لـــحـــظــــة عــــنـــاد

راح الغرام وكل شيئ طوينـــاه 000 كل تقفى وابتعد في سبيله

لحظة عناد اللى بينينا هدمناه 000 في سيل هجر ما رحمنا بسيله

كل تنسى والغلا مـا نسيناه 000 بقــــلـــوبنا ثابت ولحـــــد يزيله

من يوم فارقته على البال ذكراه000من وين ما راحت عيوني تخيله

لو ابتعد مــافكر القلب يجفاه 000 ولا كنت افـــــكر يهتويني بديله

أيست من شوفه وحبه وطيرياه000 وايست من عقب البطى شوفتيله

لا شك بالصدفه تــــلقيت وياه000 من بعــــد غيــبات السنين الطويله

شفته وكل هل دمعه من اقصاه 000 حتى الجسد عي القدم لا يشيله

اقبل ويمسح دمع عينه بيمـــناه 000 في شوفة فيها الاماني قتيله

وكل ذكر ذاك الـــعـــنـــاد وخفايه 000 واخر عهود الذكريات الجميله

المشكــــله مـــا هــي بشوفه ولقياه 000 المشكله شيئ يزيد المليله

معها صغـــير تـــوها تـــدرج خطاه 000 يمشي يباريها وهي تحتميله

مـــاخذ مـــلامـــحــــهــا حلا في حلاياه 00سميت بالرحمن من نظرتيله

جــيــتــه وضميته ودمعي تغشاه 000 مغير اضمه في يديني وشيله

قالت خلاص ارجوك يكفي معاناة000قطعت قلبي وش بقى ترتجيله

غـــلــطـة عمر مني ومنك تركناه 00 ذاك الغرام اللي بقلبي عليله

من يوم فـــارقـــتك وقلبي ببلواه 000طيفك معه في كل يوم وليله

عسى الــــعناد الله يلعن سواياه 000 اللى طواني بالهموم الثقيله

والحين بعد اللي حصل ويش نرجاه 000 شيئ انتهى مافيه باليد حيله

كل عـــسى الله يســــعده في نواياه 000 هذا قدرنا والقدر ننحنيله

وردت تـــــقـــول اسئلك بالله بالله 000 حبك لطفلي ويش معنى دليله

من يــــــوم مـــاشفته اشوفك تنشاه000 كنه غلا روحك وقلبك عديله

كــنــك تبي قربه وكنك تمناه 000 مستغربه من فوق صدرك تشيله

وش هالغلا حبك ودمعك على اشفاه 000 ضميته بصدرك وكنك دخيله

قلت الــغــــلا هذي بتالي بــقــاياه 000 طفلك اشمه لجل قربك اخيله

(وقلت المثل) ياخال احبك ومعناه 000 من ريحت امي فيك ريحه مثيله