الشاعر عبد الرحمن بن مساعد

قصائده:


تدرين وادري
تدرين وادري بنفترق
وتدرين قلبي بيحترق
حنا أتفقنا بكل شي .. اٍلا الزمن
عيا الزمن لانتفق
ولاتزعلين .. لو نفترق
قلبكِ خلي .. وقلبي أنا اٍللي بيحترق

ياوردة في كل الفصول .. يافرح عيا لا يطول
قولي واقول
اٍن كان عندكِ لي حلول
يافرحة القلب الحزين .. الوقت يمر
ومالك عذر
كانكِ تبين .. ننسى العمر .. ننسى السنين
ونذوب في حب وحنين
تدرين وش سر الحكايه؟ الوقت يمر
ولكل شي لابد نهايه
وحنا قربنا من النهايه
ومالكِ عذر .. يابسمه الثغر الخجول
اٍن كان عندكِ لي حلول
واٍن كان ودكِ نتفق
والا ترانا بنفترق
ولا تزعلي لو نفترق
قلبكِ خلي .. وقلبي أنا اٍللي بيحترق
ياحب يادنيا جديدة
يااحلى ابيات القصيدة
اٍن كان جرحي ماكفى .. أنزف لكِ جروح جديده
واٍن كان شعري ماوفى .. أنسى الحكي وأنسى القصيدة
يااحلى أيام العمر .. كثر الحكي وش بيفيد
مابقى عندي صبر .. والجرح في قلبي يزيد
مالكِ,,,, عـــذر
يابسمة الثغر الخجول
ماظن عندكِ لي حلول
وماظن ودكِ نتفق
واحنا ترانا بنفترق
ولا تزعلي لو نفترق
قلبكِ خلي .. وقلبي أنا اٍللي بيحترق

قصائده:


اسألوا دمي وسعادتي وهمّي
اسألوا التوفيق
والكدر والضيق
اسألوا الطيب في صفاتي
والدعاء اللي في صلاتي
واسألوا شهودي
الدموع اللي في سجودي
اسألوهم..واسألوا دمي
عن غلا أمي

قصائده:


ألا يا قلب نبضي ،، يا سما دمي و وجداني
فمان اللي عطاكي كل طهر الأرض ،، أنا ماشي
هذا كان اخر مانطق قلبي ،، وأول نبض في لساني
وتلاشى النطق
وعصر حزن الوداع اللي حضر قلبك دموع
بكت ادفى دموع الخلق
وسرى في داخلي برد الخشوع
وغير العطر ودموعك وجرحي من وداعك ،، مابقالي
استعفر اللي صورك مما طرالي
طرالي يادفى عمري
وياترحالي وحلي
ارشف دمعك الطاهر واغسلبه واصلي
واحمد ربي اللي بك حباني
الا يا ام اجمل من سكن قلبي
ويا داري وعنواني
فمان اللي عطاكي كل طهر الأرض
أنا ماشي


مصدر هذه القصيده و القصائد المدرجه اعلاه

قصائده:




رحل .. اشتاق لجراحي

رحل

يحق له .. طيبتي ماتحتمل


قليلة في وقتي الهموم

ماكنت اعاتب او الوم

يحق له .. مايحتمل هذا الملل


سدلت ايامي لعـناده

حبيته في قربه وبعاده

متعـبه هذي السعادة


رحل .. اشتاق لجراحي

رحل

اللي حـصل كيف افهمه

واللي رحل .. من عـلمه


من عـلمه يهجر .. اذا غـطى الفرح كل الزوايا

من عـلمه يغـدر .. اذا صار الوفا نبض

وحنايا


من عـلمه يتلاعـب بروحي

من عـلمه .. يمشي عـلى جروحي

من عـلمه

يقتل في ايامي الامل

من عـلم اللي .. اشتاق لجراحه

ورحل



رحل .. اشتاق لجراحي

رحل


متى رحل ؟ ليله رحل


والا تعابير الاسى

عـلى الوجوه الصامته

والا العـيون الشامته

والا العـذول .. اللي يقول

اللي حصل .. ماهو غـريب


واللي يقول

ماكان يستاهل يكون

اغـلى حبيب


ياسيدي

اقسى مافي اللي بيجي

اني اقول

هذا كل اللي حصل

رحل


مصدر هذه القصيده

قصائده:





عندما بكى الأب وحكى له القصه
يقولون بأنها وقعت حقيقة !ا





هي تكابر ما اشتكت
وهي تكابر ما بكت
فيها امل انها تطيب
لييين طاحت
اييييه طاحت
وودوها طبيب

قال:
حامل توها اول شهر
لاتشيل اشياء ثقيله
وامنعوها من السهر

كيف حامل والبنت عذراء ؟
قال:
انت ابوها وانت ادرى
يمكن اخطت مع حبيب
قام ابوها وماتكلم
ناسي منهي وشنهي
ماذكر انها وحيده
مالها اخوان واخوات

صد عنها وما سألها
مادرت وش ف الحكايه
تسأله وهي تبتسم
يايبه وش قال فيني
ليه ماتبغى تعلم
وش يقول فيني الطبيب
يايـبـه تكفى تكلم
يايـبـه قلي فديتك
غير الوجهه وطول
كان في النيه عجل
واسألت ريم بخجل
يا يبه انت ضيعت بيتك !

وقف الموتر وحوّل
ثم مسكها مع شعرها
ومال عنها ثم نحرها
وغرقت ريم ف دمها
واظلم الليل وقبرها
شك فيها في شرفها
ما اقسى قلوب الرجال
صدَّق حتى الخيال

حتى ماتت مابكوها
مادرت اظلموها
وما سألت ليه وانكروها
وما سألت ليه اطعنوها
وليه يقتلها ابوها

وبعد ما ماتت بيوم
وقبل لايذّن الظهر
رن هاتف البيت رد ابوها
قالوا بيت فلان؟؟..
ابشرك طلع تحليل بنتك سليم
بس غلطنا بالأسامي
وشف ملف بنتك امامي
بنتك معها زايده
مادرى الدكتور ان ابوها قتلها
يوووهـــ
لو انه بس سألها !
!!!!!!!!!!!


مصدر هذه القصيده

انتقلوا إلى حينا منذ عشرين عاما وهم عائلة تتكون من الأب والأم والولد الأكبر
والولد الأصغر وبنت هي أصغرهم سنا كان عمرها في ذلك الوقت عشرة سنوات.

توفت أمها وهِي في هذهِ السن وبقي الأب لم يتزوج لضيق الحال
وانشغلَ في تربية أبنائه .

لم يكن لهم احد يزورهم

وكبرت البنت وطبعا لم يكن لها من يعلمها أمور النساء أي ما يحدث للنساء
عند سن البلوغ وكانت هي أيضاً لا تخرج من البيت تقيدا بالتقاليد
ولم يكن من النساء من الجيران من يدخل عليهم أيضاً.

كبر الأولاد وتزوج الولد الأكبر وفي يوم العرس نظرت أم العروس
إلى تلك البنت فلطمت على خدها وخرجت مذعورة

فما كان من الأب الا أن ذهب إليها في اليوم التالي وسألها عن سبب غضبها

فقالت له: الم تلاحظ ابنتك
قال: ما بها

قالت: إن ابنتك حامل وفي شهرها التاسع
فما كان منه إلا أن أتى ابنته
وقال: لها اكشفي عن بطنك

فلما رأها ذهب واحضر سكينا وغرسها في صدرها
وصرخت البنت وجاء أخوها الصغير راكضا, وحملها إلى المستشفى
دون أن يعرف سببا للذي حدث

وهناك لفظت أنفاسها الأخيرة

وبالطبع ذهب الأب وسلم نفسه إلى الشرطة مدعيا انه قتل ابنته غسلا للعار
وحين طلبت الشرطة تقرير الطبيب الشرعي حول أن كانت البنت حامل أم لا؟

هنا كانت المأساة والمفاجأة

حيث تبين أن البنت عندها انسداد ولادي في عنق الرحم مما سبب
عدم خروج دم الحيض وبهذا تكدس الدم في الرحم وتبين أن البنت بكر

ولم تنته القصة إلى هنا
حيث أنهُ حكم على الأب بالسجن سنة واحدة وهو الحق العام ولم يمضي
إلا شهر واحد وجاءوا به ميتا

حيث أصيب بقرحة في المعدة فجأة وامتلئت معدته بدمه

وحين نقل إلى المستشفى فارق الحياة هناك.



مصدر القصة

قصائده:



مساء الخير والاحسـاس والطيبة
************مسـاءٍ مـا يـليق إلا بأحبـابي

مساءٍ غير غصن لطير يحكي بـه
************عن اللي مـسكنه جفني وأهـدابي

هلا باللي أحـبه كثـر تعذيـبه
************وكثر ما هـو يغيب وكثر ترحابي

حبيبي هـو ولو ما قصّـر الغيبة
************ولـو عن بسمتي قد طـوّل غيابي

أعـرفه زيـن وأعيتني أسـاليبه
************عدوي يوم ويوم أقرب من أصحابي

مـلكني بين تـرغيبه وتـرهيبه
************يفـارقني وهـو واقف على بـابي

به الصادق به الغـارق بأكاذيبـه
************يبي بعـدي ودمعـه بـلّل ثـيابي

به القسـوة به الرقـة به الهيبـة
************به الضعف القوي به نشوة إغضابي

قصائده:



قالوا ترى مالك امل .. في قربها لو يوم
ابعد وجنب دربها .. هذا هو المقسوم
قلت اتركوني واسكتوا .. خلو العتب واللوم
قدني غرقت في بحرها .. ولاعاد يفيد العوم
قالوا ترى في حبها ويل .. واسى وهموم
قلت ان قتلني حبها .. حسبي تقول مرحوم
قالوا انسى ذكرها .. منت بها ملزوم
قلت ابشروا ياعذلين .. بنسى لذيذ النوم
قالوا بتلقى غيرها .. واترك هواها اليوم
قلت العفو ياحسدين .. ما ابدل القمر بنجوم
قالوا لغيرك حبها .. قلت الجواب مفهوم
دام انها متهنيه .. وشلون اصير محروم
بقضي الليالي انتظر .. صابر على المقسوم
متعلق بطرف الأمل .. يمكن يجيني نوم
قالوا ترى مالك امل .. في حبها لو يوم
ابعد وجنب دربها .. وهذا هو المقسوم

قصائده:


احترامي.. للحرامي
صاحب المجد العصامي
صبر مع حنكة وحيطة
وابتدا بسرقة بسيطة
وبعدها سرقة بسيطة
وبعدها تَعدى محيطه
وصار في الصف الأمامي

احترامي.. للحرامي
صاحب المجد العصامي

صاحب النفس العفيفة
صاحب اليد النظيفة
جاب هالثروة المخيفة
من معاشه في الوظيفة
وصار في الصف الأمامي

يولي تطبيق النظام
أولوية واهتمام
ما يقرب للحرام
إلا في جنح الظلام
صار في الصف الأمامي

يسرق بهمة دؤوبة
يكدح ويملي جيوبه
يعرق ويرجي المثوبة
ما يخاف من العقوبة
صار في الصف الأمامي

صار يحكي في الفضا
عن نزاهة ما مضى
وكيف آمن بالقضا
وغير حقه ما ارتضى
صار في الصف الأمامي

احترامي.. للحرامي
احترامي للنكوص
عن قوانين ونصوص
احترامي للفساد
وأكل أموال العباد
والجشع والازدياد
والتحول في البلاد
من عمومي للخصوص
احترامي
للصوص


مصدر هذه القصيده والقصائد المدرجة اعلاه

قصائده:



سمعتوا قصة مردخاي .. ؟!
من زمان قالوا لخوكم مردخاي
" مردخاي هذا زمانك جاي "
شفت هالخوان قاتلهم .. خذ أرضهم .. اهدم منازل بعضهم .. وشردهم
غيّر معالم ارضهم . .واطمس ملامحهم ..فرّقهم وتصير سيّدهم !!
وامسك بتلمودك ودينك .. وبعّثر مبادئهم
وبعد ماتزرع بذور الحقد فيما بينهم .. وتحصد مشاعرهم
قد ماتقدر حيّد اكبرهم .. رد له كامل حقوقه
واعزف على اوتار فرقتهم
واضرب أغناهم بـ افقرهم
حاربهم بهم .. واشعل معاركهم
وبعد مايستنزفوا قوة بعض ..
خذ مابقى منهم .. وفاوضهم
فاوضهم على الفتات ..
واذا عطوك حق الفتات .. رجّع لهم ربعه
وسالمهم
هذي قصة مردخاي سيد الزمان الجاي
عاجبكم ؟!


مصدر هذه القصيدة

قصائده:



عجب عجاب .. طيبة قلبها أبيض سحاب
أخلاقها مامثلها .. أخلاقها
أخلاقها تنتظر عشاقها
ومايجون .. !!
ياهي جريحة .. طيبة .. لكن قبيحة
عجب عجاب
وسيم أنيق شاب .. كسبه حلال مشروع ماجرب الجوع
ناجح مركزه مرموق
ورغم هذا الحزن ساكن عيونه
ماتت امه .. وحبيبته كانت تخونه
عجب عجاب
كثر الفقر ماله
كلٍ يبي قربه ورضاه
رغباته قوانين وزلاته صواب
الناس حوله من شمال ومن يمين
يأمر .. يطاع
الدول تحسب حسابه
والكل يخشاه ويهابه
لكن مريض ياعذابه
ممنوع ياكل لو أكل جايز يموت
عجب عجاب
مرتاح الضمير لاسرق لاظلم لاحسد
عنده قليل أصحاب
قلبه كبير .. بيته صغير
والمرض عن صحته بعيد
عنده ثلاث اطفال
أحمد وايمان ويزيد .. وامهم
وكثر السماء يحبهم
لكن فقير مالقاء لصوته مسامع
مايملك الا طيبته وملح المدامع
ولو مادفع مبلغ حقير
ينطرد هو والعيال وامهم في الشوارع
عجب عجاب
عبقري في الطب ملحد
عجب عجاب
شاعر عظيم داخله فارغ
عجب عجاب
أمير كذاب
عجب عجاب
ملايين البشر .. تعبد بقر
عجب عجاب
ماتصلي فرضها .. وتلبس حجاب
ياصاحبي عطني يقينك والظنون
من ودك تكون ؟!



مصدر هذه القصيدة

قصائده:


مجلس رجال ..
على اليسار مقلط..
وعلى اليمين صالة ..
ضيوف جالسين..
قهوجي يلم الفناجين..
وينتظر آخر ضيف منهم يهز فنجانة..
ضيف يقبل من بعيد..
يقوم صاحب المجلس طلال لستقباله
شخص جالس على اليمين
يهمس لجاره:عبدالمعين هذا أحمد اللي جاي..
بس ماهو لحاله..
من معاه؟
يبدو لي أطفاله..
وعند باب الصاله يستقبله طلال..
السلام عليكم..
الكل يوقف وعليكم السلام..
هلا والله مرحبا.. حيا الله أحمد..
كيف الحال؟
هلا طلال اعرفك على عيالي..
ابني صابر ثمان سنين..
سلم ياصابر لاتستحي..
بنتي هالة ست سنين ..
سلمي يابنت..
سلمي أول وبعدين شدي شماغ عمك جابر..
ابني ثامر ثلاث سنين ونص..
سلم ياثامر على الجماعة..
ايش هذا اللي بيدك؟؟
آآ.. هذي سجايري والولاعة ..
عبدالمعين يطالع الساعة ..
ويهمس لجاره ..
كيف يجيب أطفاله..!!
محد منه معاه أطفال ..
كيف يجيب أطفاله..!!
يجلس أحمد ويجلس
حوله عياله ..
طلال يقول: ماشاالله.. ياحليلهم الله يحفظهم
ويحرصهم ويحميهم..
ماشا الله ياصابر
ايش هالثوب الجديد؟؟
أحمد يقول وملئ وجهه ابتسامة:
هذا صابر موهوب بالتقليد..
قوم ياصابر قلد أصاله..
ولاتدري..
ور عمك كيف يركض سامي الجابر ..
ينطلق صابر لخارج المجلس ..
يرجع معه كوره..
يشوتها تنزل من السقف..
ثمان لمبات مكسوره..
أحمد يقول ملئ وجهه ابتسامة:
شاطر يا صابر..
شفت ياطلال شقاوة هالعيال!
طلال يتمتم: ياحليلهم
الله يحفظهم ويحرصهم..
تعالي ياهالة سميعهم ووريهم أغنية ورقصة الخيالة..
لاتستحي يابنت.. لاتستحي
مافي أحد غريب..
هذا عمك طلال.. وهذا عمك مثيب..
وهذا عمك جابر.. وهذا عمك عبدالمعين..
وهذا.. لامأخذه.. أنت مين؟
أنا عبدالكريم..
عبدالكريم تخيل ياأخي ماعرفتك..
يمكن لآنك ملتحي..
يلا يابنت لا تستحي..
تدري طلال..
هالة نجحت بمتياز..
صوت مدوري ينفجر..
آم ياثامر ما أشطنك!..
كسرت الجزاز..
أحمد يقول وملئ وجهه ابتسامة:
شفت ياطلال شقاوة هالعيال..
طلال يتمتم:يا حليلهم الله يحفظهم..
وش كنت اقول..
ايوه طلال.. كنت اقول..
هالة نجحت بمتياز ..
وأعطيتها البارح فلوس..
وقلت يا هالة: ايش ماتبغي اشتري...
طلال يقول مبرول مبروك.. ألف مبروك
ايش يا حلوه تبغي تصيري لما تكبري..؟
هالة تتفل على طلال وتقول :
ايش دخل ابوك..؟؟!!!
أحمد يقول وملئ وجهه ابتسامة:
شفت ياطلال شقاوة هالعيال ..
طلال يتمتم: يا حليلهم الله..
تعالي ياثامر عد لعمك
من واحد للعشرة ..
ثامر يبتدي يعد واحد اثنين .. سبعة..
أحمد يقول وملئ وجهه ابتسامة:
دايم يعد ولما يوصل أربعة يلخبط..
يلا ثامر من جديد..
يبدا ثامر من جديد..
واحد اثنين .. سبعه..
شاطر يا ثامر..
شفتوا كيف لخبط؟!!
ينفتح باب المقلط ..
ويدخل النادل شايل دخون..
والصالة في حالة جنون ..
أحمد يصفق..
وصابر وثامر يرقصون..
طلال يقوم: العشا.. تفضلوا الله يحيكم..
أحمد يقوم.. يالله يأولاد.. الله يحميكم
تعشوا أول وبعدين سووا اللي تبون..
يركض الأولاد قبل الضيوف..
للمقلط يدخلون..
صابر ياخذ برتقالة..
ويرميها على النادل..
تطيح المدخنه والدخون..
ثامر هناك يكسر بيالة..
ويرمي شظاياها على اللي ياكلون..
هالة ترمي على طلال صينية..
وتاخذ علبة مياه غازية..
تخظها.. تخظها.. تخظها..
ويروح منها الحيا..
وترقص رقصة الخيالة..
تفتح العلبة!!
أحمد يقول وملئ وجهه ابتسامة:
ايوه هذي رقصة الخيالة..
والضيوف في ثياب من ..
المياه الغازية يرثلون..
مجلس رجال ..
على اليسار مقلط..
وعلى اليمين صالة..
كل شي فيها ماهو على حالة..
جزاز مكسور..
سجادة محروقة..
غترة مشقوقة..
صينية هناك مرمية..
ضيوف ميللين بمياه غازية..
على وجه عبدالمعين
جرح قطعي..ومهلبية..
نادل مصاب بحروق من الدرجة الأولى..
وجروح سطحية..
كورة.. لمبات مكسورة..
يظهر أحمد من المقلط وملئ وجهه ابتسامة:
أكرمك الله ياطلال..
شايف شقاوة هالعيال؟!
اقول طلال اشكر أم العيال نورة..
ماقصرت العشا كان رائع ..مشكورة..
عشاكم ياجماعة بعد اسبوع عندي..
لازم تشوفوا ولدي الصغير.. منصور
عمره ثمان شهور..
شيطاني يعقد..
اظن له معي صورة..
شوف ياطلال الصورة..
لاتغرك نظرته..
ترى والله ذكي..
مايضحك ولا يبكي..
لما أخوه ثامر يبدا يعد..
طلال صامت مايرد..
تترسم على وجه أحمد علامة استفهام..
ويتسأل في داخله..
طلال كن وجهه متغير..
أكيد أحد من هالضيوف زعله..
مسكين طلال دايم في حالة مايخلوه..
زين جبت العيال سلوه..
يخرج أحمد من الصالة..
فخور بعيالة..
تارك وراه مجلس كان مجلس رجال..
على اليسار مقلط..
وعلى اليمين شبه صالة ..



مصدر هذه القصيدة

قصائده:



سـيد جروحي شمس عمري وظلي
الـبعد طـول والـخطأ منك واضح

اذا غــرورك يـمنعك تـعتذرلي
تـعال جـنبي وابـتسم لي واسامح

تـدري احـبك لـكن الـموت ذلي
ادوس انـا قـلبي لو الشوق جامح

الله عـطاك الـحظ واصبحت خلي
والله عـطاني ايـاك طاغى ملامح

سـألـتني يــا يـاسميني وفـلي
ياكيف يشفى الورد..والشوك جارح

مـثل الـعيون الـلي لـها كل كلي
زايـد حـلاها لـكن الـدمع مالح

وش تـنتظر يـكفي دلال وتـغلي
الـوقت مـاهو لـلوصل دوم سانح

مـادمت تـرحالك ومـادمت حلي
ان صرت انا خسران ماصرت رابح

لا تـعطي الـفرصة لـعذالنا اللي
لـكل مـاهو يـهدم الـحب طامح

مـالك صـبر عـني ومالي تسلي
والـوقت خيل صوب الاجال رامح

سـيد جروحي شمس عمري وظلي
الـحب بعد وقرب ..مخطي وصافح

اذا غــرورك يـمنعك تـعتذرلي
لاتـعتذرلي قـول اسـمي واسامح

[FONT=Arial][SIZE=4][COLOR=red]قصائده:

يـالـلـي تـحـبـيني شـهـر..ثـم تـجـافـيني شـهـر [/FONT][/COLOR][/SIZE]
ثــم تـحنيلي شـهر..وتفكري كـيف الـرجوع كـذا شـهر
وتــرجــعــيـلـي فـــــــي شــــهـــر
مـاقـد خـطر فـي خـاطرك ..ان الـسنة اثـنعشر شـهر
وقـــتــي مـــعــك نــصــفـه هـــمــوم
ونـصـفه الـبـاقي اسـى..ولـو طـبـعك الـقاسي نـسى
وبـالـصدفه جــاء مـره صـباح..وكلمه مـنك فـرحتني
لابــد مــا هـمـس الـجـراح ..تـسمعيني فـي الـمسا
ولــو تـعـتب اجـروحـي عـليك..وتشتكي مـنك الـيك
بـتـرجـعي تـحـبـي شـهـر..ثـم تـجـافيني شـهـر
ثـم تـحنيلي فـي شـهر..وتفكري كـيف الـرجوع كذا شهر
وترجعيلي في شهر..ولا يجي في خاطرك ان السنة اثنعشر شهر
اعـذريـني لــو اقــول ..حـبك نـسى مـعنى الـفرح
اعـذريـني لــو اقــول ..وشـلـون يـذكـرنا الـفرح
مـــادام اذا كـنـتـي قـريـبه..كل تـفـكيري يـكـون
بــعـدك مـتـى..والـى بـعـتـي ابـــلا ســبـب
الاكــيـد بـتـرجـعي..بس الاكــيـد هــذا مـتـى؟
ولــو تـعب مـني الـصبر..ومل مـن صـبري الـعذول
وقـلـت يـانـاس اسـألـوها ..الـحب هـو كـله هـجر
ردك يــجــيــنـي فـــــــي شـــهـــر..
قــالـوا تــقـول "مـايـنـتظر ..بـــس يـشـتـكي
يـصـبـر عـلـي..تـرى الـسـنـة اثـنـعشر شـهـر

[SIZE=4][COLOR=black][FONT=arial]






[FONT=Arial][SIZE=4][COLOR=red]قصائده:
[/FONT][/COLOR][/SIZE][/FONT][/COLOR][/SIZE]
[SIZE=4][COLOR=black][FONT=arial]بـــــــدء ذي بــــــادىء
..هـــذا تـعـريـف الـمـبـادىء
..كـــل وقـــت ..ولـــه أذان
..الــزمـان..غـيـر الــزمــان
..يـاكـلام الـلـيل..يمحيك الـنـهار
..بــــاخــــتـــصـــار
..الـمبادىء ..شـىء تحكمه الظروف
..مـثل طـفل ..تـرتبك في الحروف
..مــــا اجــمــل أغــلاطـة
..الــمــبـادىء ..لـــلأســف
..كـــلــمــة مــطــاطــه
..بــــــدء ذي بــــــادىء
..يــــا بــايــع إحـسـاسـك
..وش احــــســــاســــك
..وأفـــكـــارك لــغــيـرك
..يـــاشــاري إحــســاسـك
..وش احــــســــاســــك
..واحــســاسـك لــغــيـرك
..لـيـتـك تــوصـف مـتـعـتك
..لاخــذت مــن غـيرك مـشاعر
..تـــدري لــو تـقـدر تــرى
..مـاهـو بـعـيد تـصـير شـاعر
..كيف الخلاص..من ناس تغتال الشعر
و حـد الـقصاص في كل سرقة..البتر
..الا الـــــفـــــكـــــر
..بــــــدىء ذي بـــــادىء
..هـــذا تـعـريـف الـمـبـادىء
..يــا بـايـع أمـوالـك ..لـفـقرك
..ولـلعذاب اللي في بيتك..ودمعة عيالك
..لــيـت تــوصـف مـتـعـتك
..لــيـت أوصـــف ضـيـقـتك
..لـــــو جــــرى لــــك
..فــي الـقـمار ..الـلـي جـرالك
..لــــيـــت نـــعـــرف
..مــتـعـتـك أو ضــيـقـتـك
..أيــهــم الــلــي بـقـالـك؟
..يــا بـايـع أعـصابك ..لـخمرك
..يـاكـثـر مــاحـرت بــامـرك
..يـابايع الـصحة..لخمرك..أو سمومك
..وش يـفـيـد أنـــي ألــومـك
..!كـيف تـلقى متعتك..لا ضاع عقلك
..وبـــان بـيـن الـنـاس ذلــك
..وكـيـف تـسـعد فــي شـعورك
..وانــت خــارج عـن شـعورك
..يــا بـايـع اعـصابك و وعـيك
..يـالـلي تـهـرب فــي عـذابـك
..مـــــــن عــــذابـــك
..لـــو بـغـيـت فـــي يــوم
..تــهــرب مـــن هــروبـك
وش هـــــو احــســاسـك؟
..بــــــدء ذي بــــــادىء
..هـــذا تـعـريـف الـمـبـادىء
!يـابايع بـلادك ..بـكم كـان الثمن؟
..يــــا بــايــع بــــلادك
انسى المباني ..والبيوت..والحب الأول
..انسى غبار المدرسة..و وجوه اصحابك
..انــسـى فــؤادك ..ومـيـلادك
..وارمـــــي ورا ظـــهــرك
..كـــل الـعـبـارات الـكـبـيرة
..عـــن الــوفـا ..والـتـضحية
..وعــــن حـــب الــوطـن
..يــــا بــايــع بــــلادك
..لــــــو كـــبــروا أولادك
..وكــان الـسـؤال فــي عـيونهم
..!ســجــنــك وجـــــلادك
!"احـنـا يـابـوي مــن ويــن؟
!وش هـــــو احــســاسـك؟
يـابـايع آخـرتك..يالعاصي الـقاسي
"..اسـمع نـصايح صـاحبك "ابـليس
"لا تـــتـــرك الــتـدلـيـس
اظـلـم ولا تـفـكر فــي بـاكـر
هـيـم فــي الـعـصيان جـاهـر
واخـتـار مــن بـيـن الـذنـوب
.. مــــايــــســـعـــدك
..ولاســـار عـمـرك لـلـغروب
..لاتــــــــتـــــــوب
..لا تــحــســب لــلـعـمـر
..ولا تــفــكــر بــالـقـبـر
..ولا الـــــــعــــــذاب
..تـــــــوك شـــبـــاب
هــذي نـصـايح صـاحبك ابـليس
يــابـايـع آخــرتـك بـدنـيـاك
لا عـــــدمـــــنـــــاك
لـــــــو عـــدمــنــاك
وش هــــــو إحــســاسـك



مصدر هذه القصيدة والقصائد المدرجة اعلاه [/FONT][/COLOR][/SIZE]

مشاركـة جميلة عزيزتي
وألف مبارك حصولك على الوسام
أبدعتِ الطرح تم التقيم
• :032::f: