هل انتم مع الفطور يوميا مع اهل الزوج

والله انا هذا اول رمضان لي معاهم ...

مره وحده بس تغديت عندهم وصارت مشكله عويصه
والله يستتتتر من الفطور

انا ضد إذا كان طوال شهر رمضان
لكن مافيه مشكله إذا يوم بالاسبوع .. مايضر

والله انا نفس الشي " ضد "

إلا في حالة انو مثلا انتي و اهل زوجك تتشاركون بالأطباق

يعني انتي طبقين و هم طبقين كل يوم و هكذا ممكن

اما كل يوم عليك و تسوين اطباق من و إلى و لازم تسوين لهم احسن شي و يكدحونك كدح

لا يبى هذا ظلم مو ضيافة
و إذا ما يحسون انا اللي مفروض احس و انطق و اتكلم
واللي مو عاجبه كلامي عساه لا يعجبه

و مثل ما قالت الأخت إذا مرة بالأسبوع مو مشكلة
لأن بصير عليك 3 او 4 مرات بالشهر
بالتوفيق

طبعاااا انا ضد هل شئ لو كل جمعه يكون الفطور عندهم اي معقوله بس مش كل يوم
الله يكون بعونج

والله ياحبيبتي الزم ماعليكي راحتك وانتي مشاء الله خلاص صار لكم عمر والمفروض من زمان حطيتي الحدود من صار لك سنه او سنتين .. اما عقب هالعمر تبي تقولي لهم مابي فطور يومي عندكم شئ طبيعي انهم بيزعلون ويتأثرون وزوجك ماراح يتقبل الموضوع اعتقد ؟...

لكن ممكن الان اذا رحتي لهم زياره تقولين لهم والله مشاء الله العيال كبرو والمسؤليه كبرت عليه وبيتي صار فرمضان صعب علي ومع الصيام والصلاه والعيال صرت ما بفضى وصارت طلعتي المغرب مع عيالي ثقيله الصراحه ..

ماقدر اجي كل يوم ع الفطور اجيكم كل جمعه .. ان شاء الله

وشوفي خالتك ايش راح تقولك اكيد رآآح ترمي عليكي كلام بس لا ترضخي لها واسكتي ولا تتكلمي وان جاء رمضان سوي الي انتي قلتي عليه وبس ..

ولو زوجك رفض خلاص يروح بلحاله يفطر كل يوم وانتي وعيالك كل جمعه بس ..
ومصيره رآآح يرجع لعياله


معنه حلوه الجمعه والمه برمضااااااااااان لكن اذا والله تصير لك مشاكل لا والله بيتك احسنلك ..


وعني انا طبعا ضد الا اذا اعزموني بس .. :)

وكل جمعه نروح لهم ومرات عقب المغرب نصلي ونطلع ..

كادي الدلوعه;16145308:
والله ياحبيبتي الزم ماعليكي راحتك وانتي مشاء الله خلاص صار لكم عمر والمفروض من زمان حطيتي الحدود من صار لك سنه او سنتين .. اما عقب هالعمر تبي تقولي لهم مابي فطور يومي عندكم شئ طبيعي انهم بيزعلون ويتأثرون وزوجك ماراح يتقبل الموضوع اعتقد ؟...

لكن ممكن الان اذا رحتي لهم زياره تقولين لهم والله مشاء الله العيال كبرو والمسؤليه كبرت عليه وبيتي صار فرمضان صعب علي ومع الصيام والصلاه والعيال صرت ما بفضى وصارت طلعتي المغرب مع عيالي ثقيله الصراحه ..

ماقدر اجي كل يوم ع الفطور اجيكم كل جمعه .. ان شاء الله

وشوفي خالتك ايش راح تقولك اكيد رآآح ترمي عليكي كلام بس لا ترضخي لها واسكتي ولا تتكلمي وان جاء رمضان سوي الي انتي قلتي عليه وبس ..

ولو زوجك رفض خلاص يروح بلحاله يفطر كل يوم وانتي وعيالك كل جمعه بس ..
ومصيره رآآح يرجع لعياله


معنه حلوه الجمعه والمه برمضااااااااااان لكن اذا والله تصير لك مشاكل لا والله بيتك احسنلك ..


وعني انا طبعا ضد الا اذا اعزموني بس .. :)

وكل جمعه نروح لهم ومرات عقب المغرب نصلي ونطلع ..

كلام مضبوط

والله اختي شوفي انتي ترتاحين بشنو
اذا كنتي ماترتاحين بالكعده وياهم واتسمعين كلام يضايقج
راح اتكونين اكبر غلطانه اذا استمريتي وياهم وبهاي الحاله خلي فطورج مع زوج وخلي زوجج بالصوره يعني احجيله اللي جاي يصير

نفس الحالة وجاري البحث عن حل ،،

الله يسددنا نحو الصواب ،، إنه أرحم الراحمين ،،

يو من جد الله يعينك وانا مع الأخوات بالإسبوع مره حلو ،وكيف توصليلهم المعلومه،قوليها بكل شفافيه ،واللي يعجبه يعجبه واللي مايعجبه بكيفه الزم ماعلى الإنسان راحته ووناسته.

رائعتي اولا مبارك عليكم الشهر الكريم

وفعلاً احيانا كثيرة تحدث مضايقات أثناء الفطور كل ما زادت الجمعة وعدد الافراد وخاصة حساسيات اهل الزوج والحميات وووو

انا بصراحة صارت معاي وقطعت صرت ما اروح بصراحة انا وعيالي ... وصارت حساسية وانا طنشت لين ما عودتهم خلاص وزوجي صار بعد يفطر ويانا ....


انتي لا تقطعين مرة وحدة بالتدريج اشوي اشوي مره روحي ومره لا تروحين ومره طرشي صحن سمبوسه ومرة هريس او اي شيء واشوي اشوي بيتعودون

مهما صار خليج لبقة معاهم والتطنيش يكون بأدب واحترام عزيزتي

أختي انتي صار لك 10 سنوات وهذي مدة كبيرة وخلاص يعني انتي عودتي أهل زوجك على الفطور معاهم كل يوم عاد الحين صعب انك تتركي هالعادة كان من المفروض من البداية تسوي حدوديات لحياتك من راي شوفي أيش اللي يسعد زوجك وسويه بغض النظر انتي ترتاحي لها الشي أم لا ترا ياما احنى الحريم دسنا على رغباتنا وعلى مطالبنا عشان خاطر أن الزوج يرضى عنى .
الله يعينك أختي أخاف ننصحك نقولك غيري من هالعادة وبعدها أطيح في راسك وتستوي لك مشاكل انتي في غنى عنها. أختي ما عليك غير بالدعاء

اهم شي التعاااااااااااااون واحتساب الاجر .... لان كل شي تسوينه انتي مأجوره عليه ....

حلو لو تتعاونين مع اخوات زوجك وحريم اخوانه وكل وحده تسوي طبختين .... ما اخبي عليك اعرف ناس عايشين بنفس الحي كل مسووين لهم جدول وكل وحده تسوي طبختين بس ... ولما يجي الفطور تشوفين ماشاء الله سفررره عاااامره بما لذ وطاب ومجهود اقل... تصحى من الظهر وتسوي طبخيتين صعبه وسهله يعني مثل قدر شوربه وصينية حلى ... ماتاخذ منها 3 ساعات بالكثيرررررر وتشتغل بروووواقه وطول اليوم لهاااا و وقت التنظيف كل وحده تاخذ صحونها تغسلها والسفره صحووون بلاستيك وكاسات وملاعق بلاستك .... ولو زاد اكل كل وحده تاخذ لها .... ومنظمااااااااات

ليش حبيبتي ما تعزمين خوات زوجك او اقل شي سليفاتك وتتناقشون برووواقه وتنظمون نفسكم منها اجررر تفطير صايم وبر وطاعه لأزواجكم و بالمره مريحااااااااات انفسكم ... ليش تعقدون المواضيع ... والله اني اشوف اختي برمضان قلبي يقطعني عليها من صباح الصبح قيمات وسمبوسه ومكرونه وشوربه وللسحور رز و ادام غير الحلى ... وفي الاخير زوجها يقول وش هالطبخ اللي بلا نفس !!! وهي طااااااالعه روحها... ولما يروح بيت اهله يمدددح بالطبخ مع انه مووو ذاك الزود وشوفي التنوع عندهم والابتسامه وراحة البال ...ليش لان اللي طابخين طابخين بنفس ومتعاااونين 3 بنات بالثانوي كل وحده تطبخ شي والام تأمر وتنهي ومايجي المغرب الإ البخووررررررررررر والسنع واللمه الحلوووه وحلاة رمضان بالتجمع في الفطور تحسين ببركة الاكل...........

لا تخلين الشيطان يدخل بينكم وكبروووا عقلكم يالحريم ... انا معك حلو كم يوم تفطرين لحالك مع زوجك بس صدقيني الاجتماع حلووو ...

بس لو عايلته على ماقالوا البنات كل الشغل بيخلوه عليكككك وبيعلقون على طبخك وبيخلون الشغل والغسيل عليك وماعندهم احتراااام .. والفطور بيكون اهم اكثررر مما هو يسهل عليك ويريحك ويوسع صدرك... فنصيحتي اقعدي مع زوجك و وضحي له وجهة نظرك ... واسحبي نفسك والله يهون عليك ... والزمي الاستغفار .....

مبارك عليكم هالشهر
وانا من راي البنات اختي ادا ربنا قال فكتابه الكريم
لايكلف الله نفسا الا وسعها فحبيبتي لاتسوي شي انتي ماترتاحيله انا من رايي ان الموضوع لازم تناقشيه مع زوجك اولا
وتتخد القرار انتي وهو لا تتكلمي فيه مع اهل زوجك
يعني فاول رمضان والوسط واخره تسويلهم زياره
يعني في الاخير لاتسوي شي وانت مجبره اوكي لزوم الادب والواجب اك بس مو على حساب راحتك

انا مع الاخوات في الراي لان اهل الزواج مشاكلهم ماتنتهي

انا مع الاخت كادي الدلوعة ..

بالنسبة لي ياختي انا مرت الولد الوحيدة لعمتي في عندي حمي ومتزوجة بس انا مرتبطة فيهم اكثر ...برمضان ما احب اكل لحالنا
انا الي اجبر زوجي اننا ناكل معاهم اللمة احلى من انا وزوجي بس ...ومحد في البيت غير عمتي وعمي وحماه صغيرة



ربي يريح بالك ويبعد عنك الهموم والزعل

طمطومة;16145149:
ال

سلام عليكم

اخواتي الفاضلات

من منكم يؤيد الفطور الجماعي اليومي مع اهل الزوج ومن منكن يعارض

ارجو الرد

فاانا في حيرة من امري

فانا في هم وغم وحزن كبيرين والله يعلم

وقال الرسول المصطفى صلى الله عليه وعلى اله وصحبه وسلم : ماخاب من استشار وماندم من استخار

متزوجه لي 10سنوات

واتضايق جدا جدا واشيل هم رمضان لانه فطوري مع اهل الزوج ولما يصير من مشاكل واستفزازات ومضايقات وتوتر نفسي

جزاكن الله خير رأيكن يهمني جدا جدا جدا وربنا يحفظكم ويسعدكم في الدنيا والاخرة

على العلم اذا طلبنا منهم ذلك

سوف يزعلون ويبكون ويمكن ينكدون على زوجي ولانه لايحسن التصرف ولا الحديث اللبق معهم

ارجوووكم افيدوني جزاكم الله الف الف خير

مساء الخير اختي
عزيزتي صار مدة طويلة تفطرون سوية مع اهل الزوج
وبماانو زوجك من النوع لايحب المشاكل ولايحط نفسه بالمواجهة
فراح تصبحين انتي بالمواجهة
طبعا اني لااؤيد الفطور اليومي معهم خاصة انك قلتي انهم يغثون
وحتى لو كانو لايغثون
يعني بهكذا حالات الانسان لازم يمسك اعصابه
وولا يتصرف على راحتة
شوفي عزيزتي ان قدرتي ان تجعلي زوجك يعتذر لهم كل مرة بحجة شكل
وتضعينه بالمواجهة
خير على خير
لكن ان لم يرضى ان يكون هو بالواجهة فأي تصرف
ستكونين انتي من يتحمل اللوم
انا اقول قبل كل افطار قولي
اللهم انا نجعلك في نحورهم ونعوذبك من شرورهم
والزمي الصمت
واتركي من يريد ان يغث يتكلم مع نفسه
لاتردي الكلام
المفروض ان احد غثك تسكتين وزوجك يرد بالنيابة عنكي
لكن ان انتي ردتي فسيسكت
انااقول اعملي اذن من طين واذن من عجين لكل كلمة تغث
ومن يريد تنغيص الافطار عليكي وعلى زوجك
عندما يرى ردة الفعل الغير متوقعة وهي الامبالاة
فسيسكت
لأن ازعاجه لم يأتي بنتيجة
لكن اكسبي زوجك
حتى لايصبح الى صفهم
سلامي