قصيدة أعرف بعض لوقات
القصيده ليست للشاعر محمد بن فطيس
إنما هي
للشاعر حمد بن فطيس والد شاعرنا حفظهما الله
اعرف بعض لوقات لا سرت مشغول*****واعرف بعض لوقات لا سرت فاضي
دنيا مهي تبقـى بحـالٍ علـى طـول*****كن حن بها علـى قضيّـا مقاضـي
من جايعدل ميلهـااا قيـل مهبـول*****لعبة ورق فيها المسيطـر يغاضـي
الزور يقلب حـق!! والحـق مجهـول*****والحـق مـا منـه مـلاذ وتغاضـي
كثر النفاق.. ودار حـولٍ بثـر حـول*****ماكـن كثـر البلبلـه حكـي فاضـي
ومن لا توقى في الرماضـي بزربـول*****يحـرق سماريّـه مسيـر الرماضـي
(وارويبضه) لوقال ما هـو بمسـؤول*****قبل امس ما يسأل وذالحيـن قاضـي
خضت البحر وانا اتحاشا عن الدول*****خوف الهلامي يلحق السـاق شاضـي
البايع الشـاري مـع النـاس مقبـول*****بيع وشرا عادي.. قبـول وتراضـي
إلى اجتمع مرهي وشاعر ومخبـول؟؟*****خلطـة ادب فاشـل تثيـر امتعاضـي
تشرى الذمم واتباع بالعرض والطـول*****والكـل ينظرهـا بعينـه وراضــي
المال خلاّ غير معقول؟؟ معقـول!!*****مالوم نجـم الأغنيّـه قـام ياضـي
ياللأسف.. ما كـل منقـول مقبـول*****ثوبٍ مشجّر جنّب ثـوبٍ ابياضـي
قلته وأنا بالفعل برهنـت ما..اقـول*****وعلى جبا الريان تنسف احياضـي
وعن ما حصل للشعر ماني بمسـؤول*****ما دامنـي مبـدي عليـه اعتراضـي
قصيدة ماني بقادر على تغيير جيناتك
القصيدة ليست للشاعر محمد بن فطيس
إنما هي
للشاعر حمد بن فطيس والد شاعرنا حفظهما الله
[FONT=Century Gothic][COLOR=darkgreen]ماني بقـادر علـى تغييّـر جيناتـك*****ما دام طبعك كذا مخلوق فـي دمّـك[/COLOR][/FONT]
[FONT=Century Gothic][COLOR=darkgreen]دوّر علـى كثـر روحاتـك وجيّاتـك*****تلقى المواساة والتحنان عند ..أمّـك[/COLOR][/FONT]
[FONT=Century Gothic][COLOR=darkgreen]لاتبكي اليوم تـو اليـوم مـا فاتـك*****الوقت ممدي ودمعك يمسحـه كمّـك[/COLOR][/FONT]
[FONT=Century Gothic][COLOR=darkgreen]وإن ما قبلت النصيحة يوم هي جاتك؟*****لاتحسب انـي حزيـن وناقـلٍ همّـك
خلّك على ما تبي تمشـي بمشهاتـك*****تمشي على رغبتك وابليـس مزتمّـك
متعـدّيٍ مستـوى ذوقـي ملـذاتـك*****اقفيت ضامي بدون الشرب من جمّـك
لوكنت ليلي وانا سهران مـا اباتـك*****ولو كنت شوقي وانا مشتاق ما اضمّك
ولو ذبت لي شمع ما نّور مسافاتـك*****ولو كنت ورده من الريحان ما اشمّك
لملم على باقـي الذكـرى جراحاتـك*****وتذكّر اني ولو ما امدحك ما اذمّـك
ما دام هوج العواصف تبتلـي ذاتـك*****اخاف تقفـي مـع التيّـار ويخمّـك
من يوم عادك طفـل هـذي معاناتـك*****الله يستـر عليـك الحـال ويتـمّـك
وإن طعت ياهوه شوف افضل هوياتك*****اخير من تبعـة المسمـوم وايسمّـك
الموج لاكبـر مـا تنفـع مهاراتـك*****لوكنت سبّاح في عرض البحر
طمّـك
لاشك ما ضنتي ..ما تسمع اوشاتـك*****الصدق لوعم خلـق الله مـا عمّـك
وانكـان ودّك تذكّـرهـا بدايـاتـك*****من يمي الوصل والتقصير من يمّـك
جرّب مع واحـد ٍ غيـري مياناتـك*****مدري لواني بعدها صرت ما اهمّـك
أكيـد مقـدر علـى تغييّـر جيناتـك*****ما دام طبعك كذا مخلوق فـي دمّـك[/COLOR][/FONT]
قصيدة لا ياوجودي وجد من فاجاه ديان
القصيدة ليست للشاعر محمد بن فطيس
إنما هي
للشاعر حمد بن فطيس والد شاعرنا حفظهما الله
إلا ياوجودي وجد مـن فاجـأه ديّـان*****برغم اعتزال الناس من كثـرة اديونـه
بعد ما فضى جيبه وكفه وحالـه شـان*****تناسـوه ربعـه كنهّـم مـا يعرفونـه
تناسوا مواقيفـه ولا كـن شـيٍ كـان*****على غير ما ترضى الكرامـه يحدونـه
وهو كان منقع طيب منهل وفا واحسان*****فلاشـك عّـوان الزمـان ايتحـدونـه
رفع كفه الخالي الي الخالق الرحمـان*****عقب ما تصافوا كلهم ظلم مـن دونـه
سريع الفرج كافل برزقه جميع انسـان*****قبل طلبته واعطاه ما خيّـب اضنونـه
على اللي سلب عقلي بسلهامة الاعيان*****على العهد لو تبعد نحاياه مـا اخونـه
إلى جيت بادله من خياله بعض الاحيان*****يذكرّني القمري على الغصـن بلحونـه
يذكرّني القـد المخصّـر وهـو مليـان*****تعزّال رسلانٍ علـى الضـو مركونـه
يتيم الوصوف وليّن العود غصن البـان*****جميـل المحيـا والحجاجيـن مقرونـه
إلى اوما بليل امجدله من على الامتـان*****تخيّلـت كـن الليـل ممسـاه بمتونـه
والى طاح واسترسل وبانت لي الاوجان*****تخيّلت نور الصبح وان الشفـق دونـه
لها بنّـة العطّـار واحكايـة المرجـان*****مع اللول والرمّان كـن البـررد لونـه
معا ذا ..ولولا الميز باقول بنت افـلان*****على شان مثلـي لاعشقهـا تعذرونـه
القصيدة ليست للشاعر محمد بن فطيس
قصيدة ليتني طير
ليتني طير إلى من ضاق رفرف بـه جناحـه*****لا تضايق حرّك الجنحـان لحـدود السحابـه
يرتفع حتى يبدل ضيقـة الصـدر انشراحـه*****يعتلي النسناس ويعانق بـه النـوّ وضبابـه
لو يروح بعيد ما أحد يسألـه سبـة مراحـه*****ما هو بمثلي يفجّـر ضيقتـه دمـع وكتابـه
لا نوى ما هو يحسّب فرق بعد ولا مساحـه*****ولا يحاتي لا لفى بـأرض بعيـد ولا قرابـه
ما يفكّر غير فـي لمـة جناحـه وانفتاحـه*****لا بغى ينزل بنهر وان بغـى ينـزل بغابـه
لأجل قلب لا طرى له صاحبه داعب جراحـه*****عانده وجه الزمان وزاد وقته مـن مصابـه
صاحبي والحظ الأ قشر قلّد أيامـي وشاحـه*****يسقي أيامي دموع ويطعـم الظلمـى كآبـه
في رجاء لقياك دارت غربتي في كل ساحة****وعين قلبي في غيابك صدّقت كذب السّرابه
لا أرتسم بعدك هجير ترتسـم لقيـاك واحـه*****ولا أرتسم حبك قريب تصبح اللقيـا مهابـه
لا جنت فرقاك فرح ولا أثمرت جمعاك راحـه*****بين حرّ القرب وأحزان الفراق أوجه تشابـه
من مساءهاجس لقاك اللي يماطل في صباحه*****لين هاجوس الفراق اللي تمادى في عذابـه
ليت قلبي طير لا من ضاق رفرف به جناحـه*****لا تضايق حرّك الشريـان لحـدود السحابـة
القصيدة ليست للشاعر محمد بن فطيس
يتبع ..‘‘
المصدر:
من إحدى المنتديات المهتمة بقصائده