الامير عبد العزيز ابن سعود ((السامر))

تظاهر


تظاهر بحبي وأنت تكذب ماهوب أقصاك
تبي تدري أنِّيْ ميِّتٍ بك وتنساني
وأنا في غلاك أموت والعلم ما يخفاك
وقعت بهواك ولا تصوَّرت تجفاني
ضحك لي زماني بالغلا وضحكت دنياك
دعاني لحبك داعي ٍ عنك ينهاني
أحبك ولا والله هوجست في فرقاك
أبد قبل أشوف إنّكْ تمادى بحرماني
على شان عز النفس ماهوب في يمناك
ولا هوب في عين ٍ على الحب تقصاني
أحبك ولكنِّي بعيدٍ عن معشّاك
وإلى خنتني دوَّرت أنا غالي ٍ ثاني
وإلى من تعثّر يا هوى خاطري مسعاك
وطيتك برجلي قبل تمشي وتاطاني
عليّ إنِّيْ أشقا يا قضا واقعي برضاك
وعليك إنِّك تجدِّدْ هوى الحب وتفاني

ما مثل نجد إلى صفا لك بالإقبال
روض ٍ من الجنّة تداعج نهوره
إن جاد حظك واستوى لك بمنزال
موج ٍ تلاطم بالمعزّه بحوره
إن جاد نجد أرقى على راس ماطال
وإن شان أوقَّفْ للعداء لاتعوره
دونه نبيع الروح في سوق الآجال
نبي عداه يجنبونه وسوره
ربَّيْ موّرثنا ثرى شمس وظلال
إن زان وإلاّ زاد جاير قصوره
سوالفٍ عندي قصيرات وطوال
ياكثر ما أدخَلْ في فوادي سروره
هو ثوبنا الضافي على كلّ الأحول
وحنا ظلامه في لزومه ونوره
نجد الوطن العز والجاه والمال
والروح في حب البلاد معذوره

F:مساجلهF:

السامر&الكحيله

:cool:شعر الأمير/ عبد العزيز:cool:



هيض على القاف حان استماعه
قاف جديد محكماة قيوده

القاف عانق موج عالي إرتفاعه
والغوص حنا من خيارة وروده

رغم إتساع الكون رغم إتساعه
له منزل بالقلب محد يروده

نمو ت واحنا مفترقنا رباعه
وغلاه وسط القلب يصعب حدوده

ما غير لا ما ياهلي لي طماعه
القلب بين له خوافي سدوده

با كر تسمع للخبر بالإذاعة
ريح الأمانة لا عد منا وجوده

اللي صفطها لي طويل ذراعه
شيخ الشيوخ اللي صدوقه وعوده




وادعت

:cool:شعر / الكحيله :cool:


ودعت من يصعب عليه وداعه
غالي وعندي ما خذ الحب زوده

ودعتكم وأنا فقيد القناعة
صبري تزعزع يا عضيدي صموده

قلبي بفرقاكم تجدد لياعه
لا شك ما فاد الصبر في ضموده

لا تظن عقبك لي عزيما ومناعه
من يوم قفيتو بقلبي سعوده

لا يا عديل الروح لا ما وداعه
ودعتك اللي ساميات جدوده

يا مير لي سافرت عندك وداعه
عناب ناظر بأخر الحب عنقوده

مساجله

السامر& سـمو الشيخ محمد بن راشد آل مكتوم


صدفة
:cool:شعر الشيخ/ محمد بن راشد آل مكتوم:cool:


يكفيك أنك شفتها دون ميعاد
و يكفيك شمك من بعيد لعطرها

الحظ لك في الوقت يا صاحبي جاد
فرحتك في صدفة لقا يا كبرها

لولا هواها مشعل الشوق وقاد
ما عانقت عينك لواحظ نظرها

سحابةٍ مليا بهوا دون رعاد
منك قريب و لا وصل لك مطرها

راعي المحبه دايم بحاجة إنجاد
معرض نفسه تهالك خطرها

حد ٍ حصيله في الهوى قد فرصاد
و حد ٍ من الأغصان يجني ثمرها

و الصيد لي يقرب على الزول ينصاد
و الذايره يتعب القانص وعرها

تذري بضلع و مدنفٍ دونه احداد
و تحوزم القانص و تاخذ حذرها

و الغيد لي رادن له الري ميراد
انهلت وردك من مغاني غزرها

جتك و تحدت نار شوقك و لا فاد
نفسك على رغم التحدي صبرها



( يا سيد الشعار)

:cool:شعر الأمير/ عبد العزيز :cool:


لا عاد يوم ٍ شفتها فيه لا عاد
أهدت لعينك يا محمد سهرها

ربيع الأول عقبه اخوه و جماد
ربع ٍ ترى غيرك طواهم دهرها

خرس العيون اللي لها الشوق ينقاد
انعم بها لا بد يوم تهجرها

يا سيد الشعار ما عنك نشاد
حالك تسر الناشدين بخبرها

ما تنفع المجروح في روح و فواد
الا اكتمال النور ليلة بدرها

و تفهيق شقرٍ عن سنا النور وراد
مثل الذهب سبحان خالق شعرها

عذرا تشيل شفوف فتخان الأولاد
من شفافها تنقل حياته قدرها

بين الرموش و خدها حرب و جهاد
و سواد عين ٍ عايم في بحرها

وخد حماره من حفيف الهدب زاد
بعكش ٍ تنقش في خدوده جررها

و جيد اتلع ٍ شاف القنانيص من غاد
و هو من أول قد تشمم بثرها

و ذار و عطاله جرهدٍ يبعد الماد
دونه حديد العين تفقد بصرها

يبي محاويزٍ على روس الأشهاد
غر السحايب بالمزون اتعمرها

يا شيخة الخفرات

قالوا من اللي حب قلبك وطبيت
كلك ، وقلت الشوق زاد وجبرني

أدور اللي بالغلاله تعنيت
خلٍ ما أعرفه بس طيفه حضرني

يا شيخة الخفرات شفتك وغنيت
شفت الجمال اللي كثير وبهرني

خليتني لا حي حيٍ ولا ميت
ومن شاف حالي عقب شوفك عذرني

ياللي على كل العذارى تعليت
عسرت قلبي بالغرام وعسرني

توي دريت إني متيم وحبيت
الطيف هاجس حبك اللي نذرني

إن جا بوجهي غيرك اليوم صديت
داع الغلالك يا مناتي ومرني

ناظرت في عينك سنا الحب وأبطيت
أنا ظرك حتى أن رمشك سحرني

بعيونك الثنتين من يوم لديت
لقيت في عينك حنانٍ نصرني

في حرب حبك واقفٍ ما تماديت
رمش العيون السود غار وكسرني

عطاني الله ما طلبت وتمنيت
سبحان ربٍ بالفضايل غمرني

اللي بدت بالحيف من كل غالي

متى على الله ينفرج ضيق الأيام
ويزين وضع مغربلات الليالي
أما تحقق لي كبيرات الأحلام
وإلا شربت المر في كاس حالي
تطويني الأيام عامٍ ورا عام
في شمسها ما أرهت علي الظلالي
مرٍ جنوب ومر في غربتي شام
وتضحك بي أيام الدهر ضحك غالي
أمسح بكفي دمعة عيون الأيتام
ما بين حقٍ لي وحقٍ غدالي
ما عشعشت في هامتي سود الأوهام
همي على العليا وكسب المعالي
من طاح في غبات الأوهام ما قام
وهمه من أحداث الزمان امتوالي
على المعزة كل بخمسك من السام
سمٍ حرام وسم زادٍ حلالي
وأحرم من الميقات وألبس لك إحرام
الوالي الله من على كل والي
كم واحدٍ يظهر سنا الصبح ما نام
ايقالب الحيلات غرب وشمالي

F:مساجلهF:

السامر& سـمو الشيخ محمد بن راشد آل مكتوم


يا زاكي الجدين

:cool:محمد بن راشد آل مكتوم:cool:
5/10/1999 م

يا زاكي الجدين و الخال مكتوم
نسل الرجال و حاكمين الرجال ِ

يا سعود و اسم سعود بالعز مختوم
أهل الشجاعه و الكرم و المعالي

فينا من الفرحه الذي طير النوم
أهلا بميلادك عزيز ٍ و غالي

احلى البشاير لي لفتنا و العلوم
و من طيبها سارت نهار الليالي

يا سعود يعل تدوم و تدوم و تدوم
عمرٍ مديد بالمسرات حالي

ينميك لنهيان سادات و قروم
و زايد زعيم الناس ف أول و تالي

يا سعود في الخاطر لك الشوق مرسوم
و يا سعد أيامي إذا قلت خالي




:cool:شعر الأمير/ عبد العزيز بن سعود بن محمد آل سعود:cool:


طيب الولد من طيب خاله مع القوم
كلٍ يقوله عند حل المجالي

ما يلحق الرجال شوم و لا لوم
يفوز من عنز خوال العيالي

متخير الخال لو كلف السوم
و هو على غيري بعيد المنالي

من طاب خاله فاز بالطيب ملزوم
و بالفوايد طيب من راس مالي

ما هوب من جدان الأصلاب مظلوم
من جده الراشد كريم السبالي

و من صرت خاله يا حجا كل مضيوم
ما للردا درب عليه و مدالي

أقولها قبل أمس مع أمس و اليوم
يدوم عزك من عزيز الجلالي

يلعب النسناس

الليل يشكي حب شمسٍ يتيمه
تفطم على رأس الظهر فيه ظلال

لولا هجير الشمس ما صار قيمة
للظل يا شمس بها ننطح الفال

انتي قمر ليلٍ سهرنا عتيمه
كل النجوم بطلعتك ما لها حال

يا شمس من يقوى يرد الظليمه
قمراً ولكن ليلها البكر ما طال

أمن السماء أطلب للوطى ردن غيمه
إن كان مع شيخ السحابة سعة بال

لي قصةٍ في الفجر الأول قديمه
هواجسي فيها على الوقت تختال

أنا كفيل أسرار ليلٍ عظيمه
وشهودي دموعٍ على حبة الخال

رحلت وشفوق المحبة مقيمه
رضيت أكون بعالم الحب رحال

قضيتي

حبك يسر العيون ومر يشقيها
وأنا وهم الليال السود خلانه

تزعلني عيونك اللي نجل وأرضيها
لا .. لا تقول المحبة مالها خانه

نار الهوى يحرق المجروح صاليها
وحبك توسط مكاني وسط نيرانه

الحال في نار حبك يوم تشويها
أنشدك نشدة خفا من هو على شأنه ؟!

مرٍ تخم السلوم ومرّ تخطيها
بين اعتراف الخفوق وبين جحدانه

إن كان ما تأخذ العشرة وتعطيها
ماتت غصون الغلى بالروح ظميانه

أبي عيونك تداريني وأداريها
مادامت قلوبنا للحب عطشانه

فرقاك مرة ولا ودي بطاريها
والرجل مصداق حبه ضحك حجانه

مابيك تكحل مدامعنا وتعميها
وتوسد الرأس حرمانك وحرمانه

العين ما تغلي إلا عين مغليها
واليوم من كثر ما تغليك سهرانه

قضيتي في المحبة عند قاضيها
وراعي الهوى بالهوى ما عاش من هانه

جرح التجاهل

ورى يا صاحبي ما قلت لي تسلم يزول الباس
مريضٍ والتجاهل منك نقض طيب جروحي

أحسب أنك تجي قدام يالغالي يجون الناس
ولكن كن ما انتب للمنادي سامعٍ موحي

أبي منك العلوم اللي تفرح خاطري من راس
خطا اللي غاليٍ مثلك مدى الأيام مدموحي

ترى فارقت من فارقت شوفة عينك الأوناس
أعالج لو مالي من علاج الطب مصلوحي

ترى مافي الجفا يا صاحبي عزٍ ولا نوماس
ولكن لو تقسى في عذابي قلت مسموحي

صدى سلامه

خصرٍ على ما تشتهي النفس مسلوب
تقول ربي ما خلق له ضلوعي

ينعاج لي طربٍ .. ولا هوب مغصوب
وانعاج له .. وأمشي لحبه بطوعي

القلب له ريضان .. وأنهار ودروب
صدى سلامه .. خالدٍ في سموعي

إن كان لي حبٍ من الخلق مكتوب
فهو حبيبي .. واسمعوا يا ربوعي

غصنٍ لي ثوب الحسن لبسه الثوب
أبعد على ما قيل .. من حب كوعي

سلام الحب


سنة سلام الحب والرد واجب
سلمت ابي غالي سلامي ترده

حبك مهوب إحساس بالحب كاذب
أنا محبٍ وسم حبك بخده

القلب لك من غيمة الشوق عاشب
زرعتني في روضة الصبر مده

يا مترف الإحساس بالكبر حاسب
لا يشتعل شوقٍ وصل منك حده

حبك وأنا والشعر مجداف قارب
لاترخي الخيط الحرير وتشده

جيش الحسن بعيونك السود غالب
لا ترفع أعلامك على من توده

وأنا لكاس الهم والحب شارب
رأسي عنيدٍ فيك محدٍ يصده

بالحب لك يجذب خفا الروح جاذب
لا تستثير الشوق بالصد هده

الجروح قصاص


كان الجروح قصاص وشلون ما قتص
وأخذ قضى فعلك بي العام واليوم

يومك تخصص في عذابي وتختص
بأخذ قضاي وميت الحب مرحوم

ذبحتني ما قلت يا صاحبي وص
وتلومني لو كان ما جيت في لوم

تليت غصن الحب بيديك ونقص
ما تأخذ اسلومٍ ولا تعطي اسلوم

هذي أسوات الحب غارات وفرص
تقسمت ما بين معطى ومحروم

محبتك قلبي على تركها احرص
في جوها ما تدرج طيوري الحوم

كل ما ناظرتني


ودي أشبع منك شوف وما حصل لي
كل ما ناظرتني ضاعت علومي

في عيونك للغلا حبٍ يهلي
ناظر لحبك على خدي وسومي

طحت في حب العيون السود كلي
ومن عثر في رمش عينك ما يقومي

خدرةٍ تشرب ظمأ حسنك رضاً لي
كنها في صحوةٍ من عقب نومي

انشرح صدري بشوفك وأسفهلي
خافقٍ ماله على وصلك سلومي

من نشدني قلت أنا مجروح خلي
في حياةٍ للخلايق ما تدومي

محزم ضيقتي


يا محمد شفت أنا ظبيٍ غريب
وأنت محزم ضيقتي في كل حال

يا سنادي ويش أخلي ويش أجيب
زاد همي من صواديف الليال

يا سنادي لا عوى ذيبٍ لذيب
وصاح صياح العزاوي بالرجال

يا محمد بين شك وبين ريب
واقفٍ بين الحرام من الحلال

والخطابة ما يضيع بها الخطيب
بالمنابر يا كريمين السبال

والهوى اللي منه أنا جرحي عطيب
ساقني بين الحقيقة والخيال

جرح حب العام عيا لا يطيب
وزاد جرحه بالغلا ترف الدلال

كان لي حقٍ من الغالي مصيب
علموني والنصيحة راس مال

الجدي وسهيل

شفت السواد ينادي بعينك الليل
هي من سواد الليل والليل منها

وبين الرموش وبين عينك تعاليل
سوادها يضفي عليها كفنها

الشمس من جيدك قليلة محاصيل
ماهيب وامنته وهو ماومنها

والروض من خدك شكى الظلم والويل
مقهور من وردٍ خدودك زبنها

تشكي فساتينك من العدل والميل
ارحم ثيابٍ تشتكي من بدنها

ابعد على غيري من الجدي وسهيل
بس الظروف بشوفتك من ضمنها

يا الله عسى تالي حياتي تساهيل
وتشوف عين السامر اللي فتنها

والله ما أرضا بك مدى العمر تبديل
وغيرك إلى لاحت لي أصد عنها