رجيم النقاط سر رشاقتي (( الجزء 38))

بـعد فكـرة الرشيقة عروس إبريل و موافقة مشرفتـنا الحلوة مغتـربة سدنـي
حبـيت أنـزل طريقة عمـل معـكرونة تـايلنـدية بـ4 نقاط بـس

فكـرة عروس إبريـل :~

إن كل وحده تطبـخ رويقهـا << من الغير التوستات والكورن فلكس
وغداهـا << أهم شي لانه موهق العضوات
العشـاء << العشاء الخفيف اللي مايتعدى 5 نقاط
تصور طريقتها ف التحضـير بشرط حساب النقاط
واهم شي يكون دايت

أنـا المعكرونة اللي مسويتهـا بالخضار فقط =4 نقاط
ف حالة إضافة البروتين أنا افضل الروبيان لانه عليه نقاط قليلة
أي استفسار فـ خدمتـكم .. :D

بسـم الله الرحـمن الرحيـم


مدة التحضيـر : 20 دقيقة
الكمية : تكفي لـشخصين
عدد النـقاط :4




1 كوب بصل شرائـح =0
1 كوب ملفوف مقطع شرائح رفيعة =0
1 كوب فلفل رومي مقطع شرائح =0 << أي لون
1 كوب جزر مبروش=0
1 كوب بروكلـي =0 << فرش أو مجمد
1 كوب فطر " مشروم" =0 << فرش أو مـجمد
2 ملعقة ذرة = 1 << اضافة حسب الرغبة
3 كور معكرونة =2
ملعقة زيت زيتون =1
ملعـقة خل =0 << حسب الرغبة
ربع كوب صويا صوص=0
ملعقة صغيرة فلفل أسود =0
ربع كوب ماء =0

فـ حالة إضافة البروتين

نص كوب روبيان =1

100 غرام دجاج =5

شريحة رقيقه لحم =2.5

الخـطوة الاولـى :~

إنجـيب جـدر " طنجـرة " نحـط فيه حوالـي كوبـين ونص إلى 3 أكواب ماء





ونـحط فيه نـص ملعقة زيت





وملعقة صـغيرة مـلح وإذا ماحبيتوا عادي لانه الصويا صوص تكون مالحة عادة





أحين إنجيب جدر" طنجرة " أو مقلاة عميقه إنحـط نص ملعقة الزيت اللي بقت ونحط البصل ونحمسه " نحمرة "

ادري بعضكم بقول نص ملعقة ماتكفي إهنـي أجي دور المـاي بـعد مايختفي الزيت حطو ماي عشان الماي يرطب البصل ومايحرق الجدر أو المقلاة

وكل ماحستوا الماي تبخر حطوا شويه حوالي ملعقة او ملعقتين





بعد مايتحمر البصل بنـحط الفطـر





بـعدين البروكلي

اذا مجمد بننتظر البروكلي يذوب عن الثلج وياخذ حراره اذا حبيتوا تقدرون تسلقونه قبل





إنضيف الملفوف ونحـرك





وانضيف باقي الخضراوات " الفلفل الرومي + الجزر " ونحـركهم





نضيف الفلفل





نضيف الخل





و الذرة





والمعكـرونه ونحـرك ..~





واخر شي الصويا صوص ولكـم الحريه اذا بخاطركم اتضيفون الصويا صوص الحلوه





وننحرك عشان يختلط الـصويا بالمعكرونه والخضروات .. الشكـل النهـائي ف المقلاة





الشكـل النهائي ..~


مـلاحظـاتي :~

1- إذا حبيتوا تحمرون البصل بالماي بدال الزيت أحسن و أحسن

2- كملوا الطبق ببـروتين ويفضل الروبيـان لحـد يقول كروسترول لا الجسم فيه نوعين كروسترول مفيد " ف الزيت الزيتون " وكروسترول ضـار
والروبيان يدخل ف الكرسترول المفيد بشرط عدم الاكثار

3- مجال الخضراوات مفتوح, اللي سويته طبعاً النودلدز التقليدي


4 الكمية لشخصين يـعني المفروض فـ كل طبـق=نقطـتان


وإسمـحولي اذا الشرح فوضوي أو غير مفهوم

يومـياتي ليـوم الاحـد

الريوق :

قبضة كورن فلكـس =2

نص كوب حليب قليل الدسم =1

الغـداء:

عصـير برتقال فرش =0

4 حبات روبيان =2

2 مغرفة شوربة ماجـي =2

الـعشاء:

1 مانجو =1
1 تفاح أخضر =1
حلـيب بالارز = 3

المـجمـوع :12

التوفير =12

اليوم مرتاحه ف الرجيم الله يقوينا يارب

الرياضة :

مشـي ساعة ونص بالسوق