تغطية طبيعية - منتديات عروس

أ

أنثى بمعنى الكلمة

عروس رائعة

28-07-2012 | 01:29 AM

السلام عليكم

مبارك عليكم الشهر
اشتقت لكم وايد :L:

من زمان ما شاركت ولا نزلت موضوع بسبت الشغل فمن صار عندي فرصة قلت لازم اقولكم عن اخر مشترياتي وان شاء الله يعجبكم ...

انه تدرون فيني اموت في المكياج والعطور واكيد الكل ايدور على ماركة اتنسب بشرته وتعطية شكل طبيعي ....

ووايد حطيت مشاركات او موضوع اني ابقي كريم اساس او فاونديشن حلو وانه جربت وايد من المنتجات اللي في سنتر بوينت والمنتجات الاغلى اللي في دبنهامز وباريس غاليري بس كلهم يشتركون في انهم ما ايناسبوني عدل .

مثلا قبل صديقتي نصحتني في ماركة ماك وشريتها وكانت عاجبتني حتى بنت عمي مدحت شكلي ولكنه تالي يوم شريت من كلاينس عرفت الفرق لانه ماك وايد ثقيلة يعني الصراحة ماتنفع للاستخدام اليومي وهذي اللي انه احتاجة وتالي حبيت اغير مرة ثانية وبالصدفة دخلت سيفورا مع كان ودي اشتري شي ثاني بس اللي تشتغل اهناك ماعرف شيسمونهم قالت لي جربي هالماركة لاني قلت لها اني ابغي شي يعطي تغطية طبيعية وما يحتاج بودرة و قالت لي تعالي معاي وراوتني هالماركة وكنت مترددة بس توكلت على الله وشريتها ...

ويابنات الصراحة يوم جربتها في البيت النتائج روعة يعني ايكون الشكل طبيعي مثل ما انه بغيت بس مع تغطية حلوة يعني لو عندج هالات سوداء تحت عينج تقدرين اتحطين طبقة خفيفة من الكونسيلر مع انه انا احس ما يحتاج وتالي اخذ فرشاة البودرة واحط طبقة خفيفة عشان كل شي يثبت ....

وبعد هالهذرة احين عرفتوا شكثر اشتقت لكم :oجوفوا هذرتي شطول:L: ....

هذي صورة المنتج ....

واسم الماركة guerlain

وسلامتكم

ولا تنسوون اتقيموني :mad::lol:

A

AŢнβA

عروس مجلس بنات عروس الثقافي و ركن سماء الإبداع

28-07-2012 | 01:55 AM

..
ماركة جيرلان معروفة بمنتجاتها الحلوة
مع إني ما سبق وجربتها
ومــآك فعلاً حلوة بس ثقيلة ترهق البشرة
عليك بالعافية يارب
وألف سلامة عليك قدامك العافية ان شاء الله

أ

أمولة الفيزيائية

عروس برونزية

28-07-2012 | 03:13 AM

يسلمووو غاليتي

M

MISS-EN

عروس ركن المكياج

28-07-2012 | 05:24 PM

مشكوره على مشاركتج حبوبه وتجربتج واايد حلوه بنسبه ل كريم الاساس واكيد الماركة المعروفه والفرنسيه أو الامريكيه اللي تنباع في سيفور واريج وباريس غاليري لها لمسه خاصه غير عن بقيه الماركات اللي تبناع في سنتر بوينت .. وعن تجربه اذا كان بنسبه للبشره وخاصه كريم الاساس لازم اخذ من الماركات الغاليه ما اعرف ليش بس احسه افضل وفي انواع خاص عندهم انواع متعدد ل للبشره ل أن مثلا من سنتر بونت ما لهم كريم اساس خاص للبشره الدهنيه او المختلطه ..

ومنتجات guerlain انا احبها وايد وخاصه البودره ما شاء الله لين حين كم مره شريت من عندهم وما شفت احسن عنها ... الحمد الله وان شاء الله دايما ... بس انا مثلج قاعده اجرب واكثر من انوع كريم الاساس وان شاء الله احصل كريم يناسيني واحبه ... مع اني ابد ما فكرت اجرب من عندهم

ومشكوره على تجربتج الحلوه ^ ^

ب

بعثرة جنوون

عروس رائعة

28-07-2012 | 09:38 PM

الله يعطيك العافيه عى طرح تجربتك
:)

S

Sugar Rush

عروس ماسية

29-07-2012 | 06:08 AM

ما شاء الله
تتهني فيه يارب
و مشكورة على مشاركتنا تجربتك
عندي سؤال كيف تحطين الفاونديشن باليد و لا الفرشاة
و كم السعر
و مشكورة مقدماً
و تم التقييم + لايك

S

Sweet N Sour

عروس ركن العناية بالبشرة والجسم وركن العطور والعناية بالشعر

29-07-2012 | 10:27 AM

مشكورة اختي لطرح تجربتك

ر

ريما الخليجية

عروس ركن العناية بالبشرة والجسم وركن العروس

29-07-2012 | 11:54 AM

تسلمين حبوبة لذكر تجربتك

وماركة جيرلان معروفة

والحلو في المنتج إن فيه عامل حماية من الشمس

ممكن أعرف نوع بشرتك ؟؟

وتم التقييم

أ

أنثى بمعنى الكلمة

عروس رائعة

30-07-2012 | 12:25 AM

AŢнβA;16190886:
..
ماركة جيرلان معروفة بمنتجاتها الحلوة
مع إني ما سبق وجربتها
ومــآك فعلاً حلوة بس ثقيلة ترهق البشرة
عليك بالعافية يارب
وألف سلامة عليك قدامك العافية ان شاء الله

الله يسلمج وامين وياج وماك وايد ثقيلة وغير جذي ما عندهم دجتي يعني الاشياء اللي اشتريها كنت احسها اوكيه بس يوم جربت متجات ثانية حسيت بالفق لانه ويهي ايكون طبيعي ومو داكن بالدرجة اللي اجوفها من استخدامي لمنتجات ماك ...وتسلمين على الرد فديتج

أمولة الفيزيائية;16190982:
يسلمووو غاليتي

الله يسلمج

MISS-EN;16191529:
مشكوره على مشاركتج حبوبه وتجربتج واايد حلوه بنسبه ل كريم الاساس واكيد الماركة المعروفه والفرنسيه أو الامريكيه اللي تنباع في سيفور واريج وباريس غاليري لها لمسه خاصه غير عن بقيه الماركات اللي تبناع في سنتر بوينت .. وعن تجربه اذا كان بنسبه للبشره وخاصه كريم الاساس لازم اخذ من الماركات الغاليه ما اعرف ليش بس احسه افضل وفي انواع خاص عندهم انواع متعدد ل للبشره ل أن مثلا من سنتر بونت ما لهم كريم اساس خاص للبشره الدهنيه او المختلطه ..
العفو حاظرين ايه والله صدقتي الفاونديشن والبودرة من السيفورا وباريس غاليري غير عن البقية لهم لمسة حلوة على الوية .....
ومنتجات guerlain انا احبها وايد وخاصه البودره ما شاء الله لين حين كم مره شريت من عندهم وما شفت احسن عنها ... الحمد الله وان شاء الله دايما ... بس انا مثلج قاعده اجرب واكثر من انوع كريم الاساس وان شاء الله احصل كريم يناسيني واحبه ... مع اني ابد ما فكرت اجرب من عندهم

ومشكوره على تجربتج الحلوه ^ ^

انه ناوية اشتري بودرتهم باذن الله واحين حمستيني اني اشتريها وتسلمين حبيبتي على المشاركة :adore:

بعثرة جنوون;16191718:
الله يعطيك العافيه عى طرح تجربتك
:)

الله يعافيج ويسلمج

Sugar Rush;16192376:
ما شاء الله
تتهني فيه يارب
و مشكورة على مشاركتنا تجربتك
عندي سؤال كيف تحطين الفاونديشن باليد و لا الفرشاة
و كم السعر
و مشكورة مقدماً
و تم التقييم + لايك

انه اغلب الاحيان استخدم الاسفنج لانه العناية فيها اسهل تقدرين تستخدمين وحدة وتغطينها اذا حسيتيها انج استهلكتيها ولكنه الفرشاة يبغيلها عناية وغسال لانه اذا ما اعتنيتي فيها وغسلتيها باستمرار بيسبب لج حرار في ويهج وهذي اخر شي ابقيه :sick:..
وبعد اكتشفت من استخدامي للفاونديشنز انه يعتمد على الفاونديشن نفسة لانه بعضهم اذا تستخدمين الاسفنجة تمتصة وما تستفيدين يعني لين بتحطين على ويهج حتى لو خذتي كمية كبيرة بتجوفين انها قلت لانه الاسفنجة مثل ماقلت امتصتها وغير جذي بيصير شكل الفاونديشن على ويهج مو حلو فانه حق هذي الفاونديشن احاول قد ما اقدر اني استخدم الفرشاة ... وسعر الفاونديشن 27 دينار على ما اعتقد .....مشكورةعلى التقييم فديتج

Sweet N Sour;16192617:
مشكورة اختي لطرح تجربتك

العفو حاظرين

ريما الخليجية;16192704:
تسلمين حبوبة لذكر تجربتك

وماركة جيرلان معروفة

والحلو في المنتج إن فيه عامل حماية من الشمس

ممكن أعرف نوع بشرتك ؟؟

وتم التقييم

العفو حاظرين حبيبتي انه بشرتي جافة وانه سمرة فمعاناتي مع الفاونديشن كبيرة لانه مو كل ماركة عندهم درجتي مثل ما قالت وحدة من الخوات ....وتسلمين على المرور

م

ماء الالماس

عروس رائعة

30-07-2012 | 03:52 AM

تسلم ايدك على طرح تجربتك ..

انا ما عمري جربت فاونديشن جيرلان .. ولا اي شي من جيرلان .. الا عطورهم طبعا واااااااااااااااااو
بس اكيد كل ماركة فيها شي يميزها وفيها شي حلو وشي مو حلو

كل البشرات بتغلب بالفاونديشن الجافة الدهنية المختلطة كلهم بغلبوا .. عدى البشرة العادية اللي بشرتها العادية نيالها ما شاء الله

الله يعطيك ألف عافيه على طرح تجربتك
وتم التقييم حبيبتي

M

M!$$_BLinG

مشرفة سابقة

30-07-2012 | 10:22 AM

يعطيج العافيه يا قلبي
من طول الغيبات ياب الغنايم
ما جربت فاونديشن جيرلان جربت البودرة الذهبيه لي قطعوها الحين
اتمنى اجرب بس حاليا عندي اكتفاء فاونديشنات و ان شاء الله قريبا اجرب اقتراحج

f

fragrance jiji

عروس جديدة

31-07-2012 | 12:25 PM

الف شكر يا قمر محتاجين معلومات زى دى دائما ولا تبخلى علينا والله يجملك فى عيون الناس يارب

م

منبـــع إحســآس

عروس رائعة

04-12-2012 | 12:27 PM

مشكوووره على الافاده

m

maryom2009

عروس ماسية

04-12-2012 | 07:11 PM

ماركة جيرلان خطيييييييييييييييييييييييييير فى كل شئ كريمات مكياج وعطور أسعارها غالييييييييييييييه :hysterical: ناااااااااار

جربت بعض منتجات بشرة
وكريم أساس قديم بارور إكستريم

مشكوووورة ع الموضوع تم تقيييييييييم F:

م

ماذا اقول

مراقبة أركان البيت والمطبخ ومشرفة ركن الأزياء ، عضو فريق التطوير بالمنتدى

10-12-2012 | 05:56 AM

مشكورة يا قمر
والله يعطيكِ العافية