قصه ولادتي بولدي عبودي الله يحفظه

بسم الله ماشاءالله
ابتدئ لكم قصتي
انه موعدي كان 10يوليو وولدت قبل موعدي بأسبوع الحمدلله
يوم الأربعاء تاريخ 4يوليو كنت رائحه برجه مع الأهل وتقولي أختي ترى زينه السباحة حق الحامل وتسبحت مؤ وايد نص ساعه بس وبعدها حسيت بضغط وعلى بالي ان عادي ..
المهم رجعت بيت أمي وقلت باروح الصالون احف ورحت وحفيت ورجعت وذي اليوم نمت في بيت أمي لان زوجي رائح البحر ...
وتميت قاعده لي الفجر ونمت بعد الصلاة وماكان فيني الم ولاشي وصارت الساعه 8 الصبح وكان فيني الم بس قلت أكيد من التعب الم عادي وعقب ساعه ونص حسيت ان نزل علي شي وقمت خائفه ورحت الحمام الا المخاط ورحت أدور أمي مؤ موجودة فالبيت وخفت أكلمها هي تخاف وكلمت أختي الا تقولي ذي عادي لا تخافين أقولها يمكن نقص الماي على الياهل او صار شي خفت واتصل على زوجي مايرد واكلم أهله قعدوه من النوم وشوي يأت أمي البيت وقلت لها وكلمت أبوي وبسرعة يه البيت وانه مافيني الم بس خائفه من اللي نزل ورحت مستشفى ماكنت بولد فيه بس جريب من بيتنه لان قلت باجيك بس ورحت الا تقولي انتي اي شهر قلت لها التاسع الا تقولي انتي ولاده بسرعه روحي قسم الولاده ،،قلت لها انه بس ابي أجيك ليش نزل الماي قالت خلاص ذي ولاده وخفت ولازم اروح المستشفى اللي باولد فيه ونطرت زوجي ورحت معاه ولم قلت لها دخلتني غرفه الملاحظة وأهنئ بدا الجد :'( وقالت بجيك لي الرحم جم فتح ودخلت يدها لي داخل انه صرخت يعور وايد:badly:ذبحتني وقالت ان الرحم مفتوح 1سم وانه ما توقعت كلش وقالت بنسوي لج تخطيط مده نص ساعه وانه بس ابي اروح البيت ويأت أمي ولميتها وقعدت أصيح وقلت لها بس مابي أولد باروح البيت وتمت تهون علي وحطو لي التخطيط وقالت لي الدكتورة الطلق بارد يبي لج 12ساعه وتولدين ورجعت البيت وكان يزيد الألم وينزل المخاط وانه خائفه ورحت بيت أمي وعقب رحت شقتي بأخذ اغراضي ويارجع العصر بيت أمي وكان يزيد الالم كل ربع ساعه ورحت العصر بيت أمي ويزيد الالم وكانو خولتي وعيال إخواني كلهم يطالعوني ويصيحون(سويت لهم فلم:lol::lol:)وتقولي أختي بنوديج المستشفى وانه موراضيه أقولها باقعد لي الساعة 9 وعقب باروح وانه أصرخ من الالم ويأت أمي وأختي الاكبر وانه أصرخ وأخوي يه من برع سمع صراخي يقول أشفيكم وشاف حالتي وشالني لي السيارة كانت الساعه6ونص المغرب وأخوي يمشي بسرعه وخواتي يصوروني فيديو :lol::lol: ووصلنه المستشفى وزوجي يه بعد وكانت الممرضة اللي خذتني من أختي حدها حليوة وجيكت لي الرحم الا 5لي 6 الا تقول خلاص ولاده وأمي وخواتي يصيحون وبدلت ثيابي وحطوني على السرير ودوني فوق وخلوني شوي في المممر لان يجهزون غرفه الولادة ودخلوني وحطو لي المغذي وانه أتالم وجيكو لي الرحم فاتح 7 واتالم وكنت كله امشع شعري :lol::lol:ودخل زوجي وكان خائف علي دخلوه شوي وطلع :L:F:كنت كله استغفر وأقول يارب ساعدني وعقب ساعه أقولها ابي ادخل الحمام الا تقولي خليني أجيك لج هذي ولاده قلت لها مابي يعور ،،أقولها خليني اروح الحمام تقولي كل شي سويه أهني وبدون شعور اتعصر تقولي خليني أجيك لج وخليتها عقب مده الا تقولي خلاص بيطلع آلاتقول لي عصري بأقوى ما عندج وقعدت اعصر 3عصرات وطلع عبودي الله يحفظه وحطته عند صدري وشعور حلو لكن من التعب موقادرة ايوده حتى الممرضة تقولي احسج مؤ مستانسه ،،أقولها انه تعبانه وخيطتني كان يعور وايد وعقب ساعه ودوني الاستراحة ويأو أهلي وزوجي وعقب ودوني غرفتي ما رقدت لي الظهر .هذي قصتي ماقلتها لكم بالضبط بس تقريبا

بس الحمدلله ولادتي كانت ميسرة وسهله الحمدلله.
ان شالله اعرض لكم الصور في موضوع جديد