الينون (عادة شعبية قديمة)

كنت اتمنى افيدج اختى بس اول مرة اسمع بحفل للاطفال اسمة

:eek2:الينون:eek2:

كنت اتمنى افيدج بشي :confused:


اختج حـــــــــواء:flower:

اختي رانيا

كنت اتمنى اني افيدك بس أول مرة اسمع عن هالعادة القديمة .........

ان شاء الله بنات البحرين او اللي عندهم فكرة ماراح يقصرون معاك

بس قولي لنا عن النتيجة عشان نتعلم ويمكن احنا نصير نسويها بعد

تحياتي لك

الينون أو الننون عادة شعبية قديمة وهي عبارة عن إحتفال يقام للطفل عند ظهور أول سن أو يبدأ خطواته الأولى في المشي ويتم هذا الإحتفال بتجميع أطفال الحي في مكان واسع من البيت ويتم وضع الطفل في الوسط بسلة حصير مثلاً وتقوم الأم برمي المكسرات والحلويات مع العملات النقدية ويقوم الأطفال بتجميع هذه الأشياء وطبعاً يتنافسون فيما بينهم من يجمع أكثر وطبعأ في هذه الأيام يقومون بعمل سلال صغيرة إضافية يأخذها الأطفال معهم، هذا بإختصار معنى الإحتفال يالينون.

شو رايج اختى انج اتسوين مسابقات للاطفال الي بيوون لكم واكيد نص اطفال الحي بيكونون في بيتكم

يعني مثال على لعبة انكم تعلقون حبل وتنزلي منة خيوط صغيرة تعلقين فيها قطع من الكيك بعدد معين اوكي والعبة اتكون كلأتي انج تربطين ايد الي بيلعبون العبة بايدهم وتكون ايدهم لورا وتعدو من واحد لعشرة وكل واحد يحاول ياكل القطعة المعلقة باسنانة بدون ما يحط ايدة عليها


والعبة الثانية ان اتييبي بلونات وكل واحد من الاطفال يعلق بلونة على طرف ايدة وبعدين تعدون من واحد لعشرة وتبدا المسابقة كل ولد يحاول يبط نفاخت الثاني بريلة والشاطر الي تبقى البلونة برجلة

وشو بعد من الألعاب :think:

تقدرين تيبين خيش مال الطحين او العيش ويدخلون فيها اليهال وينطو وطبعا هذي مسابقة جري :smile:


هذا الي عندي وتمنى اكون افدتش اعتقد ان الحفلة راح تكون حلوة وراح يكون فيها مرح ووايد لليهال ....... بس اتمنى ما اكون فهمت الموضوع غلط :o



اختج حـــــــواء :flower:

ما قصرتي ياحواء على الرد، والله أفكار المسابقات حلوة راح آقولها لبيت خالي، بس المتعارف عليه أن حفلة الينون قصيرة وبس يكبون الحلويات والمكسرات من فوق الياهال ولما يخلصون يروحون البيت. بس آنه يابنات بغيت كلام حلو كأن الطفلة تقوله حق اللي حضروا الإحتفال ونوزعه مع هدايا صغيرة، يالله همتكم يابنات وخصوصاً بنات البحرين لأن هالعادة مازالت عندنه....

للرفع للرفع انه بعد ابي افكار

انا خبري المصريين يسوون جذي

اسمه السبوع جنه

بس مادري ان شاء الله البنات يفيدونج