صدمني زوجي صدمة العمر

يابعدقلبي حاسه فيك

مريت بهالتجربه بس كلهم كذا على فكره

اناخاني مع وحده وبقت وراه وجننته هووياها

والمشكله هي بالاردن موهنا

لانه كان يدرس هناك

بس وربي جننته وخليته مايدق عليها ابد

بس ادعي له بالهدايه عسى الله

والاخت اللي ردت عليك

الزوج لويبي يخون يخون لوزوجته ملكت جمال

لاتقولين اهتمي بجسمك وشعرك وماادري شو

هذي كلهاماتنفع اذاحط باله وحده

الله يهديه يارب
ويبعده عن طريق هالبنات الي مالهم شغل ولا مشغله غير لطش رجال من وسط عيلته


اكتري الدعاااء وقيام الله
وان شاء الله الله يجعلك سبيل ويهديكي الي ترضيه

اختي العزيزة فيض الغرام انصحك بذكر الله وتبسيط االامر.اولا:انتي تحبين زوجك لانك انصدمتي.وثانيا:انت مخلصه.ادرسي العواقب وماذا لو لاسمح الله طلبتي الطلاق.افضل حل واقرب حل لقلب الرجل ان تختاري وقت يكون فيه زوجك مرتاح نفسيا.وتقولين له انا وش قصرت معاك به.وهل تقبل اني اخونك مع رجل اخر.وكيف ترضى على نفسك امور الخزي وخطوات الشيطان.وحسسيه انك مهما كان لا يمكن تخونينه. في الختام تقبلي مرور اخوك فتى الشرقيه

مساء الخير اختي
قبل كل كلمة وكل شي تسويه
تخلصي من كل توترج اما بالتنفس الشهيق والزفير
اما دوش بارد
وركعتين
وبعد ان تفرغين شحنة التوتر نجي للحلول بأذن الله:
ادري انج معصبة وتردين تطحنين الموبايل
شوفي اختي حتة لو حصلتي رقم المستطرقة
لاتكبرين راسهة بأتصالج بيهة
ولاتنطيهة اكبر من حجمهة
هية اما وحدة كان يعرفهة زوجج قبل الزواج ومديعرف شون يتخلص منهة(لزكة لزك)
اما وحدة اتعرف عليهة بالفيس بوك
لو صديقة واحد من اصدقاءة ذبهة عليه
المهم
تكوليلة تريد رضاية
اكسرلي الشريحة
طبعا احتمال لاسامح الله حافض الرقم براسة
لاتشيلين هم يجي يوم وينساه
خاصة لأن انكشف
حاولي تشوفين احد بشركة الاتصالات يكطع اتصالاتهة
اب طريقة قبل متكسرين الشريحة
يعني اشتكو عليهة
جيبي مصحف وخلي يحلف عل قرأن بعد ميصادق اي مرية اب اي طريقة
ان كذب عليج لاسامح الله
القرأن راح يشور بيه
يعني لاتشيلين هم
لاتضلين كل شوية تأنبيه عل صار
لأن الرجال مثل الطفل مايحب التأنيب
وان تأنب تعود وان تعود عاند وان عاند غلط
وهذا الشي مانريدة
بيتج ماتتركيه ولا دقيقة
تتدربين شون تحجين بطريقة تسحرة بيج
غيري صوتج بالكلام
اجذبيه تجاهج
لاتصارخين حتة لو الحق معاج
لاتقصرين بأي حق من حقوقة
الرجال ان انحرم من الحلال دور عل حرام
كلمة سامحتك لو مسامحتك
موضوع لاتحجين بيه
خلي السماح ينبع من اعماق قلبج يلة تنطقين بيه
اسأليه بعد كم يوم
ورة متغيرين اللوك
بجلسة بكل هدوء بينكم
انتي وياه فقط
ليش سويت هالشي؟
ببيش قصرت؟
واستفهمي ولاتقاطعيه الى ان تعرفين
الموضوع مو جلسة دفاع عن النفس
وانما جلسة استفسار
كوني مصغية
خلي نضراتج غير غاضبة حتة لا يتوكف عن الكلام
بعد ان يكمل
حاولو تتعشون برة البيت
ويارب ربي يهدي زوجج الج ويسخرة الج
وتكون غيمة وراحت عنكم
سلامي اختي

اختي خذيها نزوة و راحت .. زوجج لو ما يحبج ما مسح الرسايل جدامج .. عطيه فرصه يمكن صاج وياج ان من زمان هالشي مو توه .. لا تدخلين الشك بحياتج و تخربين بيتج بيدج عطيه فرصة وحدة فقط ان حسيتي رجع للي راح هني اتاخذي موقف ..
و ما راح تستفيدين شي ان عرفتي رقم تلفون البنت .. يمكن علاقه منتهيه مثل ما قالج و انتي تفتحين باب لها من يديد و تهدمين بيتج بيدج ..
تمسكي فيه و لا تخلين غيرج ياخذه منج ..
دامه خذاج انتي يعني انتي شريكه حياته ..
لا تنبشين بالماضي انتي حاضره .. و مستقبله الحالي ..
عيشي بالمستقبل مو تردين ورا تفتحين له باب لشي منتهي ..
و الله يوفقج حبيبتي ..

حسبي الله على هالبنات الي مايخافون الله


وااااااااااااااايد الي جذي الله يعين بس

لا تسألوا عن أشياء إن تبدُ لكم تسؤكم

مشكورين كل من رد علي

بس والله قلبي مكسور انصدمت فيه

ما توقعت هالشيء يطلع منه بالذات خصوصا عائلتهم اخوانه ملتزمين


ودائما كنت اقول في نفسي اني اثق في زوجي بس الحين ماعاد للثقه مكان طااح من عيوني


بس هو جه لي البارحه انا والعيال وجاب لنا عشاااا

وانا مو مشتهيه اكل نفسي مسدودة

وقبلها اتصل ومارديت عليه

وهو فتح الموضوع قالت لاتفهميني غلط انا ما بيني وبينها شيء بس مسجات

قلت له منهي هذي قال وحده وخلاص ماعاد اكلمها ومسحت رقمها


قلت له اني عطتيك الجوال علشان تبرر لي اللي صار مو رايح تمسح المسجااات

قال انا ما كنت ابيج تشوفينهم وتفهميني غلط وقعد يحلف انه ما بينهم شيء


قلت له فشو انا مقصرة معاك في شيء قال لا بس حس بشيء ناقص

وانه تمادى في الامر بس

قلت له وش اللي نااقص قولي قال مادري بس انا ما احس تجاوبين معااي عكسها هي

قلت له انزين وبعد قال صار بينا ملاطفه وانا استمتعت بهالشيء >> وكلامه هذا ذبحني زياده


يقول لي لا تكبرين السالفه ... اشلون مااكبرها وكل اللي قاله دليل على انه حبها من قلبه

والله 8 سنين معاه ما وصلني من عنده مسج حلو نفس اللي طرشه لها

بعدين رديت سالته منهي هذي ووين متعرف عليها اصغر مني قال لا مي اصغر مني ولا احلى مني قلت شو معناه كلامك هذي نزوة

بعدين

والله لو تدرون بالنار اللي داخل جوفي حارقتني حرق مو قادره انام

حبيبتي حاسة فيج لاني مريت بمثل موقفج قبل فترة وتالمت وايد
اجلسي معاه جلسة مصارحه واسالي شو الاسباب اللي خلته يرتكب هالغلطة وفهمي انج بتعدلين اي نقص فيج
ترا الريال اعترف انها نزوة واسالي اذا مستعد يتنازل عنها او يقطع علاقته فيها واذا وافق معناه انها صدق نزوة احتمال ربعه وزوه عليها او من قبل الزواج
المهم انتي لا تسالين التفاصيل عشان لاتذكرينه فيها حاولي تنسينه البنت
اذا تقدرين تسافرون مع بعض او تظلعزن رحلة رومانسية للتغيير او ع الاقل طلعه للعشاء تفتحون فيها صفحه جديدة وايد احسن
ريلج شكله مب مال هالحركات صدقيني لانع على طول مسح المسجات واعترف ماجذب مثل باقي الرياييل
وحاول يعوض انه ياب لج عشاء
نصيحتي حاولي تكسبينه وتعرفين شو محتاج منج
والله يوفقكم ويهديه ويهدي ريلي ويبعد عنهم بنات الحرام

المشكله انه طلع يعرفها يقول موصلنهم رحلة

لانه كان عنده بااااص وباعه من فتره


بس اشلون جدي وكيف صار واني وين كنت

دايما يقول لي انه مشغول وانا اعذره ومخليته على كيف كيفه والله ما يقعد معانا الا وقت الوجبات

ولين جه من الدوام مقابل الكمبيوتر


اه بس وش اقول لكم فلبي معورني مو عارفه اتصرف

وصايره ماتكلم معاه مو طايقتنه كل ما تخيلت اشلون حب وحده غيري وفكر فيها

وللعلم ترى احنا ماخذين بعض عن حب بس حب شريف لان يصير حق اهلي

اااااااه يا قلب هذي اخرتها يعني او مكشفته انجان لحين معاها

بس خبرته يجيب لي رقمها ابي اشوف العلاقه اللي بينهم شنهي قال مو عنده مسحه ومو حافضنه

وقلت لزما هذا شرطي تجيب لي رقمها

وبعدين خلاص ما صار بينا اي كلام

شورور عليي شنو اتصرف

الحين انا ابغي اروح اقرب محل جوال يطلع لي المسجات اللي انحذفت ويارب خير

ادعوا لي تنحل مشكلتي

الله ييسر امرك ويصبرك
حبيبتي لاتروحين تنبشين ورى البنت خلاص
انا صار معاي كذا وتعبت بس بعدين طنشت
لان البنت بتصير تتحداك وبتغيظك
ادعي ربك انه يكفيك شرها ويبعدها عنكم

الله يفرج همك

رجع يقول لي لمتى بتظلين هاللون ساااااكته

قلت له لما تلاقي حل لهالمشكله قال واله هذي مجرد نزوة

قلت له بيني اسامحك على طووووووول جدي وبكل سهولة جاي تقول لي عنها

قال لي لا تكبرين السالفه

قلت له انا مابيها تكبر بس ابي احط النقااااااااط على الحرووووف

قال لي والله ماعيدها

قلت وان عدتها

قال لش حق اللي تبينه

جى وحب راسي

وقلت له بعد اللي انكسر عمره ما يتصلح

وقلت خلاص ما بتكلم بالموضوع

بس الحين ابي طلع رقمها لو من وووووووووين

شبتستفيدين ان طلعتي رقمها؟
ما بتستفيدين غير عوار القلب و تمرضين روحج..
هدي اعصابج لا تاخذج العاطفية و تهدمين بيتج بيدج ..
الي صار شي و انتهى تفتحين له باب ليش؟
تمسكي بزوجج اكثر و لا تخلين هالوسواس يخرب عيشتج وياه ..
ادري صعب تنسين و حارج هالشي و حاسة ليش هو سوا هلووون ؟؟ و انتي مو مقصرة بشي عليه ؟؟؟
بس الاهم تفكرين بحياتج معاه و شلون تكسبينه و تبعدينه عن بنات الحرام .. و الله يهديه و يوفقج بس نصيحة اركدي و فكري بعقل ادريبج مو بوعيج لحينج بصدمة ... و خلج ريلاكس حتى تصيري صح

والله ياعزيزتي الرجال اب طبعهم لا يحبون الزعل والوجه المعصب
حتة لو همة الغلطانين
حطي طفل امامج من تفكرين تزعلين مع زوجج
الطفل لو امة زعلت عليه
1 .شي وجهة يحزن
2.احتمال يبكي
3.يعاند
4.يقوم بالمقابل هوة هم يزعل
وتصيرين انتي اللي لازم تراضيه
انتي الزوجة الة
انتي مرتة
انتي حلالة
اليوم جنب منو نايم؟
جنبج
اليوم بايت ببيت منو
ببيتكم انتي وياه
يعني هية بالنسبة الة نزوة
شوفي زوجج كالج اسلوبهة غير شكل
الله لا يوفقها بت ابليس لادنية ولا اخرة ويسدهة بوجهة وين ماراحت
المطلوب منج
من تتلفنين لزوجج تخفضين نبرة صوتج اقصى درجة
وتحجين بنعومة ورقة
وتسوين نفسج علساس تغاضيتي عن الموضوع
لاتذكرين كلمة سامحتك
حتة لا يرتاح ويظل يحاول يراضيج
لكن لاتأنبيه
يعني تظاهري بأنج نسيتي الموضوع
نجي لبت ابليس
ان قدرتي تحصلين رقمها
راح اكولج شراح تجاوبج
راح تألف كلام من جيبها تأليف
راح تذكرلج كل امنياتهة على اساس انها وقائع
راح تتابع مسلسل وتحفظ حوارات وتذكرلجياهة حتة ترفع ضغطج
ابسط بنت تكدر تميز الرجال المتزوج من الغير متزوج
وبنت ابليس رادت تاخذ رجال من حضن مرتة
لاتنوليها اللي ببالهة
كسري شوكتهة وحرقي قلبهة
انتي ياغالية الله والمجتمع والقانون والدنيا كلها بصفج
انتصري عليهة لا تفرحيها
كل دمعة بعينج وكل قهرة وكل عركة تفرحها
اريدج تموتيها بغيضها مو تنوليهة غايتهة
اي شي ممكن يزيد اواصر الحب بينج وبين زوجج .اعمليه
ان صعب عليج او ممتعودة تسولفين بطريقة دلوعة للغاية اوك
تمرني
لاتكولين كرامتي وجرح كلبي ومقهورة
اعرف كلة صح وحق 100%
بس نريد نكسب وقت
الرجال يريد دلال
يريد غزل
يريد حب وحنان
شوفي غاليتي الانسان من يكون صايم قبل ميجي وقت الافطار
يقول والله اكدر اكل كل الصفرة ولا ابقي شي
لأن بعدة جوعان
بعد الافطار ياكل كم تمرة ويشبع
ويجبر نفسة اجبار انو ياكل
لكن بصعوبة واحيانا يترك الاكل ساعة ساعتين يلة يقدر ياكل
وهذا المثل على الحرمان من اي شي عاطفة لو حب لو حنان
نشوف مرات رجال يتزوج وحدة مو جميلة وهوة فائق الجمال
وكلنة نكول شون شافهة بيا عين؟
ويكون الشي الوحيد اللي ينقص في حياتة هو الحنان
وهذه المرأة الغير جميلة بحر من الحنان
وهكذا يكون سد الشي الوحيد اللي فقدة من حياتة
ولهذا يااختي اغرقي زوجج بالحب والدلع والحنان
حتة لا يقدر ان ينظر لو يفكر بثانية
سلامي

~. عِطْرُ آلبَرآءَةِ .~;16121774:

وعليكم السلام ورحمة الله تعالى وبركآته...~

أختي الغالية، حقا أصعب المواقف والحالات هي التي يخوننا فيها الحبيب، خاصة إن كان الزوج...~
قبل كل شيء، أحييك تحية شرف على ثقتكِ العمياء بزوجكِ، ففي كل الأحوال أنتِ وفية والخطأ منه عزيزتي، ولا داعي لتعذبي نفسكٍ بهذه القصص أي أن يتخلى عنكِ من أجل أخرى، أرجو أن تمحي هذه الفكرة كلها، ما عليك الأن هو اتباع نصائحي ونصائح الأخوات ...~




نصائحي المتواضعة لكِ:

1- القرآن:
حاولي كل يوم أن تقرئي جزءاً من القرآن، أو أن تداومي على سورة قرآنية ما، وذلكَ بنية حفظ زوجكِ من الزلة، وبنية أن يعود كما كان سابقاً عزيزتي...~

2- الدعاء:
بعد القرآن يأتي الدعاء والإستغفار والصلاة على الحبيب المصطفى عليه الصلاة والسلام:

" استغفــر الله العظيــم الذى لا الــه الا هو الحــى القيــوم ،
غفــار الذنــوب ذا الجــلال والاكــرام ، واتــوب اليــه من جميـــع المعاصـــى كلــها والذنــوب والآثــــام ، ومــن كـل ذنــب أذنبتــــه عمــدا وخطأ ظاهــرا وباطنــا قولا وفعلا ،
فــى جميــع حركاتــــى وسكناتـــــى وخطراتــــى وأنفاســى كلــها دائمــا ابــدا سرمدا ،
من الذنـــب الذى أعلــم ومــن الذنــب الذى لا أعلــم ،
عــدد ما أحـــاط به العلــم وأحصــاه الكتـــاب وخطــه القلــم ،
وعــدد ما أوجدتـــه القــدرة وخصصتــه الارادة ،
ومـــداد كلمات الله كما ينبغــى لجـــلال وجــه ربنا وجمالــه وكمـاله ،
وكمــا يحــب ربنــا ويرضى.."

"اللهم صل على سيدنا محمد الخاتم لما سبق ناصر الحق بالحق والهادي إلى صراطك المستقيم وعلى آله حق قدره ومقداره العظيم "

أدعية:
"اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت ربُّ المستضعفين وانت ربّي إلى من تكلني، إلى بعيد يتجهَّمني أم إلى عدو ملكته أمري إن لم يكن بك علىِّ غضبُُ فلا أبالي، ولكنَّ عافَيَتَك أوسعُ لي. أعوذ بنور وجهك الذي أشرقت له الظلمات، وصلح عليه أمر الدنيا والآخر ه من أن تُنزل بي غضبك أو يَحِلَّ علىَّ سخطُك لك العتبى حتى ترضى ولا حول ولا قوة إلا بك."

"إلهي كيف أدعوك وأنا أنا، وكيف أقطع رجائي منك وأنت أنت؟، إلهي إن لم أدعك فستجب لي فمن ذا الذي أدعوه فيستجيب؟ وإن لم أسألك فتعطيني فمن ذا الذي أسأله فيعطيني؟ وإن لم أتضرع إليك فتنجيني فمن ذا الذي أتضرع إليه فينجيني؟ إلهي وكما فلقت البحر لموسى فنجيته من الغرق فصلّ اللهم على محمد وعلى آل محمد ونجني مما أنا فيه من كرب بفرج عاجل غير آجل وبرحمتك يا أرحم الراحمين." (يقرأ مئة مرة بعد صلاة ركعتين في ثلث الليل الأخير).

"لا إله إلا الله الحليم الكريم، لا إله إلا الله العلي العطيم، لا إله إلا الله رب السموات السبع رب العرش العطيم"

3- الإعتناء بالذات:
حاولي بأقصى مجهوداتكِ أن تعتني بنفسك (جسمكِ، شعركِ، منطقتكِ الحميمة، ملابسك..).
حاولي دائما ان تكوني بلوك جديد وأكثر جاذبية حبيبتي...~ حاولي ان تثيريه بملابس قصيرة خاصة ملابس النوم... وأنتِ أشطر مني بهذه النقطة.

4- الرومانسية:
أهم نقطة حبيبتي، كوني دائما رومانسية، بحديثك، بحركآتك، برسائلك الهاتفية له، أثناء الجماع...
اجعلي الرومانسية تاجا فوق رأسكِ...~

5- الإهتمام به:
حاولي أن تشاركيه همه، ومواضيع تهمه، تشعرين أنها تهمه ويرتاح أثناء التحدث فيها.

6- عدم الإتصال بالأخرى:
أختي لا أريدك أن تُحدثي تلك المرأة، فقد لاتظهرين لها غير ضعفك، وكما لو أن مصير زواجكما محكوم عليها، وهذا غير صحيح، أكسبي قلب زوجكِ بذكائكِ لا باتصالكِ بتلكَ الثانية، قد لا ترضى وربما ستستعمل أساليب أخرى تجعله يخونكِ معها بشكل غير متوقع (لا قدر الله)... إسترجعي زوجكِ بطريقتكِ وبالتي هي أحسن...~

دعواتي لكِ بالفرج القريب...
طمنينا عنكِ...~

:thumbs_up::thumbs_up::thumbs_up::thumbs_up::thumbs_up:F:F:F:F:

ربنا يهدية

والله انكم نعم الخوااااااااات

تسلمون لي كلكم والله اني هديت عن امس بوااااجد

وقاعده احكم بعقلي بس بعدهي حرة في قلبي مدري وش يطفيها


يقول لي هو منه القصور مش مني انا قلت له وش هو قال هو عنده نقص


نقص من شووو يعني انا مو موفية له كل شيء

وكل ما فكرت باولادنا وشلون سوا ابةهم كذا والله اني انهار

خصوصا انه جاي النا طفل بعد شهرين يعني مدري وش اقول

بس قلت له الثقه انعدمت فيك خلااااااص قال نقدر نبنيها من جديد

اشلون وكل ما قعدت اتذر خيانته لي

قلت له حط نفسك مكاني لو انه صار معاك نفس الشيء قال مارااااح اقبل طبعا

قلت له اشلون ترضاها لي والجرح اللي سببته لي

بس رديت قلت له يطلع رقمها قال مو عنده ومسحه من الجهاااااز خلاص

وقلت له يحلف لي على مصحف انه ما رااح يكرر هالشيء قال وعد

وقلت له اذا تكرر هالشيء خلاص ماليي عيشة وياااااااااك


وحاليا عطيت اختي الجهاااز توديه لمحل تلفنات يطلعون لي الارقاااام والمسجااات اللي بالتلفون


يارب ادعوا لي يطلعون المسجات ويطلع رقمها مو متنازله انا لين اشوف هالبنت اللي اخذت زوجي مني

وانا قلت له الله العالم لو ما كشفت الجهاز انك عاطني اياه سلمته بايدي

وفيه المسجات بس الله كاشفنك

انجان مدري وش صار الحين قال لا بس هاي مجرد نزوه وماراح يصير شيء نفس اللي في بالي

اختي... انا حاسة فيج
مو لازم تشوفين المسجات ولا تشوفين البنت انسيها صدقيني ماله داعي بعد مرور الوقت بتعرفين قصدي
الحين انتبهي لحياتج ولريلج وخليها تولي لها رب يحاسبها وانتي لج الاجر
ماراح تستفيدين شي من المسجات الا زيادة الهم وانتي حامل مب زين لج
حاولي تفتحين صفحه جديدة وخليج منتبهه على الريال لا تعطينه ثقة زايده عن الحد وبعد لاتحسسينه انج شاكه فيه
خليه يحس بالثقة حتى لوتمثيل
لان السبب اللي خلانه يغلط مرة ممكن يخلي يغلظ مرة ثانية لا سمح الله اذا تم السبب موجود
انتي لازم تدورين السبب (النقص) اللي قالج عليه وتحلينه
وان شاء الله حياتكم بتتعدل