الامير عبد العزيز ابن سعود ((السامر))

متى تجيني؟




وشلون أمِّلْ بالوصل وأرجي بخيل
والبخل في شرع الهوى راس ماله


نور القمر غطّى على الجدي وسهيل
هذا وتو اليوم عاشر هلاله


إن اكتمل في صورته جاني الويل
من زاعمه بالزين قرَّرْ هباله


شفته وشفت عيون سودٍ مظاليل
وهامت عيوني في بهاه ودلاله


لا واعذابي من هموم المقابيل
إمّا تحقق في حياتي وصاله


ومالي عليه اليوم قوّه ولا حيل
لاشك ابعلن بالوفاء والغلاله


أنا حياتي كلها للمواصيل
رهنتها لو كان عسرٍ مناله


متى تجيني صادقات المراسيل
من راس وإلاّ ردها في رساله

مالك ومالي


ياهاجس الأيام مالك ومالي
مالك ومال نفوس جاها قدرها

وقتٍ تجلاّ بالوصال وصفا لي
عيّت عيوني منه تملا نظرها

صحيح والله ماحسبت الليالي
تنقل نفوس ٍ وامناتٍ خطرها

وقتٍ خذا غيري وحطّه بدالي
شوفات عيني ياضنيني قصرها

ولابد مايجري له اللِّي جرى لي
تزيِّن به الأيام بارق نحرها

اشكي على اللِّي من همومه شكا لي
ونفسي من المقفين تاخذ حذرها

دنياً تجازي بالأسى كلّ غالي
هذا من الأيام داير شهرها

حقك سعادتها وأنا جورها لي يكفي
عيوني منك طايل سهرها

غرقت في دنياي قبل تهنالي
هذا وأنا سبّاح غبّة بحرها

ظلم الهوى




الموت موت اللِّي من الحب محروم
ماهوب موتٍ فيه للحيّ راحه

والظلم ظلم اللِّي من الحب مظلوم
ظلم الهوى ما يرفعه من مطاحه

والهم شوف العين في لذّة النوم
للِّي بعيدٍ عن عيونك مشاحه

تذهن ولين السالفه طيف وحلوم
ثمّ ٍ تغمّض طامع ٍ في نجاحه

وتصحى على همّ ٍ من الحب وهموم
حلم ٍ وتطلب ليل همّك صلاحه

الله من يوم ٍ قضيته ورا يوم
أرجي دجاً طوَّل علينا صباحه

[BACKGROUND="70 #CC6600"]


غربة الشفق





عيون ٍ عزّ خلاّق ٍ خلقها
تشوف الها على خدّه ظلالي

تغيب الشمس في غربة شفقها
ونشوف الليل ثوبٍ لليالي

وإلى من الشفق هام وعشقها
اخذها ماترك للكون تالي

بحب ترف واشواق ٍ حرقها
شفقها للشفق والشوق غالي

امانة فجر دنيانا سرقها
عظيم الشوق من كف متعالي

سماي بحاجة للنور سقها
ابيك تغيب في عمري لحالي

واقول همومك اللِّي ذقت ذقها
عشان تذوق مرّ الصبر حالي







[/BACKGROUND]

لا تعذِّبْ



أكثر الحب في عين المعاتب عتابF: ماحكيته وعينك بيَّنَتْ كلّ خافي
انعم بحب قلبٍ شب شوق ٍ وشابF: لك لحالك مدى الأيّام والعمر صافي
لا تعذب تراني منك مااقوى العذابF: في عذابك عذابي وأنت مقفِي وجافي
جدِّد العهد وآصلْ عقب طول الغياب F:لا تدلِّل هجوس ٍ بين قاطع ووافي
وامطر بحبك اللِّي صادق ٍ ياسحاب F:وقلْ لشمسك تَنْوِّرْ ناظر ٍ منك طافي
تحسب الجرح يوم اضحك واجاملك طابF: مارفا الجرح عقب البعد والصد رافي

نادني



ارحم اللِّي ليلة الحفله معك
بينهم نورك يشعشع لي سناه
الله اللِّي ياهوى البال رفعك
فوق تاج الزين كلّه ياحلاه
كلّ عين ٍ نونها في مطلعك
في بهاك معاندك ضيّعْ بهاه
كل ماشفت النواظر تتبعك
من غرامي زاد جرحي في حشاه
نادني برموش عينك واسمعك
يا حبيبي جدِّد لعمري هناه
لو سهر عيني يفيد وينفعك
والله إن أجفا منامي واعصاه
لا تخلِّي خافق ٍ ماودّعك
ودّعه بالوصل لايكثر عناه
أدري إن مواصلي هو مطمعك
بس أخاف إن الرجاء يقطع وفاه

لا تعاتبني



لا تعاتبني ولا ترجي خضوعي
إنتهى بي حبك الكاذب بلاش
الهنا ما تستحي منه الدموعي
والأسى لعيونك الخجله فراش
تحسب إنِّكْ بالوصل طَمّنْتْ روعي
في فؤادي بالغلا لك مابقاش
كيف تطلبني وفا وأنته قطوعي
والزهور اللِّي لك بقلبي عطاش
كلّ بال ٍ بالغلا يرمع رموعي
وكن عند اللِّي حضر مابينناش
دام شمسك ما أشرقت لي بالطلوعي
كيف تبغى النور في درب العتاش
موعد الشوفه على رأس السبوعي
وتكثر أعذار المخالف بالنقاش

F:مساجلهF:

السامر & حمد بن خليفه أبو شهاب


عطشان في حبك

:cool:شعر حمد بن خليفه أبو شهاب يرحمه الله:cool:



ما هيج أشجاني و همي و بلواي
إلا أنت يا (السامر) بعزفك و شكواك

و قظت جرح في المغاليج مخفاي
غافي قبل لا تلمسه كف يمناك

أشجي سكون الليل عزفه على الناي
و الحي و أهل الحي يا قلب واشجاك

عز في ترانيم على سلك مطواي
و عزفه ترانيم على نبض الأسلاك

ظامي و لا بي ندرة الري بالماي
حران و ظلالي شجر وادي الراك

مفتون بي ريم مكحل محناي
يا ريم من كحل عيونك و حناك

حسنك طبيعي هوب بالزيف مطلاي
يا بخت قلب ٍ دون غيرك تنقاك

يا منبع إلهامي و شدوي و منواي
أشرب دموع العين لي عن ذكراك

يا ذكرياتي في صباحي و ممساي
و كتابي اللي كلما اغضي أقراك

ما ابعدك عن عيني و ما اقربك لحشاي
و ما الطفك ساعات و ساعات ما اقساك

و انت بدلال الحب تحلا بعيناي
و انسى البطر لي فيك كله و لا انساك

يا ستّار

الأمل ولعّ بياسك واحترق
والظنون بسكة اهمومي تبارى
حالك اشوى بس حالي مافرق
في ظلام السهد سامرت الحيارى
النجاة تواعد العين الغرق
والليالي البيض تضحك للسهارى
كلّما طيفك على عيني برق
قلت ياستّار ياخذني جهارا
ليت صبحك في سما حبي شرق
لو اخيَّرْ مالي بغيرك خيارا
لا تخليني براس المفترق
بين همّ وبين غمّ وبين نارا
ودي إنِّيْ مثل حبّات العرق
في جبينك تندي بعز ووقارا
قبل ما يطوي على الغصن الورق
احيني بالوصل ياسيد العذارى

F:نويت النكايفF:


العام الأوّل عندي أغلا الولايف F:واليوم أنا عفتك ولا تبحث أقصاي
لا لا تذكّرني وأنا منك عايف F:ما فلّتَهْ يسراي تطويه يمناي
والله لا راجي ولا منك خايفF: الياس دونك حطّم حْصون رجواي
يامرحبا بدموع عيني ذرايفF: ولا تشوفك وانقل الداي برداي
بيني وبينك ماتفيد الحسايفF: عفتك عيافٍ منه لاتنشد ارضاي
يلوفني من فرحة البعد لايف F:في البعد عنك القا من همومي ادواي
ما شفت في صدّتْ عيوني كلايفF: تقرر بغيرك على الحب مغزاي
عنك الصحيح إنِّي نويت النكايف F:جزاك يوم إنِّكْ تغاليت مشراي

شعر ورموش





الظبي لو تعترض له ما جفل
فيك من حس انتباهه فزّته
لوّ ماترعى الخزامى والنفل
فيك من ظبي العدامه لفتته
الصحيح إن الحسن معك انكفل
في عيونك ياحبيبي بهجته
الشعر خالط رموشك وانعفل
كلّما ناظرت فيني غطّتَهْ
ياظبي خلَّكْ بامان الله وفلّ
ارعْ من روض الحشا محبته
خافقي بالشوق يالغالي حفل
أسألك بالله تحفظ غيبته
الحسن لك سلّم امره وانقفل
لك لحالك حاني ٍ لك هامته

الليل روَّح





الليل روّح والدموع أربع أربع
ياللعجب منك وعليك ارجع اشكيك
ياما عليك العين بالدمع تدمع
وياما تصنّعْت الرضا لجل اراضيك
وياما ترجيت الوصل وأنت تقطع
وخانتني عيوني إلى حلّ طاريك
قلها يكون الياس لي منك مقْنع
تعبَتْ عيوني من رجاك وترجيك
باكر يقولون العرب شمس تطلع
ولك يتضح ما اخفوه ناس ٍ حواليك
الشاهد الله فيك ما اوحي ولا أسمع
وما اطيع ناس ٍ ياحبيبي حكوا فيك
غلاك عندي من غلا غيرك ارفع
وابعد من انجوم السما كيف ماغليك!!
والله مامن حكم الأقدار مجزع
لو راح عمري بين حيره وتشكيك
مالي بغيرك من هوى الغيد مطمع
ماشفت بالدنيا جميل ٍ يحاليك

F:شعر الأمير/ عبد العزيزF:


جاني كتابك بين يوم ٍ و ليلة
و قريت بعيوني و بالعقل فحواه

مشكور في وقت ٍ غطا العدل ميله
وقت ٍ به الناقد يشكل نواياه؟

يا شاعر ٍ لا طاب من طيب جيله
و من جاد تظهر به على الطيب يمناه

رايك دليل ٍ فالدروب الطويله
يا شاعر ٍ بالعلم تسري مطاياه

يا عاشق ٍ هد الغلا العف حيله
و هم ٍ يجي قدمه و هم ٍ تقفاه

ما هوب يبني منزله من مسيله
تلقى مكانه زامي ٍ فوق مبداه

رجل ٍ شريف من رجال و قبيله
فاهم فهم فحوى قصيدي و ناجاه

البارق اللي طافني كيف أخيله
و هو على مرباع غيري نثر ماه

دق القصايد يا حمد و الجليله
فالغالي اللي جرح القلب و أدماه

و أقفى يناديني و أنا أزريت أجيله
أصيح من بعده و أنا جالس إحذاه

خل ٍ جرحني بالعيون الظليله
يالله عسى جرح ٍ جرحنيه يرفاه

بين الرجا واليأس


بين الرجا والياس ياسعود ضيَّعْتْ
أحترت أنا مابين شكّ ٍ وغيره
الظاهر إنِّي ْ من هوى النفس ودَّعْتْ
حبٍّ نصر غارات حربه كسيره
على هزايم حبِّي العام وقَّعْتْ
لقيت في ترك المقفين خيره
خلصت أنا مخلاص ميِّسْ وشيّعْتْ
جثمان حبِّي في بداية مصيره
ياليتني في حبّهم ما تلوَّعْتْ
عشان الوعهم على كلّ سيره
مير البلا قلبي عصاني وريَّعْتْ
ولا كسبت إلاّ الجروح الخطيره
المشكل إنِّي من وداده تجرَّعْتْ
همّ ٍ يَرّحْلّنِيْ على كل ديره
والظاهر إنِّي في قراري تسرَّعْتْ
وقلبي من الفرقا نذيره بشيره

السامر & الدكتور راشد بن محمد أبا الخيل
F:رد على قصيدة الشاعر الدكتور راشد بن محمد أبا الخيلF:

شعر الأمير/ عبد العزيز

المدح يا راشد معوزة وناموس
تبغيى الفوايد والعرب تستفيده

الشعر يبغى له قوانين ودروس
لا شك كسر بكل صفحة جريده

أحد ٍ يجيب الشعر ويحوس به حوس
وأحد ٍ يجيب إلك القصيدة فريده

والشعر فيه بحور وعدود ورسوس
فكر عسى تحيا حياة ٍ سعيدة

F:مهداة مع التحية والتقدير لصاحب السمو الأمير عبد العزيزF:

الدكتور راشد بن محمد أبا الخيل

ليت القصيد يباع و اشريه بفلوس
واخذ من السامر فقارة قصيده

احتاج له لا دق بالقلب هاجوس
أو خايلت نفسي دروب بعيده

أو هب من صوب المواليف نسنوس
يرتاح له بالي وضغطي يزيده

أو صرت عن شوف المحبين محبوس
لو كل الأرض بحوزتي ما أريده

[BACKGROUND="70 #663300"]


الشـكر لله

هذه القصيدة بمناسبة نجاح العملية الجراحية التي أجريت لسمو سيدي ووالدي صاحب السمو الملكي الأمير سلطان بن عبدالعزيز ولي العهد نائب رئيس مجلس الوزراء وزير الدفاع والطيران والمفتش العام حفظه الله حمداً لله على سلامته0


الحمد لله حمد الواحد الوالي
ربٍ يفرج من الضيقات كربتنا

ربٍ يجيب الدعا في كل الأحوالي
ربٍ يحقق من الطلبات دعوتنا

عافاك وشفاك منهى كل الآمالي
يا مفرج ٍ من هموم الوقت ضيقتنا

الشكر لله يا سلطان الأفعالي
سلامتك يا وصي الطيب غايتنا

من مجدك الدار لبست تاجها الغالي
وأكبر دليل ٍ على النهضه حضارتنا

الجيش من همتك بالمركز العالي
حتى فرضنا على العالم سيادتنا

انت الذي بأول السيرة وبالتالي
أكبر دعايم يابو خالد سياستنا

والوقفه اللي تعزل المر والحالي
تحفظ بها بين خلق الله كرامتنا

شيّدت مدن المعرفه بالخلا الخالي
ورفعت مع راية التوحيد رايتنا

أنت الذي بالسياسه مالك امثالي
طورت بالهمه العليا ثقافتنا

وان حل يوم ٍ به العقال تهتالي
تفوز به ثم تكمل فيك فرحتنا

علمته أجيال يا سلطان واجيالي
يا عزنا اللي رفيع ٍ بك وعزوتنا





[/BACKGROUND]

حـــبك حــلال

أبتعد عنك هذا ثامن أمر ٍ محال
كود أهل نجد تنسى حجة أم القرا

حب غيرك حرام وأنت حبك حلال
من غلا اللي يحبك لا ترد البرا

أكسب الفرصه اللي بين هجر ودلال
ما يباع الهوى الصادق ولا يشترا

أنت فالي ولا لي غيرك اليوم فال
وطاري الهجر في بالي لكم ما طرا

انت شوفك هبال ٍوانت حبك هبال
واكثر الناس عن حبي لكم ما درا