مشكله غريبه

السلام عليكم ورحمة الله وبركاته
بنات عندي مشكله غريبه شويه بس حابه اخد رئيكم علشان اولا واخيرا رضي الله تعالي

القصه على طول من غير مقدمات انا متزوجه من انسان والحمد لله قمه في الاخلاق وطيب وحنون وباختصار كل اشي فيه ممتاز والحمد لله حياتنا بالرغم من المشاكل الي بتواجههنا كاي اتنين متزوجين بس حياتنا عسل وقشطه

واهل زوجي برضه كتير طيبين وما بيتدخلوا بحياتنا نهائي وام زوجي الي هيه محور القصه عندها زوجي وسلفي بيسوا الدنيا وما فيها وهمه اغلى اشي عندها بالدنيا (الله يخليلها اياهم ) وطبعا بتحبني كمان كتير بس من بدايه زواجي كنت استغرب منها من انه تضلها تقلي انتي والله عندي بغلاوة فلان وفلان (زوجي وسلفي )وعمرها وما حكتلي انتي بغلاوة بناتي كنت استغرب هالاشي بس ما كنت اخد فيها هلا ام زوجي كانت متزوجه قبل حماي وعندها بنتنن اول ما اتزوجت كانت دائما تحكي عن وحده فيهم انها كتير طيب وحنونه وانها ما في منها وعن التاني ما كانت تخلي اشي وانها مو منيحه ولئيمه وحكي كتير بعد فتره انقلبت الايه صارت تحكي عن الي كانت تحكي عنها طيبه انها لئيمه ودائما تذم فيها والي كانت تحكي عنها لئيمه صارت منيحه وطيبه عندها وصارت هي الملاك
ههههههههههههههههههههه هلا بعد فتره صارت تحكي عن التنين انهم مو كوسين وما تخلى عليهم وطبعا عبت راس زوجي عليهم بحكيها وكلامها عليهم وزوجي صار يبعد عنها مع اني كتير بحكيله هدولا خواتك ولحمك ودمك لا تبعد عنهم بس صار بالمناسبات يحكي معهم حتى تلفون اما الزيارات معدومه يمكن مره بالعمر ازا انا ضلت احكي يمكن يرد ومرات لا يطنش

هلا خلصنا من خواته من امه
هلا خواته الشقيقات 3 وحده منهم متزوجه وتنتين لا وكبار بالعمر دائما امه بتعامل اخته المتزوج بقساوه ولئامه على قد مهي حنونه مع ولادها الشباب على قد ماهي قاسيه مع بناتها بصراحه بستغرب كتير عالموضوع بس دائما بضل احنن قلب زوجي على خواته ولانها اخته هاي قريبه من اهله فكل ما نروح عنداهله بضل احكيله يلا نروح عليها وبيرد

لهون لسه الموضوع كويس هلا بنت اخته المتزوجه بدها تتزوج كمان شهر وقاعده بتجهز هلا كل يوم حماتي بتحكي معي ومع زوجي وبتقعد تحكي شفتوا هي راحت اشترت الذهب وما اخذت حد معها هي راحت اشترت اثاث وما اخدت حد معها هي راحت جهزت وما اخدت حد معها قصدها من خالاتها بدها اياهم ياخدوا خالاتها معها مع انه العادات عنا انه على كل هاي الاشياء بتروح العروس والعريس وامها وامه او وحده من خوات العريس وبس مش ضروري يلموا كل العيله
انا والله صرت احزن عالبنت العروس قد ما بيسمعهوها كلام وحكي وليش وليش مع انه المفروض يحكوا الله يهنيها ويتمملها على خير ويسعدها بس همه ابدا طول نهارهم برم ونق
حتى اخت زوجي صارت تحاول تختصرهم وما تروح كتير عليها لانهم بيضلوا يرموا حكي وينقوا

اليوم حكت اخت زوجي معه وبتقلي انتي بتلومني علشان ما بروح عند اهلك هي رحت اليوم والجيران سمعوا صوتنا لاني امي وخواتي قعدوا يحكوا علي وعلى بنتي وصاروا يطلعوا مواضيع صرلها سنين ويسبوا ويبهدولوا في وهي اكيد يعني ردت مستحيل ضلت ساكته
المهم زوجي حكي مع اخته الي في البيت وقعد يحكيلها ايش بدكم فيهم وخلي هالبنت تتزوج على خير وبكفي مشاكل وكان كتير معصب وحكي معه فجاه مره وحده قلب وصار الحكي مع امه وخواته الي بالبيت واخته المتزوجه صارت هي الغلطانه بالرغم من انه انا متاكده انه الغلط كان من حماتي وبناتها الي بالبيت لاني اكتر من مره حضرتلهم هاي النقاشات والحكي

هلا زوجي سكر التلفون وبيحكيلي امي مش غلطانه الغلط كله من اختى وبناتها قلتله بدك الصراحه ومن غير زعل كل المشاكل من عنداهلك من البيت قلي ايش قصدك وعصب قلتله لاتضلك تلاحق ورا حكيهم لانك رح تخسر كل خواتك هيك المهم حكي مع بنت اخته العروس وقلها انتي واختك ازا ما بتروحي تعتذرلي لخالاتك وجدتك انسي انه الك خال
ورجعوا صاروا يرنوا عليه بس ما كان يرد

بنات المشكله انه حرام هيك رح يخسر خواته كلهم من ورا امه حرام هدولا رحمه وهو خلص بالنسبه لاله امه ازا حكت اشي يعني اشي مقدس كلامها واناوالله بعرف كل حنانها على ولادها عكسه تمام قساوه على بناتها
يمكن بعضكم يحكي وانتي شو دخلك بما انهم كويسين معك اقعدي واسكتى
بقلكم انا ما بدي انه زوجي يكون ظالم ويقطع رحمه صحيح همه كويسين معي وما بتدخلوا بحياتي بالعكس بس بدهم اكون راضيه بس برضه خواته الهم حق وخاصه انه سلفي من الناس الي بيسمع كلامه مرته ومرته كتير قاسيه معهم ومع خواته فحرام انه اشوفه بيقطع خواته هيك واتفرج بقيس الموضوع على امي وخواتي وحالي وانه ممكن خواني يعملوا برجع بحكي لا لازم احكي وافهمه الوضع وما يقطع خواته
ومشكلته زوجي انه كلام امه عنده مقدس يعني بتقلب عقله بلحظه واي حد امه بتقله عنه انه مش كويس خلص بيحط عليه علامه اكس وبيشطبه من حياته
فياريت الي عنده طريق افهم زوجي انه غلط هالشي ما تبخل علي والله يوفقكم يارب