الامير عبد العزيز ابن سعود ((السامر))

يامسلم سلام

أطوي سنين الرجا عامٍ وعام
خايفٍ ما ألقاك وأموت معبون

ومرني رمشك ولا وقف الكلام
أكتب اللي شفت في سود العيون

آه يا جرح المودة والغرام
من عيونٍ يرحمون ويظلمون

في عيونك شفت أنا نور الظلام
شوف بالثنتين ما فيها ظنون

ما على من حب من مثلك ملام
ليت عذال الحبايب يسمعون

وليتهم شافوك يا مسلم سلام
كود عشاق الملامة يسكتون

سجين الحب


آه من جرحك اللي كيف عيا يطيب
أثر جرح العيون السود يبطي نجاحه

يوم غارت عيونك طحت منها صويب
غارةٍ مأأها بها لطراد خيلك مسحه

قمت طولي وأنا من جور حبك عطيب
وفارس الحب لا من طاح يكثرطياحه

ما خبر به حبيبٍ قد سطى في حبيب
وأنت جرحك سطا بي بين ظلم وسماحه

كيف ما تمنع اللي من جروحك مريب
خف من الله لاتقسى وتأخذ سلاحه

في عيونك سجين الحب ماله مجيب
ليت رمش العيون السود يطلق سراحه

مساجله

السامر & العطاوي


\" متى حظ السعد \"
من الأمير عبد العزيز بن سعود للعطاوي


أشوف العذل يا عاذل سماجه
كفاك الله يكفي يا عذولي

مواجه ما حصل لي به مواجه
مغير أنحب على روس القذولي

متى حظ السعد ينهض حجاجه
بغيره مالي بذولاً وذولي

متى لي بالوفا ينور سراجه
بخيل الوصل لوكفه بذولي

نزل في دار جدانه بتاجه
جنوبن شرق عن دار الهذولي

عريب ما تقعد له خواجه
وطيب الغصن من طيب الجذولي

أحبه حب ما أسمع به لجاجه
واكمي الحب عن كل النذولي

ويا بو نواف جرحي من علاجه
وغاذين الحكي عنده غذولي

مع الفجر

قصر الأمام أبو عشر ودع مربعته وراض
يكتب لها قبل الرحيل انهايةٍ لشباحها

قال : وفعل .. على يده كرر مهاجيده وعاض
الفايتات بحاضراتٍ شرعوا برباحها

مع الفجر صاح الصياح وكبروا ربع ٍ حظاظ
الحكم لله ثم لمعزي وهل أصلاحها

عبد العزيز اللي هجد عجلان في قصر الرياض
بالأربعين اللي علي روس الرماح أرواحها

فاض الوفاء للرايه الخضراء معه من يوم فاض
للديره اللي بالولاء طقوا طبول أفراحها

للعارض المنقاد للتنهات لرياض الفياض
برجال بيع نفوسها بالموجبات سلاحها

شيخ ٍ يفرق بين سود المقبلات من البياض
ورا الدول كيف العرب تارد ورود أرماحها

الهمة العليا


أروى ظما الدار يوم أن العدل ظامي
عبد العزيز أرفع الرايه ووحدها

ياصبح يومٍ مبارك وأبرك أيامي
يوم ٍ به الهمة العليا نوكدها

جا للجزيره وجرح أهل العبث دأمي
يوم أكثر الناس جهل وتقطع بيدها

ورفا فتوق ٍ كبار وعز الأيتامي
وجروح روس الرجال الصوك ضمدها

وفصل على الدار من وحي السما خامي
ودروس هدي النبوة صبح جددها

دين الشريعة لحكمه سيف وحزامي
نفسه لخدمة بيوت الله جندها

ناس ٍ تسابق وراه وناس قدامي
ورد أول القوم ودروبه توسدها

الحكم لله ثم الدين الإسلامي
عقيدة الدين في نجده تنجدها

بالحق والشرع صفى روس الأخصامي
وبيض نفوس ٍ زمان الجهل سودها

من مطلع سهيل إلى حمة حمى الشامي
والدار في كف من بالعدل عاقدها

من دونها ننطح اللي جاهل ٍ عامي
خبل ٍ يبي ياكل النعمه ويجحدها

في سوقها أرواحنا من غير سوامي
نبيعها والخساير ما نعددها

من احلى المواضيع و احلى القصائد اللي قريتها .
جزاك الله خير ،