شرايكم في سريلاك الأرز لطفل في الشهر الرابع ؟

البيبي صار عمره 4 شهور بالضببببط لان اليوم 3/مايو :D
وهالايام لازم ياخذ التطعيم بو 4 شهور :sick:

ولا تستعيلون على الياهل في الاكل :worn_out:
بس ابتدو معاه بالبسكوت ديتيربا << هالبسكوت يذوب بسسرعه في الحليب وتبتدين معاه اول شي بربع بسكوته في كل رضعه وبعدين النص وليما يتعود على تغيير الطعم تبتدين تعطينه بسكوته كامله :thumbs_up:

وهالشي بيشبعه ^_^
السيريلاك خلوه لي عقب تطعيم بو 6 شهور يعني في شهر 7 :thumbs_up:

تقبلي مروووري
ام خالد:o

أختى الكريمة

ابن أخوكى ربنا يبارك لكم فيه زى ما قالت أختى تم اليوم أربع شهور

بالخير إن شاء الله

هو أصغر من ابنى بتقريبا 8 ايام

ابنى يوم ما أخدته للدكتور علشان تطعيم الأربع شهور الدكتور قالى

أبدأ معاه بسيريلاك الأرز وقالى أى حاجة فيها قمح أخريها لبعد الست

شهور

وقالى تبقى وجبة واحدة فى اليوم ومقدارها حسب تقبله هو يعنى

ممكن يقبل معلقة بس وممكن أكتر وتكملى بقية الوجبة رضاعة

قالى طبعا السيريلاك يبقى أول أسبوع فى الشهر الخامس

بعدين الأسبوع التانى خليط الفواكه المهروسة تفاح أو كمثرى

مبشورين ومسلوقين مهروسين مع موز وبرتقال أنا أكدت عليه برتقال

قالى أيوا مافى مشكلة طبعا فى الأسبوع التانى هيكونوا وجبتين

وجبة السيريلاك ووجبة الفاكهة

فى الأسبوع التالت وجبة الخضار المسلوقة المهروسة مع قطعة لحمة

صغيرة أكدت عليه إن فى دكاترة بيأكدوا على تأخير اللحوم

قالى حليب الأم فقير فى الحديد وعلشان كده لازم ندخل له اللحوم

فسالته عن لحم الفراخ قالى اللحوم الحمراء أفضل فى نسبة الحديد

وسألته عن السمك قالى أخريه للشهر السادس

وكده يبقى الاسبوع التالت فيه 3 وجبات فى اليوم وجبة سيريلاك

ووجبة فواكه ووجبة خضار باللحم

وللعلم موضوع تغذية الأطفال ده هتلاقى فيه إختلاف كبير

لان البشر اصلا مختلفين منهم اللى بيتقبل أى شىء وما يتعب منه من سن صغيرة ومنهم اللى صعب التغذية فالطفل نفسه هو معيار الأم للأكل معاه

يعنى إبدأى معاه باللى قلت لك عليه لو تقبله وما تعب منه ولا جاله إمساك يبقى إن شاء الله مافى مشاكل وإستمرى معاه أما لو تعب يبقى إنتظرى عليه شوية فى الاكل

وحاولى دايما تبدأى بنوع واحد من الاكل علشان تعرفى هل النوع ده كويس معاه ومش بيسبب له أى نوع من الحساسيات

وربنا يبارك لكم فيه

أختك فى الله ام سلمى

نسيت أقولك إمنعى من حولك منعا باتا من إعطاء البيبى اى طعام فيه سكر أو ملح إحنا اللى بنخرب حاسة التذوق عند الاطفال بالملح والسكر من سن مبكر

اصلا لبن الام أو الحليب الصناعى مالهم طعم وباالتالى هو مش هيفرق معاه إذا كان الأكل دلع أو ناقصه ملح

أنا كمان بدأت اعطى ابنى منقوع التمر

بأنقع 3 أو 4 تمرات فى ماء مغلى وبعدين اضربهم فى الخلاط كويس جدا

وبعدين أصفيهم وأعطيهم له

وإن شاء الله يتقبله لانه مفيد جدا وحتى سكره طبيعى وما هيأذيه