تجمع المغربيات بنات بلادي انا soja

اهلا اهلا اهلا بالزين السطاتي و الله إيلا عجلتي حسنة كبيرة فتحتي هاد التجمع، كيف عاملة انتي و وليداتك و خبار دوجا و وليداتها و الله إيلا فرحت ملي شفت التجمع و شفت سميتك منورة
عرفتيني بعدا انا شكون و لا لا؟ انا واحدة من الشلة القديمة

تفضلوا شربوااااا وتمتعوا ليا هدا جهدي عليكم الصحابات

اهلا اهلا اهلا نهار كبير هدا والله حتى فرحت دبا انا لاباس عليا ودزجا حتى هيا كيدايرة اختي لاباس عليك؟؟ شكون نتي بعدا فرحت فاش شفت شي حد من صحاباتي ماقاداني فرحة

وااااااااااقيلا انتي سجى

انا شفت السويد يعني سجى

فينك اختي بقاي معايا الدار خاوية عليا

انا يا لالة الي فالسويد كانت سميتي سماهر من بعد ولات مغربية أصيلة عرفتيني، البنات القدام راه كاينين غير يشوفو التجمع يجيو كاينة فاتي و ميمي و عروسة و جنوبية غبرات شحال هادي و رجعت طلات شي ايامات و غبرات عاود و كاينة هيبي مرة مرة كدخل و لكن للأسف أفنان ما بقيناش كنشوفوها و حتى الجوكرة ما بقاتش عمولة حتى هي غبرات

هانا كاينة كنكتب لك التقرير
و كوثر كاينة كدخل و ديك البنت الي سميتها نجمة راه غبرات من ديك الساعة إيلا عقلتي على قصتها و سبحان الله اليوم جات على بالي بغيت نسول عليها كوثر


هانتي شاطرة عرفتيني انا ام سجى
باقي كنعقل على داك الولد الي جا كيدق عليكم الباب بغى تبناوه ههههههه

نعام عرفتك اختي سماهر كانت سميتك سجى؟؟ولكن انا باقيا عاقلة عليك مزيان انت شلحة بحالي وزوجك عراقي او كويتي ماعقلت على جنسيته اش خبار وليداتك واش عاود ولدتي تاني؟؟ البنات فينهم؟؟ربي ايلا كنتي تقدري تدليهم علينا ديريها انا اصلا دخلت على قبلكم وشحال من مرة دخلت وما بنتوش ليا وخرجت حيت كندخل مرة واقيلا في 6شهور ولكن توحشتكم وتوحشت اللمة ديالنا وقلت علاش منقلب عليكم

مسااااااااااء الخير بنات شخباركم ورمضان كريم عليكم بصحة وهناء ان شااء الله

شكرا اختي كنت كنفكر ندير تجمع ولاكين قلت يمكن ماكينينش مغربيات هنا

هههههههههههههههههههههههههههههههههههههههههههههه سبحان الله باقيا عاقلة داكرتك قوية ماشاء الله اه عاقلة على نجمة مزيان وكتوثر اشنو اخبارها كيدايرة بنتها كبرات شوية واش زادت عليها شي حاجة ولا باقي يا خسارة افنان فينها؟؟ والجوكرة وبسمة وجنوبية وفاتي واختها في لندن ماعقلتش على اسمها باغيا نهدر اصاحبتي صبري معايا هههههه

و لا عليك احبيبة را وصلت لهم الخبر و أكيد الي دخلات غادي تجي طير لهنا خصوصا و أنكي من الناس العزاز على قلوبنا
انا يا لالة ولدت وليد دابا فعمره عام و شهر سميتو علي

و الله كنهنيك على هاد البادرة الطيبة بعدا ما نسيتيناش و يا ربي نشوفو دوجا حتى هي معنا، ياك بعدا أمورها مزيانة و لا باقي الحال كيفما هو

اهلا اختي انثى مرحبااااااااااا بيك عرفينا بيك أو حطي لا كارت البوليس معاك هههههههه

خخخخخخخخ كليتك بالهضرة ماشي شغلي شكون قالك تغبري
اختي انثى مرحباً بك راه عطى الله المغربيات هنا غير حتى حد ما زاعم يفتح التجمع
هانا مشيت نصلي العشا نخلي لك فرصة تهضري، استغلي الفرصة قبل ما نرجع

دوجا حتى هيا ولدات بنية غزالة تبارك الله سماتها زينب ومبروك عليك السي علي يتربى في عزنا حنا خوالاتو كيدايرة اختي مع الغربة؟؟؟

عهههههههههههههه تقبل الله اختي

وربي يخلي ليكم ولداتكم

ممممممممم غدي نحط لكارط بوليس

انا سمتي سكينة وعمري 21 سنة من المغرب مدينة اغادير وانتي

اكيد غاديا نبقى نهدر ونهدر ونهدر انا هنا الا باش نهدر سيري صلي الله يتقبل ورجعي ديريكت راه طاح الليل ههههههه