باركولى يا بنات عروس وبعد طول انتظار
وبعد عناء 3 سنوات
وبعد تأخر حمل
وبعد اجهاض متكرر
وانتظار
وصبر
ودموع
وقلق
وووووووووووووووووووووو
الى كل من تنتظر
اقول لها انتظرى واحتسبى ومفيش اكرم من رب العالمين
شرفت الملكة "فريدة" والحمد لله بنوتى
والدلع رودى حبيبة مامى
F:F::adore:F:F:
شرفت رودى يوم 27_7_2012
الساعة 12 بالليل
ولدتها ولادتها قيصرية
بس كل آلام الدنيا تهون مقابل أجمل احساس فى الدنيا الامومة
المهم رحت المستشفى الساعة 11 مساءا وكلى خوف ورعب من المجهول
كان مع زوجى واخوته وامى واختى وكل الناس كانت جنبى بس لما جهزونى للعملية كنت خايفة موووت وبعيط مش عارفة ليه
لما دخلت غرفة العمليات لقيت كل الكرو بيهظرو معايا وبيضحكونى لحد وقت التخدير وفقت من التخدير
وبقول انا ولدت قالوا ياخبر دى فاقت قبل ما نخلص خياطة؟؟؟؟؟؟؟؟؟؟؟؟؟؟؟
لا ايه دا ؟؟؟؟؟؟؟؟؟؟؟؟؟؟
وبقولهم انا ولدت يقولوا لا لسه:confused:
بقولهم فين بطنى انا مش شايفاها ههههههههههههه
دكتور التخدير يقول فين بطنها ياجماعة حد شاف بطنها ههههههههههههههههه
حد يقوم يدور عليها
وكانى فى فيلم كوميدى
يقولى اه بصراحة انتى ولدتى وجبتى بنت سودة وقرعة وراسها كبيرة وحولة بقوله لااااااااااااا
الممرضة قالت جبتى بنت زى القمر
بقولهم بجد وهى كويسة بخير وصحتها كويسة قالوا اطمنى وخرجت على غرفتى
وبعد شوية جت امورتى الحلوة فريدة امها
وليكم صورة فريدة وقولوا ما شاء الله
وادعوا لها ان ربنا يبارك فيها ويجعلها من الصالحات
بس هى لسه صغيرة ومغمضة عيونها
بكرة تكبر وتفتح عيونها النونو
والله دعيت لكل من تتمنى الاولاد وبتحلم بالامومة
يارب استجب دعواتى واكرم كل محروم قولوا آمين
ومستنية الردود والتقييم لو عجبتكم رودى
