جدولي ورأيكم...

السلام عليكم ورحمة الله وبركاته...

هذا جدولي اللي بإذن الله راح أستمر عليه...

وبشتري الأغراض باجر..
بس أول بشوف رايكم...
--------------------------------------------
يوميا..
عند الإستيقاظ.أصلي الفجر
أغسل بغسول جنسون(الله يستر أول مره أجربه)


وارطبه بمرطب(فازلين طبي)


وأشرب ع الريق ماي دافئ مع عسل...


الظهر:أصلي الظهر وأحط مرهم من طبيب الجلدية(لأن فيني إكزيما)



العصر:أصلي العصر وأقرا قرآن وأحط مرطب لابيلو بالرمان بس



المغرب:أصلي المغرب واقرأ أذكار المساء وأحط مرهم من طبيب الجلدية...



العشاء:أصلي العشاء وأخلط فازلين مع زيت جونسون الوردي(لأن اللي بروائح ما أقدر عليها) وأحطه على وجهي ورقبتي ويديني ورجولي أعزكم الله...

وبعد كل وجبه أفرش بمعجون كرست بقوة الملح...



وبعد كل وضوء أبخ وجهي بماي ورد للبشرة الحساسه..


قبل النوم:أصلي وبعدين أحط برجولي كريم جلسوليد بروحه وألبس دلاغات وأحط فازلين على شفايفي...


وأقرا أذكار النوم وأنام...


--------------------------------------------
أسبوعيا...(الأحد والثلاثاء والخميس)

أسوي قبل الحمام (سكر وملح وليمون وزيت زيتون أو زيت جونسون) أحطه على جسمي كله وأخليه خمس دقائق مع الفرك بشكل دائري ومن ثم أغسله بالماي بروحه


وبعدين أغسل بغسول سيتافيل لجسمي كله (لأن الصابون ممنوع علي)


وقبل النوم أخلط جلسوليد وليمون وفازلين(أستخدم الطبي) وأحطه على رجولي وألبس دلاغات...


وأقرأ أذكار النوم وتصبحون على خير...


نصيحة نظموا يومكم على توقيت الصلوات راح يكون يومكم مريح ومنظم...

واللي عندها إضافات على جدولي تفيدني لأني أحسه ناقص...

وآسفه لأني ما حطيت صور بس لأني ما شريت الآغراض...

وبالتوفيق...