اللي تعرف شي عن الولاده بمركز الاعمال بالحرس تدخل امانه

السلام عليكم ورحمة الله
خواتي حبيت استفسر منكم عن الولاده بمركز الاعمال بمستشفى الحرس الوطني تكفون اللي جربت لاتبخل علينا باي معلومه انا كنت ناويه اولد بالحبيب اللي في بريده لاني من القصيم بس طلع عندي ارتفاع شديد بالضغط وزلال وخفت بصراحه ان مايكون عندهم بنك للدم ولذلك قلت الحرس يمكن احسن بس ماعندي اي معلومه عن اهتمامهم خصوصا مركز الاعمال باقي لي يومين وادخل التاسع وحيل تعبانه هذا غير النفسيه دمار زوجي الله يهديه جاب لي الضغط مايبي يوديني اولد بمستشفى كبير ولا يبي يدفع لي ريال واحد حتى الحبيب كان رافضه وانا مو محتاجه له انا الحمدلله موظفه بس مقهورة ليش انا مو زوجته وهذا ولده هذا غير معاملته الزفت لي كل لاشافني نايمه قال ليش نايمه قومي تلحلحي مايحس بالالم اللي احس فيه كل جسمي يعورني ومتنفخه ومعي حصر بالبول الله يكرمكم مااقدر اجلس دقيقه من جد تعبانه نفسيا وجسديا يارب اولد واخلص والله مانام الا دموعي مغرقه مخدتي بس عندي اخوي الله لايحرمني منه قال لي انا اوديك للمستشفى اللي تبين عشان كذا مابي ابهذله معي بين المستشفيات واخترت الحرس يارب انك تسهل اموري وامر كل وحده ترد علي وتكفون ادعوا لي والله محتاجه كل دعوه