التجمع الثاني لأمهات شهر(6) يونيو 2012 لشهر رمضان

و عليكم السلام و رحمة الله و بركاته...

عساج عالقوة أم عبد العزيز...

حنا كلنا بخير عساج بخير و عافية إن شاء الله...

شلون سوسو مع الإلتهاب إن شاء الله خف... و انتي رحتي للدكتورة عشان الإلتهاب!

أول أمس رحت السوق و أخيرررراً شريت ذهب لعليا! كل الذهب اللي عندها من هدايا و لادتها و كل ما جيت بشتري شي جديد يقولون لي حراام غالي ما يسوى و أنا بقووة خاطري أكشخها بمضاعد بالعيد... لما كنا صغار أنا و أختي كنا ما نفصخهم لين كبرنا و ضاقوا علينا أضطروا أهلي يقصونهم ههههههههه
خذت لها مضعدين و طقم نعووم تعليقة و حلق... و حبيبتي طايرة من الفرحة فيهم بس قبل لا نطلع من المحل قالت ماما وين الخاتم؟! ههههههههه الأخت تبي طقم كامل :lol:

و بعد السوق رحت وديت علوي للدكتورة عشان عينه رجعت إلتهبت، و ضيقت صدري عشان وزنه! تقول وزنه كثير ناقص عن المعدل الطبيعي و غيرت الحليب حقه كنت أعطيه إس 26 و عطته نوفالاك و زادت الجرعة... و بو صفار بعد للحين فيه بس تقول جداً خفيف... لكن الحمد لله كل شي تمام...

و اليوم بيجوني أهل زوجي إن شاء الله و للحين ما سويت شي بالمطبخ :worn_out:

الله يعين F:

~أحلام~;16188082:
شخباركم بنات الله يعطيكم العافية
انا وريما تمام وريومة هادية وحليوة بالنهار بس يجي الليل تصيييييح الله يعين

أهلييين حلومة حياج الله...

كلنا بخير إن شاء الله عساج دووم بخير و عافية F:

و يااا زينها الكتكوتة، خليها تصيح و تتدلع ههههههههه
الله يحفظها لج و تبلغين بعرسها...

لازم هالصياح اللي يعينا أنا علي ثواني بس من يفتح عيونه و ما يلقى رضعته يشيل الدنيا و يحطها لدرجة إنه يسكر من الصياح و أضطر أنفخ بوجهه عشان يرد يتنفس مرة ثانية!

الله يهديهم و يصلحهم و يقوينا عشانهم F:

الله يقويك ام راشد
الحمدلله خف ع المكركروم الازرق حتى لسانه بدا يبين من الطبقه البيضاء اللي عليه
وانا رحت للدكتوره قالت ان الجرح شفى وسحبت الخيوط والالتهاب بالبول قالت اكثر سوايل وبيره ويارب خير

عليها الف عافيه علياا عقبال ذهب عرسها يارب ،،خذي لها خاتم بس مو ذهب عشان ماتفصخه ويضيع

مسكيييين علاوي ،،انتي ماترضعينه طبيعي؟ حتى لو حليبك قليل مع الرضاعه يدر ان شاء الله
انا كذا يصيح لما اعطيه طبيعي لانه قلييييل بس افضل له والصناعي اعطيه سميلاك وع كلام الدكاتره انا زهقت منهم حتى سوسو ماوديته موعده هالاسبوع
وماله شر يارب

الله يعينك ع المطبخ وحوووسته

هلا بك احلام
يارب تكوني بخير انت وريووومه
والله يعينك هذا هم الاطفال ينامون بالنهار واذا جا الليل بننام ماينامون الله يهديهم

أم عزوز001;16190660:
الله يقويك ام راشد
الحمدلله خف ع المكركروم الازرق حتى لسانه بدا يبين من الطبقه البيضاء اللي عليه
وانا رحت للدكتوره قالت ان الجرح شفى وسحبت الخيوط والالتهاب بالبول قالت اكثر سوايل وبيره ويارب خير

عليها الف عافيه علياا عقبال ذهب عرسها يارب ،،خذي لها خاتم بس مو ذهب عشان ماتفصخه ويضيع

مسكيييين علاوي ،،انتي ماترضعينه طبيعي؟ حتى لو حليبك قليل مع الرضاعه يدر ان شاء الله
انا كذا يصيح لما اعطيه طبيعي لانه قلييييل بس افضل له والصناعي اعطيه سميلاك وع كلام الدكاتره انا زهقت منهم حتى سوسو ماوديته موعده هالاسبوع
وماله شر يارب

الله يعينك ع المطبخ وحوووسته

هلا أم عبد العزيز...

الحمد لله على سلامتج انتي و سوسو... غدا الشر إن شاء الله...

الله يعافيج و يسلمج و يبلغج بحبايبج... كأنج تدرين العيد اللي فات لبستها خاتم ذهب و رحنا بيت جدهم و لما طلعنا و وصلنا البيت أدوره ما لقيته و كلمت عماتها و اختبوا مساكين و هم يدورون و الحمد لله لقوه، على قولة عمتها خاتم سندريلا ههههههه

و علي أرضعه طبيعي و الحمد لله فيني حليب لكن صايرة أتعب و مالي خلق عالرضاعة استفغر الله، أعطيه شووي و باقي اليوم صناعي... فالدكتورة قالت لازم كل مرة أرضعه أعطيه من الجهتين 10 دقايق لكل جهة... و ربج يعين...

F:

Daisy Ash;16191680:
هلا أم عبد العزيز...

الحمد لله على سلامتج انتي و سوسو... غدا الشر إن شاء الله...

الله يعافيج و يسلمج و يبلغج بحبايبج... كأنج تدرين العيد اللي فات لبستها خاتم ذهب و رحنا بيت جدهم و لما طلعنا و وصلنا البيت أدوره ما لقيته و كلمت عماتها و اختبوا مساكين و هم يدورون و الحمد لله لقوه، على قولة عمتها خاتم سندريلا ههههههه

و علي أرضعه طبيعي و الحمد لله فيني حليب لكن صايرة أتعب و مالي خلق عالرضاعة استفغر الله، أعطيه شووي و باقي اليوم صناعي... فالدكتورة قالت لازم كل مرة أرضعه أعطيه من الجهتين 10 دقايق لكل جهة... و ربج يعين...

F:

هلا بك
الله يسلمك ويسعدك
الطبيعي احسن لهم ولجسمهم بس جد متعبه الله ياجرنا
انا مع ولدي ارضعه بس احسه مايشبع واحاول اتغذا واشرب سوايل بس الله يعين

بشرري خلصتي للعيد؟
رحت السوق يومين وخلصت للعيال وانا ولا شي:| بس تعبت ع الفاضي وفقر الدم مو مساعدني كل احس بدوووخه :sick:

الله يساعدنا وياجرنا يارب

مرحبا أم عبد العزيز...

زيين الحمد لله خلصتي للعيال... ترى أنا مثلج عيالي من قبل ما أولد شريت لهم و ارتحت لكن بقيت أنا خخخ
بيني و بينج ما لي خلق فرفرة بالسوق، أصلاً وين أروح مع علوي! عندي فستان شريته لعيد الأضحى و ما لبسته هو حلو و شيك لكنه موديله يجي ضيق و الحين أشك إنه يسكر عليّ :lol:

فتح طابا قريب من بيتي و دي أروح أشوف كان في شي للبيت لي و للعيال، من بعد ما رجعت فضيت دولابي كله! و الحين ما عندي لبس للبيت و للطلعات الخفيفة... ذاك اليوم رحت المارينا و خذت لي تي شيرتات و شغلات بسيطة و هنا اكتشفت إني زدت مقاس كامل :thumbs_down:

و عيالي ثيابهم صغرت عليهم خصوصاً رشود أحسه امتغط بسرعة ما شاء الله...

و ربي يكون في عونج مع فقر الدم، ما كتبوا لج حديد بعد ما ولدتي! لا توقفينه خصوصاً الحين مع الرضاعة الجسم يتعب... قدامج العافية إن شاء الله F:

مراااحب ام راشد
انا متعوده من رجب اخلص لهم بس عشان الظروف خخخخخ
بس تصدقين ماعرفت اتقضى لهم زي كل مره متعوده اخذ ملابس البيت من الهرم اشكال وانواع
لاتكثرين ملابس احين لان الجسم لسى مارجع لطبيعته قبل الحمل والعيال جد ماشاء الله يطولون بسرعه انا اخذت وقت تخفيضات سنتر بوينت ورد تاغ بعض الملابس اول مادخل الصيف ولبسوهم

عطوني حبوب حديد يوم اخذ وعشره لا انسى خخخخخخ
الله يعافيك

هلااا فيج حبيبتي...

ما قلت لج! خلصت الأربعين السبت :D
و صمت من أمس الحمد لله...

ياللا عقبالج تخلصين على خير إن شاء الله F:

و انتبهي لا تهملين الحديد، وراج بيت و عيال! اساليني :'(

الله يكون في عونا جميعاً F:

هلااا
مبارك علي وعليك الشهر خخخخخ
حتى انا صمت اليوم باقي لي يومين ع الاربعين والله يستر من اخر الشهر ماتجي الدوره تكفي عشر ايام فطرناها

وصدقتي احاااتي البيت والعيال الله يعين والدوخه متعبتني

كيف علاوي ماله مواعيد وماقررتي تطهرينه قبل العيد

هههههههه يا حليلنا... الحمد لله عالبلاغ...

في عيالي بعد ما أطهر ب 3 أيام تجيني اخت النفاس على قولتهم... يوم ميلاد علوي نفس ميلاد راشد 28 رجب، و في راشد فطرت 15 يوم بالتمام و الكمال عشان الدورة! إن شاء الله هالمرة تتأخر بسلامتها و أكمل الشهر على خير...

أنا بكرة إن شاء الله نازلة الجبيل و بودي علي هناك عند الدكتور حقه و إن شاء الله نطهره و نرتاح لأنه الحمد لله خلاص صار رجال و عدا 3 كيلو أخيراً :D

اليوم عيالي مدري شفيهم راشد و عليا الله يصلحهم كأنهم شاربين مشروب طاقة! لعب و فرفرة طووول الوقت عفسوا الدنيا! و علوي متسلط صياح مو راضي ينام فتعالي شوفيني أبي أخلص فطورهم و أبي أسكت هالنتفة و أهاوش هذولاك خلااااص وصلت حدي! عصبت عليهم كلهم و تميت طول الوقت متنرفزة حتى قهوتي ما خلوني أشربها من حوستهم ما شاء الله عليهم... و ما هديت لين نام علوي
بعدين عشيت الكبار و عليا بروحها من التعب قالت ابي أنام!
و الله خلاص أحس ما فيني طاقة معاهم... الله يصبرني و يعطيني طولة البال عليهم :(

اي والله الحمدلله
امي تقولي الله يستر لاتجيك الدوره ع طوول

الحمدلله واهم شي الصحه مو لازم يكون بالوزن وطهريه هاليومين قبل العشر الاواخر والعيد عشان تتفرغين لنفسك
والعيال ماشاء الله طول اليوم ركض ولعب وحوووسه واذا جا وقت النوم صار عزوز يتشكى من رجوله مايحسون بأنفسهم والله الله يهديهم ويصلحهم

والله يعيني اذا رحت شقتي شكل بو العيال عزم ياخذنا قبل العيد خخخخ

يوووه الله يعينج لا رحتي البيت... الحين أبوكم مشتاق لكم و إذا رجعتوا بيعرف الفرق زي بو رشود خخخ
ترجعين بالسلامة إن شاء الله و تنورين بيتج F:

أمس جيت بيت أهلي و كنت ناوية أقعد للسبت قلت يمديني أقص و أصبغ و أطهر علي، بس اليوم لما قمت من النوم و لا أمي تقول إن عمي عازمنا بكرة في بيته، هو نازل بيت جديد و مسوي عشا و طبعاً بالدمام :thumbs_down:
ما أحب مشاوير الروحة و الجية! فشكلي بكرة بشيل قشي مرة وحدة و أرجع معاهم... فتشوفيني اليوم مختبة ما يمديني أسوي شي!

الله يعين F:

الله يسلمك ويسعدك يارب

وربي يعينك
لازم تجلسين كم يوم بيت اهلك على ماتخلصين النيو لوك عشان تسوينها مفاجأه لبو راشد وطهري علاوي مره وحده
وانا هالاسبوع بعد بسوي النيولوك ابي اغير مره وحده خخخخخخخ

والله يعينك ع المشاوير

هلا أم عبد العزيز...

أبشرج أول أمس صبغت شعري بالبيت لون واحد كستنائي، بس ما قصيت ما أمداني أروح الصالون...

و أمس دخلت أتوضى لصلاة العصر و لا الأخت مشرفة :thumbs_down: ضاق صدري ليتها تأخرت عالأقل لين أخلص صيام هاليوم! و من جاتني و أنا ظهري ذابحني، شكله هذا التعب و قلة الأكل طلع علي :(

و بالليل نزلت الدمام حضرت العشا و رجعت مع أهلي مرة ثانية عشان أكمل شغلي :D

بشري عن سوسو إن شاء الله راح عنه الإلتهاب!

Daisy Ash;16200523:
هلا أم عبد العزيز...

أبشرج أول أمس صبغت شعري بالبيت لون واحد كستنائي، بس ما قصيت ما أمداني أروح الصالون...

و أمس دخلت أتوضى لصلاة العصر و لا الأخت مشرفة :thumbs_down: ضاق صدري ليتها تأخرت عالأقل لين أخلص صيام هاليوم! و من جاتني و أنا ظهري ذابحني، شكله هذا التعب و قلة الأكل طلع علي :(

و بالليل نزلت الدمام حضرت العشا و رجعت مع أهلي مرة ثانية عشان أكمل شغلي :D

بشري عن سوسو إن شاء الله راح عنه الإلتهاب!

ياهلا بك
انا عكسك قصيت بس للحين ماصبغت :lol:
انتي احسن مني عارفه انها دوره انا بعد ماصمت يومين رجع علي الدم وخلصت الاربعين ولسى في اثر وسألت شيخ قال انها استحاضه اصوم واصلي
الله يعينا يارب وياجرنا

والله سوسو تحسن ع المكركروم في فرق اول لسانه ابيض كله وطبقه ثقيله احين الحمدلله خفت شوي من الوسط واطراف لسانه صارت حمرا ع اللون الطبيعي ربي يشفيه ويعافيه فديته طووول معه كل اللي قريت بالنت يقولون اسبوع الى اسبوعين :(
الله يبلغنا فيهم يارب

مرااحب أم زيزو :)

نعيماً عالقصة و عقبال الصبغة إن شاء الله :thumbs_up:

صار لي مثلج في راشد طوولت لين بعد الأربعين و اغتسلت و صرت أصوم و أصلي... الحين جالسة أحسب الأيام اللي لازم أقضيها اليوم كملت 14 يووم :worn_out:
بس أشوا ألحق عالعشر الأواخر الحمد لله...

ما جربتي تودين سوسو لدكتور ثاني؟ جربي شوفي يمكن يوصف له علاج ثاني يريحه بسرعة...
و ما له شر إن شاء الله F:

F:

Daisy Ash;16203909:
مرااحب أم زيزو :)

نعيماً عالقصة و عقبال الصبغة إن شاء الله :thumbs_up:

صار لي مثلج في راشد طوولت لين بعد الأربعين و اغتسلت و صرت أصوم و أصلي... الحين جالسة أحسب الأيام اللي لازم أقضيها اليوم كملت 14 يووم :worn_out:
بس أشوا ألحق عالعشر الأواخر الحمد لله...

ما جربتي تودين سوسو لدكتور ثاني؟ جربي شوفي يمكن يوصف له علاج ثاني يريحه بسرعة...
و ما له شر إن شاء الله F:

F:

يااهلا فيك
الله ينعم عليك :D
وانا ايامي 13 عسى الدوره ماتشرف اخر الشهر
وللان في افرازات بسيطه جدا وخايفه استخدم تحاميل من الصيدليه واستخدم تحاميل الملح :sick:
وسوسو طفشت من الدكاتره معه والحمدلله المكركروم الازرق جاب نتيجه وصرت احط له مره كل يومين وتحسن عليه
والشر مايجيك يارب
كيف الحلوين ؟؟؟ :adore:

الحلوين طيبين الحمد لله...

و أبشرج اليوم طهرنا علي و أخيررراً... جابوه لي وجهه أصفر حبيبي من الألم و الصياح... و قبل ما يطهره الدكتور سألته في بنج؟ قال لأ قلت له و الله من جد؟؟ قال إي و الله ما في :-#
و أنا أحاسب يحطون له بنج موضعي قال نحط له مرهم بس ما يمنع الألم... مساكين الأولاد يعانون :badly:
و عطاه موعد بعد يومين... بس الحمد لله خلصنا هم و انزاح...

F: