أمي بتوقف نصيبي

بسم لله الرحمن الرحيم
و الصلاة و السلام على اشرف الخلق و المرسلين أبا القاسم محمد عليه و على آله و أصحابه أفضل الصلاة و السلام

السلام عليكمم

شخباركم أخوات؟

مثل مو واضح من العنوان أني بنت عمري 18 سنه بدخل 19 بعد 4 اشهر . مشكله أنه كلما تقدم لي أحد تقول امي لا انتظري توها الناس انتظري الى العطله الكبيره أو تقول مو مرتاحه و مو متشجعه و كل مره تطلع ليها حجه و سبب , أنزين ماما ما عليه أني أمبي ادخل مقابله من حقي حتى اقرر مو معقوله ارفض من غير مقابله بعدين بقرر أحب أقرر أني هذي حياتي و بعيشها محد غيري بعيشها ,
تقول انتين مو مصدقه احد متقدم و مزهوقه , حتى آخر واحد تقدم لي بيدرس برا و يبي ياخذني وياه قالت لي و الله الغربه كربه و مالي قلب تروحين بعدين عني برا بس فكري و عقب 3 ايام رديت عليها قالت مزهوقه بسرعه رديتين شنو هذا و سكتي سكتي الحين أني ما برد عليهم و لا شيىء بالمره إلا اذا اتصلو بفكر ويش بقول لهم و أحنه ما اخذنه منهم معلومات كفايه. و في ألف واحد بيتقدم لش لا تستعجلين :hysterical:

يا بنات لا تقولون عممري صغير ماله داعي بالعمر أخاف يوووقف نصيبي بقولون هذي أمها كله ترفض و بعدين محد يجي لي
و الله أني ساعات اقعد اصيح اذا اشوف الا بعمرري انخطبو او تزوجو و أني لحين امي اطلع ليها حجج .

بنات شسويي نفسيتي تعبانه اخاف اروح للمحرمات و يكون كله بسبه أمي و بذمتهااا خبروني شسووووووي :( :'(