الشاعر ضيدان بن قضعان ..............

الذنوب

الـذنــوب لـرحـمـة الله يـــا خـلــف خـالــي و جـــدي

و الخـطـايـا للـعـفـو مــــن قــبــل تـنـفـيـذ الـعـقـوبـه

و انـت لــو تخـطـي عـلـي و تـقـول مــا هــو بــودي

لـــو قـبـلـت الـعــذر نـوبــه مـــا قبـلـتـه كـــل نـوبــه

و الـعــذر يـالـلـي عـلـيـك أخـطـيــت فــــي مــزحــي

وجدي ما يساق الا على شرواك والناس محسوبـه

و الغـلا اللـي ساقـنـي صـوبـك و يــدي فــوق يــدي

عيـبـي الـلـي تجهـلـه والـرجـل مــا يجـهـل عـيـوبـه

و الظـلام الـلـي سريـتـه لـيـن ضـعـت وبــاح ســدي

ذاك لـيـل مــن ســراه و ضــاع مــا حـسـب ذنـوبــه

لـيــت لــــي مــثــل مــــا للـكـفـيـف مــــن الـمـقــدي

كـان مــا شـيـدت بـيـت الحـلـم طـوبـه فــوق طـوبـه

و ليـت لـك مـنـه مـثـل مــا للضعـيـف مــن التـحـدي

كـان مـا طـاح الشجـاع الـلـي سـتـر جـرحـه بثـوبـه

آه مــــن كــثــر الـخـطـايـا و الظـلـيـمـه و الـتـعــدي

و أنت عذرك ماء البحر و الملح و أسباب الرطوبه

لـو شربـت مـن البحـر فـي طاعتـك و أنهيـت صـدي

كـان يغنـي عـن شـمـال السـاحـل الشـرقـي جنـوبـه

و لـو أقـول ان البحـر مثـل الهـوى مــا هــو بـقـدي

مـا قـدرت أقـول قلبـي تـاب و أعـرض عـن دروبــه

و لـو أتـوب مـن الذنـوب اللـي جنـت الأيــام ضــدي

مــا قــدرت أتــوب عــن ذنــب يـعـن القـلـب صـوبـه

كيـف أتوبـك يـا أجمـل ذنوبـي و أوقـف عـنـد حــدي

و أنــت ذنــب لا غـفــره الله و لا لـــي عـنــه تـوبــه


[YOUTUBE]6oL8_MTNclM[/YOUTUBE]
:L:

اطراف النخيل

ياصاحبي غابت على الشمس باطراف النخيل
وامسيت اخيل الباسقات الى تميل عذوقها

وانا على بشت الحساوي لا قصير ولا طويل
والمزنه الغره على راسي تلوح بروقها

والعالم الله يدرك العطشان منها سلسبيل
ولا يوقف يومه الموعود قبل يذوقها

ياصاحبي ياناس يالي فوق يالوزن الثقيل
لد النظر للعالم الى ماتبل احلوقها

العمر مره والقلوب البيض ماتبقى دليل
والناس اذا طابت نواياها تطيب اوفوقها

لو كل من سمي نبيل يصير مثل اسمه نبيل
سميتها ليلي على ليلي وانا معشوقها

كذا كذا ياحرفت التمويه في نعش القتيل
ياصاحبي غمض اعيونك ودفنه في موقها

انا تعبت من الحجاج السمح والكف البخيل
ولا عاد عندي حل اعالجها وخيط افتوقها

صحيح انا ممكن اسويها وسوي المستحيل
لاكن رجلي في هوا نفسي ماعت اسوقها

وشلون ابرر موقفي واجزا جميلك بالجميل
وانا يديني في فم الحيه ورجلي فوقها
F:

لبا عيونك

لبا عيونك ولبا خدك وخاله
ولبا المحيا ولبا الليل والشفه
فديت عمرك بتجريحه وغرباله
لوتشربه الارض غبره والبحر جفه
هلي كما البدر غيضي كل حفاله
وسجي عن الليل لايلهيك في صفه
وهزي على صوت رجف القلب وهباله
الطار قلبي وكف توجعه شفه
ياشفه العين قبل تجين جماله
وجيتي ولاشفت غيرك لو رفع كفه
كنك لحالك حضرتي الحفل في الصاله
ولاشفت غيرك بشر ياقمه العفه
انتي زعيم رفع للقوم فنجاله
وكل تعذرشروبه ليله الزفه
انتي بيمني الحلا والناس بشماله
ثقيله العقل فيك الدم ياخفه
احيي فقيد بغيت ابكي على اطلاله
في غيرك يموت لو احييه وازفه
وان عودت للغلا غلاك بلحاله
انتي بكفه وباقي الناس في كفه

[YOUTUBE]F5NTPuvzE6Q[/YOUTUBE]

[BACKGROUND="70 #330033"]


مرثيه لـ المرحوم حسن بن مانع بن رحيان
ياونتي يوم قالو مات ابو ماجد

ونت قصّير على أغلى واطيب اخواني
انشهد انه هجدني البارحه هاجد
علمِ هجدني على الغرات وابكاني
العلم جاني وانا فدبي متواجد
وبغيت أهلل واكبر غار ما امداني
كبدي بجدها من سيوف الحزن باجد
صبح الشؤيفات صبحني ومساني
واكبدي اللي عليها الحزن متراجد
وجعه محرم وذو الحجه وشعباني
مرحوم ياللي يجود بكل ماياجد
وابرك لياليه لاجا البيت ضيفاني
ترحبيته تستبقها ضحكه الناجد
ومرات كفه لوجه الله سفطاني
الدّين المستقيم الراكع الساجد
كريم وجه وكريم يمين ولساني
ياموت يوم الهواشم جمعهم واجد
ماخذت غير ابو ماجد واحدٍ ثاني!
يالله تجبر عزانا عقب ابو ماجد
وبرحمتك ترحمه ياخير رحماني
F:
[/BACKGROUND]

[BACKGROUND="70 #990033"]
انعست عين الغلا
انعست عين الغلا والهوى هدا
خانت الايام والملح والعشره
وابتديت تشوف نفسك وتتحدا
وأنت ماكنت تتغلى ولا تشره
كنت مجروحي وصرت الدوا
والداكنت آآه صرت آآهات منتشره
غلطة اللي بالمحبه أخذ وأدا
واعترف لك بالغلا وابصمت عشره
الهوى جاب الغلا والهوى ودا
وأنت وجروح الزمن بالحشا
خشره يابعد من مابعد جا ومن هدا
ويابعد من ساج روض الحشا نشره
يوم صار الحب جزيه ولك تداو
القصيد اسهل من كتابته نشره
خذ قصيدي ياشذا الورد لاندا
وأنتبه لي واستمع موجز النشره
والله أنك بالغلا فارق جدا
مثل فرق الابتسامه عن الكشره

[YOUTUBE]ybLrAT6UuYY[/YOUTUBE]
:adore:
[/BACKGROUND]

[BACKGROUND="70 #333399"]


ياشيخ
أنا ياشيخ ماني بعجمياً
أنا من خير من في الأرض
فلا مجدٍ يطاول مجد قومي
قبل يبعث رسول الله لنا سلماً
فرقنا عن سوانا أذا منا الجبان
أشتدا عودٍ أشارة أمهُ إن اقتلواه
و ذبحناه وضحك عمه وخاله
و ما ملء القلوب منهُ حزنٍ لذلك
لاتجد فينا ضعيفاً ولا منا تحالفنا
وفينا علي الشاهد الله ثم يشهد
كفاك المجد ياراسي أذا
وليس المجد قد كانا أبائي
بل المجد وقوفٍ ذات يوماً
مابين أيدين أحمد بن محمد
بقلباً صادقاً وخوف فيهِ
وأذ ما قامر الأنسانا يومً
:cool:[/BACKGROUND]

قصيده ضيدان في مزاين ال عرجا :

حنا آل عرجا لكتسى الجو بارود
نهيج مثل الموج عقب الركادي
هواشم(ن)افعالنا مالها حدود
مذاكر(ن)وانسن صعب الجيادي
يامية(ن)من يام حماية الذود
صيارم نشدي طيور الحمادي
لا جا نهار(ن)فيه طارد ومطرود
كم شيخ قوما صار حظ الحنادي

F:أما اّن لناF:
[YOUTUBE]V-5b0RqC4yY[/YOUTUBE]

أنا .. أنا وأعوذ بك يارب من كلمة أنا
عبد وهبته من بديعات المواهب ماوهبت
آمنت بك وأسلمت لك أمري وأناوأنا وأنا
المنتهي كل أربعاء والمبتدي في كل سبت
أخاطب عقول الرجال الفاهمه وانا هنا
واليا شاء الله وأمرني ماتحاكيت وكذبت
أجمل نساء الارض غنت لي بصوت ((الله لنا))
وأنا الفقير اللي رزقه الله بمرعى كل نبت
طرقا عرض فستانها الازرق خطر غصن القنا
نازل على الوادي بنا يشرب وانا قبله شربت
حبيتها لين انفرط سلسالها بعد وعنا
وأبعدت عنها في حياتي كثر ماعنها قربت
قولوا لها يا أجمل نساء الارض ((أما آن لنا))
أن ننهي الحلم القديم ونكبت الغايات كبت

نجوم الصبح

بانت نجوم الصبح واللي في عيوني من عصر
ماهوب دمعن لاتضايقت أتنهت وأسكبه

لاوالله ألا حلم رجلن عن طموحه ماقصر

لو قصرة سود الليالي من يمينه وشنبه

وانا لوني ماتعلمت الهزيمه والنصر

ماكان ذقت من الهوى القتال أمره وأعذبه

شاعر وعصري فاتني وعيش في أغرب عصر

للوقت وقتي والزمن مابيني وبينه شبه

لكن هنوفٍ مثّلت دور العزيزه في مصر

قدّت قميصي وأسرفت في وصلها قبل أنتبه

يوم أنتبهت أستشهدت ضدي بحراس وقصر

قلت أرحمي عزيز قومن ذل ورخا منكبه

ماني نبي الله أقاوم حسن خصرك لنحصر

انا بشر عبدن ضعيف وكل برقن يجذبه

قالت وهي توي تثنى كن مافيها خصر
ا
لشعر ياضيدان ورث أجدود والا موهبه

قلت الشعر سحرن يصخرلي قلوب ويختصر

عمر المسافات الطويله والسنين المجدبه

والشعر لو حصرته في ضلوعي مانحصر

يطغى على حدب المحاني لين ابيحه واكتبه

وان علمتني الفاتنه وشلون أسير أبلا بصر

علمتها الفجال وشلون أتحدى وأشربه

وعلمتها اني كذا طال الزمن والاقصر

وان عذب الحب أصدقه وان عذب الشعر أكذبه

[YOUTUBE]UUqSEWJeuv4[/YOUTUBE]

يمر القلب

يمر القلب من دار وراء الخفجي طريق ودرب
وامرك يالطريق اللي لك اقدامي مصخرها
واذا مريت مع ذاك الطريق اللي يجي من غرب
ذكرت أحلى ليالينا من اولها لآخرها
ومريت الحشى بالونه اللي ماجذبها طرب
ومريت العيون بعبرتن للدرب ذاخرها
وشفتك في خيالي بين طيات الدفى والقرب
وناديتك فديتك خل ايدينك لا توخرها
عفى الله من ضمانٍ حصل الماء في الطريق وشرب
وعفى الله عن ليالي ماجهلنا في اواخرها
عقلنا وألتطم حب المواجه يالعفيف الذرب
كما موج لطم في غبة واغرق بواخرها
وسقت الرجل صوبك ياحبيبي والليالي جرب
ولا اهتميت في ناس تبي ترفع مناخرها
حبيبك ياحبيبي من سلالة اهل دروع وحرب
ولايعشق من اصناف الجواهر كود فاخرها
تفاخر يابعد من حطله بين الحنايا درب
تفاخر وأفتخر واغلى القصايد فيك اصخرها
واذا مريت مع ذاك الطريق اللي يجي من غرب
تذكرت احلى ليالينا من اولها لآخرها
:L:

اهل الذيدان

ياهل الذيدان أبوجعشه لحاله
ودها بالجمل ولا بالتحدي
راعي الوضح الغوالي ساق ماله
لين جاب اللي مع الغدرا تشدي
وكن غلاها مخيم أصحاب الجلاله
ومن لمحها مسرع عود يهدي
والفحل لامن عرض لك كن سباله
مقدم المزنه على النو إمتبدي
لاعطتك انحورها كلا طراله
إن راعيها على المدح إمتعتدي
من محمد محزمن له طاب فاله
في نهار ذاك طاب وذا إمتردي
طيب من طيب إبيه وطيب خاله
وكلبيهم صلب أبوي وصلب جدي
ولو أبذ كر خصلتين من خصاله
بيحت بيت القصيد وباح سدي
كن ربي خالقه طيب وجماله
يوم ولد اللاش يسفه مايهدي


:cool:


[/BACKGROUND]