ياعرايس دشن بارك الله فيكن

سلامن عليكن بنيااات :D
جيف حالكن وشو مسويااات:)


يايتنكن في شيء بيفيدكن ألي هو العطور والدخون:adore:

نحن جنس حواء وبنات ادم أنمووت علي الدخنااات والعطور الغااويه


وبنعتكن في أماكن أنايتها أول امس فالعين بس قبل كل شيء ابغي اشكر ختيه أم خالد اللي عزمتنا فبيتها عالفطور وودتنا صوب المحلات اللي تتعامل وياهن، كانت وجهتنا أول مكان سوق الزعفرانه يي يحااافظ عاده أنا اول مره ادشه

ودايركت نهينا محل أدم وحواء للعطور // ختيه ام خالد قالت دشن وبتنصدمن من المحل

طبعا محل ادم وحواء معروف فبوظبي ودبي غالي واايد لكني لاحظت فرق كبير فأسعار المحل واسعاره مقبوله واايد وهب اشويه وما انصحكن اتسيرين اللي فالجيمي مول عند البياع المغربي اللي يبيع اهناك لأنه اسلوبه هب حلو وثاني شيء يطالع الحرمات ويبلق فيهن واايد

فيوم نهينا عند أدم وحواء اللي فسوق الزعفرانة مجابل قرية مبدعة
بتحصلون فلبينيه اتبيع وايد طيوبه وتعطيكن دسكاوند علي العطور والمستلزمات المنزلية

وطلعتنا كانت عشان مرت اخويه نقدمها قبل العرس الها + أنا بعد مابقصر فعمريه لازم اشرا لعمريه طشونه خخخخ

خذتليه 5 تول من عطر قوجي + 5 تول من عطر فيجي "خلطة بحرينية بخبركم عنها" وطلعليه كله بـ250 درهم
ولاحظوا الفرق بين السعر اللي عطته النا بالتوله 25 درهم وعند المغربي اللي فالجيمي مول بيبايعه عليكم بـ30 مب حرام !!!

وعطر فيجي اللي هوه دهان لو جفت سعره فالمحلات الثانيه بتحصلونه غالي والتوله ع 50 لأنه خلطة بحرينية وحلو تتدهنيبه مع مسج و تدخنين بعود والريحه جنان
وبعد خذنا من عندها غرشتين من دخون البنفسج وحسبته ع 90 او ع 95 درهم ماذكر بس غااويه الريحة وتثبت + وخذنا عطر بركان حق الجسم وسعره أظني 90 أو 80

هذا بالنسبة للعطور والدخون من محل أدم وحواء اللي فسوق الزعفرانة

وجهتنا الثانيه كانت محل موزان اللي فسوق العين حذا محل مجوهرات سالم الشعيبي واللي يبيع هناك هندي واايد طيب ويساعد الواحد أنه يزوره

خذنا 5 تول من دهان مركز اسمه روز وسعر التولة ع 50درهم بس شو الريحة بعد ثابته وماتخوز من اليد
وخذنا بعد عود هندي معطر 5تول والتوله الوحدة بـ100 ومعروف العود الهندي لاجدال عليه اصلي ومركز ومن تتدخنينبه تلقط ثيابج الريحه
وعنده مخمرية عربية التولة ع 100 والريحة حلوه
وخذنا بعد معطر فراش الدانة وسعره 125 وسعره الاصلي 160 يعني الريال واايد يبا يسويله زباين خاصه فالمحل

وبعد جولتنا ردينا عند ختيه أم خالد ردينا بيتها ويلسنا وسوتلنا ذاك الفطور الغاويه يي يحافظ علي هل العين مرحبانين فديتهم صلينا التراويح و دايركت معرض الخبيصي اللي فالعين نختم فيها رحلتنا مع ختيه أم خالد خخخخ
عيبني المعرض بس حسيته لاصق المحل فربيعه وماخذنا راحتنا واايد ـ وقفنا عند وحده كنت سامعه عنها وهي من بنات لبلاد وحيدني يتيها في فلتها منن سنة فجميرا وبالصدفه ريناها مشاركة فالمعرض وخذنا عندها بخاخ بريحة دهن العود اسمه رويل اريبين وسعره 150 ودخون ريم البادية ع 200 وخذنا بعد دخون ريحة الورد ع 150 ودخون ثاني شرات سحال العود ناسيه اسمه بس قوطيه حكر ومب مكتوب عليه شيء وسعره150
واسم محلها همس القصيد وطبعا سعر الدخون وعطور الدهان مختلفات عن المحل فالمحل الدخون كله ع 200 والدهان التوله ع 100 فالمعرض كان صدفة حلو وسعر احلي

طبعا هذا موضوعي وابغي امن كل وحده يالغاليات اتجرب وتعطيني رايها لأن راي كل وحده فيكن من اللي تقري موضوعي يهمني والسموحة من كل وحده فيكن إن جاني قصرت أو غلطت فشيء F:F:F: