حابه اراويكم تجربتي البسيطه فالتسوق من موقع سكر
عن الموقع : سهل والتصفح فيه حلوو وبضاعته كلها اصليه
بس لازم تنتبهون للقياسات سواء للشنط او غيره لان الصوره تكون دايما تقريبيه
وانصحكم دوم تجيكون على العروض اليديده لان كل يوم والثاني ينزل شي يديد وبسرعه يخلصون الاشيا الحلوه
امس كان في فساتين وجلابيات جوليا دوماني واليوم قلت بشوفهم لكن خلص العرض للاسف
يالله نبدا
اول شي لازم تسجلون بالموقع
راح ياخذون الايميل ورقم الموبايل وعنوان السكن الي تحبون مشترياتكم توصلكم عليه
لاتمام التسجيل راح يبعثون لكم كود برساله نصيه علىرقم الموبايل عشان يتاكدون
انكم اصحاب الرقم وتدخلونه وتبدون شوبنغ
لين الحين كل هذا مجاني
بعد ما تدخلون راح تلاقون فالصفحه الرئيسيه
العروض المميزه وهي الي يكون فيها خصم كبير وتكون دايما متجدده يعني تنحط بس لكذا يوم
وتحت كل عرض يحطون لج المده الي بتلاقينه خلالها
او تقدرون تتسوقون على اساس اغراض النساء او الرجال او اطفال او منزل وكذا
جزء من العروض الموجوده حاليا
بعد ما خذنا جوله فالمعروض نبدا شوبنغ
انا بشتري عطر
بادخل على المعروض من العطورات
واختار العطر الي ابيه وادخل عليه
واذا عجبني واسوي اضف الى سلة التسوق
وبعدين راح يطلع لي بوكس صغنون فيه اذا ابي اكمل شوبنغ او اتم العمليه
راح اختار اتم العمليه في حال اني خلاص ما ابي اشتري شي ثاني
وراح تطلع لي هالصفحه فيها بيانات السلعه وسعرها وكذا
اسوي اتمام الشراء
وبعدين راح تطلع لي صفحه ثانيه
واسفلها في خيارات الدفع
وعلى اليمين معلوماتج الي دخلتيها من رقم تلفون والمنطقه السكنيه
الدفع
اذا ابي ادفع بالفيزا او البي بال ما راح يكون في رسوم بس اذا حبيت سلم واستلم عليه 19 درهم
انا اختار cash on delievery
يعني سلم واستلم
بس في بعض السلع الغاليه ما يمشي معاها هالخيار
اسوي بعدين تاكيد طلب الشراء
وبكذا خلاص صارت السلعه من نصيبي
طيب
انا ابا اتاكد من الي اشتريته
اروح لفوق واختار مشترياتي وراح يراويني شو اشتريت وبكم
بعدها راح يتصلون بكم من سكر وياكدون العنوان والطلبيه وبعدين راح يتصل بكم الكورير وخلصنا
