الامير عبد العزيز ابن سعود ((السامر))

فرحك يابو تركي

قصيده بمناسبة زواج سمواخي الامير عبدالعزيز بن فهد

ماخبرنا لفرحك يابو تركي شبيه
انكشف وجه حب الناس لحبابها

بين حبٍ خفي وبين حبٍ نبيه
بين الفرق للي يعرف اسبابها

الخصال الحميده كلها ثبت فيه
الله اللي فتح له ياعرب بابها

مجد فهد العروبه بالوفا محتميه
شم غر المكارم بالثنا جابها

الكرم والشهامه مجدها اللي يبيه
شوقها اللي على ماقيل يشقابها

كل طيب بطيبه لو نحسب يتيه
كم واحد يبيها بس ما صابها

العطايا تسابق من مقاضب يديه
في مناهج دروس المجد يقرابها

في عيونه مرايا تعرف اللي تبيه
يعرف اسرار قلب صعب يدرابها

الله اللي على فعل الجميل يهديه
الفضايل تراه اليوم عرابها

له كفوفٍ عن القبض الصخي تعصيه
الله اللي بسطها له وحيا بها

آيـات الجـمال






مافيه أحد مثلك ولا اظن به زين
مثلك جماله يفتن اللي يشوفه

وكل الحلا من سحر هاروت بالعين
وخدود بآيات الجمال امحفوفه

وسلطان كل العطف بالخلق واللين
مستاثر ٍ بك بين امانه وخوفه

ملكتني بالحب ملك السلاطين
وفي ملك حبك ما لحقني حسوفه

آمر تصرف بي ولا تترك البين
يسطي على قلبٍ عيونك ضيوفه

مكان حبك يا حبيبي بثنتين
هاذي وهاذي والشفوف امعروفه

تاج الحكم والزين بين الحجاجين
وبالفعل زينك كمل الله وصوفه


:L:

حفيد السلاطين

في كل عيد اعتاد الشعر أن يختال بمعايدة أمير عاصمة الثقافة أم المدن رياض المجد ســـــلمان بن عبد العزيز ولكن هذه المعايدة أكثر خصوصية0

عيدك مبارك يا حفيد السلاطينF: يا كاسب الطولات في كل ميدان

انعايدك والعيد للناس عيدين F:يابو فهد من فضل ربي والاحسان

كرامة ٍ من واحدٍ له ملبينF: الواحد الفرد الصمد عالي الشان

شفاك طمن به قلوب المحبين F:ربٍ على خلقه فرض خمس الاركان

من قاصي الشعب السعودي والادنينF: انقل تهانيهم على راس ما بان

في نجد مجدك للحضاره عناوينF: صارت معالم في بلدنا وعنوان

من زارنا شاف المشاريع بالعينF: تطور ٍ ما خبر مثله ولا كان

إلا ومع هذا حريص ٍ على الدينF: للعدل نبراس ٍ وللحق ميزان

يا ابن الذي بالطيب ماله ملادينF: أنا اشهد انك سيّد العدل وانسان

من حبك لشعبك غدو لك موالينF: وكل ٍحفر في خافقه حب سلمان

عيدٍ سعيدٍ رافقتك السعاده
اول تهان العيد حبٍ وتقدير

عيدٍ علينا رب الارباب اعاده
امة محمد فيه من خير في خير

صوّت لمن حبيت بالعيد ناده
ناده ولو انه بعيد المشاوير

العيد ذكّر كل حيٍ بلاده
العيد هذا غير واعيادنا غير

:L:

[MARK="#000000"]فراق[/MARK]

تباشرو بالعافية



حمداً لله جل جلاله الذي قال إدعوني أستجب لكم ..

حمداً لله على سلامة مولاي خادم الحرمين الشريفين إمام المسلمين

حمداً لله الذي كاد كيد المغرضين للدين والأمة الإسلامية




ما نحمد إلا بالثنا رب الارباب
الواحد المعبود جلا جلاله

عفا فهد واخزا مريضين الألباب
امروجين الكذب غيض وجهاله

فهد فهد موفي مواجيب الاقراب
والشعب كله مثل غالي عياله

ما جابت الخفرات تلعات الارقاب
مثل الفهد طيب فريد وشكاله

نقّّال حمل الضيم في حزم كلاب
ما مثله احد بالوفا يندعا له

لا صدر الاحكام ما هوب يرتاب
اموفقه رب الملا بالجماله

حبه طبع بقلوب شعبه وهو شاب
ويكبر ويكبر بالغلا حبنا له

تباشرو بالعافيه كل الاحباب
وعدوان دين الله عليهم ضلاله

امبشر بالخير يا زاك الانساب
من طاب طيّب رب الاربباب فاله

الله يوسع صدر عفان الاشناب
تباشرو بالطيب في كل حاله

تباشرو من قيل فهد العرب طاب
وكلٍ ببشرى الخير يرسل رساله

من قاطبة يعرب ومن روس الاجناب
كرامة الرجّال هي راس ماله

لأهل القلوب السود ما نحسب احساب
من يجهل التاريخ نجهل جداله

[BACKGROUND="70 #663300"]
طهور
هذه القصيدة بمناسبة العملية الجراحية التي أجرها سمو سيدي ووالدي صاحب السمو الملكي الأمير سلمان بن عبدالعزيز امير منطقة الرياض – حفظه الله – في الولايات المتحدة الأمريكية والتي ولله الحمد تكللت بالنجاح


ملامح سلمان الرياض ترتسم على وجوه أبناء الشعب السعودي الكريم عندما علموا بخبر العملية الجراحية التي اجريت لسموه وتكللت ولله الحمد بالنجاح ، لذلك تقرأ في مجد الوفاء ولاء مكتوب في سطرٍ واحد انه سلمان.
طهور يا حاكم ثرى نجد وقلوب
شعبٍ عليه محقق المجد غالي

كنك لحب قلوبهم دوم مطلوب
مدمي غلا من شعبك اللي موالي

خلق ٍ تنامى حبهم لك على الدوب
شرق ٍ وغرب ومن جنوب وشمالي

ما هو بيدك انك من الناس محبوب
هذا من الوالي عزيز الجلالي

مجدك يشرف بك على كل ماجوب
يا حزام دارك عند عسر الليالي

تقول تقرا في خفا الغيب مكتوب
يرقا يقينك بك على كل عالي

ما مثلك أحدٍ وظف الطيب مندوب
بينه وبين الناس في كل حالي

لك وقفةٍ بالكايده تقضي النوب
وتغير المر المعلقم بحالي

نجد الجسد يابو فهد وانته الثوب
ثوبٍ مطرز عز مابه جدالي

لو الوفا في خدمة الدين لاهوب
اخترت ناره عن نعيم الظلالي

[/BACKGROUND]

حرٍ شهر


إن لهذا الأمن الذي نعيشه والأستقرار الذي نتباهى به مشاعر خاصة عند كل مواطن سعودي وكلما شاح بنظره في عالم الشعارات وما يحل بهم يدرك أننا في نعمة رعاها رب العزة والجلال ثم مقام مولاي خادم الحرمين الشريفين أمد الله في عمره وأيده بنصره ووفقه لما يحب ويرضى , إنه سميع مجيب


الحمد للخلاق في كل الأحوال
ربٍ على كل المخاليق عالي

أمجاد أبو فيصل عريضات وطوال
تاريخ وقعاته تهز الجبالي

عليه يبنون العرب عقد الآمال
هو منتهى الأشوار بأول وتالي

لي كبرت القالات بمصادم رجال
خذها على اللي يدعون الكمالي

الناس في خير وكل الوطن سال
شرق وجنوب وغربنا والشمالي

ربيعنا فالمملكة يطرب البال
ويوسّع الخاطر على كل حالي

من فضل ربي دارنا فال وأقبال
وأمنٍ على طول الدهر والليالي

في ظل من حكمه عن الشرع ما مال
ضد الفتن وأهل الفتن والضلالي

حرٍ شهَر بأمجادنا فوق ما طال
وخلى السعودي فالمحافل مثالي

أموفقه ربي على طيب الأفعال
خادم بيوت الله عزيز الجلالي

يحلها بالجاه والراي والمال
وإلا بحد مصقّلات السلالي

علمٍ يشوفه كل راحل ونزّال
يومه على غيره صعيب المنالي

الوطن غالي






الوطن غالي و لا يرخص بداره
غير من عدوان دينه وهقوه


وما سعا طول الليالي في دماره
غير مخلف ملة اجدوده وأبوه


وكل من يقدح من الفتنه شراره
لو يطول الوقت يعرف علّموه


علمو ذباح ابن عمه وجاره
دمهم بآيات دينٍ حللوه


ما يخلي مسلم التوحيد ثاره
يوم وصل الدين عبثٍ دبّروه


وكل راعي دار في كبده حراره
ما يخلي ثار داره لمعتوه


دارنا يفرض على المسلم وقاره
الله اللي به مشرف شرّفوه


من نصر دين الولي شاف انتصاره
والأمن برجاله الغر انصروه


الأمن في حربهم وسع مداره
والخوارج لجل ذلك حاربوه


من رفع في وجه منهجنا شعاره
خارجٍ عن ملة الشرع اصلبوه


أمننا في عهد أبو فيصل مناره
واصلٍ بالأمن مرقاً ما رقوه

العفو فرصة عمر يحظى بها كرام
ومن فوّت الفرصة تعرّض للأسباب

فهد العرب يرفع على العز الأعلام
وارقاب نصل سيوفنا فوق الأرقاب

الدعوه الدعوه لها شرط وأحكام
ما توهب إلا يا عرب ذات الألباب

شريعة المسلم على طول الأيام
امّنَزل القرآن ما عنه مجناب

ما همنا ملحد ولا ناقل أوهام
واللي بعد للغرب وانصاره أذناب

ترى الوعد لمضيّع العفو قدام
بالطيب وإلا من على غير ماطاب

امبايعين الفهد





ثلاث .. وعشرين عامٍ كنها ساعه م
رت على المملكه في ظل حاكمها

الشعب من فضل ربي بأحسن أوضاعه
والدار في نهضةٍ تبهر معالمها

امبا يعينٍ فهد بالسمع والطاعه
يرفع على هدي دين الله مظالمها

ويدفع عن الدار سوء الشر واتباعه
وروسٍ تعدى حدود الشرع يعدمها

واللي تنكر لدينه والوطن باعه
ياصل بيوته على راسه ويهدمها

والدين يرفع بسيرة حكمه شراعه
وقومٍ تعرض لدينه ما يسالمها

نفسه على طيّب الأفعال بتّاعه
صان الأمانه لخلق الله وعلمها

علم بها اشعب زند الدار وذراعه
وخصايل الطيب من راسه تعلمها

في خدمة أمجادنا صيفه ومرباعه
وبيوت ربي على التوحيد خادمها

على السياسه وأهلها فارق ٍ باعه
مكارم الحكم بأفعاله ينادمها

رأيه ملوك العرب تجمع على اجماعه
أعظم تفاصيل مجد العز قدمها

على الوفا والنخاوي تسمع اسماعه
ولو ما تكلم مروّاته يكلمها

ياقايد الأمه


يا قايد الأمه نهار الشدايد ي
شتد بك حيلٍ ويشتد بك حال
لك في عظيمات المواقف عوايد
يوم إنعقد حبل المشاكل والأشكال
وتشاورو من بين ناقص وزايد
وتفاختو بالراي ماضين الأفعال
تجيب رايٍ فيه سبع الفوايد
ليا ضاعت أريا المجتمع رايك الدال
المستحيل اللي يقولون كايد
أتلا الخبر به يوم تعطي له البال
منهجك بالإسلام يا شيخ رايد
يذن به المذن على راس ماطال
موقفك ثابت معلنٍ بالجرايد
تبرع ٍ بالحال والجاه والمال
وليا نخاك اللي وقع بالصوايد
تفك حب العسر من كف فتال

يا سيد الموقف بعزم وعزيمه F: هي عادتك حسم الأمور الصعيبات

منحت معني الحسم قدرٍ وقيمه F: عند الشدايد واحتكام المهمات

عقيدتك في حب دينك سليمه F: ماهي عقيدة رافعين الشعارات

وقفتك في خدمة بلادك عظيمة F: معالمه لأهل المعالي رفيعات

ومواقفك في كل حالٍ عديمه F: والمجد لأهل المجد ما هوب مشهات

يوم المعارك فوق عمشا وريمه(1) F: ما قاده إلا اللي رفيع المقامات

موارث في دار جدك مقيمه F: ما هي موارث ماخذ الحكم بصوات

ما قبلنا حي ٍ عفا عن غريمه F: مواقفٍ من عظم اهلها عظيمات

صغيرنا اللي مجد الامه نديمه F: وكبيرنا أفكار مقاديم رايات

حكمٍ على عز العقيده وشيمه F: ما له سوى رفعة لوا الحق غايات

خيرك على أهل الدين والشعب ديمه F: ينبَت سلامٍ فالبلاد ومبرات

العز للي فهد الامه حزامه
سرايره منجاة ومعرّب اجداد
المجد راس وفهد الامجاد هامه
لا رادو الحكام يكون ما راد
صوتٍ يزلزل نجد واقصى تهامه
جلجل بواشنطن على روس الاشهاد
ينشد وصوته عالي ٍ باحترامه
بقلوب من حبّوه من شعب وبلاد
يا الله عسى هاك القبال السلامه
اللي بطيبه فوق طيب الملا زاد
بلسم لبوي سعود فخرٍ كلامه
فهد فهد مبعد على غيره الماد
نور الفضيله والفضل والكرامه
اشرق بوجهٍ للوفا روح وفواد
إلى عصب من فوق راسه عمامه
تطيح عدوان الشريعه وهو صاد
في راس مجد العز علّم علامه
من دونها تطيح هامات الأولاد
دوام عز بلادنا من دوامه
وعز العجم واللي بعد ينطق الضاد
صبح ٍ طرد عن مجد الامه ظلامه
لأرض السياسه راي أخو نوره اوتاد
حصن ٍ رفيع بالشريعه مقامه
اللي لدينه والوصل ركن وعماد

شعب وملك


شعب وملك مافيه شك ولاريب
الدين دين الله وحنا جنوده
برقابنا للبيت عهد ومطاليب
احمايته واكرام غالي وفوده
دون الوطن فهد العرب بالمواجيب
هدات ابو فيصل تجيك امحموده
في طاعة اللي يعلم السر والغيب
الفهد من دون العقيده فهوده
ان كانها باحكام الاسلام والطيب
ماله مثيل الله يديم بوجوده
فهد الا منه عوى الذيب للذيب
في موقفٍ يبين نقصه وزوده
مقضب ايدينٍ مالهنه مقاضيب
ماترتخي عند الشدايد اعضوده
ومن جاء يبي في مهبط الوحي تخريب
نقلع ذلوله ونتعشى قعوده
دون العقيده مالحد حقٍ مصيب
الدين دين الله وحنا عموده
ارهابيٍ يتبع اشفوف الاجانيب
الحد ورب البيت كثر شهوده
خوارج للكفر روس ومناديب
ورجّالنا صد الكفر مايكوده
نقطع بهم بسيوفنا اللي محاديب
حتى نواري جثته في لحوده

تعيش للأمة




من أمة الإسلام دين وعقيده
سلامتك يسلم بها دار ورجال

المجد قلبٍ وانت حبك وريده
ودقات نبضه تطبع اسمك على البال

مواقفك جزلات ما هي زهيده
تاريخك مشرف على راس ما طال

العز عامٍ وانت بالعمر عيده
يالله عسى مولاك يمنحك الاقبال

تعيش للأمة سنينٍ مديده
حد الفصل رايك على حد الاشكال

لك سيرةٍ في كل حالٍ حميده
ما تظهر إلا لا بدا حال من حال

لا هم ابن عم العضيد بعضيده
واخطو من اليمات راحل وانزّال

أحداث ماضي ودنا ما نعيده
أجمل على الخدين من حبة الخال

والحاضر بوقفات مجدك تزيده
كم حاكمٍ لولاك لحكم ما نال

منحت شعب المملكة ما يريده
لولاك بعد الله ما طاب له فال

الوطن دم الحياه




الوطن دم الحياة اللي جرى
في شرايين النوابض والوريد

فهدنا بالدار ما باع وشرى
دون داره مثل أبو تركي عنيد

الحكومه فيه والشعب اخشرا
وبينهم عهدٍ على البيعه وكيد

ودون عزه ما يذرينا ذرى
مهبطٍ للوحي والمجد التليد

فيه شيّدنا الحضاره بالعرا
وكل يومٍ من فضل ربي تزيد

ركبنا قدام ما يرجع ورا
والعقيده منهل العلم المفيد

غيّروا وجه الصحاري والثرا
بالتطور لبّسوا الثوب الجديد

طوروا كل الضواحي والقرى
طوروا فيها القريّب والبعيد

دون شر الجهل ردّينا البرا
واصبحت كل الليالي فيه عيد

من تعلّم في ذرا الدار وقرا
شرعنا به يحفظ المجد المجيد

من نوى دار الشريعة بالدمار


الأمن .. روح شعب وروح دار
ومطلب اللي بالعداله حاكمين

يوم قر اليوم بالدار القرار
وانتصر أمن الوطن نصر ٍ مبين

واصبح لأمن الدول مثل المنار
يقتدى به كل يوم وكل حين

من نوى دار الشريعة بالدمار
عندنا في دارنا ماله ضمين

كل من هو شذ عن ربعه وجار
الله الوالي على حربه وعوين

تحت راية فهدنا حر الحرار
الأمن مجده غلا طلق اليمين