الامير عبد العزيز ابن سعود ((السامر))

F:مساجلهF:
السامر و أحمد الناصر الشايع

إهداء إلى سيدي و والدي و مولاي حضرة صاحب السمو الملكي الأمير / سلمان بن عبد العزيز آل سعود أيده اله بنصره
شعر الأمير/ عبد العزيز بن سعود بن محمد آل سعود

علق وسام البوسنه لا عدمناك
مجدك مشاع ٍ كنك أبوك و أخوك

ما تدري ان أرقابنا ملك يمناك
و الحر لك من طيب الأفعال مملوك

يا كبر معروفك علينا و حسناك
يا مضفي الفزعه على كل مضنوك

يا كثر في ميدان جودك رعاياك
اللي على فضلك تربو وحبوك

كم واحد ٍ وده يسوي سواياك
و ما ورده جده على مارد أبوك

صفيت للشعب السعودي و صافاك
حتى غشاش الناس بالطيب صافوك

من صكته غبر الليالي تنصاك
و لولاك طيب ما تعنو و لا جوك

تلطف بحالة ذا وتاوي لهذاك
الناس في تصريف الأحوال مضوك

من جا يدور فزعة العمر يلقاك
قصر الحكم ما به و لا باب مصكوك

يا سيدي سلمان ما هوب يخفاك
خليت نجد المجد وردٍ بلا شوك

F:الشاعر
أحمد الناصر الشايعF:

علق وسام البوسنه لا عدمناك
مجدك مشاع ٍ كنك أبوك و أخوك

ما تدري إن أرقابنا ملك يمناك
و الحر لك من طيب الأفعال مملوك

حبك و شخصك بالضماير رسمناك
حب الولا ما يدخله ريب و شكوك

لو ما تعلمنا بقصدك فهمناك
بابك عن المحتاج ما هوب مصكوك

يا ليتنا بالعمر مره خدمناك
و إلنا الشرف لو كان نمشي على الشوك

من راحتك في وسط بيتك حرمناك
و إن كبرت القاله على الناس نادوك

تفرح إلى كبر اللزوم و زهمناك
مثل العديم اللي له أيام مشبوك

تسعى لدرب الخير منا و مناك
يالله عسى سعيك و مسعاك مبروك

طاب المريض و جرح عود يتمناك
و زاد الفرح بأيتامهم يوم شافوك

و تفريج هم الأرمله غاية مناك
لا يا بعد من يحفظ القرش بالبوك

بحّار بس إنِّيْ من عيونك مريب

موج العيون السود ياخذني بشوق

والمشكل إن أنكَر معي نيّة الطيب

وجيت أطلب حقوق ٍ وضاعت لي حقوق

وأصيح ماالقى لي من عيونك مجيب

لاقلت ناظرني تناظر بهن فوق

وأصير مخطي وأنت ياالمخطي مصيب

والهم يوقف لي على كلّ طاروق

درب الهوى للِّي شكوا قبلي تعيب

جرّبت قبلك بالهوى حب مخلوق

وإن قلت لك يكفي من الهجر تعذيب

تزيدني تعذيب وتعوقني عوق

بس إن خوفي عن نظر عيني تغيب

يهلّ دمع العين ويهشِّمْ الموق

وماظني أرجع للهوى عقب تجريب

وما أظن من عقبك يجي للهوى ذوق

قل نشوفك لا توَدّعْنِيْ ولا

ليل عينك يفضحه صبح الدموع

في سماه الغيم غيَّم وانجلى

بين مسرى الرمش الأسود والرجوع

في عيوني بين خلِّي والملا

مثل مابين المغيب من الطلوع

من خفوق ٍ منزلك فيه العلا

الدقيقة كنَّها عنده اسبوع

كل ماقالت عيونك ياهلا

أفطرت للحب صايمة السموع

وفي خفوقي أنت والحب نَزلا

والضلوع الحدب من دونك دروع

فيك ربي جامع ٍ كل الحلا

وأجمعوا لك كل خلقه بالخضوع

[BACKGROUND="70 #000000"]

ظالمات الليالي



عشت بنعيم الحب لاشك مادام
تقطّع أسباب الوصل منه تالي
الله على غيب الليالي والأيام
لافرقت غالي من عيون غالي
يمكن تلاقيني والاقيك قدّام
وتصفى مشارب ظالمات الليالي
أسعى لتحقيق أمنياتي والأحلام
ومن دونها أشرب قاطع المرّ حالي
وقتٍ يشفّ الصب عن كلّ مارام
أوصى عليّ إن الشقاء راس مالي
ليلي حبيس هموم واحزان واوهام
مابين حق ٍ لي وحق ٍ غدا لي
الوصل به عزّ الرجاء بأوّل العام
ولقيت أنا في الياس بعض العزاء لي



[/BACKGROUND]

لمعة حزن



كلّ العيون اللِّي تدوِّرْ صورتك

في عيني أخطت .. منزلك بين أضلعي

يقرون في عيني غلاك وقصتك

وداعتي حبك وداع مودِّعِيْ

في دهشتي تظْهرْ ملامح لهفتتك

دونك حجاب وباب لكنك معي

شافوك ياعمر الهناء في غيبتك

لمعة حزن يفيض به نهر أدمعي

في فجر عيني كن بارق طلعتك

يقول ياشمس الضحى لا تطلعي

الله واكبر كل ماجت سيرتك

برق ورعد زلزل منازل مسمعي

صحيح كلّ عيونهم ماشافتك

بس لَمحوْك اشعاع شمس بمطلعي

في غربتي أغرى الفضول وغربتك

عين ٍ تصافحني سؤال وتدِّعيْ

عاتب






عاتب وعاتب والعتب راس مالي
عليك ياللي لك معزه وتقدير

من بينكم كني وحيد لحالي
الناس في خير ٍ وأنا منك في غير

أصيح انادي لك على راس عالي
أخاف من عجلات سود المقادير

أخذ الحذر من مقبلات الليالي
وقت ٍ تقلب بين زود ٍ وتقصير

ماهي حكايه منك ماطاب فالي
وأنا بفضل الله من خير في خير

أدير فكري من جنوب وشمالي
نشا السحاب وفرقته المعاصير

وإلا أنت عندي طول الأيام غالي
ومال الغلا في مثل ذا الحال تبرير

تفداك حالي ياحبيبي ومالي
وصحيح منقال الهوى يخلق اصغير

وجدي على جو ٍ من الناس خالي
ما شوف فيه الا الجدي وانت والطير

العيد




لولاك ماعددت الايام للعيد
وما اشتقت له إلا علشان شوفك

العيد يا معتاده أصدق مواعيد
لا تعتذر به يا حبيبي ظروفك

نبي نشوف العين والخد والجيد
ومنقوش حناك الحمر في كفوفك

اقرب ولا تبعد عن اعيوني بعيد
اعيش لحظه بين امانك وخوفك

عذب اللما في عذب نهر المواريد
وقّف وطوّل في عيوني وقوفك

اشوفك افراحي على كيف ماريد
واجمع تناثر في خيالي وصوفك

زدني غلا واخلاص بالحب وازيد
طاعه وشوق ٍ نايفٍ مثل نوفك

احب فيك الحب يا شيخة الغيد
واحب اشوف الليل يكسي كتوفك

عز وادي حنيفه

العيد والله يوم بالعين شفناه
أبو فهد هو عز داره وريفه

ما غير ابوه اللي على العز رباه
مجد الكرامه في حياته رديفه

كل المكارم والوفا قضب يمناه
يمناً عن الأدناس غرا نظيفه

مر القصر مع طلعة الشمس تلقاه
مركا الأمور الكايدات العنيفه

ما عوّد الا منه تضحك ثناياه
عدل الحكم عدّل مزاجه وكيفه

العرف والمعروف وردٍ على ماه
براق وسم ٍ مايوني رفيفه

سيد الاحكام

الشوق يكتب وأصدق الحب يملي

على ورق هم الليالي والايام


والبارح الطيف الخفي بك حلم لي

النوم ليته طال وتطول الاحلام


بدوم لك بسم المحبه ودم لي

على التراضي والرضا سيد الاحكام


ولو الزمان برغبتي ما انحكم لي

ماضعت من بين الحقيقه والاوهام


إن كان وضعك بالهوى ما انحسم لي

عانيت من فرقاك عام ٍ ورا عام

مستهامك



مازانت ظروفي وانا ميتن فيكF: طير ٍ مكانه في مرافي غرامك

اطير من شوقي واوقع حواليك F:وراك مافكرت في مستهامك

تزعل بدون اسباب تقنع وآراضيكF: والبس بطوعي لاجل ترضا ملامك

اكثرمن اللي تعتقد والله اغليكF: حتى ولو تبخل علي ابسلا مك

الله يلوم اللي بعد لامني فيكF: ياكبر في عيني غلاك ومقامك

ضاعت الأحلام




مأمل ولكن للأسف ضاعت الأحلام
تحطم على جسرالرجا صادق احلامي


أنا مادريت اليوم وش تنوي الأيام
نهاية رجا وإلا التباشير قدامي


صحيح الأماني حلوها اللي مضى مادام
يدير الفلك وتزين من رب الانامي


طموحي يقاسمني عذابي من الآلام
تحدا الزمان وجار عام ٍ ورا عامي


وانا راسي مرسى الحقايق من الأوهام
ما أرد النظر لخلاف والدرب قدامي


ولاهمني وش ينقل الحاسد النمام
وطيت الدروب بعز عاليت الاقدامي

رسيس القلب


لا دورك هاجسي والقلب يلقونك

تكتب وتمسح ما بين العين وجفوني

أسكنك في رسيس القلب وأصونك

ما ودي الناس عن منزلك يدروني

واحب انا اكون فارس هاجس ظنونك

وأقطع مسافات تفكيرك على هوني

بس أفهم اني ما أبي غيري يحاكونك

لا والله اسمع لمن هم فيك لاموني

أمانتك يا وديع الحب مامونك فيك

اجتمع ما تفرق حسن واغروني

وان كان جرحي وهمي بك يسلونك

انعم بقطف الثمر وانفض لك اغصوني

احب سجنك واحب اكون مسجونك

ما همني ناس قبل اليوم مروني

تبي الحقيقة ترى اللي شفت يفدونك

اذكرني واخلي كل الناس ينسوني

عابر سبيل



أعظم الشوق شوق ٍللقريب البعيد
وأعظم الحب حب ٍ يقهرالمستحيل

وأكرم الشوق شوق ٍ بالمحبه يزيد
وأبخل الشوق شوق ٍ مثل عابرسبيل

أنت للحب صبح ٍ في حياتي جديد
صبحك أحلا صباح ٍ والمساء بك جميل

مفردات القوافي للقصايد عبيد
وشاخت بذكرك العاطر ومجد ٍ أصيل

F:F:جرح العذرF:F:



جرح العذر لو مافهمه بس راضيه F:وحنيت له راسي محبه وتقدير

وأكثر جروحي من عذر ماقتنع فيهF: ذنب الخطا غيرٍ وذنب العذر غير

مايغفر استغفار ذنب المشاريهF: إلا وصل خلٍ شفوق ٍ بتبذير

وصلٍ من هموم المحبه يناديه F:رغبة شفوق ٍ للوصل عقب تقصير

أقرا الذنوب وذنب الأعذار مابيهF: لوكان توبة هاجسه كلها خير