الغرض انو مانهمل اي شي ونحاول نستفيد منو بشي حلو ومرتب
ويكون شغل ايدينا .. كان عندي اكتر من شمعة واكتر من لون لهيكـ
شكلتها بتدرجات وتداخلات مختلفة للألوان .
اول خطوة :
![]("http://www.3roos.com/files/ups/2012/447035/01339107371.jpg")
رح نشكل القالب الي بيعجبنا ( موجود بالسوق قوالب خاصة لتشكيل الشمع )
بس الصراحة انا ماعندي منها لهيك عملتها وبالشكل الي بدي ياهـ
الشغل بسيط كتير كرتون بس يكون سميكـ وشكليها كيف مابتحبي ولزقيها منيح
وبعدا جيبي ورق القصدير الي بالصورة وغلفي الكرتون فيهـ
تاني خطوة :
قسمت الشمع لقسمين
قسم دوبتو وقسم كسرتو بأحجام صغيرة
واخر شي رح تعرفو ليه قسمتو لقسمين
تالت خطوة :
![]("http://www.3roos.com/files/ups/2012/447035/11339107371.jpg")
وهي الاهم
منحط شمع مدوب وفوقو منحط شمع الي كسرنا
ومنرجع منعيد نفس الخطوة لحتى يملا القالب كلو
يعني شمع مدوب وشمع مكسر شمع مدوب شمع مكسر ...
( يارب يكون واضح كلامي بالصورة )
ومنحط القالب ع جنب ومنتركو
انا تركتو 5 ساعات مشان النتيجة تكون حلوة ومضمونة
مابدي طلعو من القالب ويكون لسا ماتماسكـ منيح
![]("http://www.3roos.com/files/ups/2012/447035/21339107371.jpg")
هلئ الشمعة جاهزة بس طبعاً لازم اضافات حلوة وناعمة
عندي هي الوردة بتلبق لـ ألوان الشمعة
( يارب يكون واضح بالصور الشمع المكسر الصغير الي حطينا كيف عاطيا جمال اكتر واكتر هاد كان الغرض من تقسيم الشمع لقسمين )
![]("http://www.3roos.com/files/ups/2012/447035/31339107371.jpg")
ثبتت الوردة بالشريطة وصارت الشمعة جاهزة وشكلا حلو ومرتب
وواضح تدرجات الألوان فيها
فيكي تحطيها بيتك وبكل فخر لان شغل ايديكي الحلوة ^_^
![]("http://www.3roos.com/files/ups/2012/447035/41339107371.jpg")
الموضوع حصري لعروس
وليستفادو البنوتات هون
مابسمح بنقل الموضوع والصور نهائي
ويارب تكونو استفدتو
ويكون موضوعي حلو وخفيف