إلي تسوي حمام مغربي تدخل

ღ Ḿ$ ¤ мąŷơǿ₥ ღ;16221231:
والله مشكوورة او ما قصرتي
و ياااارب الله يوفقك دنيا و آخره
و تتحقق كل امنيااتك ياااارب F:F:F:
بس ابي اعرف إذا ما عليج كلافة و انه ادري
تعبتك معااي ابي اعرف عقب كم مدة اشوف
النتيجة بالنسبة لتوحيد لون الجسم
و مشكووورة مرة ثاانية

يعتمد على لون بشرتك والفرق بين الاماكن الغامقة والعادية انتي بس استمري على الحمام المغربي ومع العناية ومثلما قالت الاخت الاكل الصحي استمري عليه راح تكون النتيجة سريعة ومرضية لكن خليها عادة لك حتى لو حصلتي على النتيجة استمري عليها

ღ Ḿ$ ¤ мąŷơǿ₥ ღ;16218983:
و عليكم السلام اختي
انه بشرح لج طريقتي و اهوا في طرق ثانية واهيا الاصلية بس
ما اعرفها عدل
1- شغلي الماي الحار حتى يتجمع البخار في الحمام
2- سكري الماي الحار و شغلي ماي ساخن مو حااار و حاسبي على شان ما تحترقين
3- رشي على جسمك الماي الساخن لمدة ربع ساعة
4- اخذي الصابون المغربي واهوا على شكل كريم لونه بني
و افضل نوع اهيا ماركة الطاووس و حطيه على جسمك
و خليه لمدة 5 او 10 او 15 دقيقة و طول هالمدة تقدرين
تحطين ماسك على وجهك وتفركين رجلك بالحجر
او حتى تحطين ماسك على شعرك بعد ما تغسلينه
5- غسلي جسمك من الصابون بالماي الساخن
6- بللي الليفة بالماي الساخن و افركي جسمك وراح اتلاحظين
خيوط لونها رمادي تطلع منك و انتي تفركين هذي كلها
خلايا ميته
7- و بعد ما تخلصين من الحمام رشي على جسمك ماي بااارد
على شان المسامات تتسكر و جسمك يصير مشدود
8- رطبي جسمك وانه استعمل زيت اللوز و زيت الجلسرين

ملاحظة مهمة: 1- لاتفركين جسمك بالصابون المغربي لازم
تغسلين جسمك عن الصابون المغربي و بعدين تفركين بالماي
2- يمكن الحمام ياخذ من وقتج ساعة او ساعة ونص او حتى ساعتين
3- لازم ما تحطين زيوت قبل الحمام المغربي لاني سمعت
ان الزيوت تمنع الاوساخ و الخلايا الميته انها تطلع بسهولة
لانها تكون كحاجز للماي

و إذا ما فهمتي شي او عندج اي سؤال انه حاظرة

مشكورة حبيبتي الله يجزيك كل الخير يارب