بسم الله الرحمن الرحيم
السلام عليكم ورحمة الله وبركاته
موضوعي متعلق بالبنوتات اللي بشرتهم جافه ... وأنا منهم :035:
(( قبل كل شيء / أنا راح أتكلم عن تجربه شخصيه ممكن ما تناسب الجميع .. ولكل وحده منا تجربتها الشخصيه وحلو أن نتعرف ع المنتجات من واقع تجربه ))
عانيت فتره طويله من هالمشكله ولين اليوم لما اهتميت ببشرتي أرجع أعاني مره ثانيه
جفاف مب طبيعي .. تقشر في البشره من شدة الجفاف
أواجه صعوبه مع الفونديشن ومب أي كريم ترطيب ممكن يرطب بشرتي بالشكل الصحيح !
أشتريت منتجات عديده لحل هالمشكله من ماركات معروفه ومنتجات عاديه وأغلب محاولاتي كانت فاشله ! :047:
إلى أن مره كنت بأحد المجمعات ودخلت أحدى الصيدليات اللي تبيع منتجات ماركه / CLARINS
شرحت للبائعه مشكلتي مع بشرتي وهي لاحظت هالشيء اساساً لما دققت بوجهي وبشرتي .. ونصحتني بمجموعة من منتجاتهم بعد مابينت لي أنها ماركه طبيعيه
أشتريت منهم
1/ غسول ( ممكن يستخدم صبح ومسا )
ينقي البشره وينظفهااا :02: .. وطبعا كأي بشره جافه بعد الغسيل بالصابون او الرغوه تحسين بجفاف
فـ طبيعي راح تحتاجين تونيك 2/
التونيك هذا رهيب :036: طبعاً ما تحطين بقطعة قطن وتمررينه على بشرتج مع تجنب منطقة العين راح تحسين بإنتعاش وأنه جدد بشرتج وطبعاً رطبها بعد الغسيل
* ملاحظه .. البايعه قالت لي خاصه التونيك لو خلص منج ممكن تستخدمين بداله اي تونيك طبيعي موجود عندج .. واستخدمت وصار لي فتره لازلت استخدم التونيك الخاص بالبشره الجافه من بودي شوب " الوردي " .. وهو بعد قااايم بالواجب
3/ يجي بعدها دور السيريوم
السيريوم هذا تبخين منه كم رشه على راحة يدج وتبدأين تربتين فيه على البشره " ما تمسحين مجرد تربيت براحة يدج يعني ضربات خفيفه " على كامل وجهج مع تجنب منطقة العينين
وآخر خطوه 4/ كريم الترطيب
يا حبي له :032: ترطيبه يناسبني جداااا .. وحتى في أي وقت حبيت احط مكياج يكفي انظف بشرتي ع السريع واحط من هالكريم وهو يتكفل بالترطييييب
..
طبعاً لهم منتجات ثانيه تنفع للبشره الجافه مثل المقشر الأسبوعي .. والكريم الخاص بمنطقة العين وغيره
اشتريت المقشر وكريم العين لكن بصراحه ما استمريت عليهم بشكل دائم
لكن هذه الخطوات مستمره عليها وهي مساعدتني وااايد ونفعت بشرتي بشكل كبير
:07:
المجال مفتوح للجميع أكيد اللي لها تجربه مع هالماركه تكتب لنا واللي جربت منتجات ثانيه وكانت جيده ومميزه بعد ياريت تساعدنا
واللي تبي تحذرنا من ماركه ما فادت معاها بعد أكيد المجال مفتووووح < :f:
بيكون لي عوده إن شاء الله عشان أتكلم عن الفونديشن .. وشنو الأنواع اللي فعلاً أرتحت لها وناسبت طبيعة بشرتي
أنتظروني
:032:
~
