبحدود واحترام مراح يحس بالمشاعر اللي تحملينها انتي له .. اتمنى لك حياة سعيده وبالتوفيق

  8. #8
    عروس مبدعة الصورة الرمزية أمنار
    تاريخ التسجيل
    02/07/2012
    الدولة
    في قلب زوجي
    المشاركات
    564
    Sephoraholic والبنات كلامهم عين العقل عيشي احلى ايامك بفترة الخطوووووبة

  9. #9
    عروس جديدة الصورة الرمزية مشاعر إنثى
    تاريخ التسجيل
    16/08/2012
    الدولة
    المدينه المنوره
    المشاركات
    29
    الله يسعدكم جميعا ويوفقكم
    حبايبي انا اتكلم معاه بشكل يومي عن طريق الواتس اب
    و انا مابغى مكالمات مره حتى هو مو مره يتصل عليا
    يعني حتى هو مو مره يبغى المكالمات و امكن انا زودتها باني اقول
    مابغى مكالمات
    بس مو مره اني ثقيله ..انا ماتصل عليه و لا اروح اكلمه ع الواتس
    بس ارسل له بي سي او رساله عالجوال
    و في بعض الاحيان اسئل عنه عن طريق الواتس
    هو طلب مني يشوفني وافقت وجاء وشافني
    وكمان ف العيد بيشوفني ان شاء الله وجبت له هديه
    يعني انا محسسته اني احبه و مهتمه فيه
    هو مبسوط و انا مبسوطه بس احس هادي الايام مايكلمني
    كثير لانو مشغول وانا متاكده انو مشغول بس ع الاقل يسئل عني
    احس في شيء مو عاجبه لانو هو حتى وهو مشغول يكلمني
    باختصار انا احس اني ضايعه ماعرف الصح والغلط
    انتو من خلال تجربتكم ابغى التصرف الصحيح ايام الخطوبه
    كيف اتصرف معاها

  10. #10
    عروس رائعة
    تاريخ التسجيل
    20/07/2010
    الدولة
    KSA
    المشاركات
    1,298
    حبيبتي هو يعاملك بالمثل
    اوك هو مشغول لكن يشتغل 24 ساعة !! لا طبعا
    اكيد لازم تكون ساعة ساعتين يفضى فيها لو بنص الليل
    يرفع السماعه و يسأل عنك

    لكن عشانك انتي ما تسألين و لا ترفعين السماعه تكلمين هو بعد بسوي نفس الحاجة
    انتي حسستيه ان هذا ازعاج
    ما حسستيه انه عادي و من حقككك

    اختي اسمحيلي انتي غلطانة و ترفعين الضغط بزيادة
    سوري سوري ع الكلام الجارح لكن اللي قالوه لك البنات صح

  11. #11
    عروس برونزية الصورة الرمزية ليوونه
    تاريخ التسجيل
    20/07/2007
    الدولة
    السعووديه
    المشاركات
    1,791
    يعطكي العافيه

  12. #12
    عروس جديدة الصورة الرمزية مشاعر إنثى
    تاريخ التسجيل
    16/08/2012
    الدولة
    المدينه المنوره
    المشاركات
    29
    الله يفتحها ف وجهه كلك وحده ردت عليا

    حبايبي انا وحده من صحباتي انصحتني وسويت نفس نصيحتها
    انا كنت معاها خلال فتره الخطوبه وحتى بعد ماتزوجت
    وزجها مرا يحبها ويموت فيها و الكل يشهد انها عاقله
    بس هي ماكلمته الا مرتين جوال و لا شافها بعد الملكه الا يوم الزواج
    وخطبتها كانت سسنه كامله
    اما انا اكلمه جوال اذا طلب مني وشافني بعد الشبكه وبيشوفني ف العيد
    مو مره متشدده معاه بالعكس احبه واقوله كلام حلووو و عملت بنصيحتكم واتصلت عليه ويقول انتي
    مزاجك اليوم الحلو و حسيتو فرح بتصالي

    بسس انا متاثره بصاحبتي وكلامها
    وهو الي خلاني اسوي كذا

    انتو تحسو صحبتي كلامها وتصرفها صحيح

    اسفه تعبتكم معايا

  13. #13
    مشرفة سابقة الصورة الرمزية Sephoraholic
    تاريخ التسجيل
    05/03/2008
    الدولة
    بلاد اوباما
    المشاركات
    604
    اقتباس المشاركة الأصلية كتبت بواسطة مشاعر إنثى مشاهدة المشاركة
    الله يفتحها ف وجهه كلك وحده ردت عليا

    حبايبي انا وحده من صحباتي انصحتني وسويت نفس نصيحتها
    انا كنت معاها خلال فتره الخطوبه وحتى بعد ماتزوجت
    وزجها مرا يحبها ويموت فيها و الكل يشهد انها عاقله
    بس هي ماكلمته الا مرتين جوال و لا شافها بعد الملكه الا يوم الزواج
    وخطبتها كانت سسنه كامله
    اما انا اكلمه جوال اذا طلب مني وشافني بعد الشبكه وبيشوفني ف العيد
    مو مره متشدده معاه بالعكس احبه واقوله كلام حلووو و عملت بنصيحتكم واتصلت عليه ويقول انتي
    مزاجك اليوم الحلو و حسيتو فرح بتصالي

    بسس انا متاثره بصاحبتي وكلامها
    وهو الي خلاني اسوي كذا

    انتو تحسو صحبتي كلامها وتصرفها صحيح

    اسفه تعبتكم معايا

    ما شاء الله علييييييج! ايه! خليج جذي...استحوذي على تفكيره ومشاعره بالطيبة والأنوثة والاهتمام (المعقول طبعا!..لأن لنفسج حق عليج بعد!)

    اما صديقتج...فالله يسعدها...طريقتها قد تكون صح..لكن *لعلاقتها*...*لشخصية زوجها*...*لحياتهم* مع بعض...

    انت علاقتج غييييييييييييييييييييير... أنج مرتبطة بشخص غير...له شخصية..وتفكير..وتربية..ومشاع ر غير تمااااااما...ممكن تلاقين قواسم مشتركة..وهذا وارد...لكن اجزم انه لابد يصير اختلافات تميز زوجج عن كل الرجال الثانيين...

    اذا بتاخذين نصيحة...خذي نصيحة *عامة* تخص الزواج...لكن النصايح الدقيقة...خذيها من ناس اولا رأيهم حكيم..ثانيا لهم علم تاااااام بشخصيتج وشخصية زوجج

    يعني مثلا...انت قلتي زوجج فرح بأتصلاج وكلامج الحلو ومدح مزاجج..في رجل يشوف هالأشياء تافهة...وممكن يقول اشفيها هذي مشفوحة كلام حب وغزل واحنا بعدنا ما عشنا مع بعض؟؟؟...فاللي مرتبطة برجل من هالنمط راح تقول لج...خلي بالج...ابعدي..اثقلي...لا تكلميه...ألخ

    باختصار يا حبيبتي...شايفة بصمات اصابعج شلون هي فريدة؟..كذلك علاقتج...ادرسي *زوجج*...افهميه *هو*...اعرفي مفاتيحه *هو*...وهو ما شا الله باين انه من النوع اللي يهتم للمشاعر ويحب احساس ان احد مهتم فيه وجذي...فأمشي معاه على طباعه!..عيشي *علاقتج* انت..مو علاقة غيرج!..فاهمتني؟!...لا تاخذين نصايح او معلومات وتطبقيها عليه..خبط لزق...بس لأنها عجبتج!...لأنها ممكن تورد نتائج عكسية تمااااااااما...

    من ناحية انه ما يتصل...هذا لأنه *تعود* مع الأسف...اللي تبين تحصلينه من زوجج (من اي ناحية)...لازم تعوديه عليه بدون ما تجيبين طاري مباشر للموضوع...حتى بعلم النفس موجود هالشي اسمه Conditioning...اعرف وحدة ماشية على نظام مع خطيبها...كل يوم لاااااازم تتواصل معاه عدة مرات متفرقة باليوم...ترسل مسجات (حلوة وخفيفة) مثلا لما تعرف انه مشغول..ولما فاضي...معودته يتصل على الأقل مرة!...كللللل يوم لازم هالشي يصير...عطلة..ليل..نهار..ما يفرق..ما تعذره بهالشي الا لما يكون فعلا مشغول جدا او انه تعبان وتلزمه راحة..تخليه ذيج الساعة..بس غيره..لأ..التواصل مستمرررررر (بس بذكاااااء منها!)...فتعود...صار هو من نفسه يستغرب او مزاجه ما يكون تمام لو ما اتصل عليها او رد على مسجاتها...فشوفي زوجج شنو طريقة التعويد (اللي تماشي شخصيته وعلاقتكم) اللي تقدرين تسويها معاه وطبقي عليه...بصببببر..وراح تشوفين العجب!

    سوري طولت الرد مرة ثانية..بس لأني فعلا نفسي اساعدج...الله يسعدج ويتمم لج على خير يارب!

  14. #14
    عروس جديدة الصورة الرمزية مشاعر إنثى
    تاريخ التسجيل
    16/08/2012
    الدولة
    المدينه المنوره
    المشاركات
    29
    الله يسعدك دنيا واخره ويفتحها ف وجهك
    ماقصرتي ي روحي راح ادعي لك كل ماتذكرتك
    جد جد كلام ججميل واثر فيا حسيتك فاهمه وعاقله
    ومشكووووووووووووور

  15. #15
    عروس فضية الصورة الرمزية التفاحة الجناوية
    تاريخ التسجيل
    13/07/2011
    الدولة
    البحرين
    المشاركات
    2,179

    حبيبتي ,,, مثل ماقالك هووو يبغي يعييش ايام الخطوبة بكل حذافيرها ! عيشيها انتي معاه ولا تطبقين تجربة غيرك عليك انتي وخطيبك لأن شخصيتك وشخصيته وحياتكم غييييير تماما عن الأطراف الثانيه ! ,, يعني افرضي زوج صديقتك انسان شخصيته وعقليته تقوول ان البنت اذا ثقلت زين مازين معناه انها فعلا بنت عاقلة رزينه متربية الخ الخ بس عند خطيبك انه دام البنت والولد مملكين يعني بعقد زواج معناه انها حلاله و يقدر يقول ويتكلم باللي يبغي وعليها تبادله هالفعل ...

    بالنسبة لي ,, ايام الخطووبة ما لازم يكون فيها ثقل ! يعني هذا زوجي على سنة الله ورسوله لازم ابادله شعوره ومثل ماقال انها احلى الأيام وما تتعوض يعني بالزواج ان شاء الله شنو الذكريات اللي بتكون لكم من الخطوبة ؟؟ فقط اتصالات من عنده !! وانتي ؟؟؟

    حبيبتي انتي شفتي لماا اتصلتي عليه شلون فررح بالموضوع ,, معنااه كثرري منها ونصيييييييييييحة من اخت ابدا ابداا لاتقارنين او تطبقين شي على نفسك او حياتك من تطبيقات الناس لان بجذي بتنقلب حياتك فووق تحت يعني اعتمدي على حدسك وذكائك فقط وباللي تشوفينه مناسب ....

    والله يوفقكم ويبعد عنكم كل شر وسوء ان شاء الله ...

صفحة 1 من 2 12 الأخيرةالأخيرة

المواضيع المتشابهه

  1. ممكن تفيدوني ولكم دعوه بظهر الغيب
    بواسطة امورة المدينه في المنتدى إستفسارات النساء و الحمل و الولادة
    مشاركات: 2
    آخر مشاركة: 16/03/2012, 11:09 PM
  2. الله يخليكم ساعدوني ولكم مني دعوة بظهر الغيب
    بواسطة قلبي الصغير22 في المنتدى المطبخ و المائدة
    مشاركات: 5
    آخر مشاركة: 11/07/2011, 03:21 PM
  3. أفيدوني بمسحوق غسيل لأطفال..ولكم دعوه في ظهر الغيب..
    بواسطة الكادي77 في المنتدى التربية والطفل
    مشاركات: 19
    آخر مشاركة: 03/10/2009, 10:03 PM
  4. ممكن تفيدوني ولكم دعوه في ظهر الغيب الله لا يحرمكم الاجر
    بواسطة ابتــسامة بريئــة في المنتدى ركن المناسبات و الهدايا
    مشاركات: 9
    آخر مشاركة: 15/02/2009, 01:31 AM
  5. ساعدوني ولكم دعوه من كل قلبي
    بواسطة حنان الدلوعه في المنتدى استفسارات العناية بالبشرة والجسم
    مشاركات: 7
    آخر مشاركة: 30/04/2008, 03:34 PM