خطيبي ومصاريف حياة

والله يا اختي تبغين الصراحة ؟؟ انا اشوف انه قاعد يستفيد من الفلوس اللي عندك !! يعني الواحد اذا ماعنده مو عيب انه يقول ماعندي ! حتى لو لأهله وبكل بساطة يأجل طلبهم للفترة اللي تكون عنده فلووس او يعطيهم على اللي يقدر يعني مثلا 50 دينار بالتالي ال100 دينار انتوا تكملون فيها اغراضكم وبعد الاستقرار يقدر يصرف هالمبلغ اذا امكنه ...

سالفه انه تكلمينه عن هالموضووع مامنها زعل اختي ومو معناه انك بخيلة او تمنعين زوجك من انه يبر أهله .... انتي فهميه هالشي بطريقه حلووة وانه هالفلوس انتوا محتاجينها عشان اغراضكم و اما عن فلوسك صحيح تعطينه بس لمتى ؟؟ لابد يجي يوم وتخلص الفلوس موو ؟؟ و ما في مشكلة تساعدينه اذا كان انسان يستاهل وانسان غير استغلالي وطبعا هالشي انتي اللي تقدرين تحكمين عليه وتعرفينه ....

والله يوفقكم ان شاء الله و ييسر لكم امووركم ...

أنا اقول اهو طمعان في فلوسج وهاي الشي وايد واضح
اشدعوى امه تبي جالكسي تاب ولازم تحصله هاي الشهر ؟ ليش تلفونها اشفيه ولا أهي بزنس ومن واحنا ماندري ؟
أنا أشوف سكوتج الزايد عن اللزوم اهو اللي كبر المسئلة وخلاهم يتمادون اكثر ! لازم يشوفون ان وراج سند علشان يحسبون لج الف حساب
دخلي امج وابوج في السالفة وخل يكلمونه ويكلمون أهله بعد ! لا تخافين من المشاكل او على إحساسه او شي لان بعدين انتي اللي بتعبين
خل يشرطون لج نفقة يدفعها يدفعها جان من وين بييبها واهو بروحه يدبر روحه ويا طلبات أهله ، بعد اللي اوله شرط آخره نور

السلام عليكم ورحمة الله وبركاته
اختي الغالية انتي لستي مسؤلة عن والدته ولااحتياجاتها
زوجك ان اراد ان يصرف عليها من باب البر
هو حر
لكن ان يأخذ من فلوسك ويصرف على نفسه ووالدته
ليس لديه اي حق
المثل يقول زوجك وماتعوديه
ان عودتيه انك دائما مستعدة لأعطائه فلوس سيتعود
والظاهر امه عجبها استغلال فلوسك لصالحها وبدأت تنافسك بالشراء وانتي عروس المفروض هي بمقام والدتك وهي من تشتري لك
قولي لزوجك بعد الاتفاق مع والديك ان لا يكذبوك
ان والدك دخل في مشروع واحتاج ان يتداين منك كل ماتملكين من نقود
وبهذا لن يستطيع ان يطلب منك لأن على اساس انتي لاتملكين ولادرهم
شعريه انك انتي المعتمدة عليه وليس هو ووالدته يعتمدون على فلوسك
هذا هو رأيي اختي
ومبروك الزواج واتمنالك كل التوفيق
حزم في بداية الزواج=توفيق طول العمر بأذن الله
سلامي لكي
اختك لارسا بغداد

انا اشوف تاخذين الفلوس اللي بحسابج كلها وتعطيه اياها وتقولي له اقعد بالبيت وانا بشتغل عنك

خليه يتدلع



سوري يعني..قريت الكلام و تنرفزت بقوووووووووووة..شلون تسمحي له يسوي جذي؟؟؟...اذا انتو مخطوبين وحقج مهضوم جذي لما تتزوجون اشراح يصير؟..اسمحي لي...بس هو لو صدق يستحي كان ما اخذ منج فللللس واحد..ولو انت عرضتي عليه كان قوم الدنيا وما قعدها...الرجل مستحييييييييل يقبل على نفسو ياخذ من حرمته فلوس الا لو صار موقف مصيييييري وزوجته عطته برضاها...ما له اي حق ياخذ منج فلوس...هذا واحد..اثنين ماله حق ما يصرف عليج..اذا هو ما عنده قدرة يصرف عليج..كان خلاج فبيت ابوج معززة مكرمة..ثلاثة...انت مو مجبورة بأهله ولا هو مجبور..اذا في احد غيره يصرف..ينجاز مع اهله ولا هو واخوانه يسوون قطة ويعطون اهلهم مرة بالشهر هذي القطة وبسسسس...بعدين اشسالفة امه؟؟؟ غلاكسي تاب!!!..سبحاااااان الله!!!...

سوري اذا كلامي صريح وشديد شوي بس صدقيني حبيبتي مو من مصلحتج يطمع بحقج جذي ويستسهل موضوع انه يصرف من جيبج انت...والله فشلة...كلميه بصراااااااحة..اذا ما تقدرين وجها لوجه بتستحين..كلميه بالفون...بعد تستحين..ارسلي مسج..

انا خطيبي من البدااااااااااااية فهمته قلت له انا بتقي الله فيك من ناحية المصاريف..لكني عند ابوي لي كذا وكذا ومتعودة على كذا وكذا..فأنت بعد اتقي الله فيني...واتفقنا من البداية اننا نوفر لحياتنا بالمستقبل وخليته يبدي يوفر من الحين من راتبه..حتى مصاريف الزواج قلت له بتكون عليك رغم انه بعاداتهم على أهل العروس..بس ابيه يفهم انه لو اخذني من بيت أبوي هو بيتكفل فيني ويشيل مسؤوليتي...حتى مو بعدين يجي يقول لي فلان من اهلي بغى ولا فلانة طلبت..ولا ما قلت لي شنو تبين...خلاص..صار يعرف اللي له واللي عليه...وانا كل فترة اسأله شلون الامور ماشية بطريقة حلوة واشجعه وادعي له الله يبارك له بماله وهو مستااااانس..رغم انه استغرب جرئتي شوي..بس الحين مستانس على هالشي الحمدلله..فحاولي تسوين خطة وتمشين عليها معاه..الله يوفقج

البنات كلامهم صحيح وماقصروا.

والله امه قلبها خضر تبي جلاكسي اليديد بعد،،

خلك حازمه وقوي قلبك حبيبتي،

اكبر غلطه انك اتنازلين من البداية،

اسمعي كلامنا لأن احنا ذايقين من هالنوعيات خسيسة النفس الطماعه،

عيل مب طمعان في فلوسك،، ها !!

حياتي

انا اشوف انه مره مستغلك وبعدين 10 شهور سلامات
بتكملون سنه

اختي اسحبي فلوسك وعطيهم ابوك

او افتحي لك حساب ثاني وحولي الفلوس عليه

ولاتقولين لاحد

واذا سالك او قال لك عطني قولي ماعندي
وروح شوف بنفسك

او عشان المشاكل افتحي حساب وحولي لك بين فتره وفتره ملبغ
يعني مرتين بلاسبوع مبلغ

واشوي اشوي

لين تخلصين وخطيبتك يقتنع انه خلصت

وحاولي تعجلن بلزواج

والله يوفقك

حبيبتي هذا نازل يسحب فلوسك وبالأخير يقولك مو طمعان يبي يخليك ماتفكري بالهشيء
وغلطانة انتي مو مسؤله على ابوة ومو لهدرجه

وبعدبن بر الوالدين على العين والراس بس مو لهدرجه وايش يستحي يرفض طلب ماوصلت لكذا ولعلمك الرجال اذا يبي الشيء وربي يجيبة ولو وقف أمة وأبوة عن حدهم بس هو كذا مرتاح تجية الفلوس ببلاش


أختر راجعي نفسك وأستخيري وخطوبتك طووووولت كثير ايش تنتظري أكثر من كذا


اتمنى لك التوفيق

دعواتك

ما قصرتوا بنات مشكورين
بس امه ما تدري انه يتسلف فلوس مني عبالها ان هذي فلوسه هو
وهو اذا ياخذ ساعات اذا جاه مبلغ يرجعه لي
او اذا ما عنده يوعدني ان يرجعهم لي في يوم
بصراحة اذا عنده ما يقصر علي
بس انا خايفة يتعود ياخذ من عندي بعدين ويتهاون
خصوصا ان امه متطلبة شوي لان على بالها ان هذي فلوس ولدها وما تدري انهم من عندي

سواء امه تدري او ماتدري هو غلطان والبنات ماقصروا في نصيحتك ، هو في كل الاحوال طمعان في فلوسك لان الرجل يحس بكبرياء وكرامة ومستحيل يمد يده لخطيبته او زوجته خصوصا انكم في اول الزواج ، هو مو محتاج حتى تعطينه فلوس بل لازم عليه يرتب اموره ويشوفله حل لاوضاعه المادية ويتماشي مع وضعه على قد راتبه مو يصرفه في نص الشهر والباقي ياخده منك , لين متى بياخد منك ؟؟ وقدامكم الحياة ان شاء الله طويلة ومصاريف وعيال .... الخ

من حقش تضايقين الصراحة
مو عيب ان الزوجة تساعد زوجها
بس خطيبش المفروض ما تسمحين ليه
ياخد من فلوسش عشان يلبي طلبات امه
و اهله حطي لهم حد من الحين يقول ان هو
مو طمعان بس الي قاعد يصير العكس

و رأيي مثل اختي دمعه شقا لو تعطين البطاقة
ابوش احسن

صراحه انتي نرفزتيني من السذاجه اللي انتي فيها....ابوكي عاملك حساب وموفر فيه فيه مبلغ علشان يصرف على زوج بنته؟؟!!

الرجل صاحب المبدأ وعزه النفس ماياخذ فلوس من خطيبته او زوجته..وليش يروح عمره وهو اصلا ماعنده فلوس...وليش يشتري لامه تلفون جالكسي اخر موديل خير ان شاءالله ... وهو مفروض يستحي يطلب منك ومو مثل ماقلتي يستحي يطلب من امه مع انه معها وتصرف كل شوي 200 دينار...يعني عادي برايك يطلب منك انتي اللي خطبك بس من 10 شهور بس يستحي يطلب من امه اللي عايش معها طول العمر ومربيته ...صراحه فيني قهر منك ومن تصرفاتك ...انا اسفه اسلوبي قاسي بس انتي جد جدا ساذجه بتصرفاتك مع خطيبك ...يابنت الناس خطيبك طمعان بالكم فلس اللي عندك ..وبكره راح تشوفي ماعندي رد اكتر البنات ماقصرو فيكي...لو منك ارجع الفلوس للوالد وبعدين بحال قررتي تكملي دراسه خلي الوالد يدفع للجامعه اول باول ...بدال ماخطيبك هو اللي ياخد المبلغ اول باول علشان يروح عمره ويجيب موبايل لامه..

الحمدلله انك لسه ما اتزوجتي و لسه ع البر

انا اتخيل الحياه مع هذا الانسان ستكون صعبه .. يعني اتصوري كيف راح تكون حياتك بعد الزواج و مع مصاريف البيت و بعد قدوم الاولاد و الميزانية الكبيرة ؟

اكيد راح ياخد منك دايما و أبدا مادامه من الان اتعود ياخد عشان يمشي اموره و يرضي امه و انتي الضحيه

انا اشوف لو تتركيه و ربنا يبدلك بزوج خير منه .. صحيح قرار صعب لكنه ضروري عشان راحتك المستقبليه .. لازم تنظري لبعيد

و عليكي بالاستخارة اولا قبل الإقدام على هذه الخطوة المهمه

شوفي حبيتي بين الرجل وزوجتة ما في شيء وكل واحد يساعد الثاني بس الخوف موضوع التعود هذا والله مشكله شوفي نصيحة خليهم وديعه او سحبي مبلغ وقدره وخليه عند امج ع اساس انك مسلفتها اياه وبينقص حسابك طبعا وبعدها خبريه ان الوالد في مشكلة وانج سلفتيهم او حطي فلوسج وديعة

الغالية الواحد بعد يكون حريص في هالزمن والمبلغ اللي اهلج كانوا يجمعونه لج خشيه لوقت اصعب واذا هو ما يقصر عليج ترى هذا واجبة انتي زوجته وهذا هو واجب شرعي عليه يعني ملزوم