صدمني زوجي صدمة العمر

يارب الله يسمع منك يا سحابة حب

بس والله هالشيء ما توقعته يجي في حياتي احسه نفس المسلسلات والافلاااااااام


بس مااااكذب عليلك والله للحين مقهوره مو قادره انسى

وهو بحكم شغله الحين ما ياكل بالبيت يعني مافي وقت يقعد معانا نحل الامور


بس من يجي جلس على الكمبيوتر طول وقته او التلفزيون ولين كلمته قال وش تبين اسوووووي

فانا اجي اجلس جنبه


بس الحين مااااقدر طعني وحسبي الله على اللي كانت السبببببب


بس بحاول امشي حياتي مو علشانه علشان اولادي والله هو ما يستاااااااااااهل

لا يا عزيزتي , خليج العاقل , اولا الريال تطلع منه هالسوالف لا هو شئ عجيب ولا غريب ,

ليش ؟لأن المجتمع سامح له المثل الي يقول ( الرجل يفعل ما يشاء ) , احمدي ربج أن صارحج

وتقريبا اسلوبه يدل على الإعتذار , الدليل الأول لما قال ما بيني وبينها شئ الدليل الثاني ان

صارحج بشئ كبير ويا بختج أن صارحج لأن في منهم وايد ما يصارحون يا حبيبتي , فإنتي

اهني ابحثي عن النواقص , ليش حس بنقص هذي نقطه , النقطه الثانية , أنا لاحظت نسبه

كبيره من المتزوجات في هذا القسم مشاكلهم العاطفية تكون في فترة الحمل , الله يحفظ البيبي

الجاي ويكون نور لكم في البيت , لكن حطي في بالج زين , تعطين لزوجك الحق الكامل في الرعاية

العاطفية والحميمية وتعطين ابنج الحق الكامل في رعايته وذلك بالتنسيق بين الوقتين , الشئ

الأخير بالنسبه للحمل يا عزيزتي ارجوكم يا نساء العرب الحمل المتكرر يضر العلاقة العاطفية

الرياييل صايره عيونهم مفتوحه على الأجسام الحلوه المفتونه , فاحرصي على رشاقتج بعد

الولاده , الرضاعه الطبيعية كفيل للجسم الرشيق , في وحده قالت سدي الثغرات يعني سدي

النواقص , بعدين عزيزتي اسلوبج وياه بيبعده عنج مره ثانية لاحظي أن الرجل يعبر عن اسلوبه

بطريقة مختلفه , حتى بنفسج لاحظتي يوم جاب العشا , ايضا نوع من انواع الاعتذار ويحاول أن

يتقرب منج , وكم مره فهمج أن هذا حجي فاضي يضيع وقته وبس , صدقيني ترى هو صادق في

كل كلمه يقولها لا تخربين على نفسج عيشي حياتج ومثل ما قالت وحده لا تنبشين لأنج

ما بتستفيدين بالعكس يتخسرين , اهتمي في عيالج وفي زوجج , سبحان الله زين الي جات

على كذا ماصار شئ اكبر صح ولا لا , شنو لو صاير شئ اكبر , قولي الحمدلله الله قدر ولطف

هذي صدقيني عبره عشان نهتم في ازواجنا اكثر ونجرب نفسنا اكثر ونجوف شنهي النواقص

شنو الشئ الي يتمناه , جوفي العلاقة الحميمية شكلها هل هي على ما يرام , لأن الزوج

عنده العلاقة يا عزيزتي نمبر ون .

حبيبتي اشواك ورد

اشكرج على ردج اللي يريح النفس ويبعث بالطمانينه

والحمدلله انه ما صار شيء اكبر من جدي والله كان اموووووووت


مشتاقة له ودي يضمني ويرجع كل شيء مثل ما كان

منظره منه هالخطوووووووة بس شكله متندم او حاس بغلطه


لكن في خاطري اقول انه استعجلت ووااجهته بالمسجاااااااات المفروض دايركت اخذ الرقم واتصل من تلفونه واعرف شنو اللي بينهم واخليه هنا دايركت ينهي العلاقة

بس اللي صار اني انصدمت من البدايه وماعرفت افكر ولا شنو اسوي


بس اتمنى ترجع علاقتي بزوجي طبيعيه لاني محتاجته هالفتره تعبت والله تعبت

الله يفرج همك

حسببي الله عليها الله يسخره الك يارب

بنات حصلت رقم جوال البنت لكن ما ترد علي

اتصلت من تلفون زوووووووجي ومن تلفون ثاني وهم ما ترد بس رقمها في البدايه كان مشغول

ومن بعدها مااااااااترد


شو السواة ؟؟

فكرت اطرش لها مسج اشرشحها فيه بس ما ابي استعجل لان ابي اشوف هالبنت اللي اخذت زوجي مني كيف هي

الله ياخذ حقي منها ويراويني فيها يووم

ياختي الحمدلله انه زوجك اعترف وحاس بالندم
وانتي خلاص لا تخربي الي بينكم وانسي سالفة البنت ولا تتصلي فيها وامسحي رقمها
لانك بتجيبي لنفسك عوار راس
شو بتستفيدي لو شفتيها او عرفي الي كان بينهم والله انه بيجيب لك الهم والمشاكل
اهم شي الان تهتمي بنفسك وبزوجك ودام انه قال لك انه كلمها لانه مايقدر يكلمك بهذة الامور
اذا ياقلبي انتي اكسري الحاجز هذا وابدائي بمثل هذة الرسايل والكلام
ربنا يالف بينكم ويسخر قلبه لك

الله يفرج همك يا عمري
حاولي تتفاهمي معاه و تسأليه فعلا ليش سوا مذا
مو يمكن علاقة قبل الزواج و هي متمسكة فيه

موقف صععععععععب الله يكون بعووونك

والله انتي غشيمه

وبقولج ترا فكرة انج تكلمين البنت غلط

بتحطج فراسها عبالج بتقدرين عليها؟ دام عادي عندها تكلم متزوج توقعي اي شي منها

والله انها بتقهرج وبتناخسج لاتنزلين عمرج لها ولاتحطين مقارنات بينكم

اكبر غلط سؤالج له هل هي اصغر او احلى

حتى لو صج اصغر واحلى مب قايل لج يعني هالسؤال مامنه فايده

وبعدين انتي صار لج كم يوم تحنين عليه تبين رقمها

تحسبين ماعلمها انج دريتي وعطاها خبر ماترد عالاتصالات حتى لو من رقمه

بدل لا تركضين ورا علوم البنات وتبين تشوفينها وتحرين روحج حاولي تصلحين الي بينكم

والنقص الي قالج حاس فيه امليه

ولاتقعدين كل شوي تفتحين الموضوع ترا بيطفش وبيرد لها

واعتبريها مثل ماقال نزوه وعدت ولاتكبرينها في راس البنت وراسه

مثل ماقالو البنات اتصالك بالبنت غلط كبير واحمدي ربك ان زوجك اعترف واعتذر

وحاولي تجلسي معه بهدوء وتتفاهمون

وربي يقومك بالسلامة ويرزقك الذرية الصالحة وييهدي لك زوجك ويسعدكم ياارب

انا انصحك بنصيحه واحده تشكي همك لربك مالك سواه
الله يفرج كربتك

شوفي خذيها مني حل جذري لهلبنت وغيرها ولزوجك



سلمك الله الساعه 3 ليلاا
تقومين تتؤضين وتفرشين السجاده وتصلين الوتر ركعتين وتتدعين فيهاا وتقولين كللللللللللللللللللل الي في خاطرك عن مشكلتك عن زززوجك وبلهجتك بعد قولي قولي ياربي وياربي كذا وصار لي كذا وزوجي كذا ياربي زوجتني هالرجال وتكفلت في رزقي وسعادتي وشقائي ياااااااارب اطلبك وقولي كلللللللل حاجه تتمنيها وقولي ياربي تبعد هالبنت وصرفها وتحرمها هي وغيرها عن زوجي وجسد زوجي وقلب زوجي واني اللهم استودعك نفسي وزوجي وبيتي واولادي وذريتي التي لا تضيع ودعائك واطلبي اللهم اكشفها لي وفرجها لي وهون عليا واستغفري الله وابكي وابكي بين يديه والله والله لينصرنك لو بعد حين ان دعوه المظلوم ليس بينها وبين الله حجاب والله انك تشوفين زوجك وتشوفين البنت غير ربي ياخذ حقك منهم بنفس اليوم .......

من وجد رب العالمين ماذا يريد غيره ؟

والله انك غير تتدعين لي ..........
واذكرك ..

ودائما استودعيه الله حين يخرج من بيته

وبكل ساعه وبكل وقت والله غير يرجع لك مثل الطفل مشتاق ..
قولي اللهم اني استودعك قلب زوجي وجوارحه التي لا تضيع ودعائك ..........

كل ووووووقت واستغفري فاليوم 100 مره وشوفي كيف رآآآآآآح تنقلب حياتك بأأأذن الله

الله يجعله قرررررره عين لك .

حسبي الله على هالبنات الي مايخافون الله

تسلمون لي كلكم ع الردود الطيبه


بس ابشركم انه البنت ماردت علي

بس قعدت مع زوجي وتفاهمت معاااااااه وقال خلاص مارااح يعيديها مره ثانيه وانها نزوة لان ما كان بيعرف شو بيسوي والحمدلله انها عدت على خير والحمدلله رجعت المياه لمجاريها


دعواتكم الله يخليه لي ولاولادي ويبعد عنه كل سوء

الله يوفقج .. و لاتعورين راسج فيها اهم شي زوجج علاقتج فيه ممتازه خليها و لا تحسسينه بنقص و بالتوفيق ان شا الله

حبيبتي ....خليه يغير رقمه ...ويغير جواله يعني ما يكون في شي يربطو بها ...مثل رسايل ...لانها ممكن تحنن قلبه ويلعب الشيطان براسه...خليه يغير رقمه ...روحي انتي اشتري له شريحة..واشتري له جوال واعطي ايه هدية ....وارمي كل جوالته القديمة ...وشريحته القديمة....و ارجعي اعطي الثقة ...و دائما اشغلي صدقيني لو شغلتي ما راح يلقى وقت عشان يلعب بذيله ....والله ينصرك عليها ...ويهدي ويحمي من بنات الحرام

حبيبتي انا اتعطفت معاكي جدا ...
اولا انتبهي تتنزلي عن زوجك او تتركي وحدة زي دي تاخده منك ...زي ماهي باذلة جهد عشان تاخده لها وهو مو حلالها ......اتمسكي فيه ...زيادة ...حبي زيادة ...احتوي زيادة....
1 ) لا تنبشي ورها ما راح تستفيدي غير وجع القلب وتفتحي لي نفسك بس ...واذا وجدتي الرقم خلي عندك احتياط فقط لا تنزلي نفسك وتكلميها .
2) انسي الموضوع ....ولا تكشري في وجه زوجك و تطولي الزعل عشان لا يمل .ويشتقلها
3)خلي لي زوجك الاولوية في حياتك.
4)جددي نفسك ...
5)خلي يغير رقمه وجواله كمان ويحبذا لو تجيبي انت هدية ويتخلص من كل الجولات القديمة.
6)اعطي الثقة تاني عشان يحس بالمسولية .
7)لازم تعرفي فين التقصير الي جا منك .
8)وعليكي بالدعاء والاستغفار
ولا تدققي كثير حطي في بالك في هذا الزمن الا ما يجي رجال ويخون الا من رحم ربي ...واتحكمي بنفسك يعني اتصرفي بعقلك سيبي العاطفة على جنب ...

الله يكون في عونج اختي وايسر امورج وتنحل هل المشاكل ...