كنا ماشين زردة ودرت الأكليـــر مع الشاهي جي حلو
المقــــاديـــر
250 ملي مــاء
100 جرام زبدة
ربع ملعقة صغيرة ملح
140 جرام دقيق
الطريقة :
نحطوا الماء في طنجرة على النار لين يغلي وبعدها نضيفوا باقي المكونات ونحركوا بسرعة لين تتماسك وتصير على شكل كورة
انحوا الطنجرة من ع النار ونضيفوا من 4-5 بيضــات ... لكن بالوحدة ونحركوا كويس
ونستعملوا كيس الحلواني ونشكلو الشو على ورق الزبدة في طاجين الكوشة وندخلوه للكوشة في حرارة 200 درجة
وأهم شي ما تفتحوش عليه اول 10 دقايق بش يجي منفوخ
خلوه لين بتحمر ياخد من 20-25 دقيقة وطلعوه
الحشـــوة والزينـــة :
حسب الرغبة ... أنا درت كاسترد وزينته بالشكلاطه ... وممكن تستعملوا كريم شانتي بدل الكاسترد
وصحتين وعـــآآآآفية