ابا مساعدة لاهنتو ,,,,,, جفاف البشرة

انا مثلكك والله وماني عارفه السبب والمشكله هذي توها باديه معي جفاف في وجهي وبذات خدودي طالع حب صغاااار ومقشر

حالتك صعبة لازم اخصائية لانك حسساسة ..~

انا كونت مثلك بس احوط فازلين وسودو كريم وكريم جنين القمح وزيووت

وأقنعة باردة مثل الزبادي .. ونشا وموية ورد ...والثلج ..

بس انتي تقلي حساسة ربي يعينك ..~

انا بعد بشرتي جافه وحساسه استخدمت مرطب حلو وطبيعي وما يزيت اسمه كيو في وروحي عند دكتورة جلديه لو مرا بشرتك تعبانه
بالتوفيق

أختي لا تستخدمين صابون ... استخدمي غسول ورطبي بشرتج ع طول ...

فعلا لاتستخدمين صابون
واستعملي غسول خاص بالبشرة الجافة
وحطي كريم بيبانثين اللي فيه خط وردي
كثير حلو للبشرة يرطبها ويجدد الجلد يعني القشور ان شاء الله تروح

فعلا اختي شوفي يا اما تشوفي طبيب جلدية او وقفي الصابون و استبدليه بغاسول مرطب للبشرة الجافة او الحساسة و بعده مباشرة حطي مرطب كويس
بس افضل اقتراح الدكتور لانو بيوصف لك كريمات تناسب بشرتك

وأنا متلك والله بضلها مقشرة رغم انها دهنية

:(

اشكركم حبيباتي على المرور والمشورة بشرتي جافه وليست حساسه الحمدلله

خلاص بروح عند دكتور جلديه وربي يكتب الي فيه الخير

انا مثلك بشترتي كلها جافه مهما استخدمت من كريمات مرطبه بس اذ شربت مويه على الاقل 8 كاسات باليوم تتحسن ويروح عنها الجفاف ،بس انا ماحب اشرب مويه كثير ، بالنسبه للوجه اغسليه بالصابون خاص انا استخدم بيزلين ..موفقه

هلا أختي

1- بداية لازم تعرفين إن البشرة الجافة تصير حساسة إذا ماتم علاجها على طول .

والدليل إنك تحسي بحرقان عند استخدام الكريمات أو الفازلين واللي هو على فكرة مايحل المشكلة أبدا.

2- عليك بشرب كميات وفيرة من الماي خصوصا وإن الحين صيف والبشرة تفقد كميات كبيرة من السوائل

3- استخدمي هالكريم الموجود في كل الصيدليات وراح تدعيلين لي



وعلى فكرة أنا كتبته لي طبيبة بشرة مرة من زمان ومن يومها وهو صديقي الصدوق مع كل مشاكل البشرة

حتى بعد التشقير أحط منه على منطقة الحواجب وماشاء الله ولا أروع

حطي منه قبل المكياج وبعد الوضوء وقبل النوم وشوفي كيف تصير بشرتك في غضون يومين بس

4- أخذي لك غسول خاص للبشرة الجافة أو في قطع لتنظيف الوجه خالية من الصابون ومغذية للبشرة

بعد ممتازة ممكن تستعيني بخبرة الصيدلي

وياريت تطمنينا عنك قريبا