الامير عبد العزيز ابن سعود ((السامر))

ثامن سـبع العجـايب ...


عليك كن جروح قلبي قرايب
هذا ولد عم ٍ وهذا ولد خال

إن كان به ثامن لسبع العجايب
انت الذي بالملح أبد مالك امثال

ما غير أفكر فيك حاضر وغايب
وأسولف بنجواك وادله البال

تشوفني من حرة الشوق ذايب
وما قلت لي عقب البطا كيف الأحوال

أبا آتجرأ بس انا منك هايب
وسيّطر عليّ الخوف يا سمح الاقبال

الا الذي نشهد لهم بالتحيات
أهل الرسالة والفضيلة والاحسان

وباب الفرج عند احتكام المثارات
معتق ارقاب موتها بالقضا حان

مكارمه في كل الأحوال جزلات
مثل الوسم تريف به غبر الأوطان

بالطيب يا أهل الطيب ما به مروات
امولعه رب فرض خمس الأركان

:cool:شعر الأمير/ عبد العزيز بن سعود بن محمد آل سعود:cool:

من يطلب العليا فلا يرخص السوم
المجد ما هو قسمٍ نفسٍ بخيله

للناس عاداتٍ مع الناس وسلوم
يرقي بها الرجال رأس الطويله

من قدم الحسنى والإحسان معلوم
ينال من مولاه كسب النفيله

ومن قدم الحسنى على اللوم والشوم
عدله سبق عن ضيعة الرأي ميله

ومن مات مسلم قالوا الناس مرحوم
شفيعه محمد وربي كفيله

ولو يرحم الظالم من الخلق مظلوم
الوادي الممحل جرى فيه سيله

ما نال من شاور على حقه رخوم
إلا مثل ما نال من هد فيله

المجد يبغي له شغاميم وقروم
يوفون بحقوق الزمان الثقيله

بادت حضارة قيصر الفرس والروم
ولا بكتها عين خلقٍ كحيله

بالمنتحي ما ينفع العذل واللوم
أطلب له الله واتركه في سبيله

لابد ما يذكرك يومٍ بعد يوم
ويحياج لك حاجة مصر فيض نيله

العز من بين المخاليق مقسوم
ويفوز به من طيب رأسه دليله

كم واحدٍ وده بمجدٍ مع القوم
وعيت صواديف الدهر تستويله

كم واحدٍ يحيا من الوقت ملطوم
لطمٍ يشاف ولطم كبدٍ غليله

وكم واحدٍ من نعمة العقل محروم
وماله على ماقدر الله حيله

وكم واحدٍ يلقى به الكبر والزوم
مجدٍ على رأسه يعود فشيله

وكم واحدٍ يمشي مع الناس منجوم
وهو من رجال الحسب والفضيله

مادامت الدنيا لحد دايم الدوم
تجدي عن الغايات خيل الوسيله

أطلال دارٍ فوقها يلعي البوم
الله من يومٍ زهت به وليله

ظرفٍ على ما فيه بالختم مختوم
الله من عينٍ وعينٍ تخيله

متعلقٍ بين السماوات ونجوم
سبع الأراضي كلها ما تشيله

ما يشرب إلا من جبابير مسموم
تشوف ناره فوق رأس الفتيله

يدري بها اللي عن سما الديد مفطوم
ويجهل به اللي عًن للعرف خيله

ما هوب ضربٍ من ضلالات ووهوم
وافٍ على ما قدر الله كيله

والهقوه اللي مالها جنب وعزوم
تطيح دونه حيلةٍ مستحيله

وحرصٍ تحرص به يفكك من الحوم
حولك من اللي يحسب البعد عيله

لا والذي تسجد له الخلق وتصوم
ولرضاه بيته والمقام تعني له

أن الوفا له بالعرب حد ورسوم
عند الذي يظفر بكسب الجميله

وروضٍ ينوج بريح شيحٍ وقيصوم
له نظرةٍ تشف النفوس العليله

أكثر عيون الخلق ما تقبل النوم
يشكون هم دقاقها والجليله


مجاراة لقصيدة عادات وسلوم

:cool:الشاعر حبيب :cool:

يا راعي العليا لك المجد محتوم
المجد مجدك وانت راعي الأصيلة

والمجد ما يروى تعابير وحلوم
المجد له ديره وشيخ و قبيلة

وانت الأمير للأمجاد زيزوم
وانت الذي حمل الدهر ترتكيله

يا فزعت اللي من دها الوقت مهموم
كابد زمانه لين بين حفيله

انته ملاذه يا سند كل مضيوم
يا غيث يا معطي العطايا الجزيلة

حر ٍ من الأحرار نادر وصاروم
من طلعته ما في الغوادر مثيله

من ماكر في الراس عالي ومزموم
كل الحزار الصارمة تنتميله

يا سيدي مبداك واضح ومفهوم
انت الذي فعله سبق كل جيله

يا شاعر من شعرك الشعر منظوم
كل القوافي قدم قافك ذليلة

والشعر له حكمة وحاكم ومحكوم
وشوارده مثل السيوف الصقيلة

ومثلك يا بوراشد ومثل بن مكتوم
اللي يجاريهم قليل حصيله

لو كان يعرف يسبح البحر ويعوم
ناتج كثيرة فالنهاية قليلة

يا ما بنا من بيت والصبح مهدوم
ولا عامر غير البيوت الظليلة

اللي لها ساس مثبت ومرسوم
رسم عاوصيف الدهر ما تزيله

والمرجلة ما حاشها غير شغموم
أما يجيها بكود والا تجيله

والطيب حظ وصاحب الحظ مخدوم
واليا كسبله طيّبة تستويله

والعز باللي يأمر الحظ ويقوم
هو ربنا اللي كلنا نلتجيله

والكبر ذم وصاحب الكبر مذموم
اليا مشا مرحاً وطوّل شليله

لو ادعى بالفوز والنصر مهزوم

والثدي لو دره عن الطفل معدوم
ما يجتمع فالطفل دم وفصيله

يا حي يا قيوم يا خير قيوم
يا خالق الإنسان ربه كفيله

لا واحد غيرك ولا غيرك يدوم
الدايم انته والبشر ينتهيله

هذا وأنا برمي سهم غيره سهوم
سهوم الخواطر والشعور النبيله

اللي جذبها ريح كادي ويشموم
واستاقها سوق الهواء للمخيلة

وإن كان به رقم يحطم له رقوم
ما فيه ألذ من الفياض العليله

اللي ثراها من أول الوسم ماسوم
ونيت الخميله يتصل بالخميله

عنها ترد أذكار وأخبار وعلوم
لأهل الديار المرجعة والمحيله

في ماقع من دونه اجبال وحزوم
من دونه الطرقي يغلق صميله

تم الكلام وسابق الأمر محسوم
لا صاير مثله ولا به بديله

ولو يخطىء الإنسان ما هوب معصوم
المغفره تمحي الخطايا الجليله