نظمي وقتك برمضان معي (العزايم)

يا هلا الغلا
انا معك وانتظر موضوعك لان بعد دوم مشغوله وحابه استفيد من افكارك :)

موضوع رائع

موضوعك أكثر من رائع :thumbs_up:

فى انتظارك :L:

يعطيكِ الـــف عــأإأإفيــة ..
تسلم أنــآآملك يــآآرب..
بانتظــآآر قـآآدمِ الأجمل دوؤومــــــاًً..
كــــــل الـــوؤود بعبق الــوؤورد

ما شاء الله عليك

ما شاء الله على التنظيم يخلي الواحد مرتاح
عجبتني فكرة الملف

بارك الله فيك.. في انتظار المزيد من الافكار

:L:تسلمولي حبيباتي على الردود :) شجعتوني ...

متابعين والله يتتممه ع خير يارب ويسهله ع الجميع ويبلغنا ياة لافاقدين ولا مفقودين

ماشاء الله عليكي فكرة حلوة
تقريباً انا متلكـ بكتب كلشي
وبحتفظ فيهـ وبخطط ع الورق قبل لنفذ اي شي
الله يعطيكي الف عافية
وبانتظار الجديد منكـ

تسلمين على موضوع ررائع ..
وتنظر منك كيفية تصميم ملفك تنظيم امور منزلك
جزاك الله خيرا ..

طيب حبوباتي اول شي شكرا على التشجيع الحلو F:
يالله نبدأ بسم الله
اول شي بتجيبي الملف الاخضر العجيب خخخخ و نعمل فيه قسم رمضان .. هذا القسم يتضمن الاجزاء التالية
-جدول العبادة.. و هذا اهمممممممممممممم اشي طبعا... نظمي وقتك حبيبتي و حطي اهدافك لرمضان .. كمان رتبي جدول لاطفالك اعمليلهم لوحة بالالوان و الصور و علقيها و شوفي الحماس ان شاء الله... حبيبتي الطفل يحتااااااج للروتين يحسسه بالراحة و الامان و النظام كمان .. ما تقولي خلاص يروح يلعب و كل دقيقة والا هو بوجهك ماما شو اعمل؟؟ ما ما شو العب؟؟ ماما مليت... لااااااا يا عمري ممكن تشوفي االجدول كثرة غلبة بس الموضوع ما ياخد منك شي .. اكتبي جدول حلو بالالوان و علقية جنب الساعة عشان الطفل كمان يقدر يعرف شو المفروض يعمل بدون ما يسأل 10000 مرة و يوجع راسك و يتعلم يقرا الساعة بالمرة خخخخ... مثال 1-1.30 تلوين ... 1.30-2.15 تلفزيون و الخ
-جدولي اليومي .. بالايام العادية عندي جدول للروتين اليومي معلقته و امشي عليه يتضمن كل اعمال اليومية من دراسه و طبخ و تنظيف و جدول ابني ( وقت نومه. وقت الاكل. وقت الحمام الخ) الروتين يريح الطفل و يمشي معك تمام ان شاء الله.. وقت رمضان اعدل الجدول حسب رمضان و المهام يلي علي عملها...
-قسم التنظيف ( هذا الجدول انا بستخدمه طوال السنة... حبيبتي انا بالنسبة لي احب اكتب لائحة لكللللللللللل اشي وبالتفصيل الممل.. اول مرة ممكن تشوفيها غلبة بس هاي اللائحة بتضل عندك لبعدين و بصراحة بحس بالانجاز لما اقعد اشطب الشغلات اللي عملتها.. كمان بتضيفي عليها و بتعدلي حسب احتياجاتك و بترتب امورك احسن ما تقعدي تحوسي و تحكي مش عارفة من وين ابلش و بالاخر ما بتعملي اشي ) ان شاء الله بحكيلكم عن لائحتي بالتفصيل الممل لاحقا

-قسم تحضير الطعام المسبق
بهذا القسم بتكتبي شو هي الاشياء اللازم تحضريها قبل رمضان بهدف التفريز او الحفظ لوقت رمضان... كمان هذا الجدول انا باستخدمة طول السنة لتوفير الوقت ...و مقسم كالتالي
-قسم اللحوم
-قسم الدجاج
-قسم المعجنات و السمبوسك
-قسم الخضراوات

كل قسم فية الوصفات يلي تخصة ... ليش هذا الكلام مهم ؟؟ عشان لما اقول بكرا احضر اللحوم ان شاء الله.. افتح على قسم اللحوم اشوف اللوازم و اكتب الناقص و بهيك ان شاء الله لما اروح اشتري حاجياتي اعرف شو اجيب.. كمان عشان اعرف شو احضر بدون حوسة و تفكير و هذا نسيته وهذا ما اجا على بالي
كمان خلال السنة بس اشوف فكرة تفريز حلوة ما كنت اعرفها او صور تقديم الطعام بطريقة جديدة كلها اطبعها و اضيفها.. لان و بعد تجربة الواحد يقرا و يشوف كتير شغلات و بيقول بطبق بس بينسى و بتروح عن باله

-قسم ديكورات رمضان... بصراحة انا بالاول ما كنت مع موضوع التزيين لان بعض الناس صارت تبالغ و تسرف و و كنت احسه تقليد اعمى بس لما عشت بدولة اجنبية و خاصة انه عندي طفل صرت احاول اجذبة لرمضان و الاعياد بكل الطرق.. الدول الاجنبية تبهر الطفل بالكريسماس و التزيين و الطفل ييجي يقلك ليه يا ماما احنا ما عندنا كدا... لا يا حبيبي احنا عندنا احلى و اجمل لهيك اعطي المناسبات الدينية اهتمام كبير ...و اخليه يشاركني بالتزيين و الفرحة.و اربطي كل خطوة بالدين لتقربي ولدك اكتر و اكتريعني قوليله يالله ننظف سوا لان النظافة من الايمان و بيت المسلم لازم دايما يكون نظيف و مرتب
.
طيب بهذا القسم اكتب افكاري لرمضان.. ممكن احط صور عجبتني و ممكن انفذها .. قائمة اللوازم و كمان احدد لنفسي وقت محدد لازم اخلص ااتنفيذ فية عشان ما قعد اتكاسل و يروح الوقت.. ان شاء الله بس اخلص ديكوراتي البسيطة بنزل الصور

قسم العزايم و هذا حكيت عنه بالقسم الاول .. بس قبل العزيمة اكتب التالي
المنيو و المشتريات.. و كمان اكتب يومي بالتفصيل مثلا : الساعة 5 ضعي الدجاج بالفرن.. الساعة 6 قلي السمبوسك و هيك و لا تنسي تخلي لك مجال تجهزي حالك براحتك ... مثلا في كتير اشياء انا اجهزها قبل بيوم .. السفرة و الصحون كلها تكون مرتبة على الطاولة قبل بيوم و كمان احط صحون التقديم و كل صحن فيه ورقه فيها اسم الطبق يلي بدي اقدمه.. الخطوة هاي مريحة عشان تشوفي الطاولة توسع او لا و كمان ترتبي الصحون بافضل شكل براحتك... لا تنسي قبل بيوم جهزي لبسك و لبس اولادك و زوجك يكون مكوي و جاهز لانه يوم العزيمة مااااااااااا في وقت... اذا النساء بتجلس لوحدها و ما رح تتحجبي اعملي شعرك من قبل بيوم و قبل العزيمة رتبة على السريع ... انا بالمطبخ اساسا دايما رابطة بندانه على شعري افضل و انظف و ما تصير ريحه شعرك اكل

و القسم الاخير هو اذا كنت معزومة عند ناس
طبعا حسب عادات كل شخص.. بالنسبة لنا اذا كنت معزومة اجيب معي صحن حلا... بهذا القسم احط شوية افكار حلوة و كمان صور تقديم عجبتني ...

و هذا هو قسم رمضان في ملفي الاخضر 
طيب يا حلوين مهمتي لليوم هي تحضير اللحوم..
المهام هي تحضير و تفريز اللحمة المفرومة بالشكل التالي
-لحمة الكفتا
-لحمة الكباب الهندي
-لحمة مقلبة بالبصل و الثوم للاستخدامات المختلفة
-حشوة السمبوسك
-حشوة الكبة
-حشوة كبة البطاطا
-تحضير الشيشبرك
يالله اذا حابين تحضروا معي روحوا جيبوا اللحمة و على المطبخ.. ان شاء الله بس اخلص بنزل الصور.. و انتو كمان شاركونا صور تحضيراتكم.. و طبعا اي نصائح او خبرات خلونا نستفيد من بعض

لا تنسوني من دعواتكم الحلوة :)

ماشالله افكار حلووووة ننتظر المزيد
يعطيكي الف عافية

موضوع اكثر من رائع

*
جزاك الله خيرا على توضيح لنا ..
فكرة تنظيم رائع ..لاني مطبقة ..
ومنظمة كل شئ في ملف ..
ونتظر البقية بكل شوق ..

الموضوع روعه يعطيك الف عافيه.. ويستاهل التثبيت والتمييز.. بارك الله فيك والى الامام دائما..

عروس مغتربة عن زوجها;16167537:
الموضوع روعه يعطيك الف عافيه.. ويستاهل التثبيت والتمييز.. بارك الله فيك والى الامام دائما..

تسلميلي حبيبتي :o و الله فرحت جدا بالردود الحلوة و التقييم الحلو :) ان شاء الله ربنا يبلغنا رمضان و يقدرنا على صيامه و قيامة على اكمل وجه اللهم امين

[COLOR=#CC00FF][FONT=Calibri][FONT=Arial Narrow][SIZE=5][COLOR=#B93B8F][FONT=Arial Narrow][SIZE=5][COLOR=#B93B8F][COLOR=#CC00FF][FONT=Calibri][SIZE=5][B][COLOR=#ff99bd][FONT=decotype naskh variants]عــزيزتي
الله يــ ع ـطيك آلف ع ـآفيه .
الله لا يحرمنآ من جديدك الرائع
[B][FONT=decotype naskh variants]بنتظــآر جديدك آلقــآدم دومــآ
دمتِ بحفظ الله [/B][/FONT][/COLOR][/FONT][/COLOR][/SIZE][/FONT][/B][/FONT][/COLOR]
[/COLOR][/SIZE][/FONT][/COLOR][/SIZE][/FONT]