الامير عبد العزيز ابن سعود ((السامر))

سود سها
[YOUTUBE]MbnV1nQGoQQ[/YOUTUBE]

سودٍ سها ويلاه والهه عنها
عبث البنان بعبث غرّة محياه
شتقرٍ تحلف إن الذهب خلق منها
يوم الْتوَتْ شرطانها قلت ويلاه
ومن الولع بك زار نفسي شجنها
ياليت رمحٍ صوّب الخافق أخطاه
كبدي بحربة رمش نجله ، طعنها
ولا فيه عنَّي من يردّه وينهاه
تجللّت من جور حسنه كفنها
نفسٍ دواها وردي لماه بشفاه
عينٍ عليّ بالموت تأمرت وتنهى
سلطانها حبِّيْ على ذبحي أغراه

فرحة لقانا

لا تستحي قل أحبك تعبت أسماعي
أرجوك لا تستحي يا صاحبي قلها
اطلق أحجاجك وخله يرسل الداعي
فرحة لقانا ترى ما بيك تقتلها
ضاح إبجبينك لعيني نور وإشعاعي
وعيوني لشوفتك مع خافقي ولها
خذ جرحك العام بي من هاجس أو جاعي
وإّلا يابو ضحكةٍ بيديك كملها
وإن قالوا الناس عمري بالهوى
ضاعي بانت لك أسرار قبل اليوم تجهلها
يا صاحبي هاجسي بك دايمٍ واعي
فيك إنت نفسي تجادلني وأجادلها
مرٍ تكون الرعية والهوى راعي
ومرٍ أكون الرعية وأنت كافلها
أفرح بطيفٍ يجيبك وأرفع شراعي
والنفس بوعودك اللي كذب عللها

هاجس احلامي

في عيونك هاجس أحلامي كبير

ما ينازعها منازع في غلاي
ودها تكتب عن السر الخطير

بالرموش السود ما يفضح عناي
أجمل اعبارات بالسطر الأخير

بين قوسين "أنت وينك؟" يا مناي
وغرة يلعب بها نفح العبير

كلما ناظرتها تبحث خفاي
موجها مثل السحاب المستثير

في جبينك كنها ترسم رجاي
في خدودٍ وردها ما يستجير

غير من سطوة رموشك يا هواي
إن وفيت بشوفتك ما هو كثير

وإن بخلت بشوفتك جاني بلاي

هذا قصيدي فيك



حبّك سكن في عين ما شافت إلاّ به
أهمس وأشوفك صوت همساتك أسمعها
عطني الغلا عطنيه أغليه وأشقى به
[COLOR=sienna] سعادتي في الحب وجروحي أجمعها
حبّك وطن والقلب مفتون بترابه [/COLOR]
مشاعري والشوق كيف أقدر أمنعها
عظيم حبَّي كان رحّب وهلا به
وقَّفْ تشوف الشمس وردٍ بمطلعها
محبٍ وعمره زاد من شوفة أحبابه
وأهدي فيافي الروح للوصل يزرعها
يازينها وأن وقف شوقه وحيّابه
رغبة وحكي عيون وأسماعهم معها
هذا قصيدي فيك من حبّ غنّى به
وصَّلْ خيوط الوصل وإلاّ انَّكْ أقطعها
تسرف بصدّك ليه والنفس تحيا به
عشّاق مجد الحب والنظرة أرفعها
أجرح وأقول مباح جرحي وأنا أدرى به
لا تقهر الأشواق في دربها دعها

عقد ثمين


بالزين يا قاهر طغى كل مملوح
البيض فضه وأنت عقدٍ ثميني

معك أنت مجروح الغلا وين ما روح
أحلى كلامٍ بين روحي وبيني

الهمس يشفي بالجفا قلب مجروح
داو الجروح بهمس طيفٍ يجيني


وعلم هواجيسٍ تجيبك على البوح
وأستنطق الهاجوس في كل حيني

ما تدري أنك ساكنٍ في خفا الروح
والا بعد من بين جفني وعيني


بيني وبين الناس يا مبعد الشوح
وفاك وقف سور صدٍ متيني


لا تبتعد عني بعيدٍ ولا نوح
عندي وأموت من الغلا يا ضنيني


مالي بغيرك مع هل الحب مصلوح
نسيتني التالين والأوليني

عند اللقا



عند اللقا صبرك على المشفي أشوي
أمهل عيوني بالنظر فيك ساعه

أناظر ورودٍ عليها كسر في
ورمشٍ بغمضه عين يطوي إشراعه

سلهم ترى جرح الغلا بالحشا حي
محبٍ غلاه يورطه باندفاعه

لولا عيونك ما تسوي بنا شيء
ما قلت أنا للحب سمعٍ وطاعه

كنك على وجه الثرى تنثر الضي
ما بين وصلة شوفنا وانقطاعه

أنا وش أقضب منك وش تقضب ايدي
وبيني وبينك ما تضيع الوداعه

يا صاحبي بالنار ما يوجع الكي
تنساه بس الموت كي القطاعه

كل من يتطلع لقدسية هذا الوطن وشعبه الوفي أثلج صدره خطاب خادم الحرمين الشريفين وما تضمنه من حميمية التكافل والأوامر الملكية التي أثلجت قلوب الشعب وقلت:

خااااادم بيوت الله

حبيب شعب المملكه ماله امثال

خادم بيوت الله بفضل وفضيله

عبدالله اللي يوم قالوا وهو قال

يفرق عليهم بالحبال الطويله

يارد على الجمه بتوثيق الأعمال

ويعدّل اللي ما لقوا فيه حيله

أكبر هدايا دارنا راحة البال

وأمن وأمان ٍ ما يوصف مثيله

مردود رايه يبهج الناس بالحال

وأوامره في كل وقتٍ مهيله

تشرف به الحكمه على راس ماطال

عدله سبق في كل الاحوال ميله

عنده على كل الخطايا سعة بال

دينه على حل المشاكل دليله

حبيب شعب المملكه طيب الفال

طابت به نفوس العباد العليله

أكبر دلايل حبهم شوف الاقبال

منهم يزود بكل يوم ٍ وليله

ايترجم أقواله على الطول بافعال

أوامره مثل المطر بالمخيله

تمطر مراسيم ٍ على الدار همال

تنبت مصالح دار في كف جيله

يرفع بها الرجال راسه ويختال

ومن طاعة الخلاق يجني حصيله

أوامر ٍ من عاشها راح مهتال

ما جات من مدات كفٍ بخيله

هذا الوفا هذا الولا ما به اشكال

ما دام كل عيون شعبه تخيله






ابنك المخلص /عبدالعزيز بن سعود بن محمد آل سعود

وسام





شوفتي لك جدّدَتْ فيني غرام***لا تصدّ أرجوك وعيوني تشوف


صار في قلبي من أسبابك هيام***يوم سعيي فيك ماصار مخلوف



لو نبي لاماك مافاد الكلام*** والسبب شمسك حصل فيها كسوف


ليه حظي مابلغ فيك المرام يوم***أنا للبيض من عقبك عيوف



والعيون محرِّمَهْ حلو المنام***والخفوق يدق دقّات الدفوف


ياالكحيله يوم حطّوا بك لجام***وصار حبلك من ورا الكف معطوف



البسي من تاج وجداني وسام***من قصيدٍ تمنعه عنك الظروف


يكفي السامر ولو رد السلام***لا حصل مشكور ياسيد الخشوف

[BACKGROUND="70 #990000"]
وقف هوانا

قلت الله الله ميِّتٍ فيك بالحيل
مختال شوفي حار بيني وبينك

وبين الرموش اللِّي وقف عدلها ميل
وعبــثٍ تنثَّر فوق صافي جبينك

تلقاني اكتب لك قصيدي من الويل
يظْهِرْ خفا نفسي على الناس زينك

ارسمك ضي ٍ يقهر الجدي وسهيل
واسلّمَكْ كلّ النجــوم بيمينك

ابيك تسترني عن الناس بالليل
وقَّفْ هوانا بيــــــن جيدك وعينك


[/BACKGROUND]

لو تعذر

علّموه إني بريّ ٍ من هواه
عفت حبه ما على بالي طرى
من هواي اليوم مقطوع ٍ رجاه
عيني لقدّام ما ترجع ورا
عنه قلبي منه محجوبٍ سماه
بالغيوم اللِّي مناشيها سرى
لا يجيني خاضع ٍ يبعد وراه
يشهد الله ماله بحبي ذرى
منه قلبٍ عذّبَه ودّع عناه
أحمد الله ناظروا جرحي برى
باع حبّه قلبي اللِّي قد شراه
باكر عيونه على عزّه ترى
لو تعذَّر ما نشدته عن خطاه
بس عذره شاهدٍ باللِّي جرى

شوفة الصدفه


لا تخليِّ شوفة الصدفة دموع
ولا تفرشني ورودٍ من خداع
اعرف إن الحب في عين الخدوع
النهاية فيه للمغرم ضياع
المشاعر صفّقَتْ بين الضلوع
وارتفع لك في بحر حبِّي شراع
ما عليّ من القرايب والربوع
كيف ما احيا نشوتي بالاجتماع
واعرف إن الهجر والفرقا تلوع
والمحبه راس مال ٍ ما يباع
اشرقي يا شمس حبِّي بالطلوع
قبل ما تنوي عيونه بالوداع

ياغاية الروح

يا غاية الروح طول الصبر مليته
راحت طراة العمر والصبر يطويني

عليك هم الليال السود خاويته
في غربة الحب همك ما برح عيني

الهاجس اللي يجي بك طيف حبيته
عن حرة الشوق والضيقة يواسيني

أسرفت في جرح قلبي من توليته
تبعدني اليوم من كيفك وتدنيني

عليه ما تدري إنك جرت وأخطيته
وأصغر خطاياك يومك ما تداويني

والموت لا غبت عن عيني تمنيته
كله علشان شوفك شوف يحييني

فنجال همك على شانك تقهويته
متى متى بالوصل تقدر تقهويني

يا ما من الهم والغربال قاسيته
على أمل تجبر الخاطر وترضيني

عنك العزا ما يعزي لو تعزيته
عزاي ودي مثل ما أغليك تغليني

خذيت سلم الهوى وراك ما أديته
منك أشتكي لك عليك وما تشكيني

أعذب الحب أكذبه

ان ظميت أشرب من اليأس أعذبه

يا وعودٍ مالها فرحة وعيد
اكتشفت أن أعذب الحب أكذبه

اكْذِبْ أغلى لك ترى حبك يزيد
مالحق قلبي بحبك مطلبه

أنت ناسيني وأنا راسي عنيد
تعب كفي مالقي بك مقضبه

جيت روحٍ مالها خدٍ وجيد
دورك اللَّي في عذابي تلعبه

انتهى التمثيل كلّه لا تعيد
ردْ قلبي بالهوى لا تنهبه

خلْ باقي الدم يدمع بالوريد
الوداد اللَّي بحبَّيْ تكسبه

انتهى والصبر لا يمكن يفيد
كلّ شعرٍ فيك من قلب اكتبه

ما يساوي بالجفا بيت القصيد

ياعيوني ناظريها وادمعي شوفي الأيام وش سوَّت بنا

هي هناي وهي مناي ومطمعي أبعدت وإلاّ بها حظي دنا
حكيها ودَّي يعانق مسمعي ليتها ما تعرف اسمي من أنا
لجل تأخذها سوالفها معي ويستعير الشوق لحظات الهنا
لو تظاهر بالصدود وتدّعي حيرة العاشق مفاتيح المنى
ودَّعيها يا عيوني وارجعي ينتصر للحب يأسي والضنا
ودّعي بالشوق حب مودَّعي للهموم اللَّي سحايبها عنا

شوارد









أطلقت قيد هموم وقتٍ محابيس
قناعة ما ودي أبحث خفاها



أدوس رأي كايدٍ ما بعد ديس
نفسي رفيعٍ الهوى مستواها



أحب أناظر طلوع الشمس من بدري
أفظع من إشعاعها نورٍ براضيها



يا معاتبني على طيف الخطيه
زلتـــــــي وحده وزلاتك كثيره



ما يجـــــــــــــــرح القلب غير
عيون ظبي غريبٍ مثل عينك



تنثر شتاتي بروس الرمش والمه
على مطاف العيون أحرمت بحرامي



حسبي الله على طيفك ونعم الوكيل
كل ما سج قلبي بالغلا ذكره



الطير لو أنه عطيب المضاريب
الى نكسر خطوا سبوقه ويعوقه



وتسوقه الأقدار يصبح عشا الذيب
يوم أن حظه قلل الله وفوقه

[BACKGROUND="70 #0033CC"]
لمع السيوف




ضاحكِ لك زمانك وخدمتك الظروف
كل ما قلت وينك قلت عذري معي

عن خطاك آتصدد والنواظر تشوف
وان حكو فيك عدوان الغلا ما اسمعي

أكثر أعذارك اللي جبتها ما تطوف
ما يصدّق بها يازين فاقد وعي

أحسب أن السعي في كل حال مخلوف
وضيّع الحب عندك حجة المدعي

شمسك اللي ضياها من كسوف بكسوف
بعد هاك الصفاوه مالها مطلعي

تاج حب القلوب الصافيات امعروف
وان بغيت الصحيح فقربهم مطمعي

في جبينك تكاشف مثل لمع السيوف
ماخذٍ بالجمال اليوم حق أربعي



[/BACKGROUND]

ارهابكم مايهز الدين


خوارج العصر دين الله هو الباقي ***ارهابكم ما يهز الدين وأركانه
الكون كله بجرم أفعالكم ضاقي***والدين منكم بري ٍ منهج إيمانه
طفل ٍ قتلتوا وطفل ٍ عاش منعاقي***وإنّا بشهر ٍ نزل بالوحي قرآنه
شهرٍ فضيلٍ بفضله تعتق اعناقي***كل ٍ يدور رضا ربه وغفرانه
تبونها تختلط بالدين الأوراقي***لكن كشفكم ولي العرش سبحانه
للشرع وأهل الشريعه ربي الواقي***وانتم ألد اخصماه وروس عدوانه
الله نشر عز دينه فوق الآفاقي***وبقدرته يفضح الخوّان لا خانه
حسن التوافيق من حسنات الأوفاقي***جرم ٍ شهوده من الأحداث برهانه
صبر ٍعليكم ترى ما هوب ينطاقي***ذبّاحة الطفل بين أبوه واخوانه
الظلم كفر ٍ يسوقه سوء الأخلاقيو***الدين ساس العدل والحق عنوانه
والحكم له شيخ دار بالعدل شاقي***للشعب فتّح على الأركان بيبانه
ولسلم الإسلام فهد المجد سباّقي***كله بتوفيق رب ٍ عالي ٍ شانه