بسم الله الرحمن الرحيم
السلام عليكم ورحمة الله وبركاته
نزلت من فترة قريبة صيحة جديدة في عالم المناكير وهي مناكير الكافيار. أول من طرح هذه الفكرة هي شركة Ciate ونزلوا بالفعل ألوان جميلة ممكن الواحد يستخدمها
براويكم الحين طريقة إستعمال المناكير لتحقيق نفس النتيجة
(الصور تم نقلها للفائدة والتوضيح)
هذا هو ال Set اللي أنتجتة شركة Ciate
داخل البوكس بتحصلين صبغ للأظافر وهذا بيكون البيس + الحبيبات الصغيرة لعمل مناكير الكافيار
أول شي تصبغين أظافرج بلون البيس (تقدرين تغيرين اللون إذا بغيتي لأنة هذا مجرد بيس وماراح يبين وايد - يعني هو مجرد خلفية للحبيبات)
قبل ما ينشف الصبغ تنثرين الحبوب الصغيرة الملونة على كل ظفر (ويستحسن تحطين أي وعاء تحت عشان يلقط الحبوب اللي بتتناثر) طبعا هاي الحبوب مثل ما سبق وذكرت تكون مع ال Set لكن بما أن هالمنتج ماتوفر عندنا لين الحين ممكن تسيرين أي محل للخياطة أو الأعمال اليدوية وبتلاقين نفس الحبوب
بعدين عالسريع تعديل وضع الحبيبات عشان تكون متساوية من كل الجهات وعلى الأطراف بعد
وهاي بتكون النتيجة، حلو صح
وفي النهاية تحطين طبقة مناكير شفافة عشان تحمي الحبوب من التساقط وتعطيهم لمعة حلوة
أتمنى تكون عجبتكم الطريقة وإذا طبقتوها خبروني كيف بتكون النتيجة F:
ملاحظة هامة: جميع مواضيعي جهد حصري ولا أحلل نقلها لأي مكان آخر!!