البرياني الهندي من مطبخي بالصور حياكم الله

السلام عليكم ورحمة الله وبركـــاته

من جم يوم كنت مسويــه برياني هندي وقلت خل اصور الخطوات والمقادير

وانـــزل موضوع عشــان الكل يستفيد ...

نبدأ بســـم الله الرحمن الرحيم ..

المقاديـــــر مثل ما انتو شايفين
بصــل مقطع مكعبات صغيرة
طماطم مقطعة قطع صغيرة
فلفل بـــارد (لبناني) مقطع شرائح رقيقة
حشيش مقطع
نعنـــاع مقطع


واحط هالورق الصغـــار في كل طبخــه عشان يخنن الطباخ
اسمه ((كريبته)) وهاي صورتـــه



والبهارات بتكون :
بــــزار يدتــي اللي ما استغني عنــه ابد
كركـــــــــم
فلفــــــل احمـــر
لومي اسود مطحـــون
دارسين مطحـــون
ورشــة هيل عن زفـــورة الدياي بس نسيت احطه وياهم هه


ربع كاس ماي






هاي منكهات العيش
فلفـــــــل اسود
مسمـــــــــــار
دارسين

نبـــدأ الخطوات ...





نحط البصـــل ونحط فوقــه الدهن ونحط الكريبته اللي راويتكم صورته
فوق ونحمسهـــم



اهني لمه تحمــر البصل مع الدهــن والكريبته


نحمس الدياي فوق البصل عشـــان تخف زفورة الدياي



نحط الخضـــرة اللي قطعنــاها فوق الدياي و نحط البهـــارات اللي راويتكــم اياها
ونحمســها







تــــالي نحط روبــه وحده اي نوع تحبينه



وقبل ما تحطين الروبة فوق الدياي خلطيها في الملــه عشان مايتكتل
ويبين
وحطــي ربع الكوب الماي وبين فتره وفتره طلي عليه عشان ماينشف الماي
وتحترق الحمسه
خلي الدياي 45 دقيقة



هاي صورتـــه بعد ما استوه

نقعـــي العيش نص ســـاعة
وتالي فوحيــه مع المنكهات الدارسين والفلفل الأسود والمسمار
وشخليه

تالي تحطين قفشة من العيش في الجدر وتالي تحطين الحمسه وتالي باقي العيش
ورشي عليه الماي الورد وصبغ العيــــش بهالطريقة


وخليه يتسكر



اهني قليــــت الآلــو والبصـــل

تسلـــم يدي ههه .. ماشاء الله



قصي نعنـــــاع وخليه فوقــه يعطي طعم حلو وفي نفس الوقت طعم لذيذ
وهاي البريانـــي عقب مانجبته ههه زين اللي مده اصوره لكـــم قبل الهجــوم

اتمنـــــى يعجبكم F:

وهالله هالله بالردود الحلـــوه تعبت وانه انــــزل هالموضوع
وادعولــــي الله ايسر اموري اذا ما عليكم امر يعني ...

انه العضوه سدرة المنتهى في منتديات مملكة البحرين
:D