(بتجربة.. وخطوات .. وادوات ...لنرسم عيوننا بــ cat eyeliner)

م

مسزز غموضة

عروس ركن المكياج

24-04-2012 | 12:20 PM

صباحوو // مسائووو
بالورد والياسمين

اتمنى موضوعي يعجبكم .. الفكرة مش جديدة بس اشتغلت عليها وان شاء الله
ينال على اعجابكم

اهداء.. F:

{{ طبعا هالموضوع مهدي للجميع بس اخص فيه 6 بنات واعذروني اذا خصيت
لكثرة الاحداث .اختنا المشرفة الامورة وتشجيعها المستمر لي ولخواتي المشرفات متفهمة وداعمه لنا . وطبعا للمشرفتين مسزز ان & مسزز بلنج
هالفترة رغم انهم مروا بظروف صحية وظروف معينة الا ظلن متواجدات بالركن وهالشي لا شي قدام تعبهن
وكمان اهديه لمرجانة البحار وماء الالماس وبنت ابوظبي* .. سعيدة جدا ان كسبت تواصلكن معي بارك الله فيكن }}

{الموضوع جهدي واعدادي وتصويري وكل كلمة اقولها ما نقلت من مكان وجيت لزقتها هنا الا الهدية } << للعلم

نبدا الموضوع بيكون مرتب على النحو التالي :-
{
- ليش احب ال cat eye liner صدقوني ما مطوله ههه
- طريقتي برسمها خطوات بسيطة ممكن افيدكم فيها
- الفراشي & والكحلات
- Tips بسيطة ان شاء الله تفيدكم
- هدية .. مجموعه صور من بحثي لرسمة الاي لاينر .. }}

{ .. هالكحلة كنت احبها في مارلين مونرو وكانت تعطي انوثة حلوة .. وخاصة مع روج احمر طبعا ما كنت اتوقع انها تنتشر واني ممكن في يوم اعتمدها .. اكثر شي جنني في الاسيويات لما سافرنا لتايلند الاغلب وخاصة بمحلات المكياج راسمين هالرسمة ومتفنين فيها وبداتا تدرب عليها وكنت اسويها على خفيف لغاية ما صرت اتقنها .. وكنت انسئل كيف تضبط معاكي!!! }}

المهم نبدا بالخطوات ..

صممت من mac chart شرح مبسط لروتين رسمة اعتمدتها وان يدي تعودت عليها وما اخفى عليكم ترا والله يا بنات ما دايما تعطي مرة الرسم دقيق ومتساو يعني اكثر شي اخذ منه وقت هو رسمتها ..{ رسمة القطة }
بالصورة الاولى ..

1 &2 بالاسهم اذا نتبع البداية الرسمة ومن وين تنتهي هي الافضل لان أي كمية من الكحل خاصة اني انا استعمل الكريمي بيكون سهل نعدله او نمسحه عكس اذا بدات من داخل او بداية فتحة العين بتلعوز على الاخر !! :-o

الصورة الثانية

3 ~ شايفين الملتقى الي اشرت له بالسهم ابدا من تحت لفوق ارسم المدة او المثلث وبعدها بالرقم 4 اسحب من رسمة الجفن العلوي حتى يلتقى بالخط من الاسفل عشان تضبط الرسمة خلينا نسميها بالمد او المثلث !! :rolleyes:

{ ما دايما تضبط احيانا امدها من الاعلى والقيها بعدين من رسمه رقم 3 واعدل فيهم ولازم اسوي بين الشكل لكل عين } :D

اتمنى فهمتوا شرحي ..{{ تنويه بسيط .. أي استفسار عن هالنقطة يكون سهل الاقتباس الجملة او الكلمة او الصورة وبعدها باذن الله برد عليها ..}}:worn_out:

بخبركم أي شكل يضبط معي باخر الموضوع ... باذن الله

الفراشي & الكحلات
طبعا يمكن كلامي مكرر واتكلمت عن الكحل الكريمي والماركات المستخدمة ,,
الماركات الي استخدمتهم { ماك – سيشدو – مابيلين – بوبي بروان }
حلوين كل كحل له عيوبه ومميزاته .. يعني اذا مسه هواء كثير يجف او ممكن يكون كريمي وخفيف وصعوبة رسمه يعني من خفته اقصد الرسمة تحتاج تعيدي عليها ..
خلينا بالصور مع الكحلات ,,, والي عندي حاليا ,,

من اليمين
مابلين { كحلي } .. ماك ( فيروزي ليمتد } .. مابيلن { بني }

من اليمين
بوبي بروان { اسود فاحم} .. بوبي بروان { اخضر} ... مابيلن { اسود } << جف من كثرة تعرضه للهوا

فراشي الاي لاينر الي استخدمهم وكمان الافضل لرسم CAT eye liner ..
المشطوبة ..
عندي ثلاث انواع كل وحده له حدتها للررسم وكل وحده حجمها تختلف عن الثانية
بحط تقيمي عليهم

من اليمين { الصورة 2 }
{ كرولاين رقم 6 .. ماك الرقم ممسوح .. ريد ارث ما اتوقع عندهم غيرها }
نشوف خط كل وحده في الشغل والثلاث نفس الحده بالرسم .. استخدمت مابيلن البني
{ اتمنى الصور واضحة }

الفرشة المطشوبة من كرولاين رقم {6}

حلوة رسمها بس مشكلتها اذا نفشت شوي تلعوزني وترسم بعرض بزيادة
فرشة ريد ارث هذه من اول ما فتح عندنا اذكر بسيتي سنتر المحل وانا مشتريتنها بجد ظلت معي سنين رسمتها احلى من كرولاين واحب استخدمها مع cat eye واكثر دقة ,,

ماك .. الافضل
بجد ماك اعتبرها الافضل لصغر حجمها تحديد الشعيرات او ممكن اقول دقة الصنع تعطي انسايبية
في الرسم وصغر حجمها اتحكم فيها اكثر ..

{ الفراشي كانو مغسولين .. لما صورتهم يعني لو نفس حجم الخط لكل وحده فيهم الا بالعين غير }

تقييمي ..والي تحب تاخذ ماك او ريد ارث اذا موجودة هالفرشة موجودة ..
فراشي المخصصة للاي لاينر ,,
طبعا الكل عارفة ان المشطوبة ممكن نشتغل عليها باكثر من شي للاي لاين راو لرسم بالشدو تحت العين
والاكثر استخدامها هو لرسم الحواجب بالاسا سانا ما استخدمتها الا للاثنين الي ذكرتها رموشي ارتبهم بمشط الرموش ..
وكيف حبيت .. فرش الاي لاينر ؟ عندي فرشة من مكياجي بالصدفة شفتها واستعملتها وانا العب مرة وشفت ان تمكنت اني ارسم الاي لاينر بسهولة من قبل .. على طول اشتريت فرشة ماك وبعد فترة حبيت استخدم فورايفر الاثنتين احجام الشعر مختلف ..
بشرح بالصور .. افضل

ماركاتهم واذا ظهر الرقم لكم حلوو ,,

وللتوضيح اكثر من اليمين { انجلوت المائلة او المنحنية .. مكياجي .. فورايفر N1 ... ماك 209}
{ شغلهم نفس الشي اكثر دقة واكثر تحديد اذا تمكنت اليد على قبضتهم .. اكيد شغلي ما يخلى من الاخطاء والاعادة وهالشي طبيعي يعتمد على نفسيتي ههه وسرعتي بعد }

النوع الثالث .. حلوين للرسم .. بس؟
بس بامانة انا اشوفهم افضل من الفرش المشطوبة ,,
باليمين { ماك .. بوبي بروان ... فرشة مابيلن الي نحصلها في علبه الكحل }

{ ماك للاسف ما متذكرة اسمها والرقم رايح هذه مسزز بلنج :adore:لها الفضل انها عرفتني عليها اشكرها بجد
بوبي بروان من زمان عندي وهي مخصصة للاي لاينر هل الوحيدة المخصصة ما عندهم نوع ثان على فكرة وتشبهها مابيلن }

نشرح بالصور
ماك .. شغلها مو بس للاي لاينر ممكن نستخدمها للمناطق الصغيرة لكذا شغله
انا استخدمها لرسم الاي لاينر ...

تعرفوا ليش حلوة بالرسم دقيقة حوافها سهله انا انصح فيها المبتدئين .. بجد بتريحكم !!
مقارنة ..

فرقتوا بينهم ... ولا انا ؟؟؟!!! تلخبطت
من اليسار بوبي & مابيلن .. نفس حجم الفرشة يمكن بوبي اكثف وحلوين للرسم بس اهم شي تتنظف قبل الاستخدام تكون صعبة اذا جف عليها الكحل ..
مابلين حدتها اكثر بس عيبها بالنسبة لي انها تخترب على طول الفرشة !!
بس شعر الفرشة حلو وناعم وحلو للرسم ..
الرسم ..
بوبي بروان

مابيلن

خلصنا من الفراشي والكحل .. بتقولوا الخلاصة من كلامك ..؟

- نوعيه الكحل لازم تكون من ماركة حلوة يعني الحين بنحصل اغلب الماركات تنتج هالنوع للاقبال عليها .. ايام امهاتنا كانوا على المائية او الفرشة بو ابرا << تسميتي من كثر ما فرشتها رقيقة وتعالو شوفوا ما شاء الله الرسم يضبط هالنوع ما قدرت عليه للاسف ..

{ اهم ش اني اخذ من ماركات خلاص انا جربتها يمكن اغامر ويمكن لا بس عرفت الافضل خاصة اذا حبيت انوع بالالوان الحين }:)

- الاسود ما يكفي احلى اذا ناخذ لون او لونين في الوان تعطي جاذبية في العين احب الاخضر والازرق مهم كانت درجاتهم اهم شي ما تكون فاتحة
- الفراشي احلى لما يكون في كذا نوع تستخدميهم لان بيساعد على تحديد الرسم وعلى نوعها ..

{ اتمنى وفيت وكفيت.. والسموحة اذا قصرت بشي }:o

{Tips}
:hysterical:
Tip 1
عندي كم حركة احب ادرجها اتمنى تفيدكم يا بنات :

· تعرفي جرة الكحل الكريمي ولما نقعد ننظف الفرشة من الزايد ونمسحها على الزجاجة انا هالطريقة ااستخدمها باني انظف العالق من الكحل الي لاصق على الفرشة وقلت بجربها على كحل مابيلن صمدته على جنب عشان هالتجربة عسى تفيدكم ..

الخطوات ..
احتاج مزيل المكياج { استعمل بيودرما } انا عبيته في غرشة بلاستيك فاضية سبراي من دايسو كان عندي شي واضطريت اعبي شي بسيط
اعواد قطن ..
ومحارم { الي نستعملهم في المطابخ }

طبعا الحالة مستعصية وما كان التنظيف مية مية كنت اسوي كل شي على السريع ..

حالته المستعصية ,,,:'(

الأدوات اتمنى تكون واضحة لكم ..

نرش على القطن رش ,,,

ونفرك طبعا حالته حاله بجد واستخدمت المحارم

النتيجة ...

ونتيجة التنظيف المبرح ..:worn_out:

ال tip 2
اممم هالحركة فادتني وبتفيد البعض .. ما هي جديدة وكاني قريتها في مكان وكتبت مرة لبنت تستفسر المهم .. اني طبقتها مرة وضبطت معي وقلت اشارككم فيها
اذكر لما استخدمنا السائل الي من انجلوت الي يحول الشدو البودرة لسائل او نوعا ما كريمي وانه نحط منه قطرة في كحل كريمي جاف يرطبه ويكون استخدامه سهل صح؟
بس ..!! الحالة كانت موقته .. :sick:

هالمرة .. التسخين ,, بالاستشوار جربتها وحبيتها وقلت بكررها لكم ...

الكحل مابيلن بعد نفسه الي فوق { قبل التنظيف } سخنته وانتبهوا ترا الزجاجة تسخن ها ,,
قبل { جاف }

الرسمة واضحة انه مو مثل اول غني ..

بعد { بعد التسخين او تعرضه للحرارة }

والرسمة لاحظوا الفرق

نكمل مع ال Tips
3~ اممم هذه ممكن تقولوا خدعه وحلوة للمبتدئين وبنفس الوقت تعطي تاثير حلو شفتها في برنامج اجنبي وجربتها بس اتوقع الشدو الاحلى في الاستخدام { درجات البني }
شوفوا هالخطوة نموه الشدو على كسرة العين بس ,,
{ ترا ماشطورة بالشرح بالفوتشوب }:-#

وانا استخدم هالفرشة للتمويه .. من ماك رقمها 226 هي ليمتد كانت لما خذيتها ..

4 ~ هالرحكة اسويها لغلطتين .:|. اذا كان الاسود احسه في زايد على رسمة الاي لاينر والثانية لتغطية اغلاط بسيطة خاصة اذا ضبطت الرسمة واخاف اعدل وتخترب كلها
بفرشة التمويه عندي 2 بس صورت لكم وحده من بوبي بروان حلوة بعد
والعمل فيها اذا في نتوء او خط تشيلي شوي من شدو لون بشرتك او اضاءة او كريم اساس او كونسيلر
وتموهين تمويه خفيف عليه بتختفي
اذا في حاجة زايدة من الكحل وتحسي ان اللون قوي مرري بالفرشة عليها تمرير ناعم مرتين او مرة وبيروح ...

اسمها

ان شاء الله ما مليتوو ...<<:confused:
5~ للمبتدئات اذا بتتعلمي الرسمة وخاطرك تنفيذها حطي عندك الاساسيات الي فوق بس كشي اساسي تعلميها بقلم كحل جاف << هالنصيحة دايما انصح فيها موو ؟؟
{ اختاري صورة تشوفيها تناسبك لرسمة القطة وبعدها لزيقها بمرايه التسريحة ونفذي العمل بقلم جاف وبعدها اتبيعه باي لاينر كحل مائي او كريمي براحتكــ }

حطيت كم واحد { ماك رمادي غامق حلو ,, دييغو اسود ... مابيلن اتوقع لونه وردي }

وبالرسم ..

اخر tip :-#
- حطي جنبك اسفنجة كريم الاساس بعد ما تخلصي واذا فاض عندك كريم الاساس لا تمسحيه وزعي كريم الاساس وطبطبي على العين ببودرة عشان تثبتي الكونسيلر اذا غلطتي برسمة الاي لاينر الاسفنجة راح تمسح الزوائد او الاخطاء ..
- عشان تخففي من الزايد من الكحل الكريمي بالذات حطي محرمة مبللة على الخفيف الماي بيشيل الزايد بخفة ,,, يعني لا تمسحي مرريها بس .. واول ما ترسمي بترتاحي ان الكحل الي بالفرشة كافي ...
{{ هالنصايح الاغلب تجربة وبعضها روتين يومي واتمنى انها تنال على الاعجاب }:o

نتبعها باخر بند وهي الهدية

8o|{موضوعي حصري جدا .. فصاحبات النقل والسرقة على الجاهز .. ما ارضي اي وحده تنقل موضوعي وراح اتتبع موضوعي وين نقل...}}

بليزز خواتي .. ورجاء اقروا الموضوع ..:thumbs_up:

{ ماانتظر التقييم بقدر ما انتظر حد يستفيد ويرجع ان شاء الله الف مرة يقول لي جربت وعجبتني الطريقة او ما ضبطت معي .. انتقد بشدة الي ما يقرا الموضوع ويتفرج على الصور كنت كذا وغلطت غلطة الحين اقرا الموضوع واتمعن فيه واعطي رايي }

يتبع ,,,,

م

مسزز غموضة

عروس ركن المكياج

24-04-2012 | 12:21 PM

للناس الي تحب تستفسر ..{ الاقتباس للنقطة او الصورة أي استفسار خارجي بتجاهله }:!!:

الهدية :adore:
{ مجموعه صور نقلتها من جوجل عن طريق بحثي .. الجهد البسيط والي نفذته اني رتبتهم ليتناسبوا مع القوانين والموضوع .. صح كتبت اسمي للتنسيق فقط ..}}

والي يتابع مواضيعي ما اربط اي جهد بنقله للمنتدى لنفسي ...

كيف نبحث ..؟؟:!!:

للمبتدئات او الي يحبوا يشوفوا روابط لصور لرسمة كحل القطة

نروح جوجل > نختار صور < how to apply cat eye liner ونتكتب
او نكتب

cat eye liner

والنتايج بالهبل .. :I:

الصور مو جهد وانما اضافة لكم وللفائدة لكن

نبدا باول صور وكانها دورس { منقولة من عمنا جوجل}:D

هالدروس مفيدة للجميع ممكن نطبعها ونحطها على المراية ونبدا نتعلم !!

مجموعه من رسمات cat eye liner

كذا شكل

خفيفة وحلوة

بدون تخطيط الكحل تحت بتكون احلى

نعومة

لمحبات الالوان .. اللون ممكن تتلاعبي في عرضه اكثر من الاسود !!

بامانة هاللوك لكا شفته قلت لازم احطه لكم.. اللون الاصفر عاجبني ومعطي
للرسمة تاثير جميل للرسمة

هالصورتين ممكن نضبط الكحلة برقة اكثر !!

احلى لوك ينضبط على الكحلة جدا بسيطة وناعمة ,,,

حلووووة الرسمة !!

ناعمة رسمتها

حلوة احس تصلح للاسيويات اكثر

اتوقع للمساحات الصغيرة تكون حلوة

تقريبا اضبطها !!

حبيت الرسمة بس لو ما تكون حادة كذا

وبكذا انتبهيت الحمدلله

دعواتكم لي ان يتححق الي في بالي

ولكم كل التوفيق

ب

بنت بوظبي*

عروس مشرقة

24-04-2012 | 12:56 PM

مجهوووووووووووووووود رائع تشكريييين علييييييه

ومشكووورة فديتج على الهدية والله لا يحرمنا من مشاركاتج

M

MISS-EN

عروس ركن المكياج

24-04-2012 | 12:58 PM

مساء الخيراتتتت ....................^^
مشرفتنا الغاليه مسزز غموضه فديتج والله ... مشكوره على الاهداء وها اقل شي اقدر اسويه في قسمنا لعيونكم الحلوه ...
فديتج الموضوع متعووب عليه وما شاء الله عليج .. عجبتني وايد طريقتج وتشبه طريقتي في الرسم كات اي
تصويرج ابداع ^^
عشان ما يجفف علب الاي لاينر اقلبي كل العلب وشوفي كيف انا عندي اي لاينر من سنه وما شاء الله ما جف مثل ما هو بس البعض جف بجرب طريقتج ..

انا اللي اسوي تقريبا مثل هاي الرسمه

و هذي ولاكن من غير الرسمه اللي على الدمعه ...

والحلو في اي لاينر بوبي بروان انه كريمي وفيه سيليكون يحافظ على الكريم ما يجفف ..
اختيارج للفرش ممتازه انا قبل كنت استخدم فرشاه اللي في محل نزيه بس بعدها استخدم فرش سيقما الاني صدق حبيتهم ( رميت كل الفرش القديمه ) واستبدلت الفرش الجديده لين ما اكدهم كد وقبل بعد كنت اشتري من بنات في منتديات .ابد مما فكرت اشتري من ماك ... بس الحين ما دام عندي سيقما هل تحسينها مثل ماك .. تنصحيني اشتريه الانه قريت وايد مواضيع عن تشابه ماك وسقما ..

وفي فرشاه عجبتني من ميبيلين اللي تيج مع علبه الاي لاينر ترسم حلو ونفس الشي بوبي بروان اذكر شريت العلبه وفيه 2 اي لاينر و فرشاه معاهم من سوق الحره . بس صدق تشبيها وايد مبيلين وبوبي بروان ونفس ال نعومه الفرشاه . بس صدق حلوه احس تضبظ في الرسم الرفيع

مشكوره على الموضوع الصراحه اتفسد من تجاربتج من طريقة تنظيف العلبه والاستشوار .. وغيره بعد &_& ...

تساهلين الصراحه التميز

حاولت اقيمج ولاكن الميزان فشلني .. بحاول ان شاء الله بعد كم ساعه .. ^^

ر

رؤى77

عروس مشاركة

24-04-2012 | 01:17 PM

موضوع متعوب عليه بصراحه

يسلمو ع الطرح والشرح الوافي والكافي

ربي يعطيج العافيه

S

Sweet N Sour

عروس ركن العناية بالبشرة والجسم وركن العطور والعناية بالشعر

24-04-2012 | 01:17 PM

حبييييييييييييييييييت الموضوع من قلب و يوم شفت موضوع منك صرت كذه :adore:

عجبني اول شي الترتيب و التنسيق في الطرح و بعده الشرح الواضح و المفهوم و اكيد ال tips ، عندي كحل كريمي اسود و بني ، هذول اللي دايما استعملهم و ان شاء الله اليوم بجرب طريقتك و اشوف كيف بتطلع.

مشكورة اختي مسز غموضة الجميلة على مواضيعك المميزة دايما و اسلوبك المرتب و المنظم في الطرح

اقل ما تستحقيه هو التقييم

ا

امنيا

عروس فضية

24-04-2012 | 01:43 PM

تسلميييييين حبيبتي على هالموضوع واااااايد استفدت من موضوعج يا الغاليه
يعطيج العااااااافيه

ل

لوليكي

عروس ركن الأزياء

24-04-2012 | 01:44 PM

ماشاء الله بحب مواضيعك كتير
يسلمووو حبيبتي

M

M!$$_BLinG

مشرفة سابقة

24-04-2012 | 05:43 PM

نفس عمسق مع ابتسامه
هذا لي حسيته بعد ما خلصت الموضوع ...
ما شاء الله عليج متميزه بهالشي طريقة مواضيعج مميزه
جهد تشكرين عليه ما شاء الله الموضوع واضح والصور ولا اروع تصويرج ترتيبج شرحج لكل شي
الفرش منوعه ولكل وحده طريقه و الحلو انج منوعه فالماركات وانا عندي من بوبي براون وماك وميبلين وحابه اجرب من ماركات ثانيه تعرفين ما نشبع ههههه

يعطيج العافيه يا قلبي على الموضوع ولا تبطين انا طماعه وودي اشوف مواضيع لج اكثر واكثر

d

dodoxiraqia

عروس ماسية

24-04-2012 | 05:58 PM

نايس تسلمين

ا

الحاضره .. الغائبه

مشرفة سابقة

24-04-2012 | 06:24 PM

غوغو .. ماشاء الله عليج جدااا تعجبني مواضيعك والمعلومات الجديده اللي تكتبيها ..

اما الكات ايز من كثر ماكنت اسمع انها معقده ماكنت اغامر اعملها سبحان الله .. بس مره قلت بغاااامر وحسيت نفسي كاني بروح حرب :struggle: هههههه ..

بس الحمدالله مرتين ثلاث واتقنتها وكنت اعملها نفس طريقتك ابديها من النصف ..

اما الكحل بديت اول مره اكحل بالقلم ومن بعده بالاي لاينر السائل القلم من ماك .. بس لما كحلت بالاي لاينر الكريمي عجبني اكثر .. ومن المعهد تعلمت بعد كيف اكحل بالكيك لاينر اللي هو لو ماعندك اي لاينر تجيبي شدو اسود مات وتغمسي الفرشه بشويه ماي وتحطيها عالشدو وتكحلي ..

وشكرا عالموضوع والمجهود والهديه الحلوة اللي تفتح النفس ..

M

M!S-SHAHD

عروس نشيطة

24-04-2012 | 06:35 PM

[COLOR="Black"]

[COLOR="red"][COLOR="red"]يسعد مسائك غموضه
مجهوووود تشكرين عليه حبيبتي، انا استفدت من رسمات الاينر كتير حلوين لكن معتمده رسمه منهم و بحسها حلووووه و ناعمة و تلبق لي

هي الصورة الي تحتها هالسطر
[COLOR="Red"]احلى لوك ينضبط على الكحلة جدا بسيطة وناعمة ,,,
و كمان في مجموعة من ديور >> (استيكرات رسم اي لاينر في رسمات Sexy كتير و عليها ستراس روووووعه بكل صراحه و سهل جداً و بثواني إلصقي) :o تجربه فنتازيا بنصح الكل يجربها أكيد جربتهم و حبيتهم كتير سووو وااااو

V.I.B first look
بهذا الاسم أطلقت ديور استيكرات جاهزة ومعدة للصق فوق جفن العين بديل عن الآى لاينر السائل والذى غالبا لا يسهل رسمه الا على المحترفين...ويصعب ضبطه مع معظم النساء والفتيات...لذلك لجات ديور لهذه الحيلة بعد أن نجحت منتجاتها من استيكرات رسم الشادو :o

[/COLOR]

[/COLOR][/COLOR][/COLOR]

و

وَدقْ ..~

عروس ماسية

24-04-2012 | 06:47 PM

موضوع وجهد رائع..~

سلمتٍ

ا

اختكم

عروس مبدعة

24-04-2012 | 07:37 PM

ربي يعطيج العافيه

&

ღ άħℓά ησόή∂ ღ

عروس فضية

24-04-2012 | 07:53 PM

موضوع رائع ومميز وذوووووق ومرتب

ماشاء الله عليك كفيتي ووفيتي وعطيتيني خيارات حلوة للفراشي سجلتها وان شاء الله اجربها

احب الايلينر الاسود والكحلي اللي من ميبيلين يعني شكل متميز من جد وجذاااب

تدرين هذا لوكي اللي اكثر الاوقات اسويه ناعم وواضح وخطير من جد انصدمت يوم شفته خخخخخ نفس لون الشدو اللي احطه والرسمه ولون التركواز ونفس حواجبي مسزز غموضه اعترفي وين صورتيني خخخخخخخ
موضوع رائع ويستحق التقييم ... تقبلي مروري

م

ماذا اقول

مراقبة أركان البيت والمطبخ ومشرفة ركن الأزياء ، عضو فريق التطوير بالمنتدى

25-04-2012 | 01:53 AM

ما شاء الله شرح واضح وحلو مشكورة يا قمر
والله يعطيكِ العافية

م

مسزز غموضة

عروس ركن المكياج

25-04-2012 | 07:37 AM

ما شاء الله على الردود الطيبة الي نورت موضوعي .. وكثير اسعدني تواجدكم
خاصة الي شاركوني بالرد على موضوعي :adore:

بنت بوظبي*;16068205:
مجهوووووووووووووووود رائع تشكريييين علييييييه

ومشكووورة فديتج على الهدية والله لا يحرمنا من مشاركاتج

بنوتة
تسلمين حبيبتي والعفو هذا اقل شي والحمدلله انها نالت على اعجابك
نورتي موضوعي F:

MISS-EN;16068208:
مساء الخيراتتتت ....................^^
مشرفتنا الغاليه مسزز غموضه فديتج والله ... مشكوره على الاهداء وها اقل شي اقدر اسويه في قسمنا لعيونكم الحلوه ...
فديتج الموضوع متعووب عليه وما شاء الله عليج .. عجبتني وايد طريقتج وتشبه طريقتي في الرسم كات اي
تصويرج ابداع ^^
عشان ما يجفف علب الاي لاينر اقلبي كل العلب وشوفي كيف انا عندي اي لاينر من سنه وما شاء الله ما جف مثل ما هو بس البعض جف بجرب طريقتج ..

انا اللي اسوي تقريبا مثل هاي الرسمه

و هذي ولاكن من غير الرسمه اللي على الدمعه ...

والحلو في اي لاينر بوبي بروان انه كريمي وفيه سيليكون يحافظ على الكريم ما يجفف ..
اختيارج للفرش ممتازه انا قبل كنت استخدم فرشاه اللي في محل نزيه بس بعدها استخدم فرش سيقما الاني صدق حبيتهم ( رميت كل الفرش القديمه ) واستبدلت الفرش الجديده لين ما اكدهم كد وقبل بعد كنت اشتري من بنات في منتديات .ابد مما فكرت اشتري من ماك ... بس الحين ما دام عندي سيقما هل تحسينها مثل ماك .. تنصحيني اشتريه الانه قريت وايد مواضيع عن تشابه ماك وسقما ..

وفي فرشاه عجبتني من ميبيلين اللي تيج مع علبه الاي لاينر ترسم حلو ونفس الشي بوبي بروان اذكر شريت العلبه وفيه 2 اي لاينر و فرشاه معاهم من سوق الحره . بس صدق تشبيها وايد مبيلين وبوبي بروان ونفس ال نعومه الفرشاه . بس صدق حلوه احس تضبظ في الرسم الرفيع

مشكوره على الموضوع الصراحه اتفسد من تجاربتج من طريقة تنظيف العلبه والاستشوار .. وغيره بعد &_& ...

تساهلين الصراحه التميز

حاولت اقيمج ولاكن الميزان فشلني .. بحاول ان شاء الله بعد كم ساعه .. ^^

تسلمين يا مشرفتنا نورتي ... وما قصرتي بعرض تجربتك
والحمدلله انك حبيتي الي طرحته بموضوعي .. كثير اسعدني شاركتيني برايك عن الصور والرسمة الي حبيتها وتنفيذها

عن الاي لاينر ..:o حبيبتي انا قصدت اذا جف وقلب الكحل الكريمي هالشي اسويه مع مجموعتي بس لان الاسود اكثر استخداما عندي وخاصة اني تعريضه للهوا اكثر عرضة و بشكل يومي فيجف بسرعه في انواع عندي حتى مع القلب للاسف جفت يعني ممكن انها مشت على ماركات وماركات لا ,,, فقلت لازم نجرب في حالة انها جفت ومشكووووووووورة على الرد والتمييز كثير فرحت
بارك الله فيكي .. F:

رؤى77;16068222:
موضوع متعوب عليه بصراحه

يسلمو ع الطرح والشرح الوافي والكافي

ربي يعطيج العافيه

بارك الله فيكي
تسلميلي ياعسل على الرد الحلوو مثلك
الحمدلله تعبي يروح لما اشوف التفاعل بارك الله فيكي F:

(Sweet & Sour);16068223:
حبييييييييييييييييييت الموضوع من قلب و يوم شفت موضوع منك صرت كذه :adore:

عجبني اول شي الترتيب و التنسيق في الطرح و بعده الشرح الواضح و المفهوم و اكيد ال tips ، عندي كحل كريمي اسود و بني ، هذول اللي دايما استعملهم و ان شاء الله اليوم بجرب طريقتك و اشوف كيف بتطلع.

مشكورة اختي مسز غموضة الجميلة على مواضيعك المميزة دايما و اسلوبك المرتب و المنظم في الطرح

اقل ما تستحقيه هو التقييم

يا مشرفتنا
دايما منورة الركن ومواضعينا
الحمدلله ثم الحمدلله لو تعرفي هالموضوع كثير احترت كيف انسقه وتوكلت على ربي
وقلت تنسيقه يفضل يكون مقسم اسهل لي واسهل للجميع والحمدلله اني توفقت ..

خلاص جربيهم وخبرينا عشان نستفيد ..
كثير مرتاحة لردك وردود البنات بارك الله فيكم F:

امنيا;16068257:
تسلميييييين حبيبتي على هالموضوع واااااايد استفدت من موضوعج يا الغاليه
يعطيج العااااااافيه

ويعطيج الف الف عافيه
تسلميلي امنيا ما قصرتي والحمدلله قدرت بموضوعي افيد
بارك الله فيكي F:

لوليكي;16068259:
ماشاء الله بحب مواضيعك كتير
يسلمووو حبيبتي

لوليكي منورتني
تسلمين ياعسل العفو والحمدلله ان موضوعي حبيتيه

M!$$_BLinG;16068542:
نفس عمسق مع ابتسامه
هذا لي حسيته بعد ما خلصت الموضوع ...
ما شاء الله عليج متميزه بهالشي طريقة مواضيعج مميزه
جهد تشكرين عليه ما شاء الله الموضوع واضح والصور ولا اروع تصويرج ترتيبج شرحج لكل شي
الفرش منوعه ولكل وحده طريقه و الحلو انج منوعه فالماركات وانا عندي من بوبي براون وماك وميبلين وحابه اجرب من ماركات ثانيه تعرفين ما نشبع ههههه

يعطيج العافيه يا قلبي على الموضوع ولا تبطين انا طماعه وودي اشوف مواضيع لج اكثر واكثر

:lol: فديت الابتسامة انا !!
حبيبتي والله
بجد بجد كثير يسعدني ردك ورد كل وحده تهتم وتقرا كل كلمة بموضوعي تعقب وتنصح وتعطيني رايها بامانه بدون انتقاد جارح وكلمة شكرا تفرحني ..

حبيبتي والله ما قصرتي بكلامك الحلوو الي يفرح القلب :adore:
ايه والله ما نشبع ههه << ادور على فرش اي لاينر بدرجات ثانية هوس هههههه غير النيل بولش ها ... :lol:
الا اقول ومتى نشوف مواضيعك يلا دوري منا مناك !!
حبيبتي ما بزيد الا الله يخليكي لي انتي وكل بنت حبت موضوعي :o

dodoxiraqia;16068557:
نايس تسلمين

تسلميلي حبيبتي
بارك الله فيكي

نكمل بالردود الثانية

يعطيكم العافيه واشكر من قيمني

م

مسزز غموضة

عروس ركن المكياج

25-04-2012 | 08:04 AM

الحاضره .. الغائبه;16068581:
غوغو .. ماشاء الله عليج جدااا تعجبني مواضيعك والمعلومات الجديده اللي تكتبيها ..

اما الكات ايز من كثر ماكنت اسمع انها معقده ماكنت اغامر اعملها سبحان الله .. بس مره قلت بغاااامر وحسيت نفسي كاني بروح حرب :struggle: هههههه ..

بس الحمدالله مرتين ثلاث واتقنتها وكنت اعملها نفس طريقتك ابديها من النصف ..

اما الكحل بديت اول مره اكحل بالقلم ومن بعده بالاي لاينر السائل القلم من ماك .. بس لما كحلت بالاي لاينر الكريمي عجبني اكثر .. ومن المعهد تعلمت بعد كيف اكحل بالكيك لاينر اللي هو لو ماعندك اي لاينر تجيبي شدو اسود مات وتغمسي الفرشه بشويه ماي وتحطيها عالشدو وتكحلي ..

وشكرا عالموضوع والمجهود والهديه الحلوة اللي تفتح النفس ..

حبيبتي والله العفو
تسلميلي حبيبتي
بجد اسعدني ردك ومشاركتك وعرض تجربتك وحبيت انك مو بس حاربتي تشجعتي اكثر مني في حاجه هي الكحل المائي الي من ماك الي ما يضبط معي !!
بس فعلا الكحل الكريمي غير والشدو المائي او الكيك لاينر ما اشتريته رغم ان كرولاين موجودة وقريبة مني ودايما امر واشوف البنات يتكلموا عنه بس ما اعرف ليش ما رحت يبغالي صح << حركتي في مشاعر الشراء الحين ههههه

الله يعطيكي العافيه ياعسل F:

M!S-SHAHD;16068589:
[COLOR=black]
[COLOR=red][COLOR=red]يسعد مسائك غموضه

مجهوووود تشكرين عليه حبيبتي، انا استفدت من رسمات الاينر كتير حلوين لكن معتمده رسمه منهم و بحسها حلووووه و ناعمة و تلبق لي

هي الصورة الي تحتها هالسطر
[COLOR=red]احلى لوك ينضبط على الكحلة جدا بسيطة وناعمة ,,,
و كمان في مجموعة من ديور >> (استيكرات رسم اي لاينر في رسمات Sexy كتير و عليها ستراس روووووعه بكل صراحه و سهل جداً و بثواني إلصقي) :o تجربه فنتازيا بنصح الكل يجربها أكيد جربتهم و حبيتهم كتير سووو وااااو

V.I.B first look
بهذا الاسم أطلقت ديور استيكرات جاهزة ومعدة للصق فوق جفن العين بديل عن الآى لاينر السائل والذى غالبا لا يسهل رسمه الا على المحترفين...ويصعب ضبطه مع معظم النساء والفتيات...لذلك لجات ديور لهذه الحيلة بعد أن نجحت منتجاتها من استيكرات رسم الشادو :o

[/COLOR][/COLOR][/COLOR][/COLOR]

تسلمي يا مسزز شهد بجد بجد حبيت ردك ومشاركتك تسلميلي
وعن ستيكرات ديور ههه شفت الموضوع هنا من مشرفتنا مشكلتي دلوعه طرحت الموضوع وبمنتدى اخر ,,
وبامانة صح حلو للمبتدئين بس احس احلى كل شي نسويه بنفسنا يعني حتى لو بتزبط مع اكثر من عين وهذا انا اشوفه مستحيل وغير انه ديور يعني سعره مب هين اذا اخترب كيف بتصلحي الخطا خخخخ

وانا من النوع << اتكلم عن رايي ..
ما احب التلصيقة بالمعنى ما احب احط لزق وكاني كسلانة ما اقدر اعمله وادلع نفسي بيدي !!
ههه كتبت تقرير والله

مشكورة والله يعطيكي العافيه على تواجدك بموضوعي F:

وَدقْ ..~;16068606:
موضوع وجهد رائع..~

سلمتٍ

تسلمي ياعسل والله يعطيكي العافيه وسلامة صدرك من الوجع .. اكثري استغفار وربك يسهلها
F:

اختكم;16068645:
ربي يعطيج العافيه

تسلمين حبيبتي
ويعطيكي العافيهF:

ღ άħℓά ησόή∂ ღ;16068679:
موضوع رائع ومميز وذوووووق ومرتب

ماشاء الله عليك كفيتي ووفيتي وعطيتيني خيارات حلوة للفراشي سجلتها وان شاء الله اجربها

احب الايلينر الاسود والكحلي اللي من ميبيلين يعني شكل متميز من جد وجذاااب

تدرين هذا لوكي اللي اكثر الاوقات اسويه ناعم وواضح وخطير من جد انصدمت يوم شفته خخخخخ نفس لون الشدو اللي احطه والرسمه ولون التركواز ونفس حواجبي مسزز غموضه اعترفي وين صورتيني خخخخخخخ
موضوع رائع ويستحق التقييم ... تقبلي مروري

هههههههههه والله ضحكتيني تذكرت لما شفتها قلت ليكون صور شخصية وجلست احوس اتوق اني خذتها من من جوجل ومتاكده هههه

الله يعطيكي العافيه وتسلمين على ردك وفرحت ان اعجبتك النصايح واحلى شي لما سجلتي هههه
بارك الله فيكي F:

ماذا اقول;16069022:
ما شاء الله شرح واضح وحلو مشكورة يا قمر

والله يعطيكِ العافية

الله يعطيكي العافيه يا مشرفتنا
نورتي الموضوع
وتسلمين على كلامك الحلوو

بارك الله فيكي F:

v

vanilla cake

عروس ماسية

25-04-2012 | 11:05 PM

ما شاء الله
الموضوع وااايد حلو ومتكامل ومفيد
يعطيج العافيه وعساج على القوه ....~

و

وصال الطائف

مشرفة سابقة

26-04-2012 | 07:57 AM

الله يعطيك العافيه