ولادتي بمستشفى مانع الخبر وتجربتي لابرة الظهر

السلام عليكم ورحمة الله وبركانه

اخباركم ياحوامل ويا امهات ؟؟

انا الحمد لله رب العالمين ولدت وجبت احلى ولد

بس حبيت اقول لكم عن تجربتي في الولاده بمستشفى مانع الخبر وابرة الظهر

لاني شفت الكثير يستفسر عن المستشفى والابره

انا بقول لكم المختصر المفيد ....

يوم حسيت بالطلق على طول رحت المستشفى ووصلت المستشفى على الساعه

12 الظهر ...قالوا لي الرحم مفتوح 4 سم ...قلت لهم انا ابي ابرة الظهر ومتفقه مع دكتورتي

تخيلوا ان ماجات دكتورة التخدير الا الساعه 2 الظهر والرحم فتح عندي 5 ونص

طبعا جات لي واخلاقها بخشمها ....سالتها عن اسمها رفضت تقولي لأنها عارفه نفسها ومو واثقه بحالها

انا سمعت وقريت بالمنتديات اللي ياخذون الابره لازم الدكتور يشرح لهم كل شي ويخلي الام بوضعيه مناسبه ويمسكونها الممرضات عشان ماتصير اي حركه

انا يوم جات لي والله العظيم رمت علي الوساده وقالت لي مسكيها يالله بعطيج الابره..
قلت لها شلووووون انا مااعرف الوضعيه ولاشي ..
والله ياااابنات اني انا اللي مسكت الوساده وانا اللي جلست بروحي واخذت الوضعيه من معلوماتي عنها بالنت ..

قلت لها طيب ابي حد يمسكني..قالت اممممممم طيب ونادت لي ممرضه تمسكني

اول ماعطتني الابره حسيت بشي قص العمود الفقري آآآآه ألمها اعظم من الم الطلق

(( للعلم ان ابرة الظهر ماتعور بس وخزه وهذا الكلام على لسان جميع اللي اخذوها))

وجلست تحوس بظهري والله يمكن عشر دقايق وانا اتلوع من الالم ...سألتها خلصتي يادكتوره ؟؟قالت لي لااااااا اصلا فشلت الابره لأنك تحركتي..
وانا والله ماتحركت ابد كنت مثل الصنم من الخوف..

ودخلتها مره ثانيه بألم اعظظظم ..زين ماشلتني حسبي الله عليها

وحسيت اني خلاص بولد قمت اصارخ من الالم ..الم الطلق والم الظهر..

والنتيجه....ولدت وحسيت بكل شي ماتخدر فيني اي جزء من جسمي..
حسيت بكل طلقه وحسيت بطلعة البيبي وكلللل شي ..كأني مو ماخذه الابره...حتى لما خلصت ولاده ماحسيت
بأي تنميل في رجولي ابببد...وطبعا هذا يدل على انها ماعطتني اياها بالمكان الصحيح

وبعدين قريت اسمها بالبطاقه الدكتوره (سحر )

وللحين اعاني من الم الظهر ...ماقدر انام على ظهري ابد ...ماقدر احمل ولدي ...اشياء كثيره فقدتها..

ولكني حمدت ربي اني ماصار لي شي بسبب عدم كفائتها..

وطبعا الابره بنفسها شي رائع بس للي يعرف يستخدمها ويعطيها..يعني لازم دكتور خبره مو اي احد..


والشي اللي خلاني اكتب هالموضوع وما اتهاون فيه اللي صار لي يوم طلعتي من المستشفى..
انا جلست عندهم 3 ايام واليوم اللي بطلع فيه ..حسيت بشي كبييير جدا راح ينزل مني

حتى شكيت انها جزء من المشيمه او شي ..ولما دخلت دورة المياه الله يكرمهم

تخيلوووووووووووووووووووووووا وش طلع؟؟؟؟

قطعة شاش كبييييره بحجم راس ولدي اقسم بالله وربي يشهد على كل كلمه..

بس سكت وترخصت لاني خفت يسوون لي شي زياده ..
وهذي رحمه من رب العالمين ان هالشاش طلع مني ..لأن لو بقى برحمي كان الله يرحمني ساعتها

وانا ام وتوني والد اخاف من ربي واخاف على اولادي هذا اللي صار لي ماكذبت بشي

حبيت انبهكم فقط لاغير وابري ذمتي ..

وربي يسهل عليكم يارب